DAR: Baadhi Waumini wa Kanisa la Glory of Christ Tanzania (Kanisa la Ufufuo na Uzima) linaloongozwa na Askofu Josephat Gwajima ambalo Juni 2, 2025 lilifungiwa na Serikali, wamejitokeza eneo la pembezoni mwa Kanisa hilo lililopo Ubungo wakisali na kuimba nyimbo mbalimbali za Dini

Wakati hayo yakiendelea Kanisa limezungukwa na Askari Polisi ambao wapo tangu siku Serikali ilipotangaza kulifungia Kanisa hilo kwa kutoa huduma kwa kile kilichoelezwa kutoa matamshi ya Kisiasa yenye lengo la kuichonganisha Serikali na Wananchi

Awali, jana Juni 7, 2025, Katibu Mkuu wa Kanisa hilo, Dkt. Erick Shoo alitangaza kutokuwa na ibada katika matawi yao yote Nchini, badala yake ibada zifanyike nyumbani hadi watakapopewa taarifa zaidi

Soma https://jamii.app/WaumiziWaGwajima

#JamiiAfrica #JamiiForums #JFMatukio

Mchungaji wa Kanisa la Waadventista wa Sabato Kinyerezi, Maotola John Lumbe amesema “Nitoe ushauri wa bure kwa Viongozi, Kiongozi yoyote usipopata mawazo kinzani, unaogopwa na haufanyi vizuri. Kiongozi ruhusu mawazo mbadala yaje, sasa hapa wale wanaojiita chawa hawatakuja kwako maana unaruhusu 'discussion'. Kiongozi lazima ukubali kukosolewa na uwe na uwezo mkubwa wa kuvumilia, kustahimili, kunyamaza kimya na kuongea kidogo"

Ameyasema hayo katika Ibada ya Sabato iliyofanyika Kanisa la Waadvintista Wasabato SDA Kinyerezi Juni 7, 2025

Soma https://jamii.app/KiongoziUweMvumilivu

#JamiiForums #JamiiAfrica #HumanRights #Governance

Askofu Mkuu, Jimbo Kuu Katoliki Dar es Salaam, Yuda Thadeus Ruwaichi amesema kwa yanayoendelea Tanzania kwasasa hatupaswi kujiita Kisiwa cha Amani

Amesema “Tupende kushughulikia mambo yetu kwa msingi wa ukweli zaidi, msingi wa haki, msingi wa amani na msingi unaompendeza Mungu. Kusudi tuweze kweli kudai kwamba sisi ni kisiwa cha amani, katika yale yanayoendelea zama hizi katika nchi yetu, nashauri tusithubutu kujiita kuwa ni kisiwa cha amani. Tusithubutu kujitanabaisha kama kisiwa cha amani”

Zaidi https://jamii.app/KisiwaChaAmani

#JamiiForums #JamiiAfrica #SocialJustice #Governance #HumanRights #Accountability

DAR: Mkurugenzi wa Kampuni ya Msama Promotion, Alex Msama akizungumza na Wanahabari Juni 8, 2025 amesema wote wanaomsema vibaya Rais Samia Suluhu ni sawa na kuwa wanamsema Mungu ambaye ndiye aliyempa Mamlaka aliyonayo

Soma https://jamii.app/AlexMsamaSiasa

Video Credits: Torch Media

#JamiiForums #Siasa #Kuelekea2025 #Democracy #UchaguziMkuu

DAR: Wakati Uongozi wa #Yanga ukitarajiwa kufanya kikao na Bodi ya Ligi Kuu Tanzania, leo Juni 9, 2025 kuhusu ajenda ya mchezo dhidi ya #Simba uliopangwa kuchezwa Juni 15, 2025, Klabu hiyo imesema matakwa yao yakisililizwa na kutekelezwa, timu itaingia uwanjani

Akijibu swali kupitia Wasafi FM, Afisa Habari wa Yanga, Ali Kamwe amesema “Yanga ni Klabu ya Mpira wa Miguu, kazi kubwa ni kucheza Mpira wa Miguu, matakwa ya Kamati ya Utendaji ya Yanga yaliyowasilishwa kwa Bodi ya Ligi yakisikilizwa na yakafanyiwa kazi bila shaka yoyote mbungi itapigwa.”

