❓Тест имтиҳони ўтказиладиган жойга қанча вақт олдин бориш керак?

❗️Абитуриентлар тест синовлари ўтказиладиган секторларга камида ярим соат олдин келиб ўз ўрнини эгаллаши керак. Эрталабки сменада 6:30дан бошлаб абитуриентларни бинога киритиш бошланади, Иккинчи сменада 16:30дан бошлаб секторларга киритиш ишлари бошланади.

Диёрбек Қўчқоров, ДТМ бошқарма бошлиғи

@aoka_uz
#abituriyent2020

❗️Aбитуриентларга рухсатномаларни бериш бошланди

🔖 Aбитуриентлар тест синовларида иштирок этиш учун «Aбитуриент рухсатномаси»ни шахсий кабинет (abitur.dtm.uz)ларидан олишлари мумкин.

⏳ Aбитуриентлардан рухсатномаларни август ойи якунига қадар юклаб олиб, чоп этиб олишларини сўраймиз.

👨🏻‍💻 Мазкур рухсатнома тест синовларида иштирок этадиган абитуриентларга берилади.

⚠️ «Aбитуриент рухсатномаси» тест синовларисиз тўлиқ касбий (ижодий) имтиҳон бўладиган таълим йўналишларига рўйхатдан ўтган абитуриентларга берилмайди.

Эслатиб ўтамиз, абитуриентлар тест синовларига фуқаролик паспорти ва абитуриент рухсатномаси билан келишлари лозим.

📗 Фуқаролик паспорти бўлмаган тақдирда абитуриент рухсатномаси ҳақиқий деб ҳисобланмайди.

@aoka_uz
#abituriyent2020

​​📣 ЭЪЛОН!

⚡️АОКА тизимидаги Ноширлик-матбаа фаолияти соҳасида мутахассисларни тайёрлаш коллежи 2020/2021 ўқув йили учун қуйидаги мутахассисликлар бўйича умумтаълим мактабларнинг 11-синф ва ўрта махсус касб-ҳунар коллежлари битирувчиларини ўқишга қабул қилади:

🔘 Матбаа ишлаб чиқариши
🔘 Компьютер тизимлари ва мажмуалари
🔘 Бухгалтерия
🔘 Тикувчилик (модельер-конструктор)
🔘 Кутубхонашунослик
🔘 Ташишни ташкил этиш ва транспортни бошқариш

Қабул 25 августдан 25 сентябрга қадар давом этади.

〰️〰️〰️〰️
📲 Коллежга ўқишга кириш учун kollej.edu.uz электрон платформаси орқали қуйидаги ҳужжатлар тақдим этилади:

📎 Электрон ариза;

📎 Мактабнинг 11-синфни тугатганини тасдиқловчи аттестат (электрон) нусхаси ёки ўрта махсус касб-ҳунар таълим муассасасини тамомлагани тўғрисидаги диплом (электрон) нусхаси;

📎 3х4 фотосурат.

〰️〰️〰️〰️
🔰 Таълим бериш 2 йил муддатда кундузги, кечки ва сиртқи таълим шаклларида давлат буюртмаси ҳамда тўлов контракт асосида амалга оширилади.

📋 Ҳужжатлар республиканинг барча ҳудудларидан ва чет эл фуқароларидан ҳам қабул қилинади.

☎️ Телефон: 974304703 | 977418277 | +712446454

🌐 Telegram: https://t.me/MatbaaQabul

📍Манзил: 100011, Тошкент шаҳри, Шайхонтоҳур тумани, Ҳамид Раҳматуллаев кўчаси, 3-уй.

@aoka_uz
#abituriyent2020

Бугун АОКА ҳузуридаги штабда Олий ва ўрта махсус таълим таълими вазирлиги матбуот котиби Фарҳод Бабашев иштирокида брифинг ўтказилди.

Брифингда янги ўқув йилига тайёргарлик ва соҳага оид саволларга жавоб қайтарилди.
〰️〰️〰️〰️〰️

❓Янги ўқув йили одатдагидек анъанавий тарзда бошланадими? Aкадемик лицейлар сентябрь ойида очиладими?

