بدأنا خلاص التوقيت الشتوي وبدأت أقصر أيام السنة
المغرب بيأذن بدري والجو جميل مافيش عطش
فرصتك تصومي الأياااام اللي عليكي من رمضان
فاكرة الأيام اللي فطرتيها ؟!!
سواء أيام الحيض(البريود) ، أيام فطرتيها بسبب تعب أو حمل أو رضاعة
كل الأيام دي في ذمتك لازم تصوميها والإطعام بس مش كفاية
يلا بقى فرصتك تقضي الأيام دي دلوقتي
في اليوم القصير والجو الجميل
وتاخدي أجوووور كتيييير منها مثلا:
- افضل عمل ربنا يحبه "وما تَقَرَّبَ إلَيَّ عَبْدِي بشَيءٍ أحَبَّ إلَيَّ ممَّا افْتَرَضْتُ عليه"
- تبعدي عن النار ٧٠ سنة "من صامَ يَوْمًا في سَبيلِ اللَّهِ، بَعَّدَ اللَّهُ وجْهَهُ عَنِ النَّارِ سَبْعِينَ خَرِيفًا."
وغيرهم أجوووور كتير ...يلا ماتضيعوش الفرصة

#رسايل

تعبت ويأست من كتر ماتتوب من الذنب وترجع تعمله تاني ..؟!
أنا عارف إن الأمر صعب وشاق ..
وإنك كل مرة تتوب بيبقي نفسك ماترجعش تاني ..
وأول مارجلك بتقع تاني الدنيا بتضلم في وشك وبتحس إن مفيش فيك أمل 😔

بس أنا جاي أبشرك 💜
قال [ عمر بن عبد العزيز ] :
" أيها الناس مَن ألمَّ بذنبٍ فليستغفر الله وليتب ، فإن عاد فليستغفر الله وليتب ، فإن عاد فليستغفر وليتب ، فإنما هي خطايا مطوَّقة في أعناق الرجال ، وإن الهلاك في الإصرار عليها " .

وقيل للحسن :
"ألا يستحي أحدنا من ربّه يستغفر من ذنوبه ثمّ يعود ثمّ يستغفر ثمّ يعود، فقال: ودّ الشّيطان لو ظفر منكم بهذه، فلا تملّوا من الاستغفار "

اوعى تيأس من نفسك ..
عافر وجاهد ..
صدقني هتوصل
قال تعالي : ( وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ )

#رسايل

قال تعالى: ﴿وَلِلَّهِ غَيبُ السَّماواتِ وَالأَرضِ وَإِلَيهِ يُرجَعُ الأَمرُ كُلُّهُ فَاعبُدهُ وَتَوَكَّل عَلَيهِ وَما رَبُّكَ بِغافِلٍ عَمّا تَعمَلونَ﴾[هود: ١٢٣]

بعض الأقدار توجعنا.. وبعضها من ثقله يفجعنا..
لأننا لم نطّلع على الغيب ولا ندرك الحكمة..
ولكن ما نعلمه يقينا أن الله أرحم بنا منا..!
وأن العبودية التي تجتاز بنا هذه الاختبارات الصعبة:
هي الرضا عن الله..
وحسن الظن بالله..
والتوكل على الله..
ورجاء ما عند الله..
فمهما اشتدت البلايا وطالت، ستنسى كل ما مر بك عند أول غمسة في الجنة!

-منقول

#رسايل

دخلت في علم الطاقة على أساس أتعلم وأزود وعي فلقيت حاجة اسمها تؤام الشعلة والعين التالته وشاكرات وهالات وحاجات كتير مش منطقية.. هي العلوم دي حرام وخرافات ولا عادي؟
***

ج/ علوم الطاقة بكل اللي بيتعلق بيها سواء اللي قولتيه أو حتى اللي ماقولتيهوش زي اليوجا والتخاطر والسبليمينال والتأمل أو المديتيشن..
كل الحاجات دي حرام و كمان ده مش علم ولا هيزود وعي ده خرافات من العقائد الهندوسية على البوذية شوية خليط كده من عقائد جنوب آسيا..جابوه عندنا ولبسوه صبغة إسلامية بآية ولا اتنين يقولوهم في الاول يضحكوا بيها ع العميل وأول مارجله تغرز خلاص هتلاقيهم بيقولولك ماتصليش وماتصوميش وحاجات كتير توصل إن الواحد يخرج من الدين خالص
فاوعي تكملي فيها وسيبيها فورا

