قفلت منها و طلعت لقيت عمر قاعد ، قال لي ماف أي زول في الباب ، فجأه تلفون ماريا رن ، فصل و تاني بقى يرن ، قال لي ماريا دي وين !؟ قلت ليهو ما عارفه ، تاني التلفون رن ، قلت ليهو يمكن إتصال من المستشفى ! قال اللهم اجعلو خير و مشى على التلفون و أنا بعاين ليهو سااااي ، لمن مشى و شال التلفون ملامح وشو اتغيرت ، بقى ماسك التلفون و هو برن ، فجأه فتح الخط و سكت ، طبعاً سهى مستحيل تتكلم معاهو ، لمن ماف زول اتكلم عمر قال معاي منو ؟ طوالي الخط قفل !
طبعاً حسيت إنو بقى في استفهام كبير في بالو !
فجأه تلفونو رن ، فتح الخط و قال آلو ! طبعاً أنا عرفت إنو دي سهى متصله عليهو برقم تاني ، هي ورتني إنها حتعمل كدا بس ما عارفه قالت ليهو شنو بالظبط بس طلع طوالي ، ما ضيعت زمن مسكت تلفون ماريا و حذفت المكالمات و اسم "حبيبي " سجلتو بـ سهى زي ما كان ، و رجعت التلفون مكانو و مشيت دخلت غرفتي و اتصلت على سهى و حكيت ليها الحصل و قلت ليها قلتي شنو لـ عمر !؟ قالت لي معاي واحد صحبي و فردتي شديد خليتو هو يتكلم معاهو ، بعد سلم عليهو قال ليهو ياريت تجينا في الميدان أخوك فاروق دا متصاوب ، المهم طلعتو من البيت ، قلت ليها غيتو خطتنا دي الحظ هو الساعدنا فيهو ، المهم شويه كدا ماريا جاتني داخله ، لمن شفتها قلت معناها قعدت تكورك و عمر هو الفتح ليها الباب ، قالت لي ليه قفلتي علي باب الحمام ممكن أفهم !؟
قلت ليها منووو أنا !؟ بري ما قفلت عليك أي باب ! قالت لي ما تستهبلي علي ! ماف زول في البيت غيرنا نحنا التلاته ، عمر مستحيل يقفل الباب علي و أكيد دي انتِ ، أصلاً من جيت هنا شايفاك بتعملي لي حركات و قايلاني ما كاشفاك ! ما تقولي عشان ساكته معناها غبيه و ما فاهمه حاجه ! أحسن ليك تحترمي نفسك و تبطلي البتعملي فيهو دا عشان ما أحكي لـ عمر بعمايلك ! قلت ليها أنا ما عملت أي شي ، أحكي لـ عمر العندك و أنا بحكي ليهو العندي 😊
قالت لي عندك شنو كدي قوليهو خلينا نسمع ! قلت ليها لمن تمشي تحكي عمايلي الما عملتها لـ عمر أنا حـ احكي ليهو عمايلك العملتيها و هناك حـ تعرفي نفسك عملتي شنو ، عاينت لي كويس كدا و طلعت ، بعدها مباشرة سمعت عمر بتكلم بزهج و بقول نفسي أعرف دا منو و عايز يصل لـ شنو !؟
ماريا قالت ليهو خير في شنو و قبل شويه طلعت بإستعجال مشيت وين !؟ قال ليها دا واحد مستهبل اتصل علي و قال ليك فاروق اخوك متصاوب في الميدان ، في البدايه صدقتو و قلت يمكن واحد من أصحاب فاروق ، طلعت الشارع و اتصلت على فاروق فأكد لي إنو كويس و ما قاعد في الميدان أساساً ، و اكتشفت إنو الرقم دا ما غريب علي ، قالت ليهو يمكن واحد من أصحابك عايز يعمل فيك مقلب ! قال ليها لا ، صاحب الرقم دا عندو هدف عايز يصل ليهو ، قبل كدا رسل لـ عـ..... هنا سكت و قال ليها ما تشغلي بالك ، قالت ليهو وترتني ، في شنو يا عمر ، ان شاء الله الموضوع ما يكون خطير ، قال ليها لا لا ماف شي خطير و بالمناسبه انتِ كيف اتقفلتي في الحمام ؟! من شدة استعجالي فتحت ليك الباب و طلعت طوالي و ما سألتك !؟ قالت ليهو تصدق ما عارفه القفلو منو ! يمكن بيتكم دا مسكون ، ماف تفسير غير كدا ، لأنو ماف غيرنا أنا و انت و مها في البيت! قال ليها ثواني و طوالي ناداني ، لمن طلعت ليهم قال لي مها انتِ قفلتي باب الحمام على ماريا !!؟ قلت ليهو أنا !؟ و ليه أقفلو عليها ! ماريا قالت ليهو لا لا ما اظن إنو دي مها و الغربيه إنو باب الشارع كان مقفول ، يعني لو كان فاتح ممكن نقول واحد من الشفع جا داخل و قفلو ، عمر قال ليها معناها إلا كان دا انا القفلتو ! ضحكت و قالت ليهو لا لا انتِ ما بتعمل حركه تاااافهه زي دي ، عمر عاين لي تاني و قال لي مها أنا جادي معاك ، انتِ عملتي كدا !؟ قصدي لو بتهظري معاها ؟!
طبعاً لمن ختيت عيوني في عيونو حسيت إنو لو كذبت تاني حـ يكشفني و هو جنو و جن الكذب ، قلت ليهو ايوااا اتذكرت أنا قبيل قفلت باب الحمام بس ما كنت عارفه إنو فيهو زول ! ماريا قالت لي ههه كيف ما عرفتي إنو فيهو زول ! و لمن سألتك ليه ما قلتي لي كدا !؟ قلت ليها لأنو ياداب اتذكرت !
المهم بعدها دخلت غرفتي و اتصلت على سهى ، أول ما ردت علي قلت ليها يا غبيه ليه متصله على عمر بنفس الرقم الكنتِ بترسلي بيهو لـ عنود ! يا غبيه عمر عرف الرقم و تاني ما حـ يرتاح لو ما سك الموضوع دا و عرف نهايتو ! قالت لي حـ اتصرف ..... أول ما قفلت الخط و إتلفت وراي إتخلعت ! بسبب استعجالي و عدم تركيزي خليت الباب فاتح !

" أغارُ عليك من نفسي و منّي
و منك و من زمانك و المكانِ
و لو أني خبّأتك في عيوني
إلى يومِ القيامةِ ما كفاني
اثق فيك و في حبك لكنني
اغار عليك من كل شي
و عِندمٓا أغـار ، أشتهيٓ حبسُـك
داخلَ قلبيٓ ألفَ عامٓ
حتىٓ تهدأ غيرتِب " 🖤

*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*
*♡عـــــــــــــــــبـــــــــــــــد البـــــــــــــاقــي أحــــــــــــمــد مـحــــــــــمد زين ♡*

*#من~الأعماق~《28》*
*#بقلم~مها~حولي~الزاكي~*
*ــــــــ♡ــــــــ♡ــــــــــــــ♡ــــــــــــ❥ :00:00*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‌‏​​‏​​‏​​‏​​‏​​‏​​‏​​‏​​‏​​‏​​‌‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​

طبعاً قعدت تعاين لي بإستغراب ! ايوه هي عرفت إني بتكلم مع سهى عن عنود بس ما كانت فاهمه لييه سهى رجعت تاني و اتصلت على عمر و كذبت عليهو لمن قالت ليهو اخوك مصاب في الميدان و يمكن الخلاها تستغرب إنو عمر حسب كلامو الإتصل عليهو راجل فكيف أنا أقول لـ سهى ليه اتصلتي عليهو بالرقم داك ... عاينت لي مساااافه بعدها فهمت إنو في لعبه حاصله ، اتوقعتها تجي تشاكلني و تعمل جوطه كبيره بس ما قالت شي ، أول ما طلعت أنا الخوف اتمكن مني ، فتحت جزو من الباب و بقيت أعاين بيهو ، خفتها تجيب سيره لـ عمر ، قعدت بس ما قالت ليهو حاجه ، عمر بعد لحظات صمت وطي صوت الشاشه و قال ليها عايز اتكلم معاك في موضوع مهم ، قالت ليهو اتفضل ! قال ليها انتِ في زول في حياتك !؟
طبعاً أنا هنا حسيت بخنجر في قلبي !...
_ قصدي يعني لو في زول عايز يجي و يتقدم ليك !
= لا لا ماف
_ ما تخجلي مني لو في زول خليهو يجي عادي و يتقدم ليك حتى لو ما عندو شي
= والله يا عمر ماف زول !
_ شوفي انتِ عارفه اننا ما بنحب اللف و الدوران ولا برضينا بنات يطلعوا و يدخلوا مع الأولاد ولا يصاحبوهم أو يعملوا معاهم علاقات من دون ما يكون في شي رسمي بيناتهم
= قالت ليهو والله ما فهمتك يا عمر انت !! قول لي عايز تصل لـ شنو ؟
_ المهم ما عايزك تبقي لعبه في يد زول ، العايزك بالجد بمشي يتقدم ليك ، خليك عارفه البونس ما بعرس
= قالت ليهو عمررر ما فاهمه أنا انت بتلمح لـ شنو !؟ قول لي قصدك عديل و ما تتكلم معاي بالألغاز !
_ قبيل و انتِ في الحمام زولك اتصل و انتِ أكيد عارفه نفسك مسجلاهو بـ منو ! يعني بالجد صدمتيني فيك !
= نعم نعم ؟؟! زولي منو !؟ عمر انت واعي للبتقولو ؟!!
_ والله يبدو انك ما فتحتي تلفونك ! و على فكره انا ما بحب الكذب و ما بحب الناس النكارين !
طبعاً ماريا طوالي قامت و جابت تلفونها و فتحتو ، عاينت فيهو و قالت ليهو : عمر انت بتتخيل ولا شنو ؟! ماف أي مكالمه في تلفوني !
طبعاً عمر قام من مكانو و مشى شاف تلفونها و ما لقى فيهو أي مكالمه ، عاين ليها مسااافه و بعدها قال ليها خير !
طبعاً عمر ما بحب الكذب ، و ما بحب زول ينكر ليهو حاجه هو متأكد منها ، بالحركه العملناها دي قدرنا نثبت لـ عمر إنو ماريا كذااابه و انها حابه ليها واحد بالدس و عمر بكره الحركات دي ، طبعاً حسيت بالنصر بس كنت متوقعه ردة فعل قويه من ماريا ، اتوقعت انها تجي و تلومني لأنها أكيد شكت في الموضوع بس كلو ما حصل !!
ماريا حيرتني و بقيت استغرب في البرود الفيها ، ما عرفت هل هي بالجد ما فاهمه شي ولا فاهمه بس بتتغاتت ! يعني حتى ما اتصلت على سهى ولا سألتها ليه اتصلت على عمر بالرقم المجهول داك ! حيرتني بالجد ! لمن حكيت لـ سهى قالت لي هي عااارفه انها لو فتحت موضوع عنود حـ تنفضح ، أنا عمر دا لا ود عمي لا ود خالي لا قريبي و لو عرف إني كنت برسل لـ بتو القطريه ديك ما حـ يعمل لي شي بس ماريا حـ يشنقها لأنها قريبتو ، قلت ليها و أنا كمان عارفه ! قالت لي و يعني ؟؟ أولاً ماريا مستحيل تحكي ليهو اتطمني من الناحيه دي و لو لو حكت قولي انك عرفتي متأخر و ما قدرتي تقولي حاجه و بس !

طبعاً أنا في البدايه كنت محتاره في ماريا و بسأل نفسي هي ليه ساكته و ما عايزا تعمل شي ، بس من غيرت رمز تلفونها و بقت تدخل المطبخ و تقفلو عليها اتأكدت انها فااااهمه الحاصل كلو و عارفه إنو سهى معاي و إنو سهى هي الورتني رمز تلفونها لأنو سهى عارفااااهو بحكم انهم كانوا صحبات ، أصلاً سهى عرفت الرمز من يوم عرس محمد ، طبعاً ماريا بقت ما بتديني فرصه عشان أخرب حاجه هي عاملاها ، بقت عامله حسااابها و صاحيه و مركزه مع كل تصرفاتي ، لاحظت في الفتره ديك إنو عمر بقى يميل ليها أكتر ! زمان كان بطلب أي حاجه مني انا و اسمي دا في لسانو على طول ، بس الوضع إختلف لأنو بقى ينادي على ماريا بدلي ! بتغسل و تكوي ليهو كأنها مرتو و كمان ماسكه المطبخ !
افتكرت إني أذكى منها و بعرف كيف اتصرف بس هي بكل هدوء و برادة دم قدرت تسحب عمر لـ طرفها ، مره كانت ماسكه تلفونها و شغاله فيهو أول ما سمعت صوت عمر ختت التلفون و شالت المصحف الكانت خاتاهو جنبها ، طبعاً أنا اكتر من مره كنت بشوفها شايله المصحف بس ما فهمت انها شايلاهو رياء منها إلا بعد موقفها داك ، طبعاً حتى صلاتها كانت بتنتظر بيها عمر ! عشان يجي و يشوفها بتصلي ! لا و كمان لمن أنا أعمل تصرف ما كويس في غياب عمر لمن يجي بتحكي ليهو بطريقه غير مباشره و بتعمل نفسها ظريفه ! كانت مجتهده شديد في انها تظهر مثاليه قدام عمر و ما كانت بتغلط ولا غلطه و محترمه ناس البيت و بتساعد عمتي في شغل البيت و طبعاً دا كلو نفااااق منها !
أنا الفتره ديك كرهتها شديد و بقت واقفه لي في حلقي زي شوكة الحوت ، والله ماريا شدة ما وجعت لي قلبي لمن بقيت أبكي بسببها ، بسبب إني حسيت انها شالت مني عمر و إنو عمر بقى بعيد عني و بفضلها علي ، و بسبب إني بقيت ما قادره أعمل ليها شي !!
بسببها بقيت مشتته و ما قادره أركز مع شي ، حتى دراستي أهملتها و لو مسكت كتاب بكون بفكر ماريا حالياً بتعمل شنو ، قاعده مع عمر ولا لا !؟
يوم مشيت لـ معزه و أنا مخنوقه ، لمن سألتني ما اترددت و قعدت أحكي ليها بـ ماريا و عمر و أنا أبكي و أمسح دموعي ، قالت لي مها عليك الله عمر دا حالياً شيليهو من بالك ، بسببو بقيت أحسك وحده ضعيفه و ما عندها هدف في الحياة دي غير تخلي عمر يعاين ليها و تبعد ماريا عنو ! افهمي إنو عمر لو قسمتك ماريا دي مهما مثلت و اتنافقت ما حيكون ليها ، عليك الله أصحي على نفسك يا مها و خليك واعيه و ما تشغلي بالك بيهم و ما تملي قلبك زعل و كراهيه ، لو عمر زي ما قلتي بدا يميل لـ ماريا أو قال عايزها عديل انتِ ماف خيار قدامك غير تسكتي و تقبلي بالواقع لأنو ماااف زول بشيل حاجه ما ليهو ، لا الحب بجي بالغصب لا العرس بجي بالغصب !
طبعاً كلامها بكاني زياده ، طلعت منها و مشيت البيت و أنا عيوني وارمه من شدة البكى ، دخلت غرفتي و قفلت الباب علي و فتحت بيت عزاء ، عمتي جات دقت لي الباب و قال لي مهاااوي يا بتي مالك كدي أفتحي لي الباب ، في زول سألك !؟... جاني صوت علاء و هو بقول ليها في شنو يا عمتي !؟ قالت ليهو بري ما عارفه مالا جات تبكي و دخلت طوالي و قفلت الباب عليها ، علاء قال لي مها أفتحي الباب و فهمينا في شنو !؟
قعدوا يدقوا لي في الباب كدا لحد ما مشيت فتحتوا ليهم بعد ما مسحت دموعي ، عمتي قالت لي بسم الله يا بتي مالك في شنو !؟
طوالي اترميت في حضنها و قعدت أبكي كأنو مات لي زول ، قالت لي مهاوي كفايه بكى ، براحه براحه فهميني في شنو مالك ؟؟ علاء قال لي عمر لو كان في البيت كنت حـ اقول إنو هو شاكلك بس عمر ما موجود !... لمن ذكر لي إسمو دموعي زادت زياده ، قعدوني و علاء مشى جاب لي مويه ، فاروق جا داخل و قال خير يا جماعه !! عاين لي و قال لي عمر شاكلك ولا شنو !؟ عمتي قالت ليهو لا لا عمر ما شاكلها ، اتكلمي يا مها ما تحرقي دمي ، قلت ليها ماف شي ، قالت لي اشتهيتي ليك بكى يعني ! يا بتي عليك الله قولي لي و ريحيني ، علاء قال لي اتكلمي يا مها !! فاروق قال لي لو ما قادره تقولي قدامنا أنا و علاء ممكن نطلع نخليك مع أمي ، قلت ليهو لا لا ماف شي .... سكتوا و بقوا يعاينوا لي ، بعد مسااافه قلت ليها عمتي عايزا أطلب منك طلب ، قالت لي أطلبي طوالي ، عايزا شنو يا حبيبتي ؟؟
قلت ليها عايزا أمشي أقعد مع أمي كم يوم كدا و اجي راجعه ، سكتت سااااي بس زعلت ، علاء قال لي ليه ؟؟ قلت ليهو ساي بس زهجت من البيت ، قال لي طيب أرح أطلعك معاي مشوار ، قلت ليهو ما عايزا ، خلوني بس أمشي لـ أمي ، فاروق قال لي لكن.... عمتي قاطعتو و قالت ليهو واحد منكم يمشي يوصلها بيت أمها ، قالت كدا و طلعت و علاء و فاروق قعدوا يعاينوا لي بإستغراب ... قعدت اتباكى ليهم و أصريت شديد أمشي بيت أمي و حلفت ما أقعد ، في الآخر علاء هو المشى معاي عشان يوصلني ، لمن وصلنا قال لي ما عارف الضايقك شنو بس أتمنى لمن تجي راجعه البيت نفسيتك تكون اتحسنت ، دخل معاي سلم على أمي و بقى مارق ، طبعاً أمي حست إنو في شي بس قدرت ما سألتني أبيت أحكي ليها ، لمن زهجتني بأسئلتها

