هر کیمین کی قلبی وار، بیر سیمبر جانانی وار.
سیمبر جانانی وارسا، دیده‌ی گریانی وار.

هر کیمین آغلار گؤزو وارسا، باشی سئودالی‌دیر،
بیر گؤزل عشقی‌یله دلده مین غمِ پنهانی وار.

کیم کؤنول وئرمیش جاهاندا نازلی بیر مَه‌پاره‌یه،
قان دولو بیر جوت گؤزو، بیر سینه‌ی بریانی وار.

بی‌جهت آخماز جگر قانی گؤزوندن کیمسه‌نین،
گؤزده‌کی هر قطره قانین، سینه‌ده طوفانی وار.

کیم کی، گؤز تیکمیش گؤزل بیر دلبرین رُخسارینا،
اوز وئرن هر بیر بلانی چکمه‌یه امکانی وار.

هر بلا یئتسه محبّتدن، بیزه وئرمز ضرر
هر بلانین عاشقه بیر ذوقِ بی‌پایانی وار.

اودلو قلبیندن «فضولی» آه چکیرسه دم‌به‌دم،
غافل اولما، سئوگیلیم! تأثیرلی مین پیکانی وار...
❤️
#فضولی
#تقدیم_تورک_زبانان_کانالمون😍🙏

❀═‎‌‌‌🌼 ⃟❤ ⃟ ‌‌‌‌🌼═‎‌‌‌‌‌‌❀