س/هل محتوى التأمل والمديتيشن حرام ؟ وهل هو نفسه عبادة التفكر اللي ربنا أمرنا بيها؟
**
ج/ لا التفكر والتأمل مش نفس الحاجة ومحتوى جلسات التأمل ده ضد الشرع أصلا
لإن التأمل والمديتيشن تطبيق من تطبيقات علوم الطاقة اللي هي كلها متاخدة من عقائد غير المسلمين واللي عندهم جلسة التأمل دي عبادة بيتحد فيها روحهم مع الطبيعة فيحل فيهم الطاقة الإلهية ويحصل بقى الاستشفاء والاسترخاء والذي منه
متخيل الموضوع واصل فين ؟؟!!

التفكر بقى العكس تماما ..التفكر إنك ماشي في الشارع بصيت في السماء وفكرت في عظمة خلقها وفي الأرض واتساعها وفي المخلوقات
التفكر حاحة بتقربك من ربنا لانك لما تشوف العظمة دي هتقول "سبحانك ماخلقت هذا باطلا" وهتعرف إن ورا الكون العظيم ده رب عظيم قادر فهتقرب له أكتر بالطاعات والعبادات والصلاة والصوم

أما التأمل فأصحابه بعد شوية هيقولولك انت في مرحلة مش محتاج تصلي وتصوم أصلاً أصلك في حتة فوق أوي😅

الخلاصة:
ماتسمعش جلسات التأمل دي مهما حاولوا يسوقوا ليها بإنك هتكرر اسم الله أو آية كذا ....اوعى تنخدع فيهم

#الطاقة #دجل
#رسايل_وعي

[قصة لوط عليه السلام 3]

وصدر الأمر بالعذاب....
أجاب الله دعاء نبيه لوط عليه السلام وأرسل الملائكة الكرام لإيقاع العذاب بتلك القرى الظالم أهلها
لكن تلك الملائكة كانت لها مهمة خاصة قبل وصولها تلك القرية
وكانت تلك المهمة هي بشارة خليل الله إبراهيم عليه السلام بالولد من زوجته ساره التي عاشت طيلة عمرها عقيم ثم هي الآن عجوز ...لكنها إرادة من إذا إراد شيئا قال له كن فيكون
وصلت الملائكة في هيئة رجال إلى بيت إبراهيم عليه السلام حاملة معها تلك البشرى
وكذلك حاملة معها ذلك الخبر المحزن بنزول العذاب على قرى قوم لوط عليه السلام
هنا انتفض الخليل إبراهيم عليه السلام بمشاعر اخوة الإيمان الصادقة قائلاً للملائكة :"قَالَ إِنَّ فِيهَا لُوطًا"
فردت الملائكة : "قَالُوا نَحْنُ أَعْلَمُ بِمَن فِيهَا ۖ لَنُنَجِّيَنَّهُ وَأَهْلَهُ إِلَّا امْرَأَتَهُ كَانَتْ مِنَ الْغَابِرِينَ"
حاول الخليل أن يجادل الملائكة الكرام في أمر هلاك قرى قوم لوط طمعًا في إيمانهم ...لكنهم أخبروه أن الأمر الإلهي قد صدر ولا بديل لنزول العذاب على القوم الظالمين فإنه أمر من لايُرد أمره وإنهم آتيهم عذاب غير مردود .....
لكن ..كيف ستكون طبيعة ذلك العذاب ؟؟!!..

#قصة_لوط_عليه_السلام
#رسايل

"سِر إلى اللهِ مع السّائرين، فإذا تكاسلت فنَم على قارعةِ الطَّريق، لا تُغادِره".

قال ابن القيم - رحمه الله - :

" مَن شاء أن يسكن رياض الجنة
في الدنيا فَلْيَسْتَوْطِن مجالس الذكر؛
فإنها رياضُ الجنة ".

• الوابل الصيب (١٧٤/١)

أتَبكِي عَلى فقدَان شَيء، وَأنت الََّذِي قُلت:

"وَاصرِف عَنِّي بِرَحمَتِكَ شَرَّ مَا قَضَيت"

#ورد_القرآن
#أذكار_الصباح
لاتنسوا الدعاء لـ إخواننا المسلمين

📣لكل أم وأب ...
"يُوصِيكُمُ اللَّهُ فِي أَوْلَادِكُمْ"
- عندك ابن أو بنت أول ما يتم 7 سنين ابدأ علمه الصلاة وحببه فيها
واصبر عليه خاااالص لحد مايداوم عليها وتبقى عادة عنده
- علموهم إن مافيش صحوبية بين بنات ولا ولاد
- دربوا بناتكم على الحجاب من قبل البلوغ وعرفوهم إن مع البلوغ لازم الحجاب يكون صح.. مافيش ميك اب ولا شعر طالع
- عرفوا بناتكم إن مافيش رقص في أفراح قدام الشباب ولا في حفلات تخرج
- عرفوهم مين محارمهم وإن مافيش حاجة اسمها ابن خالي وخالتي زي إخواتي أهزر معاهم أو أسلم بالإيد أو تقعد بلبس لا يليق
- حفظوهم قرآن من صغرهم واربطوهم بالمسجد حتى أيام الدراسة
- علموهم دينهم كويس وبلاش نسيبهم للمسلسلات والأغاني والسوشيال ميديا تزرع أفكارهم
ولادك دول الصدقة الجارية اللي هتبقى لك في حياتك وبعد ماتموت فاستثمر عمرهم صح👌

