ازيك يا بطل 🤝

واقف لقيت عمك صبري جارك الى عنده ٦٧ سنة جايبلك التحليل ده وبيقلك شفلي التحليل ده كده يدكتور 😶

طبعا انت عشان فاهم إن الهيستوري مهم جدا قمت قايله بتشتكى من أى يعم صبري
قالك والله يبنى تعبان طول اليوم وعضمى واجعنى عندي امساك وووو.... 😕

ياتري اول ما هتشوف التحليل هتقوله اى 🤔

عاوزين الناس تكتبلنا إجابات كاملة عشان ندي جوائز 🎁😌

" اوعى تنسى تعالج سبب الأنيميا "
- الهيرو 2024 🦸‍♂

💥 الدكاترة التلاتة إلى اتناقشوا معانا فلحالة إلى فاتت يتواصلوا معانا على اكونت التيم عشان معانا جائزة بسيطة كده 😌🎁

عزيزي الهيرو 🦸‍♂

وانت قاعد في العيادة الساعه ١ بالليل فجأة دخلت عليك سيدة محترمة عندها ٣٠ سنة بالتحليل إلى شكله يخض ده
ياترى عندها اى وهتكتبلها اى 🤔

عاوزين نفكر ونستفاد مع بعض ونوزع جوايز 🎁
الناس إلى هتجاوب معانا لهم هدايا ...
والناس إلى جاوبت قبل كده ومبعتتش تاخد الهدايا بتاعتها .. مش هنسيبك هتاخد الهدية يعنى هتاخدها 😁😁

قولولنا آراءكم وبكرة نتناقش فيها ونوزع الجوايز 👌

ولو مش عارف احنا بنعمل اي اصلا فانت فايتك كتير ولازم تسمع الفديوهين دول 🙊
CBC Part 1
CBC part 2

السلام عليكم ورحمة الله وبركاته
إزيكم يا دكاترة .... كيف أحوالكم
جمعتكم طيبة بإذن الله 🥰

🔥حابين نفكركم لو تعرفوا أي حد داخل الفرقة الأولى طب أكتوبر إن شاء الله ياريت تخلوه يبعت على حساب التيم عشان ندخله القناة التمهيدية اللي هنساعدهم عليها وننزل لهم تعريف عن الكلية ونظام الموديولات وكورس المصطلحات الطبية واساسيات كل مادة وحاجات تانية هتساعدهم وتيسر لهم الدنيا ان شاء الله بشكل مجاني بالكامل.

وكل عام وأنتم بخير بمناسبة اقتراب مولد الرسول ﷺ 🥳 تقبل الله منا ومنكم صالح الأعمال
'ولا شك أن الاحتفال به يكون باتباع شريعته والسير على نهجه وامتثال أوامره ﷺ'

ودمتم بخير ✨

بينمَا يظنُّ البعضُ أنَّنا نضيِّعُ شبابَنا في الدراسةِ، يقولُ رسولُنا الكريم:
"طلبُ العلمِ فريضةٌ على كلِّ مسلمٍ، وإِنَّ طالبَ العلمِ يستغفِرُ له كلُّ شيءٍ، حتى الحيتان في البحر".

وبينما يُشفقُ علينا الكثيرون؛ لأنَّهم يعتقدونَ أنَّنا نفني عُمرَ الزهورِ عبثًا، يقولُ رسولُ اللهِ -ﷺ-:
"أَلَا إِنَّ الدُّنْيَا مَلْعُونَةٌ مَلْعُونٌ مَا فِيهَا إِلَّا ذِكْرُ اللَّهِ وَمَا وَالَاهُ وَعَالِمٌ أَوْ مُتَعَلِّم".

وبينما يختارُ الغالبيةُ الطريقَ السهلَ، سلكْنا نحنُ ذلك الطريقَ الطويلَ الذي قالَ فيه رسولُ اللهِ -ﷺ-:
"مَن سلَكَ طريقًا يلتَمِسُ فيهِ علمًا، سَهَّلَ اللَّهُ لَهُ طريقًا إلى الجنّة"

اعقدوا العزم، جددوا النية واستعينوا بالله 🌸🌸

معانا انهارده Overview عن السيمستر الجديد وهندرس فيه اي مع بعض 😊
وهنكون معاكم الأسبوع دا في شوية فديوهات تمهيدية للسيميستر الجديد ... كونوا في الإنتظار ❤️
#Stay_tuned
#October_Heroes

السلام عليكم ورحمة الله وبركاته
ازيكم يا أبطال 🏆 يارب تكونوا جميعا بخير 😊

معانا النهاردة الفيديو التمهيدي الأول في الترم ده وهو عبارة عن مقدمة لموديول الجهاز الحركي أو ال
Musculoskeletal-system 💀

✨ هندردش في الفيديو عن الجزء العلوي من الجسم أو ال Upper limb من ناحية العظام والعضلات والأوتار وما يحيط بالمواضيع دي من أساسيات تاخد بالك منها بأسلوب ممتع وشيق زي ما عودناكم

