#БІЛГЕНІҢІЗАБЗАЛ

⚡️Алаяқтықтың жаңа түрінен сақ болыңыз!

Алаяқтардың жасанды интеллектті қолдануы шетелдерде жиі тіркелуде. Сондықтан, келесі ақпараттарды білгеніңіз абзал!

Жасанды интеллектті пайдаланатын алаяқтар қаржылық пайда табу үшін басқа адамның кейпіне еніп, даусын өзгерте алады.

Полицияның киберпол бөліністерінің ақпаратына құлақ асып, сіз өз қаражатыңыздың қауіпсіздігі мен жеке мәліметіңіздің құпиялығын сақтауды білгеніңіз абзал. Және бұл сақтық шараларын жақындарыңызбен бөліскеніңіз жөн.

#БІЛГЕНІҢІЗАБЗАЛ

⚡️ Сізге WhatsApp арқылы күтпеген жерден досыңыз немесе туысыңыз ірі көлемде қарызға ақша сұрады ма?

Міндетті түрде қаражат не үшін қажет екенін және ақшаны қандай шотқа аудару керектігін сұраңыз. Сізге РБК картасы немесе шот нөмірі жіберілуі мүмкін.

Егер сіз өзге банк шотына, мысалы Каспий арқылы аударуды ұсынсаңыз, сізге карта қайта шығарылымда деп жауап береді.

Алаяқтар өздерінің қылмыстық схемаларын осылай пайдаланады. Олар фишинг арқылы мессенджерлерге қол жеткізіп, ұқсас хабарламаларды жібереді.

СЕНБЕҢІЗ! 
Жақындарыңызға немесе достарыңызға қайта қоңырау шалыңыз.

Оларға телефон баптауларындағы байланысты құрылғыларды жоюға кеңес беріңіз.

Ол үшін WhatsApp немесе Telegram-ға кіру керек. Баптауларда "байланысты құрылғыларды" таңдаңыз. Егер құрылғы сізге таныс болмаса, "Шығу"түймесін басыңыз.

Сақ болыңыз! Бұл бейнемен бөлісіңіз.

#БІЛГЕНІҢІЗАБЗАЛ

Құрметті ата-ана!
Виртуалды әлемдегі бала қауіпсіздігін қадағалаңыз!

Қазіргі таңда жасөспірімдер YouTube, TikTok, Instagram секілді әлеуметтік желілерді жиі қолданады. Виртуалды кеңістік қызықты әлем болғанымен, бала үшін көптеген қауіп-қатерге толы.

Әлеуметтік желіде балаңыздың қандай онлайн платформаларды, парақшаларды көретінін қадағалап, мұқият тексерген жөн. Өйткені, ересектерге арналған жарнамалар, тыйым салынған ақпарат психологияға кері әсерін тигізіп, балаңызға зиян болуы мүмкін. 

Балаларға арналған неше түрлі қызықты мультимедиялық онлайн-ойындар мен ондағы ақпараттардың балаңыздың жас шамасына сай келетінін міндетті түрде тексергеніңіз жөн. Сонымен қатар, виртуалды желіде ата-ана бақылауын бағдарламалық қамтамасыз етуге болатынын білгеніңіз абзал. 

Интернеттегі алаяқтық әрекеттеріне алданбас үшін балаңызға сақтық шараларын түсіндіріңіз. Желіде өзі туралы жеке ақпаратты жарияламауға үйретіңіз.

#БІЛГЕНІҢІЗАБЗАЛ
#ВАЖНОЗНАТЬ

✅ Түркістан облысының полицейлері кәмелет жасына толмағандардың қауіпсіздігін күн тәртібінен түсірмей, тиісті шаралар қабылдауда.

Сақшылар кішкентай достарымызға теріс ниетті адамдардан қалай сақтану керектігін егжей-тегжейлі түсіндіреді.

Балаларымыздың қуанышты күлкісі мен алаңсыз балалық шағы үшін аса мұқият болайық!

***

✅ Полицейские Туркестанской области не оставляет без внимания безопасность несовершеннолетних и всегда принимают соответствующие меры.
        
Стражи порядка подробно разъясняют нашим маленьким друзьям о том, как преодостерчься от недоброжелателей и что, не стоит принимать приглашение незнакомцев.

Давайте позаботимся о счастливой улыбке и беззаботном детстве наших детей!

#БІЛГЕНІҢІЗАБЗАЛ

Құрметті ата-аналар!

Шомылу маусымында судағы қауіпсіздікті есте ұстаған жөн.