⚡️Республика махсус комиссияси қарорига кўра янги ўқув йилини таълим муассасаларида масофавий тарзда бошлаш белгиланган.

Академик лицейларда таълим жараёнлари 2 курс ўқувчилари учун янги ўқув йилидан масовафий тарзда бошланади.

❗️Шунингдек, 2020/2021 ўқув йили учун саралаш имтиҳонларини жорий йилнинг 7 сентябридан 15 сентябрига қадар бўлган муддатларда ўтказиш юзасидан Ўзбекистон Республикаси таълим муассасаларига ўқишга қабул қилиш бўйича давлат комиссиясига таклиф киритилган.
〰️〰️〰️〰️〰️

❓Мен Қозоғистон Республикасида ўқийман. Ўқишимни Ўзбекистонга кўчиряпман. Ариза топширганман, ўқишни кўчиришда имтиҳонлар бўладими?

🔰Олий таълим муассасалари талабалари ўқишини кўчириш, қайта тиклаш ва ўқишдан четлаштириш тартиби тўғрисидаги Низомга мувофиқ хорижий давлатлардан талабалар ўқишини кўчиришда ўқиши кўчирилаётган таълим йўналишига кириш фанларидан махсус синов топширишлари белгиланган.

🔹Шунга кўра, 2020/2021 ўқув йили учун хорижий давлатлардаги олий таълим муассасаларидан талабалар ўқишини кўчириш махсус синов натижаларига кўра амалга оширилади.
〰️〰️〰️〰️〰️

❓Мен Тошкент давлат педагогика университетининг "Мусиқа таълими" йўналишига ҳужжат топширганман. Имтиҳон топширадиган жойга Қарши шаҳрини танлаганман, лекин аввалги брифингларда Тошкент давлат педагогика университетининг ижодий имтиҳонлари Тошкентда бўлади дейилган. Менинг имтиҳонларим қаерда бўлади? Шунга аниқлик киритиб берсангиз.

🔺Амалдаги қонун ҳужжатларига мувофиқ, 2020/2021 ўқув йилида алоҳида иқтидор талаб этиладиган таълим йўналишларига кириш имтиҳонлари абитуриентларнинг доимий яшаш манзилидан қатъий назар муайян олий таълим муассасаларида ўтказилади.

📲Ушбу йўналишларига кириш имтиҳонлари ўтказиладиган жойи ва муддати ҳақидаги маълумотлар олий таълим муассасалари томонидан абитуриентларга етказилади.
〰️〰️〰️〰️〰️

❓Талабалар нечинчи курсдан дарс беришлари ва қанча ставкада ишлашлари мумкин?

❗️Олий таълим тўғрисидаги низомга кўра, кундузги ўқиш шаклида таҳсил олаётган талабаларга ўқишдан бўш вақтларида (куннинг иккинчи ярмида) меҳнат шартномаси бўйича олий таълим муассасасида ёки бошқа ташкилотларда ишлашга РУХСАТ БЕРИЛАДИ.

🤝Меҳнат фаолияти билан боғлиқ қолган масалалар иш берувчи ва фуқаро (талаба) ўртасида тузилган меҳнат шартномасига кўра тартибга солинади.

✅Қолган таълим шакллари бўйича таҳсил олаётган талабалар ҳам дарс машғулотларига таъсир этмаган ҳолда меҳнат фаолияти билан шуғулланишлари мумкин.
〰️〰️〰️〰️〰️

❓Қўшни давлатдан ўқишини кўчиришга ҳужжат топширганларга нега буйруқ чиқмаяпти?

Вазирлик вакиллари паспорт кўрсатишнинг ўзи етарли дейишган эди, лекин ОТМ раҳбарлари, деканлар ўқиётган давлатда ОТМдан ҳужжатларингизни олиб келсангизгина буйруқ чиқади, дейишяпти. Ҳозир пандемия шароитида ҳужжатларни қандай олиб келамиз?