Mchezo huo ulipangwa kuchezwa Machi 8, 2025 lakini uliahirishwa baada ya Simba kuzuiwa kufanya mazoezi kwenye Uwanja wa Mkapa siku moja kabla, Yanga ilipeleka timu uwanjani na kueleza haipo tayari kucheza mchezo huo Namba 184 wakati mwingine kwa madai maamuzi ya kutochezwa yalikuwa kinyume na utaratibu wa Kanuni za Ligi

Soma https://jamii.app/KamweYanga

#JFSports #JFLigiKuu25 #JamiiForums #KariakooDerby

RUVUMA: Makamu Mwenyekiti wa Chama Cha Mapinduzi (#CCM) Tanzania Bara, Stephen Wasira amesema Chama chao hakina mpango wa kuahirisha Uchaguzi kama ambavyo “Wale wa Tonetone” wanavyopita na kutangaza kutoshiriki katika Uchaguzi Mkuu wa 2025

Amesema hayo alipokuwa katika Ofisi za CCM Mkoa, leo Juni 9, 2025 ikiwa ni Siku ya kwanza ya ziara yake Mkoani humo

Soma https://jamii.app/WasiraUchaguzi

#Siasa #JamiiForums #Kuelekea2025 #UchaguziMkuu2025 #Democracy

DAR: Afisa Mtendaji Mkuu wa Bodi ya Ligi Kuu Tanzania, Almas Kasongo amesema kikao chao na #Yanga kilichofanyika leo Juni 9, 2025 kilikuwa cha kupokea matakwa ya Klabu hiyo lakini sio cha kubadili maamuzi ya Mchezo wa Timu hiyo dhidi ya #Simba wa Juni 15, 2025

Sehemu ya matakwa ya Yanga yaliyotajwa ni kuwataka Watendaji kadhaa wa Bodi ikiwemo Mwenyekiti, Afisa Mtendaji kuachia ngazi na kuona Bodi hiyo inakuwa Chombo huru

Baada ya kikao hicho, Yanga imetoa tamko kuwa haitashiriki Mchezo huo Namba 184 mpaka pale matakwa yao waliyoyawasilisha kwa Maandishi yatakapotimizwa, hivyo wanaitakia kila la heri Bodi ya Ligi na Shirikisho la Soka Tanzania katika kushughulikia Matakwa hayo

Soma https://jamii.app/KariakooDerbyUpdates

#JFSports #JamiiForums #JFLigiKuu25

DAR: Akihojiwa na Mwanahabari #SalamaJabir katika eneo la Kanisa lake Kawe, Mtume Bonicafe Mwamposa, amesema Mungu alimleta Rais Samia kwa makusudi, kwasababu angekuwa Mtu mwingine amechukua hiyo nafasi angeweka pembeni Miradi yote iliyoachwa na Hayati Magufuli

Zaidi https://jamii.app/MwamposaRais

#JamiiAfrica #JamiiForums #Accountability #Governance

DAR: Mkuu wa Jeshi la Polisi Tanzania (IGP), Camillus Wambura amesema Rais Samia amefanya mambo mengi makubwa ambayo yalitakiwa kuwa yamefanyika ndani ya Miaka 50

Amesema hayo wakati wa sherehe ya Kufunga Kozi ya Maafisa na Wakaguzi Wasaidizi wa Jeshi la Polisi Chuo cha Taaluma ya Polisi Dar es Salaam, leo Juni 9, 2025.

Soma https://jamii.app/IGPWamburaJune9

#JFMatukio #Governance #JamiiForums #JamiiAfrica

DAR: Akihojiwa na Mwanahabari #SalamaJabir katika eneo la Kanisa lake Kawe, Mtume Bonicafe Mwamposa amesema Rais Samia aliwahi kumtuma Mkuu wa Mkoa wa Dar, Albert Chalamila kupeleka sadaka yake ya Ujenzi wa Kanisa hilo, akisema kutambua kuwa kuna Watu wa Mungu ni jambo la Baraka, wanajua wana Rais na wanamuombea

Zaidi https://jamii.app/MwamposaRais

#JamiiAfrica #JamiiForums #Accountability #Governance

Mkuu wa Jeshi la Polisi Tanzania (IGP), Camillus Wambura amesema “Mheshimiwa Rais tunakuahidi, Nchi hii ni salama, Nchi hii ina Amani. Jeshi hili la Polisi haliko tayari kumvumilia yeyote atakayeleta uvunjifu wa Amani kwasababu yoyote ile”

IGP Wambura amesema hayo leo Juni 9, wakati wa sherehe ya kufunga kozi ya Maafisa na wakaguzi wa Jeshi la Polisi

Soma https://jamii.app/WamburaAmani

#JamiiForums #Governance #Accountability #Kuelekea2025