1. Балаларды бақылау: ешуақытта балаларды судың жанында қараусыз қалдырмаңыз. Кішкентай балалар таяз суға да батып кетуі мүмкін.

2. Қауіпсіздік ережелерін үйрету: балаларыңызға суда өзін қалай ұстау керектігін түсіндіріңіз. Оларды жалғыз жүзбеуге, тексерілмеген жерлерде суға секірмеуге және қауіпті су ойындарынан аулақ болуға үйретіңіз.

3. Құтқару құралдарын пайдалану: егер сіздің балаларыңыз суда сенімді болмаса, үрлемелі кеудешелер мен басқа да құтқару құралдарын қолданыңыз.

4. Қауіпсіз жүзу орындарын таңдау: құтқарушылар мен медициналық көмек қарастырылған рұқсат етілген және жабдықталған жерлерде ғана шомылыңыз.

5. Үлгі болу: балалар үлкендерге еліктейді. Сондықтан, судағы қауіпсіздік шараларын алдымен өзіңіз сақтауға тырысыңыз.

Балаларыңыздың қауіпсіздігі сізге байланысты екенін ұмытпаңыз.

#БІЛГЕНІҢІЗАБЗАЛ

✅ Балалардың велосипедпен жүру қауіпсіздігі оларды жарақаттар мен жазатайым оқиғалардан қорғайды.

1. Дулыға: Міндетті түрде қорғаныс дулығасын тағыңыз. Оның дұрыс бекітілгеніне көз жеткізіңіз. Дулыға баланың басын жарақаттан қорғайды.

2. Велосипедті тексеру: балаңыздың велосипедінің күйін үнемі тексеріп отырыңыз. Тежегіштердің дұрыс жұмыс істеп тұрғанына, дөңгелектердің мықтап бекітілгеніне және қауіпсіздікке әсер ететін басқа зақым жоқ екеніне көз жеткізіңіз.

3. Жол ережелері: балаңызға жол ережелерін үйретіңіз.

4. Жарықтандыру: егер Сіздің балаңыз қараңғыда жүрсе, велосипедтің алдыңғы және артқы шамдары, сондай-ақ, дөңгелектерде, педальдарда және велосипедтің артқы жағында шағылыстырғыштар бар екеніне көз жеткізіңіз. Бұл сіздің балаңыздың басқа жол қозғалысына қатысушыларға көрінуін жақсартуға көмектеседі.

Осы шараларды қолдану балаларға велосипедпен жүруді қауіпсіз әрі жағымды етуге көмектеседі.

#БІЛГЕНІҢІЗАБЗАЛ

Құрметті азаматтар!

Алаяқтар зиянды сілтемелер арқылы сіздің жақындарыңыздың аккаунттарын бұзып қана қоймай, сонымен қатар, әртүрлі мессенджерлерді пайдалана отырып, өздерін ұялы байланыс қызметкерлері, белгілі қазақстандық компаниялардың инвесторлары, сондай-ақ, кибер бөлімшелердің қызметкерлері ретінде таныстырады.

Осылайша, психологиялық қысым көрсете отырып, сеніміңізге кіріп, олардың нұсқауларын орындауды сұрау арқылы материалдық зиян келтіретін жағдайлар жиілеп кетті.

Өзіңізді алдауға жол бермеңіз! Сөйлесуді немесе хат алмасуды тоқтатып, күмәнді сілтемелерге өтпеңіз.

Сақ болыңыз! Алаяқтарға тап болған жағдайда дереу 102 арнасына хабарласыңыз.

#БІЛГЕНІҢІЗАБЗАЛ

Балалардың қауіпсіздігі басты назарда!

Балалардың жазғы демалысы кезінде қала-ауданаралық көлік қатынасы жиілейтіні белгілі. Балалардың жолдағы қауіпсіздігін білгеніңіз абзал!

Дүниежүзілік талдаулар көліктегі автоорындықтар, бустерлер және адаптер құрылғылары балалардың жол қозғалысындағы жарақат алуынан қорғайтынын дәлелдеген. Біз балаларға қауіпсіздік деңгейін бағалауды үйренуге және қиын жағдайларда өздерін сенімді сезінуге көмектесуіміз керек.

12 жасқа толмаған бала көлікке  міндетті түрде арнайы автоорындық арқылы отырғызылуы тиіс екенін білгеніңіз абзал. Талап сақталмаған жағдайда әкімшілік жауапкершілік көзделген.

