بسم الله نبدأ مع بوست بوضحلنا الفرق بشكل جميل بين عدّة مفاهيم مذكورة بالفصل العاشر اقرؤوه وبإذن الله بتوضح معكم 🔥🔥 .

⭐️ معدّل المواليد الخام: عدد المواليد يلي بيولدوا وبيبقوا عايشين بسنة معينة من كل 1000 شخص.

قانونه بصير ⬅️
(عدد المواليد الأحياء/ عدد السكان)× 1000

✨ هاد أوسع شي ✨

⭐️ المعدل العام للخصوبة: هو عدد المواليد يلي بيبقوا أحياء بسنة معينة  لكل 1000 امرأة قادرة على الإنجاب.

قانونه بصير ⬅️
(عدد المواليد الأحياء/ عدد النساء القادرات على الإنجاب)× 1000

طبعًا محددين عمرهن بين 15_49 سنة.

✨ هذا المقياس أكثر دقة من يلي قبله ✨

لاحظوا أول واحد خام لأن مو كل هال 1000 شخص بينجبوا أطفال،
فهو مقياس أعمّ من مقياس المعدل العام للخصوبة يلي هو أكثر دقّة من سابقه لأن ال 1000 فيه هنن كلن نساء قادرات على الإنجاب.

وميّزه

خصوبة = قدرة على الإنجاب

⭐️ معدلات الخصوبة العمريّة: هذا بيشبه يلي قبله،
بس يلي قبه كان عااام يعني شامل كل النساء يلي قادرين على الإنجاب،

أمّا هون عم يخصصلك فئة عمريّة معينة منهن قادرة على الإنجاب.

قانونه بيشبه يلي فوق تقريبًا بس مخصص لفئة عمرية معينة، فبصير ⬅️

(عدد المواليد الأحياء لفئة عمرية معينة/ عدد النساء القادرات على الإنجاب وعمرهن من هالفئة المحددينها) × 1000


⭐️ معدّل الخصوبة الصافي:
صافي، يعني بدنا بس بنات لأن هنن يلي بينجبوا بس يكبروا، ومن كل المجتمع مو من 1000 شخص متل يلي فوق،
فبدنا نعرف معدل ولاداتهم وهيك بنعرف خصوبة المجتمع.

فبصير قانونه ⬅️
عدد المواليد الإناث الأحياء/ عدد نساء المجتمع كلن كلن.

⭐️ معدل الخصوبة الكليّة: هنن عدد المواليد (أولاد وبنات) يلي بيبقوا أحياء لكل نساء المجتمع القادرات على الإنجاب.

يلي قبل صافِ يعني بس مواليد بنات (لأنن بس يكبروا رح يصيروا قادرين على الإنجاب شي طبيعي).

هون كليّ يعني أولاد وبنات.

فبصير قانونه ⬅️
عدد المواليد الأحياء كلهم/ عدد نساء المجتمع كلن كلن .

بالتوفيق ولا تنسونا من صالح دُعائكم 🤍🌸🍃 .

#Statistics 📊
#MS_Chapter_10
#Med_Help_Statistics 📊
@MedHelpForPreYears