أسيبكم مع الفيديو بقى و
#Stay_tuned ❤️

السلام عليكم 👋👋
صباح الخير يا دكاترة 🥰
ها... سمعتوا الفيديو اللي فات ولا لسة

✨اللي مسمعش فايته عظمة على فكرة
فياريت منراكمش عظمة امبارح على عظمة النهاردة عشان ميكونش علينا عظم كتير 😂

معانا دلوقتي الفيديو الثاني في الجزء التمهيدي لموديول الجهاز الحركي أو ال Musculoskeletal-system

وموضوعنا النهاردة عن القفص الصدري أو ال Chest في نبذة مختصرة عن العظام المكونة ليه وبعض المفاهيم المهمة برده 🔥
إن شاء الله تستمتعوا بالفيديو 🥰

بالنسبة للدكاترة اللي بتسأل على نظام السنة الجديدة متقلقوش، هنعلن عن كل التفاصيل اللي محتاجينها خلال الأسبوع ده إن شاء الله

💥أهم حاجة حاليا إننا نسمع الفيديوهات اللي نزلت لأنها هتفيدنا جامد وهتدينا دَفعة كبيرة في بداية الدراسة.

And as always
#Stay_tuned

السلام عليكم يا أبطال 👀
عاملين ايه.. يارب تكونوا بأفضل حال 🥰

بعد ما خلصنا ال Upper limb أو الجزء العلوي من الجسم، جه الوقت اننا نتكلم عن الجزء السفلي أو ال Lower limb

✨هنتعرف سوا على عظام الحوض، الفخذ، الساق والقدم وهنعرف أهميتهم وكيفية ارتباطهم ببعض بأسلوب شيق وجميل

وعايز أنبهكم على نقطة مهمة ❗️
سماع فيديو ١٠ دقايق في اليوم مش حوار
ولكن هنعرف قيمة كل مقدمة من دول أما ندخل ونبدأ في الموديول وان شاء الله هتفرق معاكم جامد 🌟

#Stay_tuned

السلام عليكم يا دكاترة ✨

معانا النهاردة الجزء الرابع والأخير من السلسة التمهيدية لموديول ال MSS.
تحت عنوان Bone markings

في الفيديو ده هنتكلم عن البروزات أو العلامات المميزة الموجودة في كل عظمة واللي هيفكلنا حرفيا الطلاسم اللي هنسمعها في أول الموديول 💀🔥

> الجزء الرابع والأخير 🤨
= أيوة الرابع والأخير، انت مش متابع معانا ولا ايه 👀
> لا مش أوي، أنا كدة فاتني كتير؟
= يااه فاتك كتير خالص حوالي ٣٥ دقيقة بس 😁.
= بس من ناحية المعلومات ف انت فايتك كتير أوي بالفعل.
=وعشان منسيبلكش حجة، ده يا عم لينك أول ٣ أجزاء، اسمعمهم ومتكسلش بقى عشان هيكون عليهم ...... 👀
1. Upper limb
2. Chest
3. Lower limb

⚡️كونوا على استعداد عشان هننزلكم تفاصيل النظام خلال الفترة الجاية بإذن الله وكويزات وجوايز وحاجات جميلة كدة 😁✨

#Stay_tuned
#October_Heroes

مساء الخير يا أبطال 👋👋

عملنالكم تفريغ لجدول المحاضرات بحيث نسهل عليكم الأمور شوية🔥
وما شاء الله الصراحة .. الترم مليان 🫠 وعايز شغل محترم وهمة عالية وانتو قدها وقدود ان شاء الله

💥 طبعا احنا النهاردة خلصنا المرحلة التمهيدية لموديول ال MSS وأكدنا على أهميتها الكبيرة وانها قد ايه هتفرق معاك.

✨إن شاء الله هنكمل برده بنفس النظام لباقي الموديولات كدة بس عايزين نشجعكم.
وللأمانة عايزينكم انتوا كمان تشجعونا وتتفاعلوا 🤠

ايه رأيكم نعمل كويز مجمع للمرحلة دي ويكون عليه جوايز ؟🥇🥇🥳

السلام عليكم يا دكاترة ✨

يعني القناة فيها أكتر من 650 واحد 😎
اللي شاف الرسالة حوالي 130 🙂
واللي دخل الاستفتاء أقل من 50 🫠

واضح انكم داخلين السنة بكل نشاط وحماس 😂😂

على العموم احنا هنسيب الVote مفتوح لحد بكرة ان شاء الله عما باقي الناس تصحى كدة.

💥معانا دلوقتي مقدمة جميلة ومهمة جدا جدا لموديول ال Nervous system.. الموديول الثاني خلال الترم ان شاء الله هنحط فيها قواعد وأساسيات هتفيدنا جامد خلال الدراسة بإذن الله 🥰

And as always,
#Stay_tuned