#الطاقة #دجل
#رسايل_وعي

[قصة لوط عليه السلام 2]

بدأ لوط عليه السلام يدعو قومه إلى عبادة الله وحده لا شريك له ، ونهاهم عن أنواع المعاصي والمنكرات خاصة تلك الفاحشة التي لم يسبقهم إليها أحد من العالمين (الشذو-z )
ولكن قومه لم يؤمنوا به ولا رجل واحد منهم واستمروا على نفس الحال
بل ...توعدوا نبي الله وهددوه بإخراجه من بلدتهم والسبب : أنهم أناس يتطهرون🙃
فصار المدح عندهم ذما يتطلب إخراج نبي الله وأهله من بينهم
ولك أن تتخيل ...
أن قرى كاملة أجمع أهلها على فعل تلك الفاحشة المنكرة ووقف لوط عليه السلام وحيدًا في وجه أولئك قائلا :"إِنِّي لِعَمَلِكُمْ مِنَ الْقَالِينَ"
أي من الكارهين المنكرين لتلك الفعلة
لكن وكعادة تلك الأقوام المكذبة ....
لم يكتفوا بالتكذيب بل استخفوا بنبيهم وطلبوا منه أن يعجل لهم ذلك العذاب الذي توعدهم به "قَالُوا ائْتِنَا بِعَذَابِ اللَّهِ إِن كُنتَ مِنَ الصَّادِقِينَ"
فدعا لوط عليه السلام ربه بأن ينصره و ينجيه وأهله من أولئك القوم الظالمين المجرمين
فكيف ستكون نصرته وكيف سيكون عذاب أولئك المجرمين ؟؟؟!!!....

#قصة_لوط_عليه_السلام
#رسايل

[ انظر إلى من هم دونك ]

إن العبد إذا نظر إلى من فُضّل عليه في الدنيا ، قد يستصغر ماعنده من نعم الله، فكان سبباً لمقته ، وإذا نظر للدون شكر النعمة وتواضع وحمد.

فمن طبيعة الإنسان أن يكون طموحا ، فيرى من هم فوقه متمنيا ما عندهم ، ولكن عندما تكون تلك النظرة على أمور الدنيا فإن إنذار الخطر يشتغل معلنا أن الإيمان ينحدر 

فتراه بين هم وحسرة وحسد وجحود، تأكله مشاعر الحرمان والنقص، تحرق قلبه حرقا !
فينسى نعم الله العديدة عليه ..
ويغفل عن شكر هذه النعم ..

#والحل ما تعلمناه من النبي صلى الله عليه وسلم ..
حيث يقول : “انظروا إلى من هو أسفل منكم، ولا تنظروا إلى من هو فوقكم فهو أجدر ألا تزدروا نعمة الله عليكم” [رواه مسلم]

قال عون بن عبد الله: “كنت أجالس الأغنياء فلم أزل مغموماً، كنت أرى ثوباً أحسن من ثوبي، ودابة أفره من دابتي فجالست الفقراء فاسترحت”

#رسايل

الفضيحة هي أول عقاب للخيانة ..
حتى لو مسحتي المحادثة بعد كل مرة عشان زوجك مايعرفش إنك على علاقة برجل غريب ..
وحتى لو قابلتها في مكان محدش هيشوفكم فيه ..

- المرأة اللي بتخون زوجها ، والرجل اللي بيخون زوجته وبيخون رجل تاني بإنه يعمل علاقة مع زوجته ..
أحب اقولكم مهما عملتم عشان تهربوا من الفضيحة في الدنيا ..
ففي فضيحة كبيرة تانية في انتظاركم في الآخرة ..
لو ماقررتوش توبة حالًا ..

- فضيحتكم الحقيقية هتكون يوم القيامة وأمام جميع الخلق بما فيهم الأنبياء والصالحين وأهلكم وجيرانكم وأصحابكم..
قال رسول الله صلى الله عليه وسلم :
"الغادر يرفع له لواء يوم القيامة يقال هذه غدرة فلان بن فلان»
خيانتك هتتكتب بإسمك ((بالبونط العريض)) على بنر أو راية كبيرة ..
واللي ماشفش هيشوف واللي معرفش هيعرف...!!