⚡️Қўшни давлатлардаги олий таълим муассасаларидан ўқиши кўчирилишига рухсат этилган фуқароларнинг дарс машғулотларига иштирок этиш тўғрисида фармойишлар расмийлаштирилган.

⛔️Аммо, Олий таълим муассасалари талабалари ўқишини кўчириш, қайта тиклаш ва ўқишдан четлаштириш тартиби тўғрисидаги Низомга мувофиқ ўқиши кўчирилишга рухсат этилган фуқароларнинг тегишли ҳужжатлари олий таълим муассасасига тақдим этилмагунча талабаликка қабул қилиш бўйича буйруқ расмийлаштирилишига рухсат этилмайди.

@aoka_uz
#abituriyent2020

Аввал маълум қилинганидек, бугун АОКА ҳузуридаги штабда бўлиб ўтган брифингда Олий ва ўрта махсус таълим таълими вазирлиги ахборот хизмати раҳбари Фарҳод Бабашев янги ўқув йилига тайёргарлик ва соҳага оид саволларга жавоб қайтарди:

〰️〰️〰️〰️〰️
❓Магистратурага киришда мутахассислик фани билан хорижий тилдан имтиҳонлар бир кунда бўладими ёки алоҳида ўтказиладими?

❗️Ҳозирги кундаги пандемия ҳолатлари, коронавирус инфекцияси кенг тарқалишининг олдини олиш, аҳолининг санитария-эпидемиологик осойишталигини таъминлаш ҳамда абитуриентларга қулайликлар яратиш мақсадида 2020/2021 ўқув йили учун магистратурага кириш имтиҳонлари бир кунда топширилади.

〰️〰️〰️〰️〰️
❓Магистратурага кириш имтиҳонини топшириш учун рухсатномани қайси сайтдан юклаб олиш мумкин?

⛔️ 2020/2021 ўқув йили учун республика олий таълим муассасаларининг магистратурасига кириш имтиҳонларида иштирок этиш учун РУХСАТНОМА ЖОРИЙ ЭТИЛМАЙДИ.

📲 Талабалар ўзларининг шахсий кабинетларига электрон тизим орқали кириб, кириш имтиҳонлари ўтказиладиган жой ва муддат тўғрисида ахборот олишлари мумкин бўлади.

📗 Талабалардан кириш имтиҳонларига паспорти билан келишлари талаб этилади.

〰️〰️〰️〰️〰️
❓«Темир дафтар»га киритилган оилаларда яшовчи талабаларга 4 млн. сўмгача белгиланган чегирмани олиш учун қандай маълумот керак ва қайси ташкилот томонидан берилади?

🧾 Талаба “темир дафтар” рўйхатига киритилган оила аъзоси эканлигини тасдиқловчи маълумотни ўзи таҳсил оладиган ОТМ раҳбариятига тақдим этиши зарур.

📢 “Темир дафтар” рўйхатида эканлигини тасдиқловчи маълумотни олиш учун Маҳалла ва оилани қўллаб-қувватлаш вазирлигининг ҳудудий бўлинмалари (яъни ўзи яшаб турган ҳудудий бўлинмаси)га мурожаат қилишлари мақсадга мувофиқ.

〰️〰️〰️〰️〰️
❓Нега фақат кундузги талим шаклида ўқиётган талабаларга 10% контракт пулига чегирма берилди? Сиртқи таълимга бу йил ўтган йилга нисбатан кўпроқ ҳужжат топширилганку?

🚫 ОТМларда сиртқи ва кечки таълим шаклида таҳсил олувчи талабалар асосий иш ўрни ва ўзларини моддий таъминлаш имкониятига эга бўлганлиги сабабли ушбу чегирмадан фойдалана олмайди.

〰️〰️〰️〰️〰️
❓Олдинги ўқув йилларида кўзи ожиз абитуриентлар учун имтиҳонлар умумий имтиҳонлардан 10 кун олдин суҳбат асосида алоҳида вақтда олинарди. Бу йил имтиҳонлар қандай тартибда бўлади?

