📚讀書好
今期選擇推薦呢本書係因為近期✏️筆者身邊有好多朋友都移民英國🇬🇧，希望呢本書可以幫佢哋對英國嘅社會、文化、歷史有多啲了解，方便佢哋融入社會。

「二十世紀英國」係Kenneth O. Morgan 著作嘅譯本，呢位作家可謂來頭不小🤙🏼，曾經幫過唔少英國嘅政客，例如1976-80英國首相James Callaghan 寫過自傳。本書一共137頁，唔算太長，分成七章，加上有大事年表，方便讀者有層次咁樣認識現代英國歷史📃。

筆者最感興趣嘅部份係第一章至第四章，講解咗第一次至第二次世界大戰⚔️前後嘅英國社會。呢兩場世界大戰，喺國際層面來講英國都算係贏家，但係偏偏喺英國各社會層面，就分別有輸家同贏家。

本書每一個章中有細嘅章節，例如：社會改革、婦女、政治、戰爭的影響等等，方便讀者由唔同嘅切入點去了解兩次🌍世界大戰對英國唔同社會層面嘅影響。

戰爭對社會造成嘅影響往往係令人意想不到，例如作者指出第一次大戰時，為咗滿足🪖軍隊嘅需要所帶來嘅社會改革，間接改善咗民生。另外，因為婦女在🏥戰地醫院擔當重要角色，直接提高咗婦女喺社會嘅地位，又例如喺政治層面，最大嘅贏家居然係工黨，佢哋除咗取替咗自由黨嘅地位，工會會員仲增加咗一倍添⬆️。

可惜，戰爭最大嘅受害人永遠都係平民同埋士兵🕴🏻，二次大戰六年期間英國一共有27萬軍人同六萬平民喪身🙏🏼，但佢哋嘅犧牲為生存落嚟嘅人帶嚟和平。

總結嚟講呢本係一本可以一睇再睇嘅好書📖，唯一缺點係比較學術性，句子比較文縐縐，加上係翻譯本，💬有啲句子翻譯得比較牽強，筆者重複睇咗十次以上都唔明，睇嚟又有藉口溫故知新喇。

作者：不白

___________________________
📍TG: t.me/MF_Voice_Channel
📍IG: instagram.com/meifoovoice
📍MeWe: mewe.com/join/mfvoice
📍WhatsApp 報料熱線: https://wa.me/+85261789665

#孚聲 #美孚 #香港 #英國 #移民 #歷史 #二十世紀英國 #好書介紹 #kennethomorgan