الكتيره قلت ليها انتِ بس قولي انك ما عايزاني اجيك ، قالت لي يا بت هوووي دا كلام شنو ! أنا بسألك عشان حسيت إنو في شي حاصل معاك لكن مدام دا تفسيرك لـ اسئلتي خلاص سكته !
طبعاً اليوم داك كان يوم خميس ، المهم في نفس اليوم دا بعد صلاة العشاء تلفوني رن ، طبعاً عمر هو الكان متصل ، عملت التلفون صامت ، اتصل كدااا لمن قال بس ، بعدها جاتني أمي و هي شايله تلفونها ، قالت لي هاك دا عمر ! نططت ليها عيوني و قلت ليها بصوت واطي قولي ليهو نايمه ! قالت لي لكن أنا قلت ليهو انك صاحيه ! طبعاً بتتكلم معاي بصوت واطي ، مسكتني التلفون و قالت لي اتكلمي ، شلت التلفون و طلعت برا ، قلت ليهو آلو ، قال لي كيفك !؟
قلت ليهو كويسه ، قال لي خير الحصل شنو في البيت !؟ قلت ليهو ولا شي !
قال لي ولا شي و ناس البيت بقولوا انك كنتِ بتبكي و أصريتي تمشي بيت أمك !؟ يعني إذا أنا ما شاكلتك و ما كنت قاعد في البيت أساساً فـ منو السألك !؟
قلت ليهو ولا زول !
قال لي في شنو قولي لي !؟
قلت ليهو ماف شي !
قال الله يطولك يا روح ! يا بت الحلال ما تقعدي تقضيها لي ماف شي و ولا زول ! يعني أكيد ما كنتِ بتبكي ساي و ما قررتي فجأه كدا تمشي لأمك ! في شنو ياخ أحكي لي !
قلت ليهو ماف شي ، طوالي قفل الخط في وشي ، لمن مشيت رجعت لأمي تلفونها قعدت تعاين لي سااااي ، قالت لي شكلو في شي حاصل في بيت عمتك ، قلت ليها لا ماف و مشيت من جنبها ، طبعاً قفلت تلفوني و ما فتحتو إلا يوم السبت ، لقيت مكالمات كتيره مره من عمتي و مره من علاء و فاروق و محمد ، و عمر بالغلط ما اتصل علي و سهى أصلاً عارفه إني قافله تلفوني ، أمي قالت لي امبارح عمر اتصل علي و سأل منك و قال عمتك عايزا تتكلم معاك بس تلفونك مقفول ، قلت ليها اي كنت قافلاهو ، قالت لي ليه !؟ وريني الحاصل شنو !؟ متزاعله مع عمتك !؟
ولا رديت عليها و أصلاً علاقتي بيها ضعيفه شديد و ما قاعده اتكلم معاها كتير ، المهم لمن فتحت تلفوني علاء اتصل علي ، قال لي ليه قافله تلفونك و أصلاً الحاصل عليك شنو انتِ ما راضيه تحكي لي و و و ... الخ ! قلت ليهو ياخ براي مصدعه و ما عايزا كلام كتير ، لو كررت لي اسئلتك دي تاني حـ اقفل الخط و ما حـ أرد عليك تاني ! قال لي تمام انتِ كيفك طمنيني عليك ! قلت ليهو أنا كويسه ، قال لي اليوم حـ أجي أسوقك ، قلت ليهو لا عايزا أقعد كم يوم ، قال لي يا بت في شنو !!؟ ناسيه المدرسه انتِ !؟
قلت ليهو حـ أقفل بعد دا و فعلاً قفلت الخط ، شويه كدا عمر اتصل ، أبييت أرد عليهو ، فصل هو و اتصل فاروق ، فتحت الخط و قلت ليهو فاروق أنا كويسه ، كلم عمتي إني عايزا أقعد كم يوم في بيت أمي ، قال لي يا مها انتِ ... طوالي قفلت الخط في وشو ، بعدو تلفوني بقى يرن مره من محمد و مره من عمر ، محمد لمن ما لقى رد مني ما اتصل تاني بس عمر كل دقيقتين ألقاهو متصل علي !
لمن زهجت قفلت التلفون ، بعد صلاة الضهر أمي قالت ماشه تشرب الجبنه مع جاراتها ، قالت لي ريل نايمه لو صحت خلي واحد من أولادي يجيبها لي في بيت علياء ، هزيت ليها راسي بس ، المهم بعد مسافه طويييله سمعت صوت الباب ، جرى أمجد عشان يفتحو ، بعدها جاني و قال لي واقفين ليك جنب الباب ، قلت ليهو منو !؟ قال لي ما عارف ، استغربت طبعاً ، لمن مشيت و طلعت الشارع لقيت عمر واقف قدامي !! عرفت إنو أمجد كان بكذب لمن قال لي ما عارف منو و أكيد عمر هو القال ليهو يقول كدا ، كنت حـ أرجع و أدخل جوه بس سبقني و وقف لي قدام الباب و قفلو ، قلع نظارتو الشمسيه و قال لي ما تجننيني يا بت الناس !!
قلت ليهو براك عايز تجنن نفسك ، أنا سألتك !؟
قال لي خلينا نمشي ، قلت ليهو ما ماشه ، أخد نفس و قال لي تمام خلينا نتكلم شويه ، و بعدها أعملي العايزاه ، قلت ليهو اها اتكلم ، قال لي ما و نحنا واقفين كدا ! تعالي ، اتحرك و فتح لي باب العربيه ، اترددت بس في الآخر ركبت معاهو ، أول ما اتحرك قلت ليهو اتكلم بسرعه عشان عايزا أرجع البيت ، عاين لي مسااافه بعدها قال لي يوم الخميس الحصل معاك شنو !؟ و ما تقولي لي ماف شي و كمان قافله تلفونك !
قلت : يا جماعه انا حسيت نفسي زهجانه و قافله معاي فـ قلت أجي لأمي و أقعد مع اخواني كم يوم كدا و بعدين مش دا الكنتوا عايزنوا انتوا !؟ مش كنتوا بتقولوا لي امشي و زوري أمك ، قال لي في زهج بخلى الواحد يقفل الباب عليهو و يقعد يبكي و فجأه يقرر يطلع و يمشي من بيتو و يقفل تلفونو ؟!
قلت ليهو ايوه انا الزهج بعمل لي كدا ... طبعاً كان سايق العربيه و لافي ساي ، وقف العربيه و قال لي لو اليوم داك أنا كنت موجود في البيت كان حـ اظن إنو أنا غلطت عليك و زعلتك بس ما متذكر لكن أنا أساساً ما كنت في البيت !

قلت ليهو اففف ياخ من السيره دي ! ربع يدينو و عاين لي ، قال لي لو ما حكيتي ما حـ اتحرك شبر من هنا !.... بقينا الإتنين ساكتين و أنا بحاول أمنع دموعي ، قال لي الموضوع صعب للدرجه دي عشان كدا ما قادره تحكيهو لي !؟... مها انتِ بتخافي مني ؟؟!
ما رديت عليهو ، قال لي يا زوله اتطمني و صدقيني ما حـ اعمل ليك شي ، أنا بس عايز اعرف الحصل عليك شنو! أنا لي يومين ما قادر أنوم كويس من شدة التفكير ، ألف فكره سيئه خطرت على بالي ... لمن قال لي كدا ما قدرت أمسك دموعي ، ختيت يديني على وشي و قعدت أبكي .... اتمنيت في اللحظه ديك أحكي ليهو كل شي ، أحكي ليهو القصه من بدايتها ، أحكي ليهو عن عنود ، و عن العملتو أنا مع ماريا ، و عن حركاتها هي عشان تكسبو ، و في الآخر اقول ليهو أنا عملت كل دا عشان بحبك يا عمر ، و كرهت ماريا بسببك ، اتمنيت اقول ليهو أنا ما بقدر استحمل فكرة إنك تكون لـ غيري ، و إني ما بقدر أشوف نفسي مع زول غيرك ، اتمنيت اقول ليهو انك نفسي الطالع و النازل ، و انك بتجري في شراييني و أوردتي زي الدم ، اتمنيت أحكي ليهو قدر شنو أنا بحبو ، و إنو حبي ليهو نابع من الأعماق ، من أعماق قلبي ، بس ما قدرت أنطق حرف و كل الجواي طلع على هيئة دموع💔
_ مها أنا ما عدوك ، ايوه بهرشك و بشاكلك لمن تعملي حاجه غلط بس دا ما معناه إني بنبسط لمن أشوف دموعك ، ما معناه إني لمن أشوفك واقعه في مشكله أو في شي حاصل عليك حـ أقيف و اتفرج !
قلت ليهو بصوت مبحوح أنا ما قادره اتكلم !
_ حاولي ، جربي مره واحده بس تحكي لي !
قلت ليهو ما قادره ، والله ما قادره و ما عايزا أحكي شي ، رجعني بيت أمي
_ تمام ما حـ اضغط عليك بما انك قلتي ما قادره بس حـ ترجعي معاي البيت و أمك أنا حـ اتصل عليها و أكلمها إني جيت و سقتك
قلت ليهو بس انا ... قاطعني و قال لي خلينا نرجع البيت و كل شي حـ يتحلى ، ما تعاندي و تقوي راسك ، ما قلت ليهو حاجه ، ساق العربيه و مشى ، قال لي ملابسك حـ اجيبهم ليك فيما بعد ، المهم لمن وصلنا البيت جنب الباب قلت ليهو هسي كلهم حـ يقعدوا يسألوني و أنا والله ما عندي حيل أقعد أرد و اتكلم معاهم !
_ ماف زول حـ يسألك و الموضوع دا ما حـ ينفتح تاني بس عايزك توعديني انك اول ما تحسي نفسك بقيتي تمام تجي و تحكي لي و من هنا و لـ قدام ما تدسي مني أي شي ، لأني و زي ما قلت ليك ما عدوك ، لو خوفك مني هو البمنعك تحكي لي فـ طمني نفسك ، أنا أقصى حاجه ممكن اعملها ليك هي إني أهرشك ، ما بقدر أعمل ليك شي أكتر من كدا ، أنا ما بحب أرفع صوتي عليك و لمن أهرشك أو اشاكلك صدقيني بزعل من نفسي أكتر منك !
طبعاً بقيت أعاين ليهو بـ حيره شديده ، قربت أقول ليهو طيب ليه بعد دا كلو بتميل لـ ماريا و بتفضلها علي ، قربت أقول ليهو أنا شنو بالنسبه ليك يا عمر بس لا المكان لا الزمان كانوا مناسبين لـ سؤال صعب و جريء زي دا !
المهم لمن دخلنا عمر نبههم كلهم و قال ليهم ماف زول يسألها عن الحصل ، خلوها على راحتها ، طبعاً كلهم كانوا مقلقين علي بس بعد كلام عمر ماف زول جا و اتكلم معاي في الموضوع ، بعدها عمر خلى عمتي تجهز لي الأكل و جابو لي هو ، قلت ليهو ما جعانه ، قال لي يا زوله أكلي أكلك ! قلت ليهو عمر انا ما جعانه ياخ ، قال لي أسمعي الكلاااام عشان ما إختلف معاك ، قلت ليهو طيب و قعدت آكل ، قال لي لمن تخلصي تعالي لي برا في الهول و جيبي معاك شنطتك حقت المدرسه ....
المهم عدت الأيام و عمر بقى مهتم بي أكتر ، و كل ما أجي من المدرسه بسألني يومي كان كيف و بخليني أحكي ليهو تفاصيل اليوم و في الآخر براجع معاي دروسي ، طبعاً ماريا الموضوع ما عجبها و المره دي الغيره و الحرقه ظهرت في وشها و تصرفاتها ، يوم جات لقت عمر بتونس معاي ، قالت لي مها وديتي تلفوني وين !؟
قلت ليها أنا أصلاً ما شلت تلفونك ، قالت لي قبيل شفتو معاك ، قلت يمكن عايزا تشوفيهو ساي !
طبعاً أنا تلفونها دا بـ يدي ما لمستو ! عرفتها عايزا تكذب فيني ، قلت ليها ما تكذبي ، أنا ما شلت تلفونك ، قالت لي مهاوي حبيبتي حاولي تتذكري ختيتي التلفون وين !؟ عمر قال ليها ماريا قالت ليك ما شالتو ، حاولي تتذكري انتِ ضيعتي تلفونك وين ، قالت ليهو يا عمر من بين كل الناس أنا جيت و سألتها هي ليه !؟ عشان شفت تلفوني معاها !
لمن عمر عاين لي ، قلت ليهو أقسم بالله يا عمر أنا تلفونها دا لمسه ما لمستو ! قالت لي ماف مشكله شكلك ما متذكره ، طوالي مشت دخلت غرفتي و جات طالعه و هي شايله تلفونها ، قالت لي شنطتك حقت المدرسه كانت على السرير فـ لقيتو فيها ، مش قلت ليك تلفوني كان معاك !! لمن عمر عاين لي قلت ليهو والله انا ما شلتو يا عمر ! ماريا قالت لي على كل الأحوال أنا ما كنت حـ اعمل ليك شي بس اتمنيت انك لـ مره وحده بس تقولي الحقيقه ، دائماً بتكذبي و دائماً بتنكري ، يعني قبيل تلفوني كان معاك و انتِ عارفه إني شفتك لمن تلفوني كان معاك فـ ما عارفه ليه انتِ بتكذبي و نحنا الإتنين عارفين الحقيقه ! المشكله إنو المواقف الزي دي اتكررت