🗣 2020/2021 ўқув йили учун республика олий таълим муассасаларига кўзи ожиз абитуриентларни қабул қилиш муайян таълим йўналиши тест блокидаги фанлардан оғзаки савол-жавоб орқали амалга оширилади.

📣 Бунда олий таълим муассасалари томонидан кўзи ожиз абитуриентлар учун кириш имтиҳонларининг ўтказиш муддати ва жойи тўғрисида ахборот берилади.

〰️〰️〰️〰️〰️
❓Ўқишга кириш учун балл етмай қолган тақдирда суперконтракт табақалаштирилган тизими мавжуд, лекин жуда қиммат. Суперконтракт тўловини камайтириш ва суперконтракт тўловини 4 ёки 6 йил мобайнида бўлиб тўлаш тартибини жорий этсангиз.

🔎 Аввало билдирилган таклиф учун миннатдорчилигимизни билдирамиз ҳамда амалдаги оширилган тўлов-шартнома (суперконтракт) тўловини тўлашга доир ҳужжатлар заруратга кўра ўзгартирилганда мазкур таклифингиз ваколат доирасида кўриб чиқилади.

⚡️Маълумот ўрнида, оширилган тўлов-шартнома (суперконтракт) асосида ўқиш ихтиёрий бўлиб, ундан тушган маблағлар ОТМнинг моддий-техник базасини мустаҳкамлаш, ижтимоий ҳимояга муҳтож талабаларги моддий ёрдам кўрсатиш каби бир қатор харажатларга йўналтирилган.

@aoka_uz
#abituriyent2020

⚡️Абитуриентларга тест синовларига бош кийим (кепка) билан келишга рухсат берилди

«2020-2021-ўқув йили учун олий таълим муассасаларининг бакалавриат таълим йўналишларига кириш тест синовлари очиқ майдонларда ташкил этилаётганлиги сабабли, абитуриентлар хоҳишига кўра, тест синовларига бош кийим (кепка) билан келишлари мумкин», — дейилади ДТМ ахборотида.

@aoka_uz
#abituriyent2020

⚡️⚡️Давлат тест маркази тест синови пайтида телефондан фойдаланган абитуриент бўйича изоҳ берди

Бугун ижтимоий тармоқларда абитуриентнинг тест синовида телефондан фойдаланаётгани акс этган видео тарқалди ва ижтимоий тармоқ фойдаланувчилари томонидан жараён назорат қилинмаяпти деган мазмунда эътирозлар билдирилди.

Мазкур ҳолат тезкорлик билан Давлат тест маркази томонидан Aхборот технологиялари ва коммуникацияларини ривожлантириш вазирлиги билан ҳамкорликда аниқланди. Ҳозирда ҳолат бўйича Давлат тест марказида барча маълумотлар мавжуд.

Бу ҳолат Сирдарё вилоятидаги 4-камерадан, яъни Гулистон шаҳри марказий стадионида бўлиб ўтаётган тест синовларидан олинган бўлиб, мазкур абитуриентга тегишли тарзда чора кўрилади.

❗️Вазирлар Маҳкамасининг 2018-йил 3-апрелдаги 261-сон қарори билан тасдиқланган “Ўзбекистон Республикаси олий таълим муассасаларининг бакалавриатига ўқишга қабул қилиш учун кириш тест синовларини ўтказиш тартиби тўғрисидаги Низом”га мувофиқ тест синовлари жараёнида видеокузатувлар орқали абитуриентнинг тартиб ва қоидаларга амал қилмаганлиги аниқланса, абитуриент тест синовлари жараёнидан четлаштирилади ва натижалари чиқарилмаслигига асос бўлади.

@aoka_uz
#abituriyent2020

📢ЭЪЛОН!

Бугун, 6 сентябрь соат 16:00да АОКА анжуманлари залида Давлат тест маркази мутасаддилари иштирокида матбуот анжумани бўлиб ўтади.

🔘Анжуманга барча ОАВ вакиллари, блогер ва журналистлар таклиф этилади.

❓Тест синовлари борасидаги саволарингизни, шунингдек, @aokapressa га юборишингиз мумкин.

