Hárbir Qaraqalpaqstanlı bul maģlıwmatlardı biliwi tiyis. Sonıń ushın bul videonı barlıq doslarıńızģa jiberip qoyıń.

9-sáwir Qaraqalpaqstan Respulikası gerbi qabıl etilgen kún.

@Jetes_Qaraqalpaq

Bul maģlıwmatlardı da barlıq Qaraqalpaqstanlılar biliwi kerek. Sonıń ushın bul videonıń da kóbirek tarqalıwına óz úlesińizdi qosıń.

9-sáwir Qaraqalpaqstan Respulikası Konstituciyası qabıl etilgen kún.

@Jetes_Qaraqalpaq

Kún tártibinde kórip shıǵılatuǵın máseleler:

Tómendegi máselelerde pikir-usınıslarıńız kerek. Ótinish, kitapxanamızdı rawajlandırıw ushın kóterilip atırģan máselelerde másláhátlerińizdi berip ótiń.

1. Kitaplardı qalay kóbeytsek boladı?
– Kitapxanamızdaģı 160 tan aslam kitaplarlar dáslebinde ózimniń jeke kitaplarım, keyin jaqınlarımnıń, doslarımnıń, kanal aģzalarınıń sawģaģa bergen kitapları arqalı jıynaldı. Biraq bul ushın 3 jıldan aslam waqıt ketti. Bul da bir jaģınan belgili bir kórsetkish, biraq házirgi rawajlanģan dúnyaģa salıstırsaq uzaq waqıt, jáne kitapxana ushın úlken sanlar emes.

2. Kitapxanadan paydalanıwshılar sanın qalay kóbeytsek boladı?
– Usı waqıtqa shekem 80 nen artıq kitap alıp turıwlar boldı. 80 adam emes, bir adam 1-2 márte alıp turģanları da bar. Jáne bir túrdegi kitaplar 2-3 márte alınģanın da aytıp ótiw kerek. Bul degeni ele kitapxanada oqılmay, paydalanılmay jatırģan kitaplar barshılıq degeni. Kitapxananı kitaplardı saqlap qoyıw ushın emes, olardı oqıw ushın shólkemlestirip edik.

3. Kitap oqıwdı, bilim alıwdı en jaydırıw ushın sociallıq-tarmaqlarda kontent júritiw máselesi.
– Bilesiz, házir social mediada turaqlı iskerlik kórsetetuǵın hár qanday nárse rawajlanıp atır. Sonıń ushın kitapxanamızdı tanıtıwda SMM, mobilograf, videograf (reelsmaker), videoǵa túsiwshi kitapqumarlardıń qalıs járdemi kerek.

4. Kitapxananı rawjalandırıw ushın qáwenderler kerek.
– Bir kitap bolsa da sawǵa etken insandı qáwender dep esaplayman. Jáne, usı waqıtqa shekem “men Nókiste emespen”, “óziń kerekli kitaplardı alarsań” – dep birneshe insanlar pul taslap bergen. Men olardıń barlıǵına kitap satıp alıp, sol insanlardıń atınan sawǵa etilgen kitap sıpatında kitapxanaǵa qosıp qoydım. Endilikte de kitap sawǵa etiwshi, yaki materiallıq jaqtan qollap-quwatlawshı qáwenderlerdi kútip qalamız.
Jáne, kompaniya hám firmalar óz ónimlerin, xızmet túrlerin júritpekshi bolǵan kontentlerimiz arqalı reklama qılsa, sol arqalı biz kitapxanamızdı ele de rawajlanırıw imkaniyatına iye bolar edik.

5. Kitapxanadan paydalanıwdı biypul qılıp qaldırıw kerek pe, yaki pullı qılsaq kitap fondına úles qosa alamız ba?
– Bul másele aldın da bir aytılıp edi. Kitapxanamız endi iskerligin baslaǵan waqıtta kitapxanamızdan paydalanıwdı pullı qılıp kórmekshi edik. Biraq sol waqıtta ele kitap alıp turıw eń jaymaǵanı ushın pullı paydalanıw baslanbadı. Házir kitapxanamızdı rawajlandırsaq, pullı paydalanıw ózin aqlayma, kitap ijarasınan túsken pulǵa jańadan kitaplar satıp alıp kitaplar sanın kóbeytsek. Biraq pullı desek az sanlı paydalanıwshılardan da ayrılıp qalmaymız ba, biypul kitapxana degen atımızdı da joytamız. Biraq biypul nárseni adamlar qádirsiz dep qarap júrgen joq pa?

