🦷點解有時蛀牙可以補，有時又要杜牙根？

好多病人都有這個疑問：我隻牙都無痛，點解要杜牙根，做咩唔就咁補牙？

當病人有蛀牙嘅時候，牙醫會詢問牙痛徵狀🤔，然後幫患者做詳細檢查，包括：口腔檢查、照X光片🎞、牙齒敲擊試驗、牙髓電測試、🌡溫度測驗等。最終診斷牙髓(神經線)健康情況。

💪🏻牙髓嘅健康情況有分兩種：可逆性牙髓炎(reversible pulpitis)和不可逆性牙髓炎(irreversible pulpitis)。

可逆性牙髓炎係牙齒受到❄️冷🔥熱甜刺激時有短暫嘅刺痛感😵‍💫，刺激移除則疼痛馬上消失。呢個時候如果及早處理牙髓仍有康復嘅機會。如果你有可逆性牙髓炎，只要治療導致炎症的成因，例如補翻隻蛀牙，就可以解決症狀✅。

不可逆性牙髓炎就唔同喇。佢屬於較為嚴重的牙髓炎症，可以涉及根部牙髓，甚至牙髓壞死🥴。不可逆性牙髓炎痛症包括：牙齒未受到任何刺激的情況下，突發生劇烈疼痛和夜間睡眠💤時特別疼痛。

不可逆性牙髓炎可以通過稱為「杜牙根」來保存牙齒。在杜牙根期間，壞死牙髓會被移除🔧但牙齒的其餘部分將保持完整。但係當牙齒嘅結構受到嚴重破壞或牙髓嘅發炎太過犀利以至無法修復💢，牙齒就可能要剝喇。

所以話呢，牙齒有唔舒服就要快啲睇醫生👩🏻‍⚕️，唔好諗住咩都係熱氣而錯過咗治療嘅🌟黃金機會呀！

Dr Jennifer Yu @ OAKS Functional Dentistry

___________________________
📍TG: t.me/MF_Voice_Channel
📍IG: instagram.com/meifoovoice
📍MeWe: mewe.com/join/mfvoice
📍WhatsApp 報料熱線: https://wa.me/+85261789665

#孚聲 #美孚 #香港 #牙醫 #蛀牙 #杜牙根 #補牙 #可逆性牙髓炎 #不可逆性牙髓炎 #醫生

💤鼻鼾點只嘈咁簡單

持續而又大聲嘅鼻鼾，除咗擾人清夢💭，破壞家庭和睦之外，更加係健康警號！！

鼻鼾聲，源於瞓覺時上呼吸道空間收窄，空氣流動產生阻力，因而發出聲響📣。一般嚟講聲響越大，呼吸阻力越大。即係話鼻鼾聲，係反映緊瞓覺嘅時候抖氣抖得唔好，嚴重嘅就係睡眠窒息症😷。

雖然睡眠窒息症仲有好多其他症狀，包括半夜扎醒、日間容易恰眼瞓、瞓極都唔夠、磨牙🦷、頭肩頸痛等，但鼻鼾係最容易察覺到✅。

當然要確定有冇睡眠窒息症，最直接嘅方法係做睡眠測試。而家亦都有好多穿戴式嘅初步睡眠檢測，令病人可以用較低嘅費用💰做到初步檢查。

治療方面亦唔複雜，除咗較多人熟悉嘅呼吸機同牙膠外，有研究顯示，即使唔佩戴任何儀器，👄透過口腔肌功能訓練(即係…口腔健身咁上下嘅嘢)，已經可以將一半病人嘅鼻鼾改善。

而佩戴特製牙膠，有研究顯示更能將睡眠窒息指數改善百份之五十。

另外，個人化嘅止鼾牙膠，經研究證實，喺預防睡眼窒息症患者嘅🫀心管病變及血壓控制嘅效果，同呼吸機相比，亦有差唔多嘅功效。

當然不論口腔健身、佩戴牙膠定呼吸機，最重要嘅係要有正確嘅診斷同埋持之以恆咁配合治療💪🏻。

👨🏻‍⚕️如果身邊嘅人有包括鼻鼾等睡眠窒息嘅徵狀，記得提提佢地及早檢查並盡早治療！

Dr Jonathan Ku @ OAKS Functional Dentistry
Facebook：https://www.facebook.com/drjonathanku

#drjonathanku #sleepapnea #myofunctionaltherapy #snoring #oralappliacetherapy

___________________________
📍TG: t.me/MF_Voice_Channel
📍IG: instagram.com/meifoovoice
📍MeWe: mewe.com/join/mfvoice
📍WhatsApp 報料熱線: https://wa.me/+85261789665

#孚聲 #美孚 #香港 #牙醫 #鼻鼾 #睡眠窒息症 #扎醒 #眼瞓 #磨牙 #頭肩頸痛 #牙膠 #呼吸器