🔹Анжуман @aoka_uz, @Rasmiy_xabarlar_Official, @hudud_inform телеграм каналлари, UzReport TV ва O‘zbekiston 24 телеканаллари ҳамда Youtube тармоғи орқали онлайн ёритилади.

@aoka_uz
#abituriyent2020

Айни дақиқаларда АОКАда ДТМ мутасаддилари иштирокида матбуот анжумани ўтказилмоқда.

«Коронавирус инфекцияси билан касалланиб имтиҳонга қатнашолмаган абитуриентлар ДТМга ариза билан мурожаат қилишлари керак бўлади.

ДТМ маркази Давлат комиссиясига таклифлар киритади. Ва улар ҳам тест имтиҳонларига қатнашишлари масалалари кўриб чиқилади», — Барно Ражабов, ДТМ бош бошқарма бошлиғи.

@aoka_uz
#abituriyent2020

⚡️Тест синовлари 7-куни биринчи сменасида рўйхатга олинган абитуриентларнинг 94,6 фоизи қатнашди.

Бугун 3119 нафар абитуриент тест синовларига келмади. Икки нафар абитуриент тана ҳарорати 37 даражадан баланд бўлгани учун тестга қўйилмади.

37 нафар абитуриент тест синовларига кириш жойида, 51 нафари эса тест жараёнларида турли қоидабузарликлар учун четлаштирилди.

Бу ҳақда АОКАда ўтказилаётган матбуот анжуманида ДТМ директори ўринбосари Сардор Ражабов маълум қилди.

@aoka_uz
#abituriyent2020

❗️Тест синовларига 90 нафар абитуриент тана ҳарорати 37⁰ C дан юқори бўлганлиги сабабли далолатнома тузилиб, киритилмади.

Давлат комиссиясининг 2020 йил 19 июндаги 1-сон баёнига мувофиқ, 17 сентябр куни тана ҳарорати 37⁰C дан юқори бўлган, тест синовларига киритилмаган абитуриентлар учун Қорақалпоғистон Республикаси, вилоятлар ва Тошкент шаҳрида тайёрланган стадион ва хиёбонларда қўшимча тест синовлари ўтказилиши режалаштирилмоқда.

Бу ҳақда ДТМ мутасаддилари иштирокида АОКАда ўтказилаётган брифингда маълум қилинди.

@aoka_uz
#abituriyent2020

Вазирлар Маҳкамасининг 2018 йил 2 июлдаги ногиронлиги бўлган шахсларни ижтимоий қўллаб қувватлаш бўйича 417 сонли қарорига кўра ОТМ га ногирон шахслар учун қўшимча 2 % қабул квотаси белгиланган. Ногиронлиги мавжуд абитуриентлар мана шу 2 фоизли грант учун танловда иштирок этишади.

Агар танловда иштирок этиш учун тавсия этилмаган бўлса, одатий абитуриентлар қатори танлаган 5 та йўналишлари бўйича тест синовларида қатнашишади.

Бу ҳақда ДТМ Бош бошқарма бошлиғи Барно Ражабов жавоб берди.

@aoka_uz
#abituriyent2020

«Ҳозирча бунга тайёр эмасмиз» — ДТМ бош бошқарма бошлиғи Барно Ражабов mandat.uz сайти нега ҳамон ишламаётгани изоҳ берди

@aoka_uz
#abituriyent2020

Тест синовларида иштирок этиши белгиланган 1 млн 304 минг 194 нафар абитуриентдан 1 млн 240 минг 614 нафари (95,1 %) иштирок этди.

63 минг 580 нафари эса (4,9 %) турли сабабларга кўра тест синовларида иштирок этмади.

❗️Жами 1 187 нафар абитуриент турли сабабларга кўра тест синовларидан четлатилди. Шундан 548 нафари ҳудудга киришда, 639 нафари эса тест синови жараёнида аниқланган.

Жумладан, ҳудудга киришда (энг кўп кузатилган):

✔️ 367 нафар абитуриент телефон олиб киришга урингани;
✔️ 48 нафари шпаргалка олиб киришга урингани;
✔️ 118 нафари ўринга ўрин киришга ҳаракат қилгани;
✔️ 10 нафари ҳужжат сохталаштиргани учун.