6. Kitapxana atın ózgertiw máselesi.
– Xabarıńız bar, “Qaraqalpaq Renessansı” kitapxanasınıń atı usı kanaldıń atınan alınıp edi. Bul at penen bul kanalda kóplegen joybarlar menen birge ózimniń birqansha sın pikirlerimdi de jarıtıp bardım. Waqtında sın pikirler bildirilgen máselelerdiń derlik kópshiligi házir óziniń áhmiyetli joǵaltqan. Degen menen sın pikirler ele lentada. Al sın pikirler toqtadı, biraq kitapxana iskerligi toqtaǵan joq. Bul nárseler keleshekte kitapxanamız iskerligine kesent etpewi ushın, hár itimalǵa qarsı atın ózgertiwdi de oylap kóriw kerek. Saqlıqta qorlıq joq, tap jańa kanal ashıp júritsek te boladı. Sizler qanday pikirdesiz?

Joqarıdaǵı máselelerge anıq, tınıq etip pikirlerińizdi jazıp ketiń. Hárbir máselege pikirińizdi nomerlep jazsańız zor bolar edi.

Kitapxanamızdıń tiykarǵı maqsetlerinen biri!

@Qaraqalpaq_Renessansi_XXI

Házirshe qılınatuģın 3 nárse:

1. Kitapxana atın ózgertiw. Hámmege qolay, túsinikli bolıwı ushın ápiwayı ģana “Qaraqalpaqsha kitapxana” dep qoyajaqpan. Kontent júrgizgen waqıtta da biririnshi kórgen adamģa da túsinikli boladı. Eger kitapxana ushın fond hám shólkemlestiretuģın bolsaq “Qaraqalpaq_Renessansı_kitapxanası” fondı – dep júrmeymiz. “Qaraqalpaqsha_kitapxana” fondı – dep qoyamız.

2. Jańa telegram kanal hám istagram akkaunt ashıw.
Birinshiden, bul kanaldıń arxivi júdá aralas, ishinde sın pikirler de bar. Ekinshiden, bul kanalda 650 den artıq aģza bolģanı menen kópshiligi belsendi emes, sanda bar sapada joq (óli) akkuntlar (bunı keshegi máselelerge derlik heshkim juwap jazbaģanınan-aq biliwge boladı), jáne bul kanaldı ashqan burınģı akkunt óship ketken, házir mende kanalģa iyelik huqıqı joq, tek adminmen. Sol ushın taza kanal ashıw kerek dep sheshtim. Instagramnan da taza akkaunt ashaman. Sizlerden soraytuģınım, taza kanalģa hám instagram akkauntqa aģza bolıp, qollap-quwatlasańız.

3. Kitaplardı ilimiy, ádebiy h.t.b. janırlģa ajıratıp, olardıń bahasın shıģarıw.
Álbette, satıw ushın emes. Qanday qundaģı kitaplar bar ekenin tártiplestiriw hám kitaplardan paydalanıwdı pullı qılıw. Qoyılģan bahanıń belgilengen bólegin belgilengen múddetler ushın ijara haqı dep belgilew. Endi kitaplardıń bahasın, qansha múddetke beriletiģının anıqlap shıģıw kerek. Bahalar bazar bahasınan joqarılaw boladı, sebebi bul satıw ushın emes. Biypul bolģanda da kópshilik paydalanıp atırģan joq, oqıyman degen adam jáne jaqsı iske bas qosqısı kelgen adam ijaraģa bolsa da alıp oqıydı.

Basqada máseleler:
- kitaplardı kóbeytiw (satıp alıw);
- paydalanıwshılardı kóbeytiw;
- medianı rawajlandırıw;
- kitap sawģa etiwshilerdi qamtıw;
- materiallıq kómek beriwshilerdi qamtıw (donate);
- reklama beriwshilerdi qamtıw
máseleleri áste-aqırın rawajlanıw jolında sheshilip bara beredi.