كتير بيني و بينك يا مها و أنا ما عارفه ليه انتِ بتنكري رغم إنو الموضوع ما محتاج كذب و نكران !
عمر قال ليها ماريا ما.... قاطعتو و قالت ليهو عمر البت دي وحده مستهبله و كذابه ، صدقني قاعده تمثل عليك و عامله نفسها بريئه ، البت دي اعوذ بالله منها و.... عمر هرشها و قال ليها ياخ مالك انتِ !؟ في شنو ؟! دا كلو عشان لقيتي التلفون في شنطتها !؟
قالت ليهو عمر البت دي.... طبعاً هنا سكتت ، حسيتها عايزا تحكي ليهو بس سكتت في الدقائق الآخيره ، أخدت نفس و قالت لي معليش انفعلت ، المهم ما تزعلي مني ، قالت كدا و مشت ، قلت لـ عمر عشان كدا أنا بقيت أقضي معظم وقتي في الغرفه ، لأنو ماريا أي شي بحصل معاها بتجي تتهمني بيهو ، يمكن قعادي معاكم ما عاجبها لأنو دا بيت عمها ، قال لي انتِ هبله !؟ شيلي الأفكار دي من بالك لأنها ما صحيحه و ماريا أكيد ما قاصده شي .....
المهم يوم ناس عمتي مشوا المستشفى لـ أبو ماريا و لمن وصلوا هناك عرفوا إنو حـ يتعمل ليهو عمليه خطيره ، فـ قرروا يبيتوا هناك فـ عمتي رسلت عمر البيت عشان يشيل ليهم غيار ، فـ ماريا و أختها مي الأصغر منها جوا معاهو لأنو ماريا عندها حاجات في البيت عايزا تشيلهم ، الوقت داك أنا ياداب جيت راجعه من المدرسه و لقيتهم ، طبعاً ماريا تحمر لي و أحمر ليها ، عمر جا و قال لي ها يومك كان كيف ؟؟ قلت ليهو تمام الحمدلله ، قال لي اليوم ناس البيت كلهم حـ يكونوا في المستشفى لأنو عمي حـ تتعمل ليهو عمليه ، فـ عشان ما تقعدي براك حـ تمشي معانا ، عشان كدا جهزي نفسك ، قلت ليهو طيب ، المهم مي قالت جعانه و في المطبخ ما كان في شي جاهز ، فـ عمر قال لـ ماريا الأحسن أمشي السوق و أجيب كم حاجه كدا عشان تطبخي بيهم و نشيلهم معانا المستشفى ، قالت ليهو فكره والله حيكونوا زهجوا من الأكل الجاهز ، لكن كدا ما حـ تتأخر !؟ قال ليها لا السوق قريب من هنا ، حـ أرجع هسي ، قالت ليهو طيب تمام ، لمن قام ماشي مي قالت عايزا تمشي معاهو ، فـ مشوا و خلونا أنا و ماريا و الإتنين شامين بعض ، المهم بقيت ادردش مع سهى و حكيت ليها إنو بعد شويه حـ نمشي المستشفى و و و .... الخ و خلصت دردشتنا ، بعد شويه كدا سهى اتصلت علي ، رديت عليها و قلت ليها هسي نحنا مش كنا بنتكلم مع بعض ! قالت لي خليك من دا انتِ قلتي إنو انتِ و ماريا براكم في البيت صح و عمر مشى سوق قريب !صح ؟! قلت ليها ايوه ليه !؟ قالت لي الحظ تاني ضرب ، خلي باب الشارع فاتح ، قلت ليها عشان شنو ما فاهمه عليك ، قالت لي مش عايزا ماريا تزح من طريقك للأبد !؟ قلت ليهو ايوه لكن ... قاطعتني و قالت لي لـ مصلحتك خلي باب الشارع فاتح ، المهم مشيت و فتحت باب الشارع و أنا مستغربه ! ، بعد مسااافه كدا مشيت على الباب و أول ما طلعت اتخلعت لمن لقيت واحد واقف جنب الباب ، رجعت لـ ورا و قلت ليهو عايز منو !!؟ قال لي سهى بتسلم عليك ، هنا عرفت إنو من طرف سهى بس ما عرفت ليه سهى جابتوا بيتنا ! دخلت جوه و شلت تلفوني ، مشيت الزقاق و إتصلت عليها ، لمن ردت قلت ليها يا مجنونه دا شنو الراجل الجايباهو لينا دا !؟ قالت لي دا فردتي و دا الحـ يخلصك من ماريا و لحسن حظك إنو جا منطقتكم لواحد صحبو و لمن قلتي لي إنو انتِ ماريا براكم خطرت حاجه في بالي ، ختيت يدي على قلبي و قلت ليها ما تكوني عايزا تقتليها ! قالت لي لا يا بت كمان ما للدرجه دي ، كل العايزاه إنو عمر لمن يجي راجع يشوف هاني طالع من بيتكم عشان يشك في ماريا ، قلت ليها و احتمال يشك فيني أنا لأننا الإتنين قاعدين في البيت و أصلاً ما منطقي انها تجيب واحد و أنا قاعده معاها في البيت ! حاجه ما بتتصدق ، قالت لي عشان كدا عايزا اقول ليك اطلعي من البيت و خلي ماريا براها !
طبعاً هنا ما اتطمنت ، و في خوفه دخلت فيني ، بس ما إتوقعت الاسوأ ، شلت تلفوني و انسحبت براااحه و لمن وصلت الباب لقيت الراجل مافيش ، قلت دا مشى وين ؟؟! فجأه سمعت صوت ماريا و هي بتصرخ ، حيلي برد و رجليني ما شالوني ، لمن تاني صرخت و بقت تنادي علي قلبي انتفض ، و خفت خوف ما عادي ، و عرفت إنو الراجل دخل ليها جوه ، الخوف اتمكن مني و ما عرفت اتصرف كيف و هي بتستنجد و بتنادي علي ، حسيت عقلي اتبلد ، ما قدرت اقيف و ما اعمل شي عشان كدا قررت استنجد بـ مازن ، دخلت بيتهم طوالي لأنو الباب كان فاتح و أنا بتنفس بصعوبه ، لاقتني معزه و انخلعت بمنظري ، قالت لي مها في شنو ، قلت ليها بصوت متقطع مـ مازن وين ، خليهو يلحق ماريا لأنو سهى ، لأنو سهى ... ما قدرت اتم كلامي ، قالت لي ماف زول في البيت و ماريا مالا !؟ ... مالا يا مها ؟؟! ما رديت عليها طوالي رجعت بدربي ، أول ما وصلت باب الشارع شفت عمر و مي داخلين البيت ، طوالي جريت وراهم و معزه وراي و قلبي كان في يدي ، لمن سمعوا صوت ماريا عمر قام جاري لـ جوه و أنا الخوف ما خلاني اتحرك من مكاني ، بقيت واقفه على جنب و قلبي بضرب بسرعه ، معزه دخلت ورا عمر و مي و فجأه كدا الراجل جا جااااري و طلع طوالي و اختفى من قدامي في لمح

البصر و عمر جا جاري وراهو و هو معصب بس قبل ما يطلع و يلحقو مي صرخت و بقت تنادي عليهو ، قالت ليهو عمر تعال شوف ماريا ، طوالي رجع و مشى دخل جوه و أنا بس بعاين و ما قادره استوعب الحصل قدامي !!
بعد مساااافه شلت نفسي و مشيت دخلت الهول ، لقيت ماريا قاعده على الأرض و متغطيه بتوب و بتبكي في مي أختها و معزه قاعده معاهم على الأرض و بتحاول تهدي ماريا و عمر دا بس قاعد على الكرسي خالف رجلو و بهز فيها بسرعه و هو عيونو ديل زي الشرار ، مي كانت بتبكي مع أختها و بتقول ليها خلاااص خلاص روقي يا ماريا الحمدلله ما حصل شي و ماريا لسه تبكي بحرقه ، أول ما دخلت الهول و ماريا شافتني انتفضت من مكانها و جات ناطه فيني ، بقت خانقاني و بتقول لي دا كلو بسببك انتِ ، انتِ الدخلتي لي الراجل دا البيت ، كانت بتصرخ فيني و عيونها زي الدم ، لو ما عمر جا اتدخل و فكاني منها كنت حـ أموت على يدها ! بقيت خاته يديني على رقبتي و ببكي و قلبي دا حسيتو حـ يطلع من محلو !
معزه جات ساقتني دخلتني غرفتي و طلعت و قفلت الباب و بقوا هم التلاته قاعدين مع ماريا ... ما عارفه الحصل شنو بعدها بس هم ما مشوا المستشفى ، بقيت قافله نفسي في الغرفه و سهى دي بتصل عليها كتير بس ما بترد ، بعد مسافه طويله فتحت الباب و ما كان في زول في الهول ، إنسحبت براااحه و طلعت من البيت و أول ما فتحت الباب لقيت خالتو إعتزاز في وشي ، قالت لي مهاوي خير الحاصل شنو ، معزه قالت لي في راجل جا داخل عليكم !... هسي ماريا بقت كيف ، كر علي ربنا يجازي محنو و ينتقم منو ، قالت كدا و دخلت طوالي و أنا خشمي ما قدرت افتحو ، طلعت و مشيت لـ معزه و أنا ببكي ، قعدت تعاين لي مساااافه بعدها قالت لي ما اتخيلتك تصلي للدرجه دي !
قلت ليها معزه أنا والله.... قاطعتني و قالت لي بالجد أنا حاسه نفسي ما بعرفك ! مستحيل انتِ تكوني مها الأنا بعرفها ! بالجد ما اتخيلتك بالإنحطاط دا !
كلامها وجعني زياده و المشكله انها ما أدتني فرصه عشان أقول ليها الحقيقه ، و أصلاً أنا من شدة البكى ما كنت قادره أقول شي ، قعدت مع ناس معزه لحد ما بعد المغرب و معزه دي خالص ما اتكلمت معاي ، دخلت جوه و خلتني مع أمها ، خالتو إعتزاز قالت لي ماريا يا حليلها دخلت فيها خوفه ما عاديه ، البت قربت تجن ، غيتو أمها لو شافتها بالحاله دي حـ تموت ، لو ما عمر جا في الوقت المناسب البت دا كان حجرها غطس ، بري بري الزمن بقى كعب شديد ، معقوله زول يجي داخل بيوت الناس ساي كدا و يحاول يعتدي على بناتهم ! غيتو إلا لو كان مراقبكم و شاف عمر لمن طلع ، انتِ كنتِ هنا مع معزه صح !؟ هزيت ليها راسي بس ، قالت ربنا يحفظ بناتنا و يستر عليهن ...لمن رجعت البيت لقيت فيهو محمد و بيان مرتو ، طبعاً ما كانوا عارفين الحصل و عرفت منهم إنو ناس عمر مشوا المستشفى ، خفت شديد إنو عمر يكون صدق كلام ماريا ، لمن إتصلت على سهى و شاكلتها قالت لي والله ما كان حـ يعمل ليها حاجه ، كان حـ يخوفها بس ، صدقيني الحصل معاها دا حـ يكسرها و الخوفه الدخلت فيها ما حـ تطلع منها بسهوله ، و على فكره هي بتعرف هاني فـ لو اتكلمت كدا ياداب حـ تخلي الناس تشك فيها و حـ يقولوا ليها انتِ الجبتيهو البيت و فتحت ليهو الباب ! قلت ليها بتعرفو من وين !؟قالت لي المهم انها بتعرفو ، صدقيني ماريا عشان تقوي نفسها و تتخلص من الخوف الدخل فيها بسبب العملناهو ليها حـ تحتاج لزمن طويييل ، قلت ليها دي اسوأ حاجه ممكن تحصل مع أي بت ، ما حصل اتمنيت إنو تحصل ليها حاجه بالبشاعه دي ، صدقيني أنا مهما كرهت ماريا و مهما اتضايقت منها مستحيل أتمنى إنو يحصل ليها كدا ، قالت لي خلاااص خلااااص عرفنا !
فعلاً القالتو سهى طلع صح و الموقف دا كسر ماريا ، إختفت على الآخر و بقت ما بتجينا في البيت ، سمعت انها بقت ترجع بيتهم و عشان أخوها الكان برا السودان جا راجع بسبب مرض أبوهو بقت تقعد معاهو في البيت و ناس أمها ذاتهم بقوا مره في البيت و مره في المستشفى و مره في بيت خالتهم ، عمر خالص ما سألني عن الكلام القالتو لي ماريا قدامو بس اتغير علي و الوجعو إنو ما قدر يصل للراجل دا ، طبعاً أهل ماريا ماف زول فيهم عارف غير مي أختها ، عمتي و ناس بيتنا ما عرفوا إلا من خالتو إعتزاز 💔
رغم إنو الحصل مع ماريا زعلني عليها بس كمان خلصني منها ، بقيت لا بشوفها لا بسمع بيها ، و يوم قالوا أبوها خرجوهو من المستشفى ناس البيت كلهم مشوا إلا أنا بحجة إني ممتحنه ، قلت ليهم بقعد مع ناس معزه و فعلاً قعدت معاهم لحد ما اكتشفت إنو علاء جا من الجامعه و قاعد في البيت ، طبعاً عندو نسخه من المفاتيح ، فـ طوالي رجعت البيت ، طبعاً علاء من اليوم الإعتذرت فيهو من عمر هو كمان اتغير علي ، المهم بدلت ملابسي و فطرت بعدها ختيت كتبي قدامي عشان اقرا للإمتحان الجاي ، قريت شويه و لمن زهجت مسكت التلفون و بقيت أشوف في الفيديوهات لحد ما فجأه كدا شغلت فيديو و أول ما شفتو التلفون وقع مني !! اتخلعت و قلت دا الجابو هنا شنو ! لقيتهم 3 فيديوهات