Тест синови жараёнида (энг кўп кузатилган):

✔️ 491 нафар абитуриент телефондан фойдалангани;
✔️ 68 нафари шпаргалкадан фойдалангани;
✔️ 27 нафари ўринга ўрин киргани учун тест синовларидан четлатилди.

Қолган абитуриентлар калкулятор олиб киришга уринганлиги, шахси тасдиқланмаганлиги, ўзаро гаплашганлиги, тест материалларини алмаштиргани, тест материалларини олиб чиқишга уринганлиги каби турли сабаблар билан тест синовларидан четлатилган.

@aoka_uz
#abituriyent2020

📣ЭЪЛОН!

Бугун, 21 сентябрь куни соат 16:00да Ўзбекистон Миллий матбуот марказида Олий ва ўрта махсус таълим вазирлиги раҳбар-ходимлари ҳамда ОТМ ректорлари иштирокида матбуот анжумани бўлиб ўтади.

Матбуот анжуманида ёшларни олий таълим билан қамраб олиш даражасини оширишга қаратилган чора-тадбирлар ҳақида батафсил маълумот берилади.

Тадбирга мавзу юзасидан қизиқиш билдирган барча оммавий ахборот воситалари вакиллари таклиф этилади.

Манзил: Тошкент шаҳри Навоий кўчаси 16-уй

@aoka_uz
#abituriyent2020

Бугун Таълим сифатини назорат қилиш давлат инспекцияси ахборот хизмати раҳбари Шавкат Хўжақулов иштирокида брифинг ўтказилди.
〰️〰️〰️〰️〰️
❓Менга қўшни давлатдаги олий таълим муассасасида ўқишни таклиф этишмоқда. Ўқиш масофавий тарзда олиб борилар экан. Лекин дипломга ситрқи деб ёзилади, Ўзбекистонда тан олинади дейишмоқда. Уларга ишонсам бўладими?

🔰Амалдаги қонунчиликка мувофиқ хорижий давлатларнинг олий таълим муассасаларда масофавий тарзда таълим олган талабгорларнинг ҳужжатлари Ўзбекистон Республикасида тан олинмаслиги белгилаб қўйилган.

⛔️Шу сабабли масофавий таълим шаклида ўқишни тавсия қилмаган бўлардик. Чунки, хорижий олий таълим муассасасини тамомлаб, диплом олганингиздан сўнг уни Ўзбекистон Республикасида юридик кучга эга бўлиши учун тан олиш жараёнидан ўтказиш лозим бўлади.

🔎Хорижий давлатда таълим олганлик тўғрисидаги ҳужжатларни тан олиш жараёнида ҳужжат ҳақиқийлиги ҳамда таълим шаклини аниқлаштириш бўйича расмий сўров амалга оширилади ва ўрганилади.

⚡️Янги таҳрирдаги «Таълим тўғрисида»ги қонуннинг лойиҳасига масофавий таълим шакли ҳам Ўзбекистондаги таълим турлари рўйхатига киритилмоқда. Бироқ бунинг ўзи хорижда масофавий тарзда олинган дипломлар ҳам тан олинади, деган маънони англатмайди.

Шу сабабли ҳам ёшларимизга мазкур ўзгартиришлар тўлиқ киритилиб, қайси мутахассисликлар ва қандай кўринишда масофавий таълим йўлга қўйилиши маълум бўлмагунга қадар шошиб қарор қабул қилмасликни сўраган бўлардик.

❗️Шу ўрнида таъкидлаб ўтиш жоизки, бугунги кунда бозори талабларига жавоб бера оладиган рақобатбардош кадрларга бўлган эҳтиёж ортиб бормоқда. Кадрлар сифатига иш берувчилар баҳо бермоқда. Шундай экан, ёшларимиз диплом учун эмас, сифатли таълим олиб салоҳиятли кадр бўлиш учун олий таълим муассасасини танлашлари зарур.
〰️〰️〰️〰️〰️〰️

❓Беларус Республикасидаги олий муассасаларидан бирида ўқиш таклиф этилмоқда. Ушбу давлатда олинган олий таълим муассасаси дипломи Ўзбекистонда тан олинадими?

