میزان - کـوردستان

🔴 #پەروەردەی درووست

🔷ئەو هەڵــە پەروەردەییانەی کاریگەری لەسەر منداڵ جێدەهێڵێت بەدرێژایی ژیــانی.. ❌❌

زۆرێک لە ئێمە، کاتێک گەورەدەبین، خۆمان دەبینینەوە لەوەی کە ناتوانین پڕۆژە تاکەکەسیەکانی خۆمان تەواو بکەین،بەبێ هەبوونی هۆکارێکی بابەتی ئاشکرا و هەندێکیتر پاشەکشە دەکات لەپەیوەندییە سۆزداریەکانی بەبێ بوونی ئاگاداری پێشوەختە و بە بێ بوونی بەهانەیەکی پەسەندکراو، لە کاتێکدا زۆرێک دەناڵێنن بەدەست ئەزمەی متمانە بە خۆ بوون، بەبێ ئەوەی بنچینەی کێشەکە و چارەسەرەکەی بزانن !

لێکۆڵینەوە دەروونیەکان زۆرجار هۆکاری ئەمە دەگەرێننەوە بۆ بوونی هەڵە لە پەروەردەکردن و بارھێنانی کۆمەڵگا بەشێوەیەک کە ئەقڵی بێئاگایی پڕ کردووە كه ئەویش بەرپرسیارە لە زۆربەی ھەڵسوکەوت و ئاراستە و بیرکردنەوەکانمان !

🟢زاناکانی بواری دەروونی پێنج هەڵەی پەروەردەییان دەستنیشانکردووە لە
لە قۆناغەکانی سەرەتای ژیانی مرۆڤ، کە کاریگەری دەمێنێتەوە بەدرێژایی ژیانی، کە ئەمانەن:

1⃣وازلێهێنان و به جێهێشتن

ئەزمونی وازلێهێنان و به جێهێشتن بە سەختترین و توندترين ئەزمون دادەندرێت لەژیانی منداڵدا ، جا ئەو کەسانەی لەمنداڵیدا بەو شێوازە دەژین و ئەم ئەزمونە دەبینن لە دواییدا ترسێکی زۆریان دەبێت لە تەنیایی و ترس لەوەی جێبھێڵدرێن جا لەبەرامبەردا وەک ستراتيژيەتی بەرگری ئەقلی ناوەكی ئەم جۆرە كەسانە مەيلی ئەوە دەكەن ئەوان بڕۆن و دوور بكەونەوە پێش ئەوەی جێیان بھێڵن و دووربكەونەوە.

2⃣رەتکردنەوە و دوورخستنەوە

منداڵ وا هەست دەکات کە کەسێکی قبوڵکراو نییە کاتێک دوور دەخرێتەوە و هەميشە رەتدەكرێتەوە، وەک برینێکی قووڵه کاتێک پێی تێدەپەرێت لە سەرەتاییەکانی تەمەنیدا، پاشان لە دواييدا رەنگ دەداتەوە لە هەڵسوكەوتەكانی تا كۆتايی ژيانی جا وای لێدێت دەچێتە نێو جيهانی ناوەكی خۆيەوە و گۆشەگير دەبێت و دوور لە ژيانی كۆمەڵايەتی و تێكەڵ بوون بە خەڵكی دەژی.

3⃣سووكايەتی کردن

کاتێک باوکەكان منداڵەکانیان بە گەمژە و گێژ....هتد ناودەبەن بێگومان دەرک بەوە ناکەن کە بەم کارەیان باوەڕبەخۆبوونی منداڵەکانیان تێک دەشکێنن ، جا کاتێک کەسێک ڕووبەڕووی ئەمە دەبێتەوە لە منداڵیدا، ڕێگايەک لای خۆی دروست دەكات بۆ بەرگریکردن لەخۆی لە ڕێگای دووبارە سووكايەتی پێكردن بە کەسانی دی، جا ئەم کەسانە به چەسپاندنی دەسەڵاتيان و خۆ ویستيیەكی زيادەڕۆيی دەناسرێنەوە.

4⃣ڕەق بوون لە مامەڵەدا

ئەو منداڵەی لە ژینگەیەک پەروەردە دەبێت کە دایک و باوک بە ڕەق و توندی مامەڵەیان لەگەڵ دەکەن و لەسەرووی توانای خۆی شتی پێدەکەن هەست بە لاوازی و بێ سودی دەكات ، جا ئەو منداڵانەی كە بەم شێوەيە مامەڵەی ڕەق و تونديان لەگەڵ كراوە بەوە دەناسرێنەوە كە مەيلێکی نەخۆشانەيی ئەوەيان هەيە كە دەبێت هەموو شتێک بە ڕێكوپێک و ئەو پەڕی تەواوی و تۆكمەيی بێت. هێدی نین و هيوابڕاون لە بەرگری كردن لە ڕا و بيرو بۆچونيان و هەوڵدانی هەميشەييان بۆ بەدەست هێنانی دەسەڵاتە.

5⃣بەڵێنی درۆ

دایکو باوکان عادەتيان بەوە گرتووە كە بەڵێنی زۆر بە منداڵەکانیان بدەن لەهەمان كاتدا ئەوان زۆر باش دەزانن و دڵنيان كە بەجێی ناگەیەنن ،جا لەگەڵ دووبارەبونەوەی ئەمە؛ کەسایەتییەکی ساختەچی و شەڕانگێزی لێ دروست دەبێت كە مەيلی ئەوەی هەيە كە كەسانەی ديكە كۆنتڕۆڵ بكات و دەستيان بەسەردا بگرێت.

👇
👇
👇

💢 T.me/Mizankurdi