من النوعيه دي و كل فيديو أكعب من التاني ، ما حصل شفت الفيديوهات دي عندي ! لمن مشيت لتفاصيل الفيديوهات و شفت التاريخ لقيتهم في تلفوني من قبل عرس محمد !! عصرت مخي و حاولت اتذكر أنا حولت فيديوهات من منو فـ لقيت نفسي محوله من عمر و فاروق و من عمتي بس ديل بعد عرس عمر ، بعد مسااافه كدا طق اتذكرت ! سهى !! ايوه بتذكر انها قبل كدا لمن جات معاي البيت قالت لي جيبي تلفونك أحول منك و أحول ليك و أنا عشان ما قاعده أشوف فيديوهاتي على طول ما حصل انتبهت للفيديوهات دي !
طبعاً يدي بدت ترجف لمن شغلت الفيديو تاني ، خفت خوف ما عادي و المشكله إني بقيت ما قادره أوقف الفيديو رغم إنو قلبي من شدة الدق عايز يطلع من محلو و خفت من البعمل فيهو ، فجأه كدا علاء جا داخل و أنا من شدة الخوف اتخلعت و التلفون وقع مني على السرير و الفيديو كان شغال ! علاء شاف الفيديو و بقى يعاين لي و هو مصدوم و أنا كمان مصدومه !
بقيت ما عارفه اقول ليهو شنو و هو كمان ما عرف يقول لي شنو ! طلع بس و قفل الباب وراهو !
بعدها بقيت اتجنبو و خفت إنو يكلم زول بس لا كلم زول لا جا اتكلم معاي ، بعد خلصت الإمتحانات بيومين ، يوم كنت في المطبخ بحشي لي سندوتش حسيت إنو في زول واقف وراي ، لمن إتلفت لقيتو علاء ، اتخلعت طبعاً ، كان بعاين لي بنظره غريبه كدا ! ، خفت منو شديد ، و أول ما إتحركت عشان أطلع مسك يدي و قال لي على وين ! قلت ليهو علاء فكني ياخ ، قال لي و إذا ما فكيتك !؟ قلت ليهو والله أصرخ و أنادي ليك عمر و ناس عمتي ، قال لي تمام أصرخي و ناديهم عشان يعرفوا بالمره انتِ بتعملي شنو ! قلت ليهو أنا ما عملت حاجه و الفيديوهات دي بالغلط كانت في تلفوني و بعدين انت ناسي نفسك يعني ولا أذكرك ! قال لي إذاً نحنا الإتنين نفس الطينه و العجينه ، قال كدا و هو بقرب مني ، رميت السندوتش و لزيتو و طلعت من المطبخ بإستعجال ، دخلت غرفتي و قفلت الباب علي و انا برجف من الخوف و في نفس الوقت مصدومه في علاء! ما قادره اصدق إنو ممكن علاء طلع بالقذاره دي ! ...طبعاً بقيت أخاف منو و ما بطلع لمن هو يكون موجود لأنو بقى يعمل لي حركات و يضايقني و إلا ما يلقاني براي و عمر دا كان بعيد كل البعد عن البحصل معاي و خبري ما جايبو و كذلك عمتي من يوم أنا زعلت و مشيت بيت أمي و ما رضيت أحكي ليهم سبب زعلي شنو هي اتغيرت علي ، و سهى بعد شاكلتها بسبب انها حولت لي الفيديوهات ديك بقيت ما متواصله معاها و معزه مقاطعاني ، حقيقة ديك أكتر فتره حسيت فيها نفسي براي ، و إنو ماف زول ساندني و واقف معاي ، ماف زول قريب مني عشان يعرف البي و العلي ، كنت خايفه أحكي لزول و يفهمني غلط ، و سكاتي هو الخلى علاء يتمادى أكتر و يزرع فيني رعب ما عادي ، بقيت حتى و أنا جوه غرفتي أخاف و قبل ما أنوم بعاين تحت السرير و بشوف ورا الستاير إذا علاء موجود هناك ، يوم بالعصريه كدا محمد ساق مرتو و مشوا لأهلها و فاروق طلع مع شلتو ، و عمر كان في الشارع مع أصحابو ، كنا في البيت أنا و عمتي ، كنت في الحوش بسقي في الشتلات و لمن زهجت مشيت دخلت غرفتي و ما تربست الباب علي لأني كنت متأكده إنو علاء ما موجود في البيت ، طبعاً هو من بقى يعمل لي حركاتو ديك بقيت أقفل الباب علي ، لمن دخلت غرفتي قلعت التوب الكنت لابساه ، شلت تلفوني و وصلتو في الشاحن ، كنت سامعه صوت خطوات خفيفه جايه علي ، أول ما إتلفت شفت علاء قدامي !! استعجل و جا مسكني و قفل لي خشمي و أنا بصارع فيهو ، قال لي لو ما عملتي الحـ اقولو ليك حـ أفضحك قدام ناس البيت كلهم و أخليهم يعرفوا انك بتحضري فيديوهات كعبه و الله اعلم يمكن بتطبقي البتشوفيه !... إتخلعت من كلامو و دموعي طوالي نزلت بغزاره ، قال لي حـ ازح يدي من خشمك بس إياك تصرخي و إلا حـ يحصل شي ما حـ يعجبك و أنا بنفذ البقولو ! لمن زح يدو من خشمي اتشجعت و قلت ليهو أنا ذاتي حـ أفضحك ، قال لي نشوووف انتِ ما بتعرفيني كويس عشان كدا بنصحك ما تختي راسك في راسي ! عموماً ممكن نتفاهم بكل هدوء و رواقه من دون ما يعرف أي زول ، كنت حـ أجر التوب و ألف بيهو نفسي بس سبقني و شالو قبليني و قال لي ما تتحركي ولا خطوه و إلا والله العظيم يحصل شي ما يرضيك ، بقى يتكلم و يقرب و أنا أعاين للباب ، جسمي كلو كان برجف ، لمن وصلني غمضت عيوني و كنت مفكره ألزو و أجري برا ، قال لي انتِ من زمان عاجباني و كنت بتمنى اللحظه دي من زمان ، صدقي إني كنت حابيك و عايزك لـ قدام بس انتِ ماف شي شاغل بالك غير عمر ! عمر العاميك و الما مخليك تشوفي علاء و تحسي بيهو ! عمر البتفضليهو على علاء و شايفاهو أحسن منو ! هه و كيف ما تشوفيهو أحسن مني و هو جايب ليك تلفون و دائماً بجيب ليك هدايا ، عندي شنو أنا عشان تعايني لي و تحسي بي !!

طبعاً كلامو صدمني ، فتحت عيوني و عاينت ليهو بخلعه !! بقيت أبكي و أقول ليهو علاء عليك الله خليني ! حلفتك بالله خليني يا علاء و ما حـ اكلم زول والله ما أكلم زول يا علاء خليني أطلع 😭😭💔
قال لي هووووس ، اسكتي و خلينا نعيش اللحظه ، غمضت عيوني شدييييد و استعديت عشان ألزو بكل قوتي و أجري بس قبل ما أعمل كدا الباب إتفتح و أنا و علاء الإتنين إتلفتنا مخلوعين و شفنا عمر واقف قدامنا !

"تهمني المصداقية، أستطيع التغاضي عن عيوب كثيرة ، لأنني أيضًا لستُ مجردًا منها ، لكنني لا أستطيع التغاضي عن الكذب ، الكاذب لا يمكن أن يكون آمن "

*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*
*♡عـــــــــــــــــبـــــــــــــــد البـــــــــــــاقــي أحــــــــــــمــد مـحــــــــــمد زين ♡*

*#من~الأعماق~《29》*
*#بقلم~مها~حولي~الزاكي~*
*ــــــــ♡ــــــــ♡ــــــــــــــ♡ــــــــــــ❥ :00:00*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‌‏​​‏​​‏​​‏​​‏​​‏​​‏​​‏​​‏​​‏​​‌‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏

عمر بقى يعاين لينا بإستنكار و نحنا الإتنين زي الزول الكاشحين فيهو مويه متلجه عز الشتاء ! جسمي كلو كان برتعش ، علاء فتح خشمو و قال عمر ما تفـ..... عمر ما انتظرو يقول شي ، طوالي قلع قاشو و جا وقع ليك فيهو ضرب ، كان بضربو بجهة القاش الفيها حديده ، بعدها جدع القاش و بقى يضرب فيهو و هو شغاله ليهو دي بت عمك يا حيوان كيف تفكر فيها كدا و كمان في نص البيت و جوه غرفتها يا كلب يا واطي يا وسخ ! كان بضربو بكل الغضب الفي الدنيا دي ، منظرو كان زي منظر الأسد لمن يهجم على فريستو و ما يديها نفس ، علاء دا من شدة الضرب رعف و دموعو نزلت و بكى بـ حسو ، ما كان قادر يجاري عمر و يدافع عن نفسو ، كان خاتي يدينو على راسو عشان يتفادى الضربات القويه و لافي في الغرفه و عايز ليهو مخرج بس وين ما يمشي عمر بمسكو و بشبعو ضرب و أنا بس خاته يديني الإتنين على خشمي و جسمي كلو برجف و قلبي حسيتو نزل في رجليني و دموعي نازله زي المطر ! اول مره أشوف عمر بالحاله دي ، غضبو كان غضب ما طبيعي ، علاء اتفكى منو و فتح الباب و جرى طوالي و أنا هنا حيلي مات ، الساعه الإتلفت فيها عمر علي حسيت إنو روحي بدت تطلع ، بقيت أرجع منو لـ ورا و أنا بفتش لـ صوتي تفتيش ، ختيت يدي على رقبتي و حاولت اتكلم بس ماف صوت طلع مني ! للحظات حسيت إني فقدت صوتي و ما حـ اقدر اتكلم تاني ، ارتعبت رعب ما عادي من عمر و حسيتو وحش ما عمر البعرفو ، اتخيلت إنو حـ يمسك راسي و يضرب بيهو الحيطه أو يقطعني حته حته بس ما عمل لي شي بس نظرتو العاين لي بيها خلتني أتمنى إنو يضربني أو يهرشني بس ما يعاين لي بالطريقه دي !!
لمن طلع أنا قعدت على الأرض و فتحت بيت عزاء ، بكيت كدا لمن صدعت و بعدها مشيت رقدت على السرير بعد ما قفلت باب الغرفه علي ، بعد زمن طويل جاني صوت عمتي و هي بتقول لي مها انتِ جوه !؟
مسحت دموعي و مشيت فتحت ليها الباب و أنا منزله راسي ، كنت مفتكره انها عارفه الحصل بس لمن قالت لي بسم الله مالك عامله كدا حسيت انها ما عارفه !
رفعت راسي عاينت ليها و أنا ساكته ، قالت لي اتكلمي يا بتي مالك في شنو !؟
قلت ليها مصدعه بس ، ختت يدها على جبيني و قالت لي حرارتك مرتفعه !
مشت جابت لي بندول و جات ، قالت لي أبلعيهو عشان الصداع يروح ، لـ بعدين لو ما بقيتي كويسه حـ أخلي عمر يوديك الدكتور ، طبعاً لمن ذكرت اسمو قلبي انقبض و اتذكرت شكلو قبيل و هو بضرب في علاء بكل عنف و نظرتو لي !
قالت لي لو عارفاك عيانه ما كان طلعت و خليتك براك ، طبعاً هنا عرفت انها ما كانت موجوده و ما عارفه الحصل ، المهم لحد ما بعد صلاة العشاء لا عمر لا علاء ماف واحد فيهم ظهر و طبعاً محمد و مرتو ما جوا راجعين ، باتوا مع أهل بيان ، المهم لمن الساعه 10 جات عمتي بدت تقلق ، قالت لـ فاروق كدي إتصل و شوف عمر و فاروق ديل وين من قبيل ما ظاهرين ، ما معقوله يمرقوا مرقه واحده و ما يجوا راجعين ! قال ليها عمر قبيل اتصل علي و قال إنو اليوم حـ يبيت في المحل في شوية شغل عايز يخلصو أما علاء تلفونو مقفول من قبيل بحاول اتصل عليهو !