#يوصيكم
#رسايل_الأسرة

#ورد_القرآن
#أذكار_الصباح
لاتنسوا الدعاء لـ إخواننا المسلمين

اي رأيك لو قولتلك ع فكرة تخلي اكلك بدل ماهو حاجة عادية بتعملها يكون هو وقت الحسنات وربنا يغفر لك ذنوبك🥰؟؟!
....
كل اللي تعمله إنك تقول بسم الله أول الأكل وتاكل من قدامك وبايدك اليمين
وسيبكم بقى من كلام الاتيكيت اللي بتقولك الشوكة في الشمال والسكينة في اليمين
احنا الاتيكيت بتاعنا النبيﷺ علمهولنا في حديث:
"يا غُلَامُ، سَمِّ اللَّهَ، وكُلْ بيَمِينِكَ، وكُلْ ممَّا يَلِيكَ"
والكلام ده كان لطفل صغير ..عشان كده عاوزين نعلم الكلام ده لولادنا
ومانقولش دول صغيرين وبكرة يكبروا ويعرفوا لوحدهم

👈 طيب خلصت أكل بألف هنا ماتنساش تحمد ربنا بس وبكدة =مبروووك مغفرة ذنوبك
لحديث:" من أكل طعامًا ثم قال : الحمدُ للهِ الذي أطعمَني هذا الطعامَ ورزقنِيهِ من غيرِ حولٍ مني ولا قوةٍ غُفِرَ له ما تقدَّمَ من ذنبِه"

وتبقى أكلت وشبعت وفي نفس الوقت اخدت حسنات كتيييير😍

#كاريكاتير_رسايل

ليس أشقى للعبد من أن يكله الله تعالى لنفسه ، فإنه إن وكل لنفسه وُكل إلى ضيعة وهوان وخذلان وضعف، ولو أوتي من الذكاء والحكمة والفهم ما أوتي جميع الأولين والآخرين ، ولذا كان كل من استطال بمعرفته وفهمه أو ماله وجاهه أو حسبه ونسبه أو عبادته وطاعته تابعًا لقارون في بغيه حينما قال «إنما أوتيته على علم عندي» ، فإن لم يخسف به الأرض كقارون ، فإن قلبه قد خسف به في أوحال المعاصي الباطنة من الكبر والغرور والعجب .. وقد قال سيد البشر : «لا يدخل الجنة من كان في قلبه مثقال ذرة من كبر »، فما بالك بمن قد غُمس قلبه فيه ؟!
لأجل ذلك كان دعاء سيد البشر ﷺ: «اللهم لا تكلني إلى نفسي طرفة عين »
وقال ﷺ دعوات المكروب: «اللهم رحمتك أرجو، فلا تكلني إلى نفسي طرفة عين، وأصلح لي شأني كله، لا إله إلا أنت»
وقال النبي - ﷺ - لفاطمة - رضي الله عنها -: ما يمنعك أن تسمعي ما أوصيك به؟ أن تقولي إذا أصبحت وإذا أمسيت: «يا حي يا قيوم برحمتك أستغيث، أصلح لي شأني كله، ولا تكلني إلى نفسي طرفة عين»
اللهم لا تكلنا إلى أنفسنا طرفة عين ..

- محمد صلاح الإتربي

#رسايل

‏قال زيد بن حارثة حين نزل به الهم:
"...فبينما أنا أسير مع رسول الله ﷺ في سفر قد خفقت برأسي من الهم، إذ أتاني رسول الله ﷺ، فعرك أذني وضحك في وجهي، فما كان يسرني أن لي بها الخلد في الدنيا".
صلى الله عليه وسلم

البوت الرسمي لقناة رسايل على تليجرام
لو عندك سؤال او استفسار ابعتلنا على البوت وهنجاوبك ونحاول نساعدك

https://t.me/Rsaa2lBot

رسايل "قصيرة" لتغيير "كبير"

"‏لا تُرهق قلبك بالحزن؛ فإنَّه لا يردُّ مفقودًا، ولا يحفظ موجودًا، واملأ قلبك بما يُقوِّيه من الثِّقة بالله، وتفويض الأمر إليه، والاعراض عن الالتفات لغيره، وحسن الظَّنِّ به، واليقين أنَّ الخِيرة فيما اختاره، فتلك سلوة الحزين، وسكينة قلوب المؤمنين".