🤝2019 йил 1 августда «Ўзбекистон Республикаси Ҳукумати билан Беларус Республикаси Ҳукумати ўртасида таълимга оид ҳужжатларни, ўқишга оид ҳужжатларни ўзаро тан олиш тўғрисида битим» имзоланган.

Мазкур битимга асосан Битим кучга кирган сана (2020 йил 13 июль)дан бошлаб, икки мамлакатдаги давлат аккредитациясидан ўтган олий таълим муассасаларининг ўқиш давомийлиги 4 йилдан кам бўлмаган олий маълумот ёки бакалавр даражаси тўғрисидаги дипломлар ўз эгаларига ўқишни олий таълимнинг иккинчи босқичида (магистратура) таълим дастури бўйича давом эттириш ҳуқуқини берувчи таълимга оид ҳужжат сифатида ўзаро тан олинади.

Касбий фаолият билан шуғулланиш учун эса Ўзбекистон Республикасида ҳам, Беларус Республикасида ҳам амалдаги қонунчилик доирасида синов орқали ёки белгиланган имтиёзларга эга бўлган ҳолатларда махсус синовларсиз амалга оширилади.
〰️〰️〰️〰️〰️

❓Россиядаги олий таълим муассасаларидан бирида ўқимоқчиман. Дипломи Ўзбекистонда тан олиниши учун нималарга эътибор қаратишим лозим?

2019 йил 30 майда Ўзбекистон Республикаси ҳукумати ва Россия Федерацияси ҳукумати ўртасида таълим, малака ва илмий даражаларни ўзаро тан олиш тўғрисида битим имзоланган.

Унга кўра давлат аккредитациясига эга бўлган таълим дастурлари, ўқиш муддати тўрт йилдан кам бўлмаган, кундузги бакалавр дипломи билан тасдиқланган олий таълим иккала давлатда ҳам мос равишда тан олинади ҳамда мутахассислик фаолиятини амалга ошириш ҳуқуқини беради.

Шунингдек, уларнинг эгаларига ҳар иккала давлатда магистратура бўйича ўқишни давом эттириш ҳуқуқини беради.

Россиянинг Фан ва таълим соҳаси назорати бўйича федерал хизмати (Рособрнадзор) веб-сайти орқали олий таълим муасаcсасиниг лицензияси мавжудлигини ёки давлат аккредитациясидан ўтганини текшириб кўриш мумкин.

Бундан ташқари, Таълим инспекцияси веб-сайти орқали Халқаро тан олинган ташкилотлар (Quacquarelli Symonds World University Rankings, Times Нigher Education ва Academic Ranking of World Universities) рейтингида ТОП-1000таликдан ўрин олган Россиядаги Олий таълим муассасалари билан танишишингиз мумкин.

@aoka_uz
#abituriyent2020

❓Олий таълим муассасаларида аънавий таълим қачондан очилади?

«Бугунги кунда Олий ва ўрта махсус таълим вазирлиги Соғлиқни сақлаш вазирлиги билан шу масала бўйича ишламоқда. Янгилик бўлса тезкорлик билан эълон қиламиз. Нафақат талабалар, балки ўқитувчилар ҳам анъанавий таълимни соғинган.

Бундан ташқари, туманларда интернетга кириш имконияти йўқ талабалар учун марказлар ташкил этиляпти ва талабаларнинг онлайн таълим олиши учун имконият яратиляпти», — Абдували Холиқов, Олий ва ўрта-махсус таълим вазирлиги бошқарма бошлиғи.

@aoka_uz
#abituriyent2020

​​⚡️Тошкент шаҳридаги Аджу университети 2020–2021-ўқув йили учун ҳужжатларни қабул қилишни бошлади

Мазкур муассаса Президент қарори асосида Корея Республикасининг Аджу университети билан ҳамкорликда ташкил этилди.