قالت ليهو سجمي ! تلفونو مقفول ليه ان شاء الله يكون كويس و غريبه عمر المبيتو برا البيت شنو !؟ المحل دا متين فتحو عشان يتأخر فيهو !؟
قال ليها ما عارف يا أمي غيتو دا الكلام القالو لي عمر ، قالت ليهو غيتو ربنا يحفظهم و يغطي عليهم و يبعد عنهم أولاد الحرام !
لحد اليوم التاني لا عمر لا علاء ماف واحد رجع البيت ، محمد و مرتو لمن جوا أمي كلمت محمد إنو علاء دا من امبارح تلفونو مقفول ، المهم مشوا ليهو في الجامعه و سألوا عنو بس ما لقوهو و فاروق مشى لـ أصحاب علاء نفر نفر و سألهم عنو قالوا آخر مره شافوا فيها كانت اول امبارح ! الخوف دخل قلب عمتي ، و كلهم بقوا مقلقين على علاء ، يشيلوا و يتصلوا و يسألوا عنو ، و أنا اتمنيت إنو يختفي للأبد ، في نفس اليوم دا شلت تلفوني و إتصلت على عمر و أنا قلبي برجف من الخوف ، و عيوني مليانه دموع ، اتصلت كتير و رغم إنو الخط كان خاشي بس ما برد علي !
بعد العصر عمر جا راجع البيت لقاهم مقلقين على علاء ، اتعامل ببرود شديد عكس فاروق و محمد و عمتي ، في الآخر محمد قال الأفضل نمشي و نفتح بلاغ و فعلاً ساق فاروق معاهو و مشوا ، طبعاً الخبر انتشر و في نفس اليوم دا ناس خالتو إعتزاز و ناس أبوي و ناس عمو النور جوا بيتنا و التلفونات دورت ! يمكن أكتر اتنين ما كان هاميهم الموضوع أنا و عمر !
أنا معظم وقتي في الغرفه و ما بطلع ليهم كتير ، لمن شفت عمر دخل المطبخ طوالي مشيت لحقتو ، ناس عمتي كانوا قاعدين متمحنين في الحوش ، أول ما دخلت المطبخ هو إتلفت و شافني ، بلعت ريقي و قلت ليهو عمر !
لا عاين لي لا اتكلم معاي ، واصلت كلامي و قلت ليهو اقسم بالله علاء هو القل أدبو علي ، كان متدسي لي جوه الغرفه ، أصلاً ليهو فتره بضايقني و بعمل لي حركات لمن يلقاني براي بقيت أخاف منو لدرجة اني بقفل باب الغرفه علي و ما بطلع في وجودو و بقيت أحكي ليهو الحصل في اليوم داك بس من دون ما اجيب سيرة الفيديوهات .... فجأه كدا ضرب الكبايه الجنبو و رماها على الأرض و إتلفت علي و هو عيونو زي الشرار ، للحظات قربت أجري ، هرشني و قال لي كنتِ ساكته ليهو ليه !؟ لييييه ما اتكلمتي و ما جيتي حكيتي لي !!
قعدت أبكي بس ، جاني قريب و قال لي المنعك تتكلمي شنو !؟ على الأقل لو ما قدرتي تحكي لي أنا كان تقولي لأمي ولا الموضوع كان عاجبك !!؟
لمن قال لي كدا رفعت راسي عاينت ليهو و هزيت ليهو راسي بمعنى لا ، قال لي إذاً المنعك شنو !؟ بتكلم معاك أنا افتحي لي خشمك كدا !
طبعاً خلعني ، رجعت منو لـ ورا و قلت ليهو خفت منو و خفت منكم انتوا بالذات انت .... طبعاً صوتي كان راجف و خوفي منو كان ظاهر ...عاين لي مسافه و قال علاء الواطي القذر ، قال كدا و رفع يدو و أنا قايلاهو حـ يضربني بس ضرب بيها الحيطه الوراي قصاد راسي ، قال لي لو ما سكتي ليهو ، ولو ما أديتيهو فرصه ما كان اتجرأ و دخل ليك جوه غرفتك من دون ما يعمل حساب و يخاف من زول !
بقيت أبكي و أقول ليهو والله العظيم أنا ما أديتو فرصه و ما دخلتو غرفتي ، ما كنت عارفه إنو جوه الغرفه و لمن جا علي من خوفي ما قدرت اتحرك و أصلاً أنا ما كنت مستوعبه الحصل لأني ما متوقعه حاجه زي دي من علاء بس كنت حـ ألزو و أطلع برا و قبل ما أعمل كدا انت جيت داخل 💔 سكته لأني كنت خايفه منو و ماف زول كان قريب مني عشان أحكي ليهو ، معزه مخاصماني و عمتي زعلانه مني و انت بقيت بتتجاهلني و ما بتتكلم معاي ، حسيت نفسي وحيده و ماف زول معاي عشان ألجأ ليهو ، عصب زياده و قال لي حتى ولو دا ما موضوع بتسكت عليه ، كنتِ تجي و تحكي لي ، علاء لو ما ضامن سكوتك ما كان اتجرأ الجرأه دي كلها ، بس تاني البيت دا إلا يشوفو في الأحلام .... بعدها الإتنين سكتنا بس لسه كنت بتنهد و بشهق و دموعي ما ناويه تقيف ، طبعاً عمر كان مضايق أكتر مني و حسيت إنو الموضوع دا كسرو بالجد ، قال لي القاهرني إنو أنا لو ما كان سمعت صوت حركه في غرفتك و حسيت إنو في شي كنتِ حـ تسكتي و تخليهو يتمادى !!
يعني عشان خايفه منو تسلميهو نفسك ! دا سبب منطقي !؟ قلت ليهو كنت خايفه أصرخ و ألمكم و ما اعرف أقول ليكم شنو ، قال لي إذا هو ما خجل من نفسو و ما راعى لحتة انك بت عمو و لا عاين لأبوك ولا لأمي و لينا نحنا ديل ليه انتِ تشيل هم نظرتهم ليهو !؟
ما رديت عليهو ، بعد مسااافه قال لي خلاص كفايه بكى ! امسحي دموعك و علاء دا تاني في كوابيسك ما حـ يجيك ، المهم مروا 3 أيام و علاء ما ظهر ، طبعاً أهلو الفي البلد عرفوا الخبر و أبوهو و أمو بدوا يجهزوا نفسهم عشان يجوا الخرطوم بس تاني يوم طوالي علاء ظهر لمن اتصل على فاروق برقم غريب و قال إنو تلفونو إنسرق منو ، و إنو كان قاعد مع واحد صحبو و عشان نازل إمتحانات و مضغوط بقى ما بجي البيت ، طبعاً عمتي شالت التلفون و اتصلت عليهو و جاطت فيهو و قالت ليهو دي إمتحانات شنو دي البتخليك تغيب من البيت 5 أيام و من دون ما تكلم زول !؟ ليه ما شلت ليك تلفون من أي زول زي ما شلتو هسي و اتصلت و كلمتنا ؟ و ليييه ما جيت راجع

البيت ! ياخ ما شفت الخلعه الدخلت فينا بسببك ، قلبنا الدنيا دي عليك و فتحنا بلاغ و أهلك كانوا جاين الخرطوم بكرا !!... قال ليها معليش يا عمتي و حقك علي ، أعفي لي ، قالت ليهو بتبالغ يا علاء ، هسي في زول نصيح بتصرف تصرف زي دا !!... جاطت فيهو شديد و هو يشيل و يعتذر منها ، محمد شال منها التلفون و قعد يشاكل فيهو ، كلهم اتكلموا معاهو إلا عمر ، طبعاً أنا و عمر عااارفين علاء بكذب ، أصلاً بعد العملو ما عندو عين يرجع البيت و طبعاً قفل تلفونو لأنو قايل ناس البيت عرفوا بـ الهو عملو .... بعدها بيومين علاء جا البيت ، بعد اتأكد إنو عمر ما موجود في البيت جا عشان يشوف عمتي و يعتذر منها ، طبعاً أنا خالص ما طلعت ليهو ، لا عايزا اشوف خلقتو لا عايزا اتكلم معاهو ، طبعاً اتضايقت و ظنيت إنو رجع و حـ يقعد معانا بس ساعتين ما تماهم و طوالي مشى ، قال لناس عمتي إنو مضغوط مع الإمتحانات و إنو قاعد مع واحد صحبو عشان يقروا سوا ، المهم عمر لمن جا و عرف إنو علاء جا البيت طوالي جاني و قال لي ما يكون غلط عليك تاني !؟
قلت ليهو بعد الضرب الإنت ضربتو ليهو مستحيل يفكر يعاين لي ساي ، قال لي لو ما اتذكرت إنو ولد خالي كنت كتلتو و ارتحت منو ، ابتسمت ليهو بس ، قال لي بالمناسبه ، انتِ ما عايزا تنزلي كورسات ولا شنو !؟ ناسيه انك السنه الجايه ممتحنه !؟ قلت ليهو ما عندي مزاج والله ، قال لي لا لا ما على كيفك ، بكرا تمشي معاي اسجلك في كورس أستاذ عطيه ، أستاذ شاطر و كل المعلمين المعاهو شطّار ، قلت ليهو طيب و فعلاً دا الحصل ، المهم يوم أمي جاتنا زياره و لقت معانا جاراتنا جوا يشربوا الجبنه مع عمتي ، المهم قعدت و بقت تتونس معاهم و موضوع يفتح موضوع لحد ما وصلوا لـ سيرة العرس ، وحده قالت غيتو أنا بتي ما بديها لأي زول و السلام ، والله لو ما جاها راجل تمااام كدا و غنيان ما بعرس ليها لو تقعد في البيت عمرها كلو ، ردت ليها وحده تانيه و قالت ليها عدم الغنى ما مشكله أهم شي الأخلاق ، قالت ليها ههههااااي انتِ من زمن الأخلاق !؟ الأخلاق بتأكل عيش ولا بتبني بيت ؟! خالتو إعتزاز قالت ليها الرازق الله ، و عااادي الوحده تعرس واحد غنيان بس ما تكون مبسوطه معاهو ، قالت ليها إلا لو وحده قليلة ادب ساي و مسكها البِدن ، هي المراه عايزا شنو غير بيت ملك و كراسي جلوس و تياب و دهب تقشر بيهم قدام الناس !
أمي قالت ليها كلامك صح و بالمناسبه عااادي جداً الوحده تلقاهم الإتنين ، واحد خلوق و في نفس الوقت غنيان ، يعني اتنين في واحد ! النسوان ضحكوا و قالوا ليها الأخلاق ما بتتلمى مع القروش ، يا غنيان و عديم أخلاق و عينو زايغه يا فقران عندو أخلاق و عينو طالعه ، أمي قعدت تضحك و قالت ليهم غيتو أنا بتي بجيب ليها راجل غنياااان و عندو أخلاق ، لمن قالت كدا رفعت راسي و عاينت ليها ، قالت لي مالك ما عايزا العرس ولا شنو !؟ خالتو إعتزاز قالت لي أمك لو جابت ليك راجل بالمواصفات دي عرسي سااااي أنا ذاتي معزه كان لقيت ليها عريس زي دا ما بفوتو ، عرسن سااااي يا بناتي و القرايه ملحوقه ، أمي قالت ليها خلاص لمن أجيب ليها العريس حـ نديك أخوهو ، خالتو إعتزاز قالت ليها كان كدي عدييله تب !
طبعاً كنت قاعده معاهم في المظله بعد ما جيت من الكورس ، قلت أقعد و اشرب لي جبنه معاهم ، طبعاً عمتي كانت بتعاين عشره عشره لـ خالتو إعتزاز لأنها بتتونس مع أمي ، المهم بعد النسوان أخدوا قعدتهم و ونستهم و مشوا أمي ذاتا مشت إلا خالتو إعتزاز كانت قاعده ، خليتها مع عمتي و دخلت جوه و لمن اتذكرت إني خليت تلفوني في المظله جيت راجعه تاني ، بس قبل ما أدخل سمعت عمتي قالت لـ خالتو إعتزاز :
_ انتِ قايلاها قالت كلامها دا ساااي ، يختي الخبر واصلني من زمااان و انا عااارفه انها لقت واحد من أهل راجلها و عايزا تعرسو لـ بتها
= عشان كدا كانت بتتكلم بكل ثقه ، تاريها مجهزه العريس !_عمتي قالت ليها هي بأي طريقه عايزا تطلع مها من البيت دا ، راجلها ما نافع و أكيد أهلو حيكونوا ما نافعين زيو
= لكن ما حـ تقدر تعرس للبت من دون موافقة أبوها ، يعني زولها دا لو جابتو ليكم أرفضوهو و خلاص ! مع إني لو ما عارفاك حاجزه مها لواحد من أولادك كان قلت ليك اقبلي بالعريس الجابتو أمها مدام الراجل غنيان و كويس !
_ والله حتى لو ما كنت حاجزاها لـ ولدي عريس جايباهو أماني ما بقبل بيهو و هي عشان عارفاني حـ أعترض كلمة أخواني كلهم إلا أنا و قايله الخبر ما بصلني حتى أولادي الخبر وصلهم !
= يعني أبو البت عارف !
_ عارف و شكلو العريس عجبو عشان كدا ما اعترض لكن انا قالوا ليك هينه ! والله أول ما عرفت اتصلت عليهو و قلت ليهو اسمع يا أخوي بتك دي أنا من زمااان حاجزاها لـ ولدي ، البت بتنا و الولد ولدنا و أفضل ليها من الغريب ، قال لي أنا ما عندي مانع والله ، أنا البهمني إنو العريس يكون زول تمام و أكيد ما بفضل الغريب على أولادك لأني عارف أخلاقهم و لو كنت عارف إنك حاجزاها من البدايه ما كنت حـ اقبل أقابل العريس الجاي من طرف

أماني ، قلت ليهو ماف شي فات ، أرفض العريس الجابتو أماني و أنا بعرسها لـ ولدي ، طبعاً عشان أنتهي من الموضوع دا كلمت محمد و عمر و فاروق حتى سليم و أمورنا بقت واضحه
_ صحي انتِ عايزا تعرسيها لأي واحد من أولادك !؟
= عايزاها لـ سليم عشان على الأقل يجي راجع البيت و يسكن معانا و ينسى البت الما بتتسمى ديك !
_ والله ما شاء الله لكن سليم راضي !؟
= خليت ابوهو و أخوانو يتكلموا معاهو و ان شاء الله حـ يقدروا يقنعوهو ، بما إنو ابوهو استلم الموضوع دا معناها سليم حـ يوافق ، حـ يوافق

طبعاً أنا إنخلعت ! كلامهم كان عباره عند صدمات ! قلت يعني عمتي عايزاني لـ سليم ما لـ عمر !! ... حسيت نفسي زي الزول المغدور ! كلهم اتفقوا من وراي و ما كلفوا نفسهم يكلموني و ياخدوا رأيي ! صنم أنا ولا رأيي ما مهم ولا ما من حقي اختار الزول العايزاه !!
زعلت شديد و حسيت انهم غفلوني ، قعدت أفكر اعمل شنو ، أكلم عمر اقول ليهو أنا ما عايزا سليم ولا اكلم عمتي!!؟
لمن شلت تلفوني طوالي رسلت لـ سليم ، بعد السلام قلت ليهو سليم صراحة أنا ما عايزاك يا ريت ترفضني ... استلم الرساله بس ما قراها ، بقيت قاعده على أعصابي و منتظراهو يقراها ، لمن ظهر لي إنو قراها بقيت خاته يدي على قلبي و منتظره ردو ، قال لي تمام و ما سألني عن أي شي ... أخدت نفس و حسيت نفسي مرتاحه ، المهم سليم رفض و قال ليهم ما عايزني ، طبعاً كيفني منو ، رسلت ليهو و قلت ليهو شكراً ليك يا سليم ، قال لي العفو ما عملت شي و أصلاً أنا كنت حـ أرفض ، اهااا عمتي فارت و قعدت تجوط و تقول هسي أنا أقول شنو لأخوي ، أودي وشي منو وين بعد ما قلت ليهو عايزا بتك لـ سليم !
محمد قال ليها الغلط غلطك انتِ يا أمي ، ما كان تكلمي زول قبل ما تاخدي موافقة سليم ، خليك من سليم مها زاتا ما عارفه مع إنو مفروض تعرف أول وحده ، قالت ليهو هي ما حيكون عندها مشكله ، مستحيل ترفض لي طلب ، عمر قال ليها يا أمي البت دي لسه صغيره و ما زولة عرس و بعدين انتِ سألتيها قبل ما تفتحي الموضوع دا !؟ قالت ليهو لا ما سألتها ، قال ليها كويس ذاتو انك ما كلمتيها ، دي فارغه ساي منكم و أنا من البدايه كلمتكم إنو سليم حـ يرفض ، براك يا أمي مشيتي و نشرتي الخبر !
قبل ما هي تقول ليهم حاجه سمعوا صوت الجرس فـ لمن مشى محمد و فتح الباب لقاهم ضيوف من الأهل جوا زياره ، استقبلوهم و أجلوا نقاشهم ، طبعاً كلامهم دا انا كلو كنت سامعاهو بس عامله نفسي ما عارفه حاجه ، طبعاً عمتي من سليم رفض بقت تفتش للبديل من بين أولادها و أنا لاحظت انها قبل ما يجوا الضيوف و هي بتتكلم كانت بتعاين لـ فاروق ! كأنها بتقول ليهو عرسها انت !! ما عارفه عمر مالو !! ليه ما بتفكر في عمر !؟
لبست توب عمتي و طلعت مشيت لـ معزه ، رغم انها مقاطعاني بس حسيت إني عايزا احكي ليها لأني مشتته ، المهم فتح لي الباب مازن أخوها ، سلمت عليهو و دخلت لقيتها بتحضر ساااي ، لمن شافتني استغربت لأنو طولنا من بعض ، سلمت عليها و قعدت و هي ساكته ، مشت جابت لي مويه و جات ، قلت ليها معزه انتِ لسه زعلانه مني !!؟
ما ردت علي ، قلت ليها عليك الله يا معزه اتكلمي معاي ما تسكتي ! أنا عرفت غلطي و ما حـ أعيدو تاني ، لمن عاينت لي قلت ليها جاده معاك والله !! جات خالتو إعتزاز سلمت علي و مشت ، معزه قالت لي خلاص ما زعلانه منك لكن عليك الله تاني ما تعملي كدا ، قلت ليها طيب و كدا ريحتيني ، طبعاً ما وريتك الحصل معاي شنو ، قالت لي شنووو أحكي لي !!؟
حكيت ليها قصة علاء بس ما جبت ليها سيرة الفيديوهات قلت ليها علاء قل أدبو علي و عمر اشتبك معاهو و و و ، قالت لي ما بصدق !! معقوله علاء يطلع بالقذاره دي ! قلت ليها أنا ذاتي انصدمت فيهو !! ... واصلت كلامي لحد موضوع العرس ، قلت ليها هسي أنا ما عارفه اعمل شنو ! شايفه عمتي بتعاين لـ فاروق ، ما عارفه عمر دا مالو و ليه ما بتجيب سيرتو! قالت لي يمكن لأنها شايفه إنو أعمار فاروق و سليم قريبه ليك ! قلت ليها ياخي دي ما حجه ! صدقيني لو رشحت لي فاروق طوالي حـ اقول ليها ما عايزاه ، قالت لي سجمك عايزا تخربي وش مع أولاد عمتك كلهم ! قلت ليها ياخ ما عايزاهم !
و نحنا بنتكلم كدا أنا بالي بقى مره مع معزه و مره مع الشاشه ، لمن رجعت البيت بقيت أفكر في المسلسل الكنت بشوف فيهو و كيف البت خلت الولد يعرسها لمن كذبت عليهو كذبه خطيره شديد !!
لمن مشيت على المطبخ عمتي كانت هناك مع فاروق و كانت بتقول ليهو هسي انت كان عرست بت خالك دي مالا ! بكرا أمها تجيب ليها عريس و تسوقها مننا ، انتوا أولاد عمتها و أولى بيها من الغريب ، قال ليها يا أمي هسي أنا ما جاهز للعرس و البت صغيره ، قالت ليهو أعقد عليها بس أو أخطبها ساي ! قال ليها انتِ ما تقولي كدا لـ عمر ! قالت ليهو كلمتو و قال نفس كلامك دا ، قال البت صغيره و إنو لسه ما جاهز !! ما عارفه كيف انتوا كلكم كدا فجأه بقيتوا ما جاهزين !! كلكم مستهبلين و قليلين أدب ساي ، لو بتعاينوا لخالكم دا ساي ما بتقولوا كلامكم دا ،