#ورد_القرآن
#أذكار_الصباح
لاتنسوا الدعاء لـ إخواننا المسلمين

وأنت قاعد بتتصفح على الفيس ...
طلعلك بوست عن مشهد +18🔞
أو ..فاعل خير بعتلك المشهد ده😏
بتعمل ايه..؟؟!!
بتفتح تشوفه من باب الفضول بس وتمسحه على طول؟؟!
ولا مش بتفتحه بس بتسببه على جهازك؟؟
....ولا عندك حل تالت؟؟!
أنا بقى جاي أقولك...
إنك لو عملت الحل الاول إنت كده بالظبط زي واحد راح يرمي نفسه في النار🔥 ويقول أنا هطلع منها عادي
ولو عملت الحل التاني تبقى زي اللي ساب النار مولعه في بيته وعايش حياته فاكر إنها مش هتوصله في مكانه حتى لو اتأخرت شوية
طيب الحل ايه؟؟!
الحل إنك تقفل الباب من أوله ..مجرد ما تشوف كلمة مقطع ساخن....بلوووك ع طول
إنت لسه هتفكر؟؟!
الطريق ده أوله في إيدك وإنت اللي تقدر تتحكم تبدأ ولا لا ..بس نهايته مش في إيدك
لو دخلته ..هيبقى الطلوع منه صعب أوي..لكن قبل ماتدخله الريموت في إيدك
الريموت ده هو الواعظ اللي في قلبك اللي النبيﷺقالنا عنه إنك كل ماتفتح باب للحرام الواعظ ده بيقولك: (وَيْحَكَ لا تَفْتَحْه فإِنَّكَ إِنْ تَفْتَحْهُ تَلِجْهُ )
✋بينك وبين الحرام باب لو فتحته أو واربته بس....تبقي دخلت خلاص وياعالم هتطلع إمتى😥

#عاوزين_نبطل_الغلط
#كفاية_إباحية
#رسايل_ضد_الإباحية

الخروج الآمن من "الحب" !
حلقة رائعة جدًأ ❤️
مع
د.أبوبكر الشباسي
#الحب_وسنينه

عارف انك مضغوط وتايه وحاسس إنك خلاص مش عارف تتعامل من كتر الضغوط والمسؤوليات ..
بص يا صاحبي انا هقولك كلمتين - وأنا يمكن بوجه الكلام ليا قبليك -
عاوزك تعرف إن الدنيا دي بطبيعتها دار ابتلاء، ربنا قال: "لقد خلقنا الإنسان في كبد". يعني التعب جزء من الرحلة، مش استثناء. اللي بيحصل معاك ده طبيعي، ومحدش فينا مش بيحس بالتوهان والضغوط ..

تاني حاجة، افتكر دايمًا إن الأرزاق بيد الله. ممكن تبذل كل طاقتك في الشغل والمسؤوليات، لكن الفرج من عنده هو. خليك عارف إنك لما تسعى، ربنا يراك، وكل تعبك ده مش بيضيع عنده. دايمًا خلي في قلبك يقين إن "ومن يتق الله يجعل له مخرجًا ويرزقه من حيث لا يحتسب".

تالت حاجة، خد وقت تهدى شوية، وصلي ركعتين. بس ركعتين كده بإخلاص، قول لربنا فيهم كل اللي جوه قلبك. وعاوزك تداوم على الأذكار والاستغفار والدعاء ، أصل كل حاجة بإيد ربنا وهو بس اللي بإيده صلاح حالك ..

وأخيرًا، خليك عارف إن الضغوط اللي بتعدي بيها دلوقتي ممكن تكون سبب رفع درجاتك عند ربنا. ولعل الفرج قريب ، ربنا بيقول: "فإن مع العسر يسرًا، إن مع العسر يسرًا". دايمًا فيه فرج جاي، بس أهم حاجة ما تيأسش، وخليك قريب من ربنا، وربك مش هيضيعك
#رسايل

س/ هو السبليمنال حرام ولا حلال ؟؟
**
ج/ السبليمنال ده هو التأثير اللاواعي زي مابيوصفه أصحابه
واللي بيقولوا إنه عبارة عن صور وكلمات بتتكتب أو تتقال بطريقة معينة فبتأثر على العقل الباطن ويقوم بقى العقل يغير أفكاره ويعمل حاجات كتير🙂
وطبعا مجرد وصفه كافي في الحكم عليه إنه مش حاجة علمية مثبتة وكمان شغلته ع حاجات خفية زي العقل الباطن فهو حكمه زي كل علوم الطاقة ...إنها خرافات
مش من ديننا❌
وماينفعش ولا نعملها ولا نعتقد إن ليها أثر لأن حاجات العقل الباطن اللي مش بتدرك بالتجارب لازم يكون فيها دليل من القرآن أو الأحاديث
أما لو من غير دليل فهينطبق عليها نفس الحكم اللي النبيَّ ﷺ قاله لما رأى رجلًا في يدِه حلقةٌ من صُفْرٍ فقال: ما هذا؟ فقال: مِن الواهنةِ ( يعني: معلق الحلقة في ايده عشان تبعد عنه مرض بيجي في الدراع)
فالنبيﷺ قاله: انزعها فإنها لا تزيدُكَ إلا وهنًا فإنك لو متَّ وهي عليك ما أفلحتَ أبدًا.

#الطاقة #دجل
#رسايل_وعي

#ورد_القرآن
#أذكار_الصباح
لاتنسوا الدعاء لـ إخواننا المسلمين