✅ Университет талабаларга бакалавриатнинг уч йўналиши, яъни «Архитектура» (Architecture), «Электротехника ва компьютер муҳандислиги» (Electrical and Computer Engineering), «Қурилиш муҳандислиги» (Civil Systems Engineering) бўйича таълим беради. Ўқитиш фақат инглиз тилида олиб борилади. Ўқитувчиларнинг камида 25 фоизи Корея Республикасидаги Аджу университети профессорлари ҳамда чет эллик мутахассислардир.

💰 Шартнома бўйича бир йиллик тўлов нархи — 52 млн сўм. 2020-2021 ўқув йилига қабул қилинган Ўзбекистон фуқаролари, ўқиш тугаллангунча бўлган муддатда шартнома суммасининг 80% дан ортиқ миқдорда давлат томонидан қўллаб-қувватлаш (субсидия)га эга бўладилар. Талаба томонидан тўланадиган шартноманинг йиллик қиймати “Архитектура” (Architecture) таълим йўналиши бўйича – 7,8 млн. сўмни, “Электротехника ва компьютер муҳандислиги” (Electrical and Computer Engineering) – 7,1 млн. сўмни ҳамда “Қурилиш муҳандислиги” (Civil Systems Engineering) – 7,1 млн. сўмни ташкил қилмоқда.

💼 Давлат таъминоти (субсидия)ни олган битирувчилар давлат ташкилот ва муассасаларида мутахассисликлари бўйича иш билан таъминланади.

📄 Университетни тугатгандан сўнг, битирувчилар Корея Республикасидаги Аджу университетининг халқаро дипломига эга бўладилар ва у дунёнинг барча нуқталарида тан олинади.

〰️〰️〰️〰️〰️
❗️2020-2021 ўқув йили учун университетга мурожаат этиш жараёни онлайн тарзда октябрь ва ноябрь ойларида ўтказилади. Абитуриентлар учун батафсил маълумот, шунингдек, онлайн рўйхатдан ўтишнинг аниқ бошланиш санаси ҳақида хабарлар Университетнинг www.ajou.uz веб-сайтида берилади.

Онлайн рўйхатдан ўтиш пайтида шахсий маълумотларни тақдим этиш ва қуйидаги ҳужжатларнинг сканерланган нусхаларини юбориш лозим:

🔸паспорт;
🔸умумий ўрта таълим мактабини тугатганлиги тўғрисида баҳолар қўйилган илова билан шаҳодатнома, академик лицей ёки касб-ҳунар коллежининг баҳолар қўйилган илова билан дипломи;
🔸3,5×4,5 ўлчамдаги фотосурат (олинган санаси 3 ойдан ошмаслиги керак);
🔸камида 5,0 балл тўплагани ҳақида IELTS сертификати (мавжуд бўлса);
🔸фахрий ёрлиқлар, сертификатлар, мукофотлар (мавжуд бўлса).

📎 Эслатма: ҳужжатларини рўйхатдан ўтказишда базавий ҳисоблаш миқдорининг 1 баробари миқдорида бадал тўлови амалга оширилади (223 000 сўм).

📋 IELTS сертификати тақдим этилганда абитуриент инглиз тили бўйича кириш имтиҳонини топширишдан озод этилади.

Кириш имтиҳонлари инглиз тили, математика ва физика фанларидан ўтказилади.

👩🏻‍🏫 Кириш имтиҳонларини ўтказиш, шунингдек, талабаларни қабул қилиш тўғридан-тўғри Корея Республикасининг Аджу университети вакиллари томонидан амалга оширилади.

〰️〰️〰️〰️〰️
Батафсил маълумот учун:

🌐 www.ajou.uz расмий сайти

📞 71-207-65-66, 71-207-66-76, 95-195-33-66, 94-620-16-61

E-mail: info@ajou.uz; aut@ajou.uz
Telegram: @ajou_uz
Facebook: https: https://www.facebook.com/ajou.uz
Instagram: ajou in tashkent city

#abituriyent2020