今年本港紀律部隊「去殖民化」，警察、海關、消防、懲教爭先恐後咁轉用中式步操後，日前亦有新聞指佩槍由美國左輪轉為國產曲尺，今日（6號）《信報》專欄更加爆料話，警隊嘅日常細節，細至口頭敬語同行動口都打算「棄英轉中」，據講今年警察學堂已經開始教緊，現職人員就要補堂了解新制詳情。

筆名「余錦賢」嘅《信報》著名時政專欄就透露，自從駐港解放軍舊年起向本港紀律部隊傳授中式步操，各部門喺唔同方面都向解放軍學習。有制服人員就爆料話，各個部隊學堂已經轉用中文口令同敬禮，例如喺影視劇集耳熟能詳嘅「Yes sir」同「Sorry sir」，會改為「是的長官」同埋「對不起長官」。

有海關中人就坦言，目前都只係高層落區巡查「揸正嚟做」，日常操作未使嚴格使用中文口令。警隊中人就指出，雖然買就買緊國產曲尺手槍，但唔係所有射擊訓練流程都用到中文，例如燒槍口令「draw revolver」、「unload , examine arms」，都仲未改口做「拔出左輪手槍」及「退膛、檢查槍械」。不過有人都估計，全面中文化只係時間問題，亦都有前線警員擔心完全棄用英文或矯枉過正。

其中警隊指揮官就透露，警察用英制足足180年根深柢固嘅歷史，霎時間變晒唔係咁易；況且，現在警隊內尚有唔少外籍警官，書面溝通定口語傳訊都要英文，全面棄用隨時弄巧成拙。有同袍就慨嘆，聽講喺紀律部隊最引以為榮嘅婚宴「劍禮」，都要改用中式禮儀，直言「唔想，但都冇計」。

#信報 #余錦賢 #警察 #海關 #消防 #懲教 #左輪手槍 #曲尺手槍 #sorrysir #yessir #是的長官 #對不起長官 #劍禮 #紀律部隊 #香港英文 #中式步操 #廣東話 #港語學

https://gongjyuhok.hk/articles/11095

各隊紀律部隊今年開始陸續轉用中式步操及敬禮，但原來囚犯都要跟隊。有喺塘福懲教所服刑嘅少年犯向《明報》透露，在囚人士原來都要學習中式步操，日常溝通亦都規定要由過往用英語「yes sir」、「thank you sir」、「sorry sir」等，改做「是的，長官」等廣東話口令。懲教署喺查詢下承認，逐步安排緊院所改用中式步操同口令，計劃七一起全面用晒。

少年犯阿明（化名）透露，其實今年2月起，新人嘅步操訓練已經加入中式步操，懲教人員會用普通話發號施令，例如「向右看」、「看齊」等，但學員都仲係用住英文應先。當時懲教阿sir話7月就會全面轉用中式步操。阿明坦言有啲唔慣，而且中式及英式步操都要練習，估計當時係過渡期先咁安排。

關注囚權嘅立法會前議員邵家臻亦都透露，成人監獄都要改用廣東話口令回應懲教人員，認為係「政治正確」嘅表現。佢話囚友間未算太介意轉用廣東話，「監獄生活咁多限制，口令係其次中嘅其次」。

#中式步操 #是的長官 #懲教署 #在囚人士 #英文 #廣東話 #普通話 #兩文三語 #明報 #港語學

https://gongjyuhok.hk/articles/11410

直資名校聖保羅男女中學附屬小學日前（2號）喺網上舉行小一入學申請簡介會。校方公布話，23/24年小一學額維持150個，今日（5號）起接受網上報名。所有報名學生均會獲安排面試，首輪面試全部報名學生都要面對面用廣東話進行。

簡介會高峰期有超過2,200人參與。校長張慧純話，佢哋希望藉住面試睇下學生嘅溝通能力、專注能力、待人接物嘅態度等，會重視學生「具好奇心、愛思考、主動學習；有童真、樂於聆聽、善於表達」。

校長話，面試將用全廣東話進行，學生都可以母語表達嘅，不過入學嗰時，「因為我哋係中文小學，學生必須識得閱讀中文，以及講廣東話。」

眾所周知，聖保羅男女中學係本港狀元輩出嘅頂尖名校，而只要入到小學，就好有好大機會可以「一條龍」升上去。所以雖然學費高達每年$64,300，好多家長依然趨之若騖。而且有經濟需要嘅學生，可以申請100% 嘅學費減免。

