📣📣 المسابقة ان شاء الله هتكون الساعة 10.15
اول شخص هيكتب الإجابة بتاعت السؤال ده
https://t.me/c/1751748649/70
في reply ع الرسالة الجاية هيكسب ٢٥٠ جنيه خصم على تمن كورس الموديول الأول🥳🥳
ف.
#Stay_tuned

🔷 تاني حاجة
⬅️ هيكون فيه مسابقة على شكل كويز بسيط النهاردة بالليل شامل المنهج اللي تم شرحه الأسبوع ده
⬅️ الكويز هيكون مستواه مقارب لأسئلة الامتحان لانه عبارة عن الأسئلة المهمة وامتحانات السنين السابقة
⬅️ هيكون فيه جوايز قيمة 😉 ان شاء الله 🔥
اخر حاجة
شير لينك القناة عشان محدش يفوت العظمة دي 😎
https://t.me/+CpH-Plb6UCxmMGU0
#Stay_tuned

♦️ومفاجأة النهاردة😎
علشان كذا شخص دخل سأل
📣 ترقبوا الاعلان عن تفاصيل الكورس الكامل لموديول IBS & IBF الليلة 🔥🔥
#Stay_tuned
#October_Heroes

السلام عليكم يا أبطال 🙋🏻‍♂️
طبعا بعد ما شوفنا نتيجة ال Vote العظيمة دي شجعتونا اننا نشتغل في موضوع المراجعة 🥰
الفيديوهات بتتسجل حاليا وملفات الأسئلة بتتجهز وبإذن الله على بكرة يكون أول جزء نزل 😊 وان شاء الله انتظروا شغل عالي 😎
#Stay_tuned
#October_Heroes

السلام عليكم يا دكاترتنا الأبطال 👋👋
عاملين ايه 😊

ترقبوا الاعلان عن تفاصيل الكورس القادم ونظام الموديولات اللي جاية بمفاجآت وخصومات من العيار الثقيل إن شاء الله 🔥

الناس اللي لسة باقيلهم بكرة تركز ف الامتحان أهم شيء حاليا

#Stay_tuned 👀
#October_Heroes

السلام عليكم يا دكاترتنا الأبطال 🥰
عاملين ايه

ترقبوا أخبار مهمة عن المراجعات والأسئلة النهاردة بالليل شاء الله 😉

ونبدأ بتوضيح لنقطة مهمة جدا في موضوع ال Lymph nodes كانت مبهمة شوية لبعض زمايلنا
ضروري نسمع الفيديو ده عشان نفهم ال Cortical follicles & sinuses
Enjoy❤️ &
#Stay_tuned

#Skill_Lab 🔥🔥🔥
Intro
#stay_tuned

علم الأحياء الدقيقة أو ال Microbiology 🦠🔬

اللقاء التاني لينا مع المادة بس شتان بين اللي فات واللي جاي 😉

هنا رحلة هنستكشف فيها عالم تاني ...
كائنات مش شايفينها رغم أنها حوالينا .... مش بس كده
دي عايشة كمان جوة أجسامنا ... وعلى سطحها من برة ..
باختصار... موجودة في كل مكان !
Enjoy ❤️

#October_Heroes
#Stay_tuned 👀

علم الطفيليات أو ال Parasitology 🪱🕸

أول لقاء لينا بالمادة السنة دي

رحلتنا شبه امبارح بس على أكبر شوية 😁

هنتعرف خلالها علي الكائنات المتطفلة اللي بتعيش في أجسام الكائنات المضيفة أو ال Hosts سواء حيوانات أو بشر

هندرس أنواعها المختلفة وازاي بتنتقل للمضيف وتسبب ليه العدوى 😷

هنعرف ازاي نمنع حدوث الموضوع ده وازاى نحمي نفسنا منه أو نعالجه لو حصل 🧑‍🔬

كل ده وأكتر هنتعلمه مع بعض ان شاء الله

Enjoy ❤️

#October_Heroes
#Stay_tuned 👀

علم الأمراض ( Pathology ) 🦠 وعلم الأدوية ( Pharmacology ) 💊

هنفهم مع بعض يعنى اى مرض ؟ ازاى المرض بيحصل ؟ وازاى نعالجه ؟
يعنى ببساطة هناخد الطب الى بجد 💉

الترم التاني أهم وأمتع من الترم الأول إن شاء الله 💪

اللى أدى كويس الترم الأول لازم يبدأ جد لأن الى جاي أهم
واللى مأداش كويس برده يبدأ جد لأن لسة بدري , مفاتكش أى حاجه , فرصة ذهبية نفهم طب ونعوض الى فات 😊