قال ليها يا أمي والله ماف زول رافضها لكن العرس دا مسؤوله و غير كدا هي بالجد صغيره ! قالت ليهو سمح أنا هسي اعمل شنو ! جاريه احنس فيكم كلكم التقول هي غريبه ، ما باقي إلا علاء عايزيني أعرسها ليهو !!
طبعاً لمن قالت كدا رجعت لـ ورا و أنا منططه عيوني ، طوالي طلعت و مشيت الحوش لقيت عمر في الوضايه ، لمن عاين لي لقى عيوني مليانه دموع ، وقف على حيلو و قال لي خير في شنو ؟؟
دموعي طوالي جات نازله !
قال لي في زول ضايقك ؟؟ لمن ما اتكلمت قال لي كدي تعالي ، ساقني المظله قعدني و قال لي أحكي لي ، في شنو ؟؟
قلت ليهو عمر انا ما عايزا سليم ولا عايزا فاروق و لا علاء و قعدت أبكي ليهو ، قال لي علاء ؟؟!! هووس طيب و ما حـ يحصل إلا الإنتِ عايزاه ، خليك عارفه ماف زول حـ يجبرك على شي و أنا معاك ... حكيت ليهو بكلام عمتي القبل شويه ، قال لي علاء دا لو يموت ما حـ أخليهو يقرب منك ، أمي عشان ما عارفه حقيقتو قالت كدا بس طول ما أنا موجود علاء دا ما يحلم بيك حلم ... قربت أقول ليهو طيب و انت !؟ والله كنت عايزه اسألو و اقول ليهو عمر انا شنو بالنسبه ليك بس ما قدرت ، المهم عمر مشى و اتكلم مع عمتي ، أنا لمن شفت ملامح وشها عاديه و ما ظاهر عليها زعل قلت معناها إنو عمتي قدرت تقنع عمر ، قلت إذاً العريس فاروق لأنو عمر مستحيل يقبل بـ علاء ، في لحظات تهور و عدم تفكير مني مشيت لـ عمر و قلت ليهو عايزا اعترف ليك بحاجه ، قال لي تعالي و قولي لي طوالي ، بلعت ريقي و قلت ليهو خايفاك تكرهني و تشاكلني بعد الحـ اقولو ، قال لي انتِ مهما عملتي أنا مستحيل أكرهك و اتطمني المره دي والله العظيم ما حـ اشاكلك ، اها حلفت ليك ، قولي العندك عشان أنا كمان عندي كلام عايز أقولو ليك ، قلت معناها عايز يحاول يقنعني بـ فاروق و يخليني اقبل بيهو عشان كدا اصريت اعمل الفي بالي و يحصل الحيحصل....
في اليوم داك أنا بس لو كان صبرت شويه ، لو كان انتظرت ربع ساعه أو اكتر ، لو كان عمر قال العندو قبل ما أنا أقول العندي ما كان حصل الحصل ...
ماف إنسان معصوم من الغلط ، كلنا بنغلط بس ما كلنا بنتعلم من أغلاطنا ، في أخطاء ممكن الواحد يسامح نفسو عليها و الناس تتجاوزها ليهو و أخطاء ممكن الواحد يقضي عمرو كلو بدفع في تمنها ، كتار البغلطوا بس في الآخر بتخذوا من أخطائهم دي دروس و من نتائجها عظه و عبره و كتاااار البتجاهلوا أخطائهم و بنكروها لحد ما يلقوا نفسهم غرقانين في بركة أكاذيبهم و أخطائهم...
قال لي مهاوي قولي !!... معقوله أنا بخوف للدرجه دي ؟؟
قلت ليهو أوعدني إنو الحـ أقولو ليك يكون سر بيني و بينك ، أوعدني انك ما تكلم زول ! قال لي ما محتاجه وعد مني بس عشان تطمئني وعد مني ما أكلم زول و سرك في بير عميق ...
غمضت عيوني شديييد و ختيت يدي على قلبي و قلت ليهو بسرعه : عمر الحاجه الما قلتها ليك إنو علاء قبل كدا إعتدى علي عشان كدا أنا خايفه من العرس لأني حـ اتفضح و علاء مستحيل يعترف !!
قلت ليهو كدا و سكته ، كان في هدوء حاصل ، لمن فتحت عيوني لقيتو بعاين لي بإستغراب كأنو بقول لي أشرحي لي أكتر ، طبعاً هنا ياداب وعيت على نفسي و عرفت حجم الكذبه الأنا كذبتها بس شنو الحـ يقنع عمر انها كانت كذبه ! قلت ليهو لا لا قصدي.... هرشني و قال لي كمان ساكته للزمن دا ، قلت ليهو عمر لا لا اسمعني دي كـ.... ما وقف يسمعني ، فجأه كدا لون عيونو اتغير و قال لي الليله الفاتحه حـ تنقري على روح علاء ، قال كدا و طلع طوالي و أنا ما عرفت أعمل شنو ، لو جريت وراهو و حاولت اتكلم معاهو ناس البيت حـ يسمعونا و يعرفوا الحقيقه ، طوالي شلت تلفوني و إتصلت على علاء و أنا يديني برجفوا من شدة الخوف ، طبعاً أنا عارفه إنو تلفونو ما متعطل و إنو كذب ساي على ناس عمتي ، أول ما فتح الخط قال لي مها أنا آسف ، عليك الله سامحيني و أعفي لي ، اقسم بالله أنا ندمان و سافي التراب من شدة الندم ، ما عارف كيف فكرت فيك بالطريقه الوسخه ديك ، بس صدقيني أنا من اليوم داك و نوم طار من عيوني ، من اليوم داك و ضميري مأنبي ، و ما قدرت أجي اقيف قدامك و أواجهك ، حتى الإتصال كان غالبني....
بقى يتكلم معاي و هو ببكي و واضح إنو ندمان على العملو ، قلت ليهو علاء عمر بفتش عليك و لو لقاك حـ يقتلك ، حاول تمشي مكان ما يلقاك فيهو.... طبعاً هو ما فاهم الحاصل شنو ! قلت ليهو لو عمر بعرف بيوت أصحابك و انت في بيت واحد منهم أطلع منو بسرعه قبل ما يصلك ... قلت ليهو كدا و قفلت الخط في وشو و رميت التلفون و جريت بيت ناس معزه و أنا برجف من الخوف ، أول ما فتحت لي الباب حضنتها و قعدت أبكي ، قالت لي مها بسم الله في شنو مالك !!!؟
قلت ليها معزه أنا كذبت على عمر ، كذبت عليهو كذبه كبيره و هو عمرو ما حـ يسامحني عليها ...

قبل ما تسألني براي قلت ليها ، والله في لحظات خوف بس اعترفت ليها ، مرات الخوف الكتير بخلي الواحد يقول الحقيقه ، بقت تعاين لي و هي مخلوعه ، لزتني و قالت لي مها انتِ مجنونه ولا شنو !! عارفه حجمه الكذبه الكذبتيها و الكارثه الممكن تحصل بسببها !!؟ عارفه إنو الليله لو عمر دا كتلك علاء انتِ حتكوني السبب !! بقت تشاكل فيني و أنا ببكي ، خالتو إعتزاز سمعت أصواتنا طوالي جات و اتخلعت بمنظري قالت لينا في شنو يا بنات !! مها يا بتي مالك بتبكي !؟
معزه بعد مسافه قالت ليها فتحوا ليها موضوع العرس و هي ما عايزا تعرس ، خالتو إعتزاز قالت لي قطعتي قلبي والله قلت حاصل ليكم شي ، عاد عمتك ما صعبه للدرجه دي ، لو قلتي ليها ما عايزا سليم ما حـ تجبرك عليهو ، طبعاً هي بتتكلم و اتا ببكي بسبب شي تاني ....
المهم بعد العشاء لمن عمر جا داخل أنا طوالي قمت من جنب عمتي و مشيت دخلت غرفتي ، من قبيل كنت مقلقه ، بس كنت متأكده انو عمر ما عمل حاجه لـ علاء لأنو ما قابلو و اتأكدت من الحاجه دي قبل دقائق كدا لمن علاء رسل لي و قال لي في شنو عمر مالو معاي تاني !؟ ما رديت على رسالتو بس اتأكدت إنو عمر ما قدر يصل ليهو ، زي الساعه 9 كدا عمتي جاتني داخله و هي مبسوطه ، قعدت جنبي و قالت لي يا بتي أنا حصل رفضت ليك طلب ؟؟ قلت ليها لا ، قالت لي طيب حصل غصبتك على حاجه ؟ قلت ليها لا يا عمتي ، طبعاً من جواي قلت أكيد جاي تفتح معاي موضوع العرس و تقول انها عايزاني لـ فاروق ، استعديت عشان اقول ليها لا ، بس اول ما قالت لي عمر عايزك بلعت لساني !!
بقيت أعاين ليها و انا مصدومه ! قالت لي في البدايه كنت عايزاك لـ سليم بس هو الغبي لسه ما نسى البت ديك و فاروق هسي ما جاهز و عمر دا شبه جاهز ، سكته سااااي و أنا بحاول استوعب في كلامها ! قالت لي أنا عارفه إنك خايفه من العرس عشان كدا قلتي لـ عمر انكِ ما عايزا تعرسي ، صدقيني طبيعي كل بت في البدايه تخاف من فكرة العرس و ترفضو لكن لمن تعرس و تتعود على العرس و العريس حـ تعرف إنو العرس ما حاجه عيب و ما حاجه بتخوف ، أنا والله لو ما كنت متأكدة إنو أولادي ديل الأفضل ليك والله ما كان عرستك لـ واحد منهم ، ديل أنا الربيتهم و كبرتهم عشان دا واثقه من تربيتي و ان شاء الله ما بتشوفي من عمر إلا كل خير ....
طبعاً مع إني ما نطقت و قلت ليها موافقه بس هي ما لقت أي آثار ضيق أو عدم قبول في ملامحي ، على الأساس دا عمتي قالت خلاص عمر لـ مها و مها لـ عمر ، و اتصلت كلمت أبوي ، طبعاً أنا لحد اللحظه ديك كنت حاسه نفسي بحلم ، يعني الحاجه الإتمنيتها من زمان أخيراً حـ تبقى حقيقه و واقع ملموس !
بعد يومين عمر قال ليهم عايز عقد طوالي و العقد الجمعه الجايه ، طبعاً كلهم قالوا ليهو ليه الإستعجال البت ما طايره و و و و .....الخ إلا عمتي هي الوحيده الما اعترضت و قالت ليهو عديله تب ، عمتي ودتني بيت خالتو إعتزاز و بدوا يجهزوني للعقد ، طبعاً عمر بقيت ما بشوفو كتير ، و كنت خايفه إنو يلم في علاء و يكتشف حقيقة إني كذبت عليهو ، طبعاً معزه كانت بتتجاهلني و ما وقفت معاي في تجهيزات العقد ، حسستني كأني كتلتها ليها زول ، قلت ليها معزه ايوه انا زعلانه من نفسي بسبب القلتو بس تاني ما بقدر أغير شي ! ما بقدر أمشي و اقول لـ عمر كنت بكذب عليك و العقد باقي ليهو أيام و أصلاً ليه أخرب على نفسي ! معزه افهميني دي الحاجه الوحيده الأنا عايزاها من الدنيا دي ، صدقيني أنا ما مبسوطه من نفسي و ما فرحانه بسبب العملتو بس كمان ما بقدر أقول الحقيقه و أخسر عمر !.... قالت لي عمر لو وافق يعرسك لـ يكون وافق لـ سببين ، الأول عشان خالتو سميره أدتك ابوك كلمه و هو ما عايز يحرج أبوك و ما عايز أمو تخجل من أخوها و تاني سبب عشان الموضوع دا يتقفل و ما يقعدوا يفتشوا ليك في العرسان بسبب الكذبه القلتيها ليهو ، قلت ليها عليك الله يا معزه ما تمسخي لي فرحتي ، انتِ صحبتي و انا عايزاك تكوني معاي و ما تنسي إنو علاء جد جد غلط في حقي !
المهم قبل العقد بـ يوم و أنا في بيتنا و جوه غرفتي شلت تلفوني و إتصلت على معزه ، لمن ردت علي قلت ليها معزه أنا محتاجاك ، عليك الله ما تخليني في يوم مهم زي دا ، معزه انتِ حالياً صحبتي الوحيده و أقرب انسانه لي ، عليك الله ما تخليني براي في اليوم دا ، قالت لي والله يا مها ما عارفه اقول ليك شنو ! قلت ليها الله يرضى عليك يا معزه تعاليني هسي ، لو جيتي حـ افهم انك سامحتيني و حـ أرتاح شديد ! قالت لي بشوف ، بعد قفلت منها قربت أبكي ، من جهه مبسوطه و من جهه تانيه ما مبسوطه خالص ، لو بقدر اعمل شي يغير الحصل مع ماريا كنت عملتو و لو بقدر اعمل شي يخلي عمر ينسى الكذبه الكذبتها عليهو كنت عملتها بس بعد دا ماف شي بقدر أعملو ، شلت فستاني و وقفت بيهو قدام المرايه و قعدت أعاين لنفسي و اقول معقوله بكرا عقدي ! معقوله بكرا حـ اكون على عصمة عمر !