#spcc #spccps #聖保羅男女中學附屬小學 #聖保羅男女中學 #張慧純 #廣東話 #傳統名校 #香港名校 #港語學

source: https://gongjyuhok.hk/articles/11983

自英女王伊利沙伯二世上周逝世，過萬市民到英國駐港總領事館悼念。喺英女王國葬前夕，英國駐香港總領事戴偉紳透過影片，喺社交平台用廣東話向港人道謝：「感謝你哋嘅支持，以及對女王嘅致意。Thank you。」

https://www.youtube.com/watch?v=5By0IGWoEW0

戴偉紳喺影片提到，女王陛下曾經喺1975及1985年到訪香港，展現佢對呢個城市嘅尊重及愛護。佢又講述同佢丈夫幾年前同女王會面，言談間感到佢流露出對香港嘅認識同獨特情感。佢特別提到香港人會用廣東話「事頭婆」稱呼英女王，女王同港人實在「相知相惜」。

佢話，至今有超過12,000人進入領事館簽署弔唁冊，以及無數嘅人喺領事館外獻花致意。「過去一周，各位耐心有序嘅靜候以及肅敬嘅致意……炎熱天氣同喺幾個鐘頭嘅輪候，都無阻市民親身喺弔唁冊留下悼詞，令領事館上下深受感動。」領事館話，會設法保存呢啲對女王嘅心意。


#英國駐香港總領事 #英女皇 #女王陛下 #英女王伊利沙伯二世 #事頭婆 #廣東話 #港語學

SOURCE:https://gongjyuhok.hk/articles/12000

馬會喺十一舉行國慶賽馬日，本來馬照跑大家開心，不過好多馬迷就鬧爆送禮安排。事關馬會今年竟然用送書包作招徠，吸引公眾喺馬場訂位。但書包有「包輸」嘅意思，係賭徒大忌，因此好多馬迷都鬧爆馬會唔識廣東話。

另外，馬會今年嘅國慶吉祥物「小龍馬」都備受批評。呢隻吉祥物頭頂「鹿角」，外觀同馴魔無異，但馬會就話係隻馬，予人指鹿為馬嘅感覺。雖然中國龍有「兔眼、鹿角、牛嘴、駝頭、蜃腹、虎掌、鷹爪、魚鱗、蛇身」嘅特徵，但今次吉祥物就只係明顯見到鹿角，喺宣傳片入邊呢隻「鹿」喺天安門、長城跑到香港，蔚為奇觀。

#指鹿為馬 ＃書包 #包輸 #廣東話 #廣東話禁忌 #粵語 #賽馬會 #香港賽馬會 #港語學

馬會喺十一舉行國慶賽馬日，本來馬照跑大家開心，不過好多馬迷就鬧爆送禮安排。事關馬會今年竟然用送書包作招徠，吸引公眾喺馬場訂位。但書包有「包輸」嘅意思，係賭徒大忌，因此好多馬迷都鬧爆馬會唔識廣東話。

另外，馬會今年嘅國慶吉祥物「小龍馬」都備受批評。呢隻吉祥物頭頂「鹿角」，外觀同馴魔無異，但馬會就話係隻馬，予人指鹿為馬嘅感覺。雖然中國龍有「兔眼、鹿角、牛嘴、駝頭、蜃腹、虎掌、鷹爪、魚鱗、蛇身」嘅特徵，但今次吉祥物就只係明顯見到鹿角，喺宣傳片入邊呢隻「鹿」喺天安門、長城跑到香港，蔚為奇觀。

#指鹿為馬 ＃書包 #包輸 #廣東話 #廣東話禁忌 #粵語 #賽馬會 #香港賽馬會 #港語學

國安法時代　創作被政府部門介入情況

捍衛粵語組織「港語學」宣布「執笠」，主席陳樂行引述國安處人員，指港語學一篇廣東話徵文比賽參賽作品涉違《國安法》。為保障家人和其成員安全，他已將文章下架及即日停止港語學所有運作。警方回覆查詢指，「警方採取任何行動，會按實際情況，依法處理」。

