#mma堂評語 #格鬥 #mma #關節技 #地面技 #站立技 #摔技 #學員評語

MMA白紙由零開始斷斷續續上咗4堂，想講下感想。

細佬有比錢係出面學過泰拳，發現外面泰拳班多數八成體能兩成技術。對減肥黎講就好用不過唔適合真心學格鬥技嘅人。

相反呢個mma義教居然有八成都係技術野。仲要教練好有心每堂教嘅野都唔會完全重覆。地面技巧多如天上繁星，次次上堂都會學到新野。


就算係剩低果一成體能都係以mma常用嘅逃脫動作去進行，唔係圍圈跑呢啲自己都做到嘅野。

每堂亦都有教出拳同出腳嘅唔同技巧組合，由簡單兩拳再慢慢增加最後就係接駁摔技。

然後就會係地面壓制或者逃脫嘅常用招式，呢啲招式你冇人教係唔會靠自己想像到。就算想像到都要搵人同你互相磨擦先練習到。

最後仲有對練機會，全晚高潮一地花生通常本身愈熟打得愈狠🙈🙈🙈