و أنا بفكر كدا معزه جاتني داخله ، ياخ لمن شفتها حسيت السعاده غمرتني ، مشيت ضميتها شديييد ، بعدها زحيت منها و قلت ليها كنت عارفه انك حـ تجي و ما حـ تخليني براي في أهم يوم في حياتي ، طبعاً البيت كان زحمه شديد ، أمي زاتا كانت موجوده بس زعلانه قالت ليه العرس يتعمل بسرعه و ليه يعزموها عزيمه على عرس بتها كأنها ضيفه ، طبعاً جات شاكلتني و قالت لي ليه ترضي بعرس زي دا و ليه تسمعي كلام عمتك و و و ، طبعاً ما اشتغلت بكلامها....

قلت لـ معزه :
يا الله يا معزه ما قادره أصدق ، أقرصيني ، أقرصيني عليك الله عشان أستوعب إنو دي حقيقه ما حلم ، أنا عايزا أطير من الفرح ، أخيراً حـ أعرس عمر ، أخيراً حـ أبقى مرتو ، وااااي ياخ يا معزه قادرهـ تستوعبي معاي إنو عمر حيكون لي !! لي براااي !؟😍

_ مها بطلي البتعملي فيهو دا !! افهمي إنو دا ما اسمو حب دا اسمو هوس و جنون !... سألتي نفسك عمر حـ يعمل فيك شنو لو عرف انك كذبتي عليهو عشان تصلي للعايزاه ؟؟ تبريرك حيكون شنو لمن يجي يقيف قدامك و يسألك عن الكذبه الكذبتيها و يواجهك بكل العملتيهو !؟

طبعاً لمن قالت لي كدا عكرت لي مزاجي ، قلت ليها ما حـ يعرف إلا لو انتِ مشيتي و كلمتيهو ، قالت لي عاجلاً أم آجلاً الحقيقه دي حـ تنكشف و انتِ عارفه كويس انك ما حـ تقدري تخفيها لفتره طويله و انتِ فاهمه أنا هنا قاصده شنو !.. قلبت عيوني و قلت ليها اففف ياخ ! اصلك لو ما عكرتي لي مزاجي ما بترتاحي ، ختيت الفستان الكنت شايلاهو على السرير و قلت ليها أنا كل البهمني إنو الزواج دا يتم ، و الحقيقه دي لو ظهرت حتظهر بعد العرس ، يمكن عمر يزعل يوم ، يومين أو اكتر بس بعدها حـ يتقبل الواقع ، لأنو ما حيقدر يغير شي بعد ما أبقى مرتو ، و بعدين الغايه تبرر الوسيله ... قلت كدا و إبتسمت بس إبتسامتي دي إتلاشت لمن معزه قالت لي كيف ما حـ يقدر يغير شي !؟ ناسيه إنو دا عمر !؟ أقل شي ممكن يعملو فيك إنو يطلقك بعد ما يعرف الحقيقه و يعرف عمايلك ، ساعتها موقفك حيكون شنو ؟؟ تبريرك حيكون شنو و الأهم حتكوني إستفيدتي شنو ؟؟
صدقيني عمر عااادي يحفر ليك و يدفنك حيه !
طبعاً غضبت غضب ما عادي ، غمضت عيوني و لمن فتحتهم قلت ليها معزه أطلعي برا ، قالت لي مها أنا بس عايزا مصلحتك لأنو.... قاطعتها و قلت ليها أطلعي براااا ما عايزا أكرر الجمله دي تاني !... بقت تعاين لي بـ يأس شديد ، مسكتها من يدها و طلعتها من الغرفه و قفلت الباب ، أخدت نفس عميق و إتخلصت من كل الأفكار السلبيه و اتناسيت كل القالتو معزه ، شلت الفستان و مشيت وقفت بيهو قدام المرايه و قعدت أتخيل في يوم بكرا ، يلي هو يوم عقدي أنا و أكتر انسان بحبو في الدنيا دي ، سرحت بعيد بخيالي و أنا مبتسمه ....

عاهدت نفسي في اليوم داك إنو تاني ما أباري سهى و تاني ما اعمل حاجه اأذي بيها زول أو نفسي ، ما حـ اكذب مهما يحصل و ما حـ اتهم زول اتهام باطل ، حـ أمشي عديل و اركز بس في قرايتي و حكايتي مع عمر ، أصلاً كل العملتو دا عملتو عشان اصل لـ عمر ، عمر بالنسبه لي كفايتي من الدنيا دي ، مع عايزا شي غير أعيش معاهو في سلام لا نأذي زول لا زول يأذينا ، كنت منتظره يوم بكرا بفارغ الصبر ، اليوم الإتمنيتو من زمان ، اليوم المن بعدو حـ اكون انسانه تانيه ، فرحت و رسمت أحلام كتيره بدايتها حتكون من بكرا ، و أنا ما عارفه المنتظرني شنو في يوم بكرا دا .....

"يا الله ، أتمنى ألا أنطفئ و ألا يجفَّ صبري ، ولا تتوه مسارات أيامي ، و ألا تصفر ضحكاتي ، ولا أعيش قلقًا و أنت في قلبي ، أرجوك أن لا أنكسر في اللحظة التي أؤمن فيها بقوتي.. أن لا أكون كالذي قاوم هبوب العاصفة و هدمته نسمة- اللهُم طهِّرني من بؤس الحيـاة ومن كل ضيق "🖤

*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*
*♡عـــــــــــــــــبـــــــــــــــد البـــــــــــــاقــي أحــــــــــــمــد مـحــــــــــمد زين ♡*

*#من~الأعماق~《30》*
*#بقلم~مها~حولي~الزاكي~*
*ــــــــ♡ــــــــ♡ــــــــــــــ♡ــــــــــــ❥ :00:00*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‌‏​​‏​​‏​​‏​​‏​​‏​​‏​​‏​​‏​​‏​​‌‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​

_ يا غبي لسه ما فات الأوان !
= فات الآوان و أنا اتأخرت شديد ، الله ينعل اليوم الإتافهت فيهو معاها ! لو ما عملت كدا و فكرت فيها بطريقه غلط ما كان دا كلو حصل !
_ ياخ أفهم يا غبي هي عملت دا كلو عشانك ، كذبت عشان تكون معاك و لمن حست إنو كذبتها دي ممكن تأذيك اتصلت و نبهتك و إلا زي الوقت دا انت في عداد الموتى
= ياخ كيف تكون عملت كدا عشاني ! هي هسي بتكرهني كره شديد ، عليك الله ما تقولي كلام خارم بارم !
_ اشرح لي طيب ، شنو البخليها تكذب كذبه زي دي !!؟ صدقني هي من زمان معجبه بيك و كانت بتحكي لي عنك ، اسمك دائماً على لسانها ، لمن تتناقر و تتجادل معاها بتكون مبسوطه حتى لمن تغيظها ، العملتو انت صدمها فيك بس انا متأكدة إنو ما كتل مشاعرها الشايلاها ليك
= هي حصل قالت ليك كدا ؟؟ و لو فرضت إنو كلامك حقيقه فـ ليييه ما كلمتني !
_ ما عارفه ليه هي ما كلمتك بس دي الحقيقه ، إذا هي البت ضحكت بسمعتها و ما هماها زول و عملت دا كلو عشان تكون معاك ، معقوله انت ما مستعد تحاول عشانها !؟
= اعمل شنو أنا و هي خلاص حـ تعرس !
_ انت بعد عملتك ديك قفلت كل الطريق الممكن تقودكم لبعض و هي عشان تلقى طريق جديد يجمعكم تاني كذبت الكذبه الخطيره دي !
=.......
_ غيتو أنا العندي جيت و قلتو ليك و كدا حـ أكون مرتاحه عشان حكيت ليك الحقيقه كلها ، بعد دا انت حر ، لو عايز تتجابن و تسكت على كيفك ، و لو عايز تبقى راجل بالجد و ما تخلي تضحيتها دي تروح على الفاضي فـ هنا أنا معاك ، المهم انا حـ أمشي و ان شاء الله انت تقدر تاخد القرار الصحيح و خليك عارف إنو لسه ما فات الآوان.....

_______

شرقت شمس يوم أجمل جمعه في حياتي ، كان صباح ما زي أي صباح مر علي ، رغم إنو البيت كان جايط و الناس طالعه و داخله و كواريك و صريخ الشفع إلا اني كنت مستكينه و حاسه نفسي عايشه في عالم تاني ، مسكت تلفوني و اتمنيت اتصل على عمر و اشاركو لحظات ما قبل العقد و بعدها لحظات ما بعد العقد زي ما كل البنات بعملوا لمن ينزلوا فيديوهات عقدهم أو أول مكالمه ليهم بعد العقد مباشرة بس ما قدرت ، يعني كيف اتصل عليهو و ذاتو أقول ليهو شنو ! هو براهو متضايق و مخنوق بسبب الكذبه الكذبتها ، و أكيد متخيل إنو أنا حالتي اسوأ منو و كاتمه جواي ، فـ لو اتصلت عليهو و حس إني مبسوطه يمكن يشك في الكذبه القلتها ليهو....
فجأه معزه جات داخله و قالت لي جاهزه عشان نمشي ؟؟ قلت ليها ايوه ، سكتت مسافه بعدها قالت لي أنا والله بتمنى ليك الخير و السعاده ، لكن يا مها انتِ حاسه إنو عمر دا بعد الزواج حـ يتعامل معاك عادي بعد الكذبه الكذبتيها !؟ لأنك واقعه بين نارين ، يعني لو عمر ما عرف حقيقة انك كذبتي عليهو حـ يفضل عمرو كلو نافر منك ، لأنو عمر دا ظاهر إنو من نوعية الرجال الما بقبلو بـ وحده .... فاهمه قصدي صح !؟ يعني حتى لو عرسك ما اظن يتعامل معاك كـ زوج و حيكون نافر منك ، أما لو عرف الحقيقه حـ تسقطي من نظرو لأنك كذبتي كذبه زي دي و اتوقعي منو اسوأ شي !

قلت ليها خلاص رأيك شنو أطلع هسي أمشي افتشو و اقول ليهو الحقيقه ؟ ولا تمشي تقوليها ليهو انتِ ؟؟
قالت لي شنووو !؟
قلت ليها أنا ما حـ اقدر أمشي و اقول ليهو الحقيقه بس بما إنو الموضوع مضايقك للدرجه دي و شايله هم بسببو أمشي افضحيني قدااامو عليك الله و قولي ليهو الحقيقه كلها و خلي كل شي يخرب 😊
قالت لي ما قصدي كدا !... قلت ليها ماف تفسير لـ كلامك غير كدا ، يعني جايه قبل سويعات من العقد عشان تقولي لي الكلام دا لـ شنو !؟
بقينا ساكتين الإتنين و كل وحده بتعاين في اتجاه لحد ما جات
عمتي داخله و قالت لينا مها ، معزه المقعدكم شنو ؟! أمرقي يا بتي الله يرضى عليك البنوت ديل من قبيل منتظرنك عشان تمشوا الكوافير ، قلت ليها طالعه طالعه ، جات ضمتني و قالت لي ما حـ تقدري تتخيلي قدر شنو أنا مبسوطه بيكم و فرحانه انك حتكوني بتي و مرت ولدي 🖤
المهم طلعت و مشيت مع البنات الكوافير ، ما كان بعيد شديد ، تبع وحده بت حينا ، طبعاً ماريا جااات مع أهلها بس قالت ما ماشه معانا الكوافير ، كانت زعلانه شديد و الحاجه دي كانت ظاهره في وشها ، المهم مشوا معاي معزه و اتنين من بنات الجيران و 4 من بنات أهلنا ، ما اتأخرنا هناك ، ظبطنا نفسنا على الخفيف كدا و جينا راجعين ، الوقت داك الناس فطرت و رفعوا الصواني و الرجال جهزوا نفسهم عشان يمشوا صلاة الجمعه و بعدها يعقدوا ... طبعاً ما كلمت سهى ، لي فتره ما اتواصلت معاها و عشان عاااارفه انها حـ تقعد تشمت فيني و تقول لي معقوله عايزا تعرسي ولد عمتك المنفسن داك و و و ... ما حبيت أكلمها و يمكن عشان عمر ما بحبها و لو جات حـ يتضايق منها أكتر....
طبعاً في غرفتي البنات كانوا بدقوا و بغنوا و جزو منهم برسموا في يدينهم ، لقوا ليهم بيقن و قالوا يملوا يدينهم رسم ، طبعاً أنا شدة ما مبسوطه لمن قلبي كان بدق بسرعه و حاسه نفسي زي البحلم ، بعد شويه كدا سمعنا صوت النسوان و هم بزغردوا و شغالين يقولوا : عقدوا ، عقدوا !
طبعاً قلبي عمل شححح و بقى يضرب بسرعه ، جاني إحساس خوف و فرح في نفس الوقت ، أطرافي إرتعشت ، ما قايله العرس دا بفرح و بخوف كدا في نفس الوقت ، كل الأحاسيس الفي الدنيا دي اجتمعت فيني ، البنات قاموا يباركوا لي و يزغردوا ، عمتي جات أول وحده ضمتني و باركت لي ، بعدها جوا ناس أمي و بنات اعمام و عمات أبوي و بيان و الجيران و باقي الأهل ، غرفتي بقت زحمه شديد ، تفكني دي و تمسكني دي ، بقيت زي اللعبه بيناتهم ، بعدها بدوا يضربوا رصاص و كل البنات جوا داخلين جوه و النسوان طلعوا يرحبوا و يستقبلوا الرجال الجوا داخلين ، وحده من بنات الأهل قالت استعدوا عشان تطلعوا يا بنات ، العريس هسسي حـ يجي داخل ، قعدوا يضحكوا و يشغلوها لي و أنا ميته من الخجل ، طبعاً ماريا و منهل خااالص ما جوا باركوا لي ، كنت متوقعه عمر يجي في أي لحظه و البنات كل دقيقه تطلع وحده منهم تتابق و تجي راجعه و تقول العريس لسه ما جا ! وحده قالت ليهم احتمال خجلان منكم يا جماعه أو هو ما نوعية الرجال البجوا بعد العقد يحضنوا زوجاتهم و يباركوا ليهم !
طبعاً كانوا عادين الموضوع هظار و شغالين لي يا حليلك شكلك اتدبستي و وقعتي في اب جيقه كبير بس انا ما كنت مرتاحه و مقلقه شديد ....
شويه كدا جا عمو النور و معاهو سليم و كم راجل كدا من الأهل باركوا لي و طلعوا ، قلت معناها عمر حـ يجي داخل بعديهم ، و هنا اتطمنت شويه و بقيت أعاين للباب بس للأسف ما جا 💔
انتظرت و انتظرت بس عمر ما جا و الناس باركت و مشت و البيت بقى خفيف ، زعلت شديد و قلت ليه عمر ما جا عشان يبارك لي ! على الأقل كان يجي ساي يوري الناس وشو و يخليهم يباركوا ليهو و يمشي !
طلعت كل الإكسسيرز الكنت لابساها و أزلت الميك اب الإتعمل لي و أنا زهجانه ، كان معاي في الغرفه معزه و بنتين ، لمن عمتي جات داخله وحده من البنات قالت ليها العريس مشى وين يا خالتو سميره !؟ عقد و إختفى طوالي !
عمتي قالت ليها ما عارفاهو اتأخر وين لكن أكيد حـ يجي ان شاء الله ، طبعاً هي ذاتا ما كانت فاهمه شي و الشي الكان محير إنو أبوي ما جا بارك لي و من الصباح بـ عيني ما شفتو ، حتى فاروق و محمد ما جوا باركوا !
لحد ما قريب صلاة المغرب أنا ما فاهمه حاجه ، الجيران الما قدروا يجوا قبيل بقوا يجوا يباركوا لي و يمشوا و أنا ما مركزه معاهم ، بعد المغرب وقفت الزيارات ، طبعاً أمي رجعت بيتها و معزه كمان ، بقيت قاعده براي في الغرفه و ماسكه تلفوني ، شويه كدا بيان جاتني داخله و هي شايله تلفونها و لونها مخطوف ، إنخلعت و خفت تكون حاصله حاجه ما كويسه على عمر ! قلت ليها بيان في شنو !؟ عمر كويس !؟
سكتت ساي ، قلت ليها اتكلمي ياخ ! لمن ما ردت علي خليتها و طلعت برا لقيت عمتي قاعده على الكرسي و خاته يدينها على راسها ، هنا الخوف اتمكن مني ، جريت عليها و قلت ليها عمتي في شنو ؟؟! عمر كويس !؟

