趁年尾就收爐，健身妹妹都有幾句野想講，好多謝各位導師過去一年既付出，堅持不易，到如今仍堅持更加唔容易。

其實要操既，自己操，一班人操，都可以，但相信選擇一齊操既你總有一啲原因令你每星期都出現，same time same place，見到大家。

好多班組外面都有，但點解要選去全民健既班組？因為義教免費/平啲/覺得全民健有保證？定同一班同路人感覺點都好啲？

同樣導師們都有佢哋既“點解”。

選擇咗係呢邊開班，佢哋都付出左心血，去預備課堂內容，場地，同大家分享佢哋所學，請珍惜仍然留係到，仍然願意開班既導師----尤其在如此低氣壓嘅時候。

最後，因為最近又又又發生了仲要同時幾個，健身妹妹想講，：
我哋全民健謝絕 #飛機友
已經講咗好多次，點解黎唔到講一聲係咁難，你飛機夾場租導師自己蝕住比埋你個份好？定臨時叫同學夾多啲好呢啲老話又不再重覆了。

#所有飛機友 健身妹妹以後都會請導師告知及會互相通報。