Жаяу жүргіншілердің әдетте белгіленбеген жерден жолды кесіп өтіп, жақындап қалған көліктің алдынан жүгіріп өтуі кезінде және бағдаршамның тыйым салынған сигналына мән бермеген жағдайда жол-көлік оқиғасына ұшырау қаупі жоғары.

Алыс сапарларға балаларды үлкендердің қарауынсыз көлікке отырғызып жібермеңіз.

Сақтықта қорлық жоқ, сақтанып жүріңіздер, сәтті сапар болсын!

#БІЛГЕНІҢІЗАБЗАЛ

Өзен-көлдерде шомылу адамдар үшін, әсіресе, балалар үшін қауіпті болуы мүмкін. Суда қауіпсіздік ережелері мен шараларының сақталмауы, балалардың суға шомыла білмеуі орны толмас қайғыға айналып жатады.

Құрметті ата-ана!

1. Балаларды жағалауда қараусыз қалдырмаңыз. Жағалауға суға түсуге тыйым салынбағанын тексеріңіз.

2. Балаңызға судағы қауіпсіздік ережелерін үйреткеніңіз жөн. Оларды жалғыз жүзбеуге, тексерілмеген жерлерде суға секірмеуге және қауіпті судағы ойындардан аулақ болуға үйретіңіз.

3. Суда шомылу кезінде балаңызға үрлемелі кеудешелер мен басқа да құтқару құралдарын қолданыңыз.

4. Балаңызды шомылуға ересек адамдардың қарауынсыз жібермеңіз.

5. Балалар үлкендерге еліктейді. Сондықтан, судағы қауіпсіздік шараларын алдымен өзіңіз сақтауға тырысыңыз.

Бала қауіпсіздігі-ата-ана жауапкершілігі екенін білгеніңіз абзал!

#БІЛГЕНІҢІЗАБЗАЛ!

Құрметті ата-аналар!

Жаз маусымы басталғалы бері балалардың терезеден құлап, мерт болу жағдайлары тіркелуде!

Ашық терезе бала үшін қауіпті екенін ұмытпаңыз. Қайғылы жағдайды болдырмас үшін қажетті шараларды қабылдаңыз.

* Үйде бала болса, терезені  ашық қалдырмаңыз;

* Москит торларын қорғаныс ретінде пайдаланбаңыз - балалар оған сүйенеді және құлап кетуі мүмкін;

* Баланы қараусыз қалдырмаңыз;

* Бала құлап кетпеуі үшін жиһазды терезеге жақын қоймаңыз;

* Бала терезелерді өздігінен аша алмайтындай етіп оларға блокаторлар орнатыңыз.

Есіңізде болсын, бала бар үйде кем дегенде фиксаторлар орнатылуы керек – бұл да қорғаныс. Әрине, барлық қауіптерді алдын ала болжау мүмкін емес, бірақ біз балаларымыздың қауіпсіздігі үшін қолдан келгеннің бәрін жасауға міндеттіміз.

Балаларыңызға қамқор болыңыз және олардың қауіпсіздігі үшін барлық шараларды қабылдаңыз!

#БІЛГЕНІҢІЗАБЗАЛ!

❗️Электрлі самокат жүргізушілеріне тыйым салынады:

- дулығасыз жүру, сонымен қатар, бір қолмен рульді ұстау;

- жолаушыларды немесе жүктерді тасымалдау, егер ол өлшемдерден шығып, басқаруға кедергі келтірсе;

- белгілі бір бағытта екі немесе одан да көп жолақтары бар жолдарда солға бұрылу. Мұндай жағдайларда сіз жылдамырақ, жаяу зебра арқылы өтуіңіз керек;

- басқа самокаттарды, сондай-ақ, мопедтер мен велосипедтерді сүйреуге;

- электрлі самокатта жүре отырып, жаяу жүргіншілер өткелі бойынша жүріс бөлігін кесіп өтуге, тек жаяу жүруге рұқсат етіледі;

- қараңғы уақытта жарық шағылыстырғышсыз жүріс бөлігімен жүруге.

Сонымен қатар, 18 жасқа толмаған жүргізушілерге жүргізуші куәлігінсіз жолға шығуға тыйым салынады. Құқықтар кез-келген санат болуы мүмкін. Осы ережелер бұзылған жағдайда әкімшілік жауапкершілік қарастырылған.

#БІЛГЕНІҢІЗАБЗАЛ!

✅ Әр бала білуі керек қарапайым ережелер:

- Жолды тек жаяу жүргіншілер өткелінде, бағдаршамның жасыл түсіне және жерасты өткелі арқылы өтуге болады;

- Жолға шығып бара жатқан көліктердің алдынан жүгіруге болмайды;

- Жаяу жүргіншілерге арналған жермен жүру;

- Қоғамдық көліктен шыққанда бірден жолды кесіп өтуге болмайды. Автобус немесе трамвай кеткенше күтіңіз, содан кейін ғана ережеге сай жолдан өту қажет.