بإذن الله بالليل هننزلكم تفاصيل الترم التانى
#Stay_tuned

بسم الله نبدأ أولى محاضرات الترم التاني

معانا دلوقتي مقدمة مادة ال Pathology بعنوان
Intro & Cellular Injuries

محاضرة بسيطة بنستفتح بيها مهم نسمعها عشان نبقى فاهمين الكلام ده بكرة ف الكلية

إن شاء الله هننزلكم تفاصيل الكورس بعد شوية 👀
#Stay_tuned
#October_Heroes

بينمَا يظنُّ البعضُ أنَّنا نضيِّعُ شبابَنا في الدراسةِ، يقولُ رسولُنا الكريم:
"طلبُ العلمِ فريضةٌ على كلِّ مسلمٍ، وإِنَّ طالبَ العلمِ يستغفِرُ له كلُّ شيءٍ، حتى الحيتان في البحر".

وبينما يُشفقُ علينا الكثيرون؛ لأنَّهم يعتقدونَ أنَّنا نفني عُمرَ الزهورِ عبثًا، يقولُ رسولُ اللهِ -ﷺ-:
"أَلَا إِنَّ الدُّنْيَا مَلْعُونَةٌ مَلْعُونٌ مَا فِيهَا إِلَّا ذِكْرُ اللَّهِ وَمَا وَالَاهُ وَعَالِمٌ أَوْ مُتَعَلِّم".

وبينما يختارُ الغالبيةُ الطريقَ السهلَ، سلكْنا نحنُ ذلك الطريقَ الطويلَ الذي قالَ فيه رسولُ اللهِ -ﷺ-:
"مَن سلَكَ طريقًا يلتَمِسُ فيهِ علمًا، سَهَّلَ اللَّهُ لَهُ طريقًا إلى الجنّة"

اعقدوا العزم، جددوا النية واستعينوا بالله 🌸🌸

معانا انهارده Overview عن السيمستر الجديد وهندرس فيه اي مع بعض 😊
وهنكون معاكم الأسبوع دا في شوية فديوهات تمهيدية للسيميستر الجديد ... كونوا في الإنتظار ❤️
#Stay_tuned
#October_Heroes

السلام عليكم ورحمة الله وبركاته
ازيكم يا أبطال 🏆 يارب تكونوا جميعا بخير 😊

معانا النهاردة الفيديو التمهيدي الأول في الترم ده وهو عبارة عن مقدمة لموديول الجهاز الحركي أو ال
Musculoskeletal-system 💀

✨ هندردش في الفيديو عن الجزء العلوي من الجسم أو ال Upper limb من ناحية العظام والعضلات والأوتار وما يحيط بالمواضيع دي من أساسيات تاخد بالك منها بأسلوب ممتع وشيق زي ما عودناكم

أسيبكم مع الفيديو بقى و
#Stay_tuned ❤️

السلام عليكم 👋👋
صباح الخير يا دكاترة 🥰
ها... سمعتوا الفيديو اللي فات ولا لسة

✨اللي مسمعش فايته عظمة على فكرة
فياريت منراكمش عظمة امبارح على عظمة النهاردة عشان ميكونش علينا عظم كتير 😂

معانا دلوقتي الفيديو الثاني في الجزء التمهيدي لموديول الجهاز الحركي أو ال Musculoskeletal-system

وموضوعنا النهاردة عن القفص الصدري أو ال Chest في نبذة مختصرة عن العظام المكونة ليه وبعض المفاهيم المهمة برده 🔥
إن شاء الله تستمتعوا بالفيديو 🥰

بالنسبة للدكاترة اللي بتسأل على نظام السنة الجديدة متقلقوش، هنعلن عن كل التفاصيل اللي محتاجينها خلال الأسبوع ده إن شاء الله

💥أهم حاجة حاليا إننا نسمع الفيديوهات اللي نزلت لأنها هتفيدنا جامد وهتدينا دَفعة كبيرة في بداية الدراسة.

And as always
#Stay_tuned

السلام عليكم يا أبطال 👀
عاملين ايه.. يارب تكونوا بأفضل حال 🥰

بعد ما خلصنا ال Upper limb أو الجزء العلوي من الجسم، جه الوقت اننا نتكلم عن الجزء السفلي أو ال Lower limb

✨هنتعرف سوا على عظام الحوض، الفخذ، الساق والقدم وهنعرف أهميتهم وكيفية ارتباطهم ببعض بأسلوب شيق وجميل

وعايز أنبهكم على نقطة مهمة ❗️
سماع فيديو ١٠ دقايق في اليوم مش حوار
ولكن هنعرف قيمة كل مقدمة من دول أما ندخل ونبدأ في الموديول وان شاء الله هتفرق معاكم جامد 🌟

