Wanahabari wanawajibika kuhakikisha Wananchi wanapata taarifa sahihi, zinazowasaidia kufanya maamuzi bora kuhusu Maisha yao na taifa lao

Tunapolinda Uhuru wa Vyombo vya Habari, tunalinda Haki ya kila Mtu kusema, kusikiliza, na kupata taarifa bila vizuizi.

#WorldPressFreedomDay #WPFD2025 #PressFreedom #MediaAndAI #AIForMedia

MBEYA: Ripoti ya Jeshi la Polisi Mkoa ndani ya miaka minne iliyopita imeeleza; Madini ya Dhahabu yenye thamani ya Tsh. Bilioni 1.81 yaliyotoroshwa yalikamatwa yakihusisha Watuhumiwa Tisa waliokamatwa

Pia, Nyara za Serikali zenye thamani ya Tsh. Bilioni 1.62 zilikamatwa zikihusisha Watuhumiwa 33 waliokamatwa (Wanaume 29, Wanawake 4)

Aidha, silaha 40 zisizokuwa na kibali (Gobole 29, S/gun 29, Riffle 3 na Bastola 2), Risasi 12 za shot gun, goroli 658 na kopo 9 zenye baruti vilikamatwa pamoja na Watuhumiwa 42.

Soma https://jamii.app/PolitiMbeyaTakwimu

#JamiiForums #JFMatukio #Accountability

MWANZA: Watumishi wa Umma na Sekta Binafsi wameshauriwa kujifunza kuhusu Uwekezaji mapema ili kuhakikisha baada ya kustaafu wanaendelea kuishi Maisha mazuri, kama walivyokuwa kazini

Ushauri huo umetolewa na Afisa Masoko Mwandamizi, Kampuni ya Uwekezaji ya UTT – AMIS, Rahim Mwanga, ambapo ameeleza “Tukijijengea utamaduni wa kuwekeza mapema kutatusaidia Wafanyakazi kuepuka changamoto za Kifedha baada ya kustaafu na kuwa na Maisha ya uhakika.”

Amesema hayo wakati wa mafunzo ya Elimu ya Fedha yaliyotolewa kwa Watumishi wa Halmashauri hiyo na Wataalamu kutoka Wizara ya Fedha na Taasisi zake

Soma https://jamii.app/KustaafuMaandalizi

#JamiiForums

DAR: Akizungumzia maandalizi ya usalama kuelekea mchezo wa Aprili 9, 2025 dhidi ya Al Masry ya Misri, Mtendaji Mkuu wa Simba SC, Zubeda Sakuru amesema maandalizi yapo vizuri na “Wale ambao mechi haiwahusu wabaki nyumbani”

Amesema “Katika mchezo uliopita walisema maneno mengi kwamba kuna Wazee wafupi, Mbuzi lakini tuwatumie ujumbe kwamba kama mechi haikuhusu baki nyumbani na sisi tumejiandaa kuthibiti hilo kama klabu. Hatutaruhusu mtu yeyote ambaye sio Mwanasimba kutuharibia shughuli yetu.”

Simba itakuwa mwenyeji wa mchezo huo wa marudio wa Robo Fainali ya Kombe la Shirikisho Afrika kwenye Uwanja wa Mkapa baada ya kupoteza kwa Magoli 2-0, Aprili 2, 2025.

Soma https://jamii.app/CEOSimba

#JFSports #JamiiForums #CAFCC

Vitisho, Unyanyasaji, au Vurugu ni hatua ya kuzuia Haki ya kupata taarifa sahihi na za uhakika

Kuandika na kutoa maoni ni sehemu ya Uhuru wa Kujieleza na ni muhimu kwa ufanisi wa #Demokrasia.

#WorldPressFreedomDay #WPFD2025 #PressFreedom #MediaAndAI #AIForMedia

DODOMA: Mkutano wa 19 wa Bunge la 12 unatarajiwa kuanza leo Jumanne Aprili 8, 2025, mahususi kwa ajili ya kujadili na kuidhinisha Bajeti ya Serikali kwa Mwaka wa Fedha 2025/2026

Taarifa iliyotolewa na Ofisi ya Bunge imeeleza ratiba kamili ya shughuli za Mkutano huo itatangazwa leo Aprili 8 mara baada ya kikao cha Kamati ya Uongozi

Mdau unatarajia nini kutoka katika Mkutano huo?

Soma https://jamii.app/BungeAprili8

#JamiiForums #Governance

LINDI: Mwenyekiti wa Chama cha Demokrasia na Maendeleo (#CHADEMA), #TunduLissu amesema suala la Kikokotoo ni changamoto kwa Askari na Watumishi Wastaafu

Amesema hayo alipozungumza na Wananchi katika Mkutano wa hadhara Nachingwea, Aprili 6, 2025

Soma https://jamii.app/LissuNachingwea

Video Credits: MK TV

#JamiiForums #Siasa #Kuelekea2025 #UchaguziMkuu2025

CHINA: Uongozi wa Mji wa Beijing umetoa maelezo kuwa Shule zote za Jiji hilo zinatakiwa kutoa angalau Saa Nane ndani ya Mwaka wa Masomo kwa Wanafunzi kufundishwa kuhusu Akili Mnemba (AI)

Wanafunzi wanatakiwa kufundishwa AI katika somo linalojitegemea au linaweza kuingia katika masomo yaliyopo ya Sayansi na Teknolojia ya Habari

Wanafunzi wenye umri wa Miaka 6 hadi 12 watatakiwa kupata elimu hiyo kisha itaendelea hadi kwa Ngazi za Juu huku kila ngazi ikiwa na levo yake ya kujifunza #AI

Soma https://jamii.app/AIInChina

#JamiiForums #JFDigital #Technology #DigitalWorld

MBEYA: Chama cha Ukombozi wa Umma (CHAUMMA) kimependekeza na kuishauri Tume Huru ya Taifa ya Uchaguzi (INEC) kufanya mabadiliko kwa Wasimamizi wa Uchaguzi kikisisitiza Wakurugenzi wasiwe Wasimamizi wa Uchaguzi wa Majimbo kwa kuwa hao ni Makada wa Vyama vingine vya Siasa

Akizungumza Aprili 7, 2025 na Waandishi wa Habari, Katibu Mwenezi wa CHAUMMA Taifa, Ipyana Njiku amesema katika Kikao cha Halmashauri Kuu ya Chama hicho cha Februari 19, 2025 kiliazimia kushiriki Uchaguzi katika nafasi zote na kutoa mwelekeo wa Nchi kwa Miaka mitano ijayo

Soma https://jamii.app/ChaummaINEC

#JamiiForums #UchaguziMkuu2025 #Democracy