Қараңғы уақытта баланың киімін жарық шағылыстыратын элементтермен қамтамасыз ету өте маңызды. Есіңізде болсын, жол жүрісі қағидаларын білу балаға жолда өзін сенімді сезінуге, қиын сәтте саспауға және қажет болған жағдайда денсаулығын, тіпті, өмірін сақтап қалуға көмектеседі.

#БІЛГЕНІҢІЗАБЗАЛ!

⚡️ Ағымдағы жылы есірткі тасымалдағаны үшін кәмелетке толмаған 30 жасөспірім ұсталды.

Құрметті ата-аналар!

Жазғы демалыс жалғасуда. Балаларыңызға мұқият болыңыздар.

Олардың уақытын және пайдаланатын интернет-ресурстарды бақылаңыздар. Виртуалды әлемде арандатулар жиі кездеседі. Жасөспірімдер кейде өз әрекеттерінің салдарын білмей, оңай ақша табудың тұзағына түсіп жатады.

Бір қарағанда бұл зиянсыз граффити сызбасына ұқсайды. Шын мәнінде әлеуметтік желі арқылы есірткі сатып алуға болатын танымал арнаның жарнамасы болуы ықтимал.

Күмән тудыратын чаттар, геолокациялары бар белгілер, орындардың әртүрлі фотосуреттері мен үйлердің қабырғаларындағы түрлі сызбаларға назар аударыңыз.

Сонымен қатар, дәрі-дәрмектер, фольга, шыны түтікшелер және басқа да қаптамаларға зер салыңыз. Мұның бәрі есірткі тұтынуға арналған құрал болуы мүмкін.

Шамадан тыс ақша көрсеңіз оның қайдан келгенін ойлаңыз. Балаңызды салауатты өмір салтына баулып, түсіндіру жұмыстарын жүргізіңіз.

#БІЛГЕНІҢІЗАБЗАЛ

❗️Жол-көлік қозғалысының қауіпсіз болуы үшін мопед, скутер, электросамокат жүргізушілері қалай жүруі керек?

- мопедті басқару кезінде қозғалыс бағытына жақсы шолу жасап, ұялы телефон немесе басқа гаджеттерді пайдаланбаңыз;

- көлік құралын екі қолыңызбен ұстаңыз және тоқтайтын кезде асықпаңыз;

- көлік көп жүретін жерлер мен адамдар жиналатын орындардан аулақ болыңыз;

- электрлі самокатты қараңғы, тар және кедергілері бар жерде қолданбаңыз;

- электрлі көлік құралдарын қолдану кезінде арнайы бас киім және білек пен шынтағыңызды, тізеңізді қорғайтын құралдарды ұмытпаңыз;

- мопед көлік құралы мен электросамокаттардың алдында, бүйірінде және артында жарық шамдары болуы шарт;

- айналадағы адамдарға өзінің жақындағаны туралы ескерту жасау үшін көліктің бұл түрінде дыбыстық құрылғы болуы маңызды;

- мопедті басқару кезінде жүк пен жолаушыларды тасымалдауға болмайтынын білгеніңіз абзал!

Қауіп аяқ астында! Жол ережесін сақтайық!

#БІЛГЕНІҢІЗАБЗАЛ

✅ Мал ұрлығының алдын алу шаралары туралы

- шаруашылықтағы әрбір малдың жеке сипаттамасы болуы керек;

- малдарды таңбалау және сырғалау;

- малдарды чиптендіру;

- JPS құрылғыларын енгізу;

- малды бақылауда ұстау, мал қораларды жарықтандыру, бейнебақылау камераларын қою;

- қала сыртындағы үлкен тасжолдарда малдардың қараусыз жайылуына жол бермеу;

- малшыларды жедел хабардар ету үшін мобильді байланыс құралдарымен жабдықтау;

- төрт түлік малға жарық шағылыстыратын алқа тағу;
 
- жайылымдағы малдарға мұқият болып, оқыс оқиғалар орын алған жағдайда дереу «102» арнасы арқылы полиция қызметкерлеріне хабар беру.
 
ҚР ӘҚБтК 408-бабына сәйкес, ауыл шаруашылығы жануарларын жаю қағидаларын бұзғаны үшін әкімшілік жауапкершілік қарастырылған.

