امتحنته شهادة سودانية لكن ما عارف تقدم لي ياتوا تخصص أو محتار بين كم تخصص !!
شايف إنوا اختيار التخصص أصعب من إنتظار النتيجة !!
قوم امشي أقرا جاتكم بي أضخم وارهب حدث على الإطلاق !!🔥🔥🔥🔥🔥

*Uniguide discover your career path*

نحن حنساعدك تختار تخصصك وتحدد مسار حياتك ! كيف ؟ جايبين ليكم اسبيكرز عابرين ورهيبين من كل المجالات العلمية والادبية حيتحدثوا ليكم عن كل التخصصات ويساعدوكم💙

الكلام دة متين يا ناس قوم امشي أقرا ؟

⭕️يوم الاثنين القادم الموافق 8-2-2021 من الساعة 9 صباحاً إلى 4:30 عصراً لطلاب التخصص العلمي

⭕️يوم الثلاثاء القادم الموافق 9-2-2021 من الساعة 9 صباحاً إلى 4:30 عصراً لطلاب التخصص الأدبي

⭕️المكان : قاعة المؤتمرات الكبرى بوزارة التعليم العالي والبحث العلمي

⭕️رابط التقديم :
https://forms.gle/d42Jr3qcFy3CeE6R7

⭕️سعر التذكرة 450 جنيه وننوه أن آخر يوم للتقديم هو يوم ( السبت الموافق 6-2-2021)

#Uniguide_discover_your_career_path
#قوم_امشي_أقرا
#تخصصك_لحد_عندك💙

اها بعد تتخرج ح تعمل شنو؟🤔
ح تشتغل بياع في الصيدلة؟🙄

كتير بنسمع أسئلة زي دي ومفاهيم كتيرة خاطئة بنسمعها عن تخصص الصيدلة

الصيدلة تخصص من أمتع التخصصات و أوسع المجالات، بداية من تحضير الأدوية و كتابة الوصفة الدوائية و دورهم المهم جداً في المنظومة الطبية ...


ليه قلنا إنو من أوسع المجالات واكترها متعة؟

ما زي ما الناس فاكرين (بيع أدوية) ، الصيدلي لا يقل أهمية عن الطبيب لأنو الوحيد البكون عارف كيف الدواء بشتغل وبقدر يصنّع الدواء والعقاقير الطبيّة بي أنواعها المختلفة

في تخصصات مختلفة بالنسبة للصيادلة منها الصيدلة السريرية، علم الأدوية والسموم، العلوم التجميلية، علم العقاقير وغيرها من التخصصات💙

و برضو بشمل لينا إدارة الصيدليات والعيادات والمؤسسات الطبية وحتى المستشفيات🔥

عشان تعرفوا أكتر عن التخصص انضموا لمتحدثنا محمد كمال في مؤتمر اختيار التخصصات Uniguide💙

#Uniguide
#اختيار_التخصص_الجامعي
#قوم_امشي_أقرا

طب الأسنان🦷
قادر تتخيل إن المجال ده فيهو قُرابة ال 11 تخصص؟🤩
يعني ما قلع ضروس ولا حشوات بس زي ما الناس بتقول 📌

دول العالم عندها تقديس وتعظيم لدكتور الأسنان وثابت في أغلب الدول الزيارات والكشف الدوري على عكس حال السودان إلا يكون في شي ضروري حتى الواحد يمشي وده ناتج من فكرة الناس الخطأ عن طبيب الأسنان ونظرة الخوف منو 🤷🏻‍♀️

طب الأسنان أقرب مجال للطب وأخفّ منو فيهو حتدرس المواد العامة وبعدها مواد أسنان اللي هي مواد التخصص🙌🏻💙
ومُريح شديد لا نبطشيات وسهر بالأيام في المستشفيات 😉
عشان تعرفوا أكتر عن المجال ده ما تفوتوا النسخة التانية من Uniguide مع متحدثنا دكتور مُعمر ودي شوية حاجات من اللي عاملها دكتور مُعمر🤩🔥
_شغال في موضوع اختيار التخصص ما يقارب ال١٦ سنة
_أصدر كتاب خاص بالأسنان أصدرت منه ٣ طبعات
_مشارك في كتاب الدليل الإرشادي
_صاحب فعالية( ارسم مستقبلك)مع صناع الحياة
_منسق تخصصات الأسنان في مجلس التخصصات الطبية لمدة ٣ سنوات
_دكتور في ١٦ جامعة داخل السودان

#Uniguide
#اختيار_التخصص_الجامعي
#قوم_امشي_أقرا

تيك توك.. تيك تيك!

وأخيراً إنتهى الإنتظار!

يُسعدنا أن نعلن عن إسدال الستار عن الفعالية السنوية لمنظمة قوم الخيرية، مؤتمر إختيار التخصص الجامعي

UNIGUIDE III

تَهنئةً مُسبقة لكل الناجحين في إمتحانات الشهادة الثانوية، ولكل المقبولين في الجامعات مؤخراً.

عايز