#Stay_tuned

السلام عليكم يا دكاترة ✨

معانا النهاردة الجزء الرابع والأخير من السلسة التمهيدية لموديول ال MSS.
تحت عنوان Bone markings

في الفيديو ده هنتكلم عن البروزات أو العلامات المميزة الموجودة في كل عظمة واللي هيفكلنا حرفيا الطلاسم اللي هنسمعها في أول الموديول 💀🔥

> الجزء الرابع والأخير 🤨
= أيوة الرابع والأخير، انت مش متابع معانا ولا ايه 👀
> لا مش أوي، أنا كدة فاتني كتير؟
= يااه فاتك كتير خالص حوالي ٣٥ دقيقة بس 😁.
= بس من ناحية المعلومات ف انت فايتك كتير أوي بالفعل.
=وعشان منسيبلكش حجة، ده يا عم لينك أول ٣ أجزاء، اسمعمهم ومتكسلش بقى عشان هيكون عليهم ...... 👀
1. Upper limb
2. Chest
3. Lower limb

⚡️كونوا على استعداد عشان هننزلكم تفاصيل النظام خلال الفترة الجاية بإذن الله وكويزات وجوايز وحاجات جميلة كدة 😁✨

#Stay_tuned
#October_Heroes

السلام عليكم يا دكاترة ✨

يعني القناة فيها أكتر من 650 واحد 😎
اللي شاف الرسالة حوالي 130 🙂
واللي دخل الاستفتاء أقل من 50 🫠

واضح انكم داخلين السنة بكل نشاط وحماس 😂😂

على العموم احنا هنسيب الVote مفتوح لحد بكرة ان شاء الله عما باقي الناس تصحى كدة.

💥معانا دلوقتي مقدمة جميلة ومهمة جدا جدا لموديول ال Nervous system.. الموديول الثاني خلال الترم ان شاء الله هنحط فيها قواعد وأساسيات هتفيدنا جامد خلال الدراسة بإذن الله 🥰

And as always,
#Stay_tuned

السلام عليكم ورحمة الله وبركاته 👀
أخباركم يا دكاترة ✨

⚡️Introduction to reproductive system.

💥المحاضرة التمهيدية قبل الأخيرة للترم ده وسبب وجود ما يقرب من ٨ مليار انسان على هذا الكوكب 😁

بالضبط.. هنتكلم على الجهاز التناسلي في مقدمة تمهيدية بسيطة وشيقة زي ما عودناكم.

⚠️طبعا الموديول الثالث معانا الترم ده اللي هو ال
Endocrine & Reproductive System (ERS)
يتكون من جزئين
🫧جزء ال Reproductive اللي هنتكلم عنه النهاردة
🫧وجزء ال Endocrine اللي هنتكلم عنه بكرة ان شاء الله

#Stay_tuned

بسم الله ... نبدأ الرحلة ⚡️
السلام عليكم ورحمة الله وبركاته
ازيكم يا دكاترة عاملين ايه

✨البداية الرسمية لموديول MSS في سميستر ٣ ان شاء الله وأولى محاضرات مادة الفسيولوجي 🔥 بعنوان
Intro & Resting membrane potential
هنفهم مع بعض إيه علاقة الأعصاب بالعضلات, العصب وهو نايم شكله عامل ازاى 😴 تفاصيل كتيرة وكلام مهم جدا ...
وزى ما احنا عارفين بنفهم كلمة كلمة وحرف حرف ونقرأ كمان مع بعض المحاضرة ونطلع حافظينها 💪

ده غير الكويز المعتاد بتاعنا النهاردة بالليل ان شاء الله واللي بيه هنضمن اننا نكون قفّلنا المحاضرة.

🚨لازم نشد حيلنا من الأول يا دكاترة ومنراكمش أي محاضرات أو كويزات لأن الكلية مش بترحم.
ومن أول محاضرة مضطر أقول لكم ان الامتحانات قربت 🥲
ربنا يعينكم ويوفقكم 🤲


Enjoy ❤️ &
#Stay_tuned

تهنئة من تيم October Heroes لد سدرة عبدالناصر 🔥
مبروك يا دكتور حصولِك على الدرجة النهائية في أول كويز فسيولوجي لموديول ال MSS . سائلين الله لكِ دوام التفوق والتوفيق 🥰
دي شهادة تقدير متواضعة مننا لحضرتِك
وكمان ابعتي على حساب التيم لاستلام الجائزة النقدية وقدرها 100 جنيه 🥳🥳

✨طبعا الجايزة البسيطة دي مكافأة على الالتزام وسماع المحاضرات أول بأول وتشجيع للي لسة مكسل

انتظرونا في مزيد من المسابقات والكويزات والجوايز 👀
ولا تنسوا قراءة سورة الكهف النهاردة 😊

#Stay_tuned
#October_Heroes