#БІЛГЕНІҢІЗАБЗАЛ

✅ Егер көлікпен саяхаттағыңыз келсе немесе ұзақ сапарға шығуды жоспарласаңыз, ұйқы және демалыс режимін сақтауыңыз қажет.

Жол қозғалысының қауіпсіздігі үшін келесі жайттарға ден қойыңыз:

- ұзақ сапар алдында тынығу;

- жұмыс күнінен кейін шаршап тұрып жолға шықпау;

- мүмкіндігінше түнгі жолдан бас тарту;

- ауырып тұрып көлік тізгініне отырмау;

- көлік басқарып, арасында демалғыныңыз абзал. Әр 2-2,5 сағаттық қозғалыстан кейін 5-10 минуттық үзіліс жасау;

- қауіпсіз жерге тоқтап, бір жарым - екі сағат ұйықтау;

- жол белгілерінің талаптарын сақтау;

- телефонмен сөйлесу, оқу және т.б. әрекеттерге алаңдамау;

- тайғақ жерлерде арнайы ерітінділермен және шашыратқыштармен өңделген жолмен жүру;

- көлік құралының техникалық жай-күйіне ерекше назар аудару.

Жол қауіпсіздігінің кепілі – жол ережелерін мүлтіксіз сақтау. Осыны әрдайым есте сақтаңыз!

#БІЛГЕНІҢІЗАБЗАЛ

✅ Мемлекет басшысының тапсырмасына сәйкес, табиғатты қорғау мақсатында республика көлемінде «Таза Қазақстан» экологиялық акциясы өтуде.

Қоғамдық орынды ластау дерегі тіркелген жағдайда ҚР ӘҚБтК 434-2 бабы бойынша бес айлық есептік көрсеткіш мөлшерінде, яғни, 18 460 теңге көлемінде айыппұл салынады.

Ал, тазалықты сақтамай, абаттандыру қағидаты сақталмаған жағдайда ҚР ӘҚБтК 505-бабы бойынша 20 АЕК мөлшерінен 100 АЕК мөлшеріне дейін айыппұл көзделген.

Акция басталғалы Атырау облысы аумағында ортақ пайдаланылатын орындарды ластаудың 3 мыңнан астам дерегі, абаттандыру қағидасын бұзудың 700 аса дерегі анықталып, құқық қорғау қызметкерлері тарапынан шара қолданылды.

#БІЛГЕНІҢІЗАБЗАЛ

✅ Егер бала ата-анасының немесе заңды өкілдерінің қарауынсыз беймезгіл уақытта сыртта жүрсе полиция бөліміне жеткізіледі.

Сағат 22:00 мен таңғы 6:00 аралығында балаларға ойын-сауық орындарында жалғыз жүруге болмайды. Сондай-ақ, сағат 23:00 таңғы 6:00 дейін кәмелетке толмағандарға көшеде заңды өкілдердің қарауынсыз жүруіне тыйым салынған.

Осы уақытта балалар аулада отырса, үйінен 5 метр қашықтықта орналасқан дүкенге барса, полиция оның түнгі жүрісінің себебі мен заңды өкілдерін анықтауға міндетті.

Кәмелетке толмағандардың түнгі уақытта ойын-сауық орындарында немесе үйден тыс жерде қараусыз болғаны үшін ата-аналары мен заңды өкілдеріне айыппұл салынады.

Ойын-сауық орындарында жүрсе - 3 АЕК көзделген. Ал үйден тыс жерде жүрсе алдымен ескертіледі. Егер мұндай дерек 1 жыл ішінде қайталанса - 7 АЕК айыппұл қарастырылған.

Беймезгіл уақытта баланың ойын–сауық орындарында болғаны үшін иесіне де айыппұл салынады.

Балаларға абай болайық!

#БІЛГЕНІҢІЗАБЗАЛ

❗️Баланы терезеден құлап кетуден қорғау шаралары

🔸Ұмытпаңыз — ашық терезе бала үшін қауіпті. Егер үйде бала болса, ешқашан терезелерді ашық ұстамаңыз.

🔸Баланың жанында болғаныңызбен, сіздің назарыңыз басқа жаққа ауған бірер секундтар оның өміріндегі соңғы сәт болуы мүмкін. Сондықтан, ешқашан баланы қараусыз қалдырмаңыз.

🔸Терезені өз бетінше аша алмайтындай етіп бекіткіштер мен бұғаттағыштар орнатыңыз.

Терезеден құлау-балалардың жарақаттануы мен өлімінің негізгі себептерінің бірі.

Өте сақ болыңыздар!