- مش فاهم ازاي خايفة من الفضيحة قدام زوجك اللي عايشة في بيته ..
ومش خايفة من الفضيحة أمام ربنا اللي نعمه مغرقاكي ..
وانت ازاي خايف من العقوبة وانتقام زوجها ..
ومش خايف من عقاب ربنا ونار جهنم ..
أيًا كانت المبررات والظروف ..
وأيًا كانت طبيعة العلاقة .. شات .. فون .. مقابلات
حتى لو مجرد صحوبيه زي ما بيقولوا ... فهي حرام وخيانة
وأول عقابها هو الفضيحة لو في الآخرة ..
ده لو ماكنش في الدنيا قبل الآخرة كمان..
خلص الكلام !

#رسايل

( لو دامت لغيرك ما وصلت إليك )
حكمة بليغة جدا والله بتغيب عن كتير مننا
منصبك اللي أنت فيه كان فيه حد قبلك و سابه

مش قصة مناصب بس
شهرتك في مجالك الوقتي .. كان فيه قبلك الأشهر منك بس إما مات و ساب الدنيا أو إن الزمن دار دورته و نجمه خفت
حتى فلوسك اللي فرحان بيها .. كانت في جيب غيرك و جات لك و هتسيبك و تروح لغيرك

اللي يعرف الحقايق دي عمره ما يتكبر بالنعمة اللي معاه و لا يطغى بيها و يظلم غيره
هتسيب كل حاجة و تموت لوحدك و تتحشر لوحدك و تتحاسب لوحدك و لو اتعذبت هتتعذب لوحدك
لا هيشفع لك يومها كثرة أتباع و لا مناعة منصب و لا ارتفاع جاه و لا عز سلطان و لا مال

" و كلهم آتيه يوم القيامة فردا "

- منقول

#رسايل

شغل ومشاكل ومشاغل وديون
كان الله في العون ..

بس في زحمة ماانت بتجري وبتشقي وتتعب ..
حاجة مهمة أوي وقعت منك 😮
احتياج كبير ومهم عند شريكة حياتك ⁦❤️⁩

• ممكن انت لأنك راجل
بتشوفه شيء ثانوي ومش مهم ..

بس صدقني هو عند ستات كتير ممكن يوصل إنه أهم من حاجات كتير - جزاك الله خيرا - انت بتجتهد وبتوفرها ..

محتاجة تحس إنها ست في نظرك 😍
محتاجة تشوف نظرة حب ..
تسمع كلمة حب ..
تحس بلمسة حب ..

حاجات مش هتاخد منك وقتك
ولا هتبذل فيها جهد كبير ..

بس أثرها عليها وعلى بيتك وعلى ولادك عظيم جدا ..

الحاجات البسيطة دي هتخليها مرتاحة ومشبعة عاطفيا ❤️
وهتملالكم البيت بهجه وحب 🤍

• ماينفعش أشوف مراتي في احتياج عاطفي وأقولها بطلي تفاهة اعقلي بقه !

دا احتياجها ومن حقها زي احتياجك انت بالظبط لعلاقتكم ..

النبي ﷺ قال: استوصوا بالنساء خيراً، فإن المرأة خلقت من ضِلَع، وإن أعوج شيء في الضِّلَع أعلاه، فإن ذهبتَ تقيمه كسرته، وإن تركته لم يزل أعوج، فاستوصوا بالنساء خيرا)

فااستوصي بزوجتك خيرا ❤️
وافتكر إن النساء مصابيح البيوت ⭐
اوعي تطفي مصباحك بإيدك 👌🏻

#رسايل

‏﴿ وتلكَ الأيامُ نداولها بينَ الناس ﴾

قال ابن الجوزي رحمه الله :

"اعلم أن الزمان لا يثبت على حال ..
فتارة فقر، وتارة غنى ..
وتارة عز، وتارة ذل ..
وتارة يفرح الموالي ..
وتارة يشمت الأعادي ..

فالسعيد من لازم أصلاً واحداً على كل حال ..
وهو تقوى الله عز وجل 💙
فإنه إن استغنى .. زانته
وإن افتقر .. فتحت له أبواب الصبر
وإن عوفي .. تمت النعمة عليه
وإن ابتلى .. حملته
ولا يضره إن نزل به الزمان أو صعد ..
أو أعراه أو أشبعه أو أجاعه ؛
لأن جميع تلك الأشياء تزول وتتغير ..
والتقوى أصل السلامة حارس لا ينام".

#رسايل_قرآنية