فجأه سمعنا صوت الجرس ، مشت بيان عشان تفتح الباب و أنا لسه بتكلم مع عمتي و هي من شدة الزعل ما قادره ترد علي ، فجأه كدا فاروق و سليم جوا داخلين و وشوشهم ما كانت بتبشر بالخير ، قلت خلاص معناها عمر دا حصلت عليهو حاجه ، دموعي طوالي نزلت ، قلت لـ فاروق و أنا ببكي مالكم انتوا عاملين كدا و من قبيل اختفيتوا وين !؟ عمر كويس ؟ عليك الله يا فاروق قول لي إنو كويس!
سليم قال لي عمر كويس ، قلت ليهو طيب ليه ما جا و ليه انتوا عاملين كدا و ناس أبوي وين !؟
فاروق قال لي والله ما عارف اقول ليك شنو ، كدي يا أمي قولي ليها !
عاينت لـ عمتي و هي نهاي ما عاينت لي ، قلت ليها عمتي في شنو و أول ما قربت منها لزتني!
طبعاً استغربت ! قلت ليها عمتي مالك في شنو ؟... ما ردت علي طوالي دخلت غرفتها و قفلت الباب عليها ، راسي جاط و ما عرفت في شنو ! شويه كدا محمد جا داخل ، جريت عليهو و بقيت اقول ليهو في شنو يا محمد ! في زول مات يعني !؟
حسيتهم كلهم ما راضيين يعاينوا لي في وشي ! بيان جات جرتني من يدي و قالت لي تعالي ، ساقتني و دخلتني غرفتي ، قعدتني على السرير و قالت لي مها انتِ ليه عملتي عمله زي دي !؟ صح أنا ما بعرفك من زمان و ياداب جاياكم عروس جديده بس ما إتوقعت منك حاجه زي دي خالص ! وقفت على حيلي و قلت ليها عملت شنو أنا يا بيان ما فاهمه حاجه ! فجأه باب الغرفه انفتح و أبوي جا داخل و في لمح البصر وقف قدامي و ضربني كف و عدلني بالتاني و كان حـ يضربني للمره التالته بس بيان صرخت و محمد جا داخل مسكو مني ! كان بقول ليهو فكني ليها عشان أربيها الكلبه الواطيه دي ، وطت لي راسي و دفنتو في التراب ، محمد بقى يقول ليهو اهدى ، أهدى يا خالي الله يرضى عليك ، أبوي قال ليهو أهدى كيف بعد ما سودة وشي ! جوا سليم و فاروق مسكو أبوي و طلعوا بيهو برا ، بقيت أبكي و أقول لـ بيان أنا ما فاهمه شي أبوي مالو و عملت شنو أنا و عمر وين !؟
قالت لي بسبب الغلطه الغلطتيها مع علاء أبوك عقد ليك عليهو ، ما عارفه تفاصيل الحصل بس دا القالو لي محمد قبل ما يجوا بشويه !
طبعاً لمن قالت لي كدا إنصدمت ! ، قعدت على الأرض و أنا منهاره على الآخر و فتحت بيت بكى و أنا ما مصدقه الكلام السمعتو ! بيان قعدت معاي في الأرض و ضمتني عليها و بقت تحاول تهديني ، طبعاً قلت معناها عمر لقى علاء و عرف منو الحقيقه و عشان يعاقبني خلاهم يعقدوا لي عليهو ، كسرني و خلاني في أهم يوم في حياتي ، و علاء شنو الخلاهو يقبل يعرسني ! معناها هم الإتنين اتفقوا علي ، واحد عشان كذبت عليهو و واحد عشان كذبت فيهو و قرر يقلب الكذبه جد ، بقيت أبكي و أقول لـ بيان اقسم بالله أنا ما غلطت معاهو ، اقسم بالله دا كلو كذب ، عمر كذاب و منافق و علاء كمان كذاب ، والله انا ما غلطت معاهو يا بيان .....
رغم انها كانت بتقول لي خلاص كل شي حـ يبقى تمام إلا اني حسيتها ما مصدقاني ! قمت منها و فتحت الباب و طلعت الهول و بقيت أصرخ و اقول ليهم علاء كذاب ، والله هو كذاب و أنا ما غلطت معاهو و عمر ذاتو كذاب ، أبوي قعد يعاين لي و عيونو مليانه غضب ، كان حـ يقوم و يجي علي و يضربني بس محمد مسكو و نادى بيان بـ نهره كدا و قال ليها دخليها جوه ، لمن بيان مسكتني اتفكيت منها و مشيت لـ عمتي في غرفتها و بقيت اقول ليها ديل كذابين ما تصدقيهم ، والله يا عمتي علاء كذاب و ولدك عمر كمان كذاب ....
بقيت أبكي ليها و هي ما شغاله بي و أبوي من برا يجوط و يقول لي اقسم بالله لو جايب معاي سكين كان ضبحتك بيها و إرتحت منك ، يا عديمة التربيه يا الما عندك حياء ، بيان جات ساقتني و دخلتني غرفتي ، قعدت أبكي كدااا لحد ما بعد شويه سمعت صوت جوطه و صوت أبوي بقول ليهم زحوا لي منو أنا لسه ما فشيت غبينتي فيهو الكلب الحيوان الوسخ عديم الرجوله و الإحساس ، لو كل أولاد الأعمام زيك ان شاء الله ينحرقوا و يموتوا ، من خلال كلامو عرفت إنو بتكلم مع علاء و كمان كان في صوت عمو النور و كمان صوت مازن ، ما عارفه عمر معاهم ولا لا ، بيان كانت مقلقه ، ماشه و جايه في الغرفه و هي شغاله ربنا يستر ، ربنا يستر ، لمن الأصوات إرتفعت بيان فتحت الباب و طلعت ، أما أنا بعد ما إقتنعت خلاص إنو حياتي اتدمرت و إني خسرت عمر و فقدت الأمل حسيت إنو ما لازم أعيش بعد الحصل لي دا ، كلهم ما صدقوني كلهم غضبانين مني و الاسوأ من كدا عقدوا لي على علاء ، علاء البكرهو من جوه قلبي ، علاء البقيت ما بطيق اسمع اسمو ، علاء المستعده أموت ولا يرتبط اسمي بإسمو ، ايوه انا كذبت نفس الكذبه دي بس ما قلتها لـ زول غير عمر ، لأني بثق فيهو و لأني كنت متخيله إنو ماف زول حيكون عارف بالحاجه دي غيرنا نحنا الإتنين ، بس للأسف خذلني ، مشيت فتحت الدرج و طلعت منو حاجتين ، تاني حاجه هي تلفوني ، لقيت فيهو مكالمات كتيره من علاء كانت من قبل العقد و بعدو ، قلت الحيوان مصدق نفسو و متصل علي كمان عشان يبارك لي ولا عشان يشمت فيني ! في اللحظه ديك كرهي ليهو اتضاعف و عمر ذاتو كرهتو لأنو كسرني و أذاني

بطريقه ما خطرت على بالي في اسوأ كوابيسي ! كنت بحبو من أعماق قلبي و هسي بكرهو من أعماق قلبي....
دخلت الواتس ، تحديداً حساب عمر و بديت اسجل ليهو في ريكورد و أنا مقهوره و حسي دا من شدة البكى انقرش ، قلت ليهو و أنا ببكي :
غلطي الوحيد في الدنيا دي إني اتعلقت فيك ، حبيتك أكتر من نفسي ، كنت مستعده أعمل أي شي عشان أكون معاك ، أي شي عشان أصل ليك ، بسببك عملت حاجات ما اتخيلت إني اعملها في حياتي كلها ، حتى ماريا بت عمك أنا كرهتها بسببك ، كنت بكره أي شي و أي زول احسو واقف بيني و بينك ، بسببك أنا طلّعت ابشع حاجه فيني ، ياخ أنا كنت مهوسه بيك لدرجة اني كذبت في نفسي و خاطرت بسمعتي ، في بت بتخاطر بـ سمعتها ؟؟ في بت بتكذب كذبه زي دي في نفسها ؟! بس انا كذبتها و كلو عشان انت تقبل تعرسني ، رخصت نفسي شديد و جريت وراك كتير و ما كنت بعرف أو بفهم شي غير اني عايزاك تكون معاي العمر كلو ، بس للآسف طلعت ما بتستاهل دا كلو ، حالياً أنا ندمانه و قرفانه من نفسي و حاسه بالرخصه ، بالنسبه لي بقى ماف فرق بينك و بين علاء ، الإتنين بنفس النداله و الخباثه ، ياخ على الأقل انت لمن عرفت إني كذبت عليك كان تلغي العقد ما تقوم تمشي و تعقد لي على علاء و تفضح الكلام العلى أساس هو سر بيني و بينك لكل الناس ، عمر أنا حالياً بكرهك أكتر من علاء ، حالياً انت اكتر إنسان أنا بكرهو في الدنيا دي ، كسرت ثقتي فيك و خلفت بوعدك و انتقمت مني بأبشع طريقه ، كنت بتقول لي أنا ما عدوك بس هسي انت أثبت لي إنك أكبر عدو لي ، حـ افضل عمرو كلو أكرهك ... قصدي حـ اقضي الدقائق الباقيه لي من عمري كلها كرهك ليك 💔
خلصت و رسلت ليهو الريكورد طوالي ، ما كان خاشي ، جدعت التلفون و فتحت فتيل البيقن الكانوا برسموا بيهو البنات قبيل ، في الغرفه كان في كبايه و جك مويه ، طوالي كبيت مويه في الكبايه و فضيت فيها كل الصبغه الكانت في الفتيل ، غمضت عيوني و بكيت مسافه ، و دعيت إنو ربنا يغفر لي ، يغفر لي و يسامحني على العملتو و على الحـ اعملو هسي ، جواي كان في ألم كبير ، كان في وجع كبير ما بقدر أستحملو ، حسيت الدنيا ضاقت بي و إني خلاص انتهيت ، فتحت خشمي و شربت كل الصبغه الفي الكبايه ، قعدت على الأرض و شلت تلفوني و تاني سجلت ريكورد لـ عمر ، قلت ليهو :
حالياً أنا قاعده و جواي كميه من الصبغه ، دقائق بس و أفارق الدنيا دي ، كدا انتوا حـ ترتاحوا مني و أنا حـ أرتاح من الوجع الجواي دا ، عارف إنو هسي قلبي واجعني شديد و حاساهو بنزف ؟ عارف إني كل دقيقه بخت يدي على صدري عشان اتأكد إنو ماف جرح و إنو ماف دم نازل ! ... لمن أموت يا عمر حـ اكون حققت ليك انتقامك الجد جد و عاقبت ليك نفسي ، يمكن انت انصدمت فيني بس صدمتي فيك كانت أكبر ، لو بعدين حـ تلقى وحده تحبك زي حبي ليك و ما تشوف غيرك و تكون ليك زي العبد المأمور عرسها طوااالي و ما تتردد دا لو لقيتها أصلاً 💔
كنت بتكلم معاهو و أنا ببكي و خشمي كل ما يزبد بمسح الزبد ، أول ما رسلت الريكورد و ختيت التلفون على الأرض بيان جاتني داخله ، اتخلعت لمن شافتني ، جاتني جاريه و بقت و تقول لي مها دا شنو الفي خشمك دا ، قلت ليها دي صبغه ، قلت ليكم الحقيقه و ما صدقتوني ، يمكن لمن أموت تصدقوني ، نططت عيونها و قامت بإستعجال و بقت تنادي يا محمد يا محمد ، عمتييييي ألحقيني ، لمن كانت واقفه جنب باب الغرفه لزيتها و قفلت الباب علي ، بقت تضرب لي في الباب و تصرخ بأعلى حس عندها ، بعدها جاني صوت محمد و فاروق و سليم و مازن حتى علاء كل واحد فيهم كان بضرب لي في الباب و يحنسني عشان افتح الباب ، جا عمو النور و بقى يقول لي يا بتي استغفري و انعلي الشيطان ، كل مشكله و ليها حل ، افتحي لينا الباب دا ، حتى عمتي ذاتا جات و بقت تضرب لي في الباب ، مرات بخاف و بتراجع و بقرب أفتح ليهم الباب بس أول ما اسمع صوت علاء بطني بتطم زياده ، حسيت بحرقان في معدتي و الزبد زاد ، قعدت على الأرض لمن راسي لفه ، بعدها رقدت على الأرض و بقيت أعاين للسقف و أنا عارفه إنو دي قد تكون آخر لحظات لي في الدنيا ، بعدها لا حيكون في عمر لا حيكون في عمتي لا أمي لا أبوي لا غيرهم ، عارفه إنو بعد ساعات من عملتي دي حـ امشي مكان تاني ، مكان ضلام حـ اكون فيهو براي ، عارفه إنو أول ما أغمض عيوني ما حـ افتحهم تاني ، للحظات ندمت و الخوف اتملكني بس بعد شنو !؟
دعيت بس إنو ربنا يغفر لي ...
ما كان فيني حيل عشان اقوم ، حسيت الغرفه لافه بي ، بقيت أعاين لكل حاجه في الغرفه و أبكي لحد ما بقيت اشوف طشاش طشاش و أصوات ناس عمتي دي بقت لي بعيده ، لحد ما اصواتهم اختفت تماماً و انعدمت الرؤيه ....

_____