而近日在上環，有食肆外的黃帽工人休息塗鴉，被中西區民政處職員指或違國安，「協助」店主移除。

報導：集誌社 linktr.ee/the_collectivehk
#港語學 #創作自由 #消失的民主自由 #塗鴉 #國安法 #願榮光歸香港 #禁聲

港語學解散｜停運聲明曾指國安人員稱 民政處聯絡不果始登門搜查　民政總署今否認未能聯絡港語學
https://channelchk.com/a/13037

保育粵語組織「港語學」本周一（28日）於社交平台宣佈解散。主席陳樂行當時稱，上周二（22日）有國安處人員到其舊居搜查，並向其家人問話，又要求他將網站其中一篇涉嫌違反《國安法》的徵文下架。陳樂行的聲明又提到，國安人員曾向他表示：「行動源於中西區民政處聯絡陳樂行不果」。而他在下架文章與經諮詢法律意見後，即日停止「港語學」所有運作。

民政事務總署昨晚（29日）則回應本台指，「中西區民政處並沒有聲稱聯絡不上『港語學』」對於警方的調查過程同採取什麽行動，民政處則表示沒有資料，故不作評論。總署又列出事件發生的時序，表示曾多次與港語學溝通，考慮到雙方就「港語學」籌辦「中西區廣東話徵文計劃」的活動開支的撥款膠着，曾向律政司諮詢意見。當時律政司稱「該等文章可能構成刑事罪行」，民政處於是按程序向警方舉報。

而本台整合陳樂行、民政事務總署之回覆與事件時序，以及陳樂行所提供之雙方電郵後發現，就著「港語學」的聲明提到的「行動原因」，似乎未能釐清國安處人員所指，「民政處聯絡陳樂行不果」的說法。本台目前已就事件再次向民政事務總署、警務處公共關係部查詢。警方僅回覆指沒有其他補充，民政事務總署則未有回應。

#國安法 #國安處 #港語學 #陳樂行 #民政事務總署 #channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱： https://channelchk.com/plan
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
😎Channel C 廣告推廣和媒體合作！🤝
誠邀各商戶傾談廣告宣傳和合作推廣；
有意請電郵至： marketing@channelchk.com
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由
齊柏林熱狗店送出＄50元 禮券乙張！
報料：https://wa.me/85264691456

港語學解散｜停運聲明曾指國安人員稱 民政處聯絡不果始登門搜查　民政總署今否認未能聯絡港語學
https://channelchk.com/a/13037

保育粵語組織「港語學」本周一（28日）於社交平台宣佈解散。主席陳樂行當時稱，上周二（22日）有國安處人員到其舊居搜查，並向其家人問話，又要求他將網站其中一篇涉嫌違反《國安法》的徵文下架。陳樂行的聲明又提到，國安人員曾向他表示：「行動源於中西區民政處聯絡陳樂行不果」。而他在下架文章與經諮詢法律意見後，即日停止「港語學」所有運作。

民政事務總署昨晚（29日）則回應本台指，「中西區民政處並沒有聲稱聯絡不上『港語學』」對於警方的調查過程同採取什麽行動，民政處則表示沒有資料，故不作評論。總署又列出事件發生的時序，表示曾多次與港語學溝通，考慮到雙方就「港語學」籌辦「中西區廣東話徵文計劃」的活動開支的撥款膠着，曾向律政司諮詢意見。當時律政司稱「該等文章可能構成刑事罪行」，民政處於是按程序向警方舉報。

而本台整合陳樂行、民政事務總署之回覆與事件時序，以及陳樂行所提供之雙方電郵後發現，就著「港語學」的聲明提到的「行動原因」，似乎未能釐清國安處人員所指，「民政處聯絡陳樂行不果」的說法。本台目前已就事件再次向民政事務總署、警務處公共關係部查詢。警方僅回覆指沒有其他補充，民政事務總署則未有回應。

#國安法 #國安處 #港語學 #陳樂行 #民政事務總署 #channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱： https://channelchk.com/plan
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
😎Channel C 廣告推廣和媒體合作！🤝
誠邀各商戶傾談廣告宣傳和合作推廣；
有意請電郵至： marketing@channelchk.com
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由
齊柏林熱狗店送出＄50元 禮券乙張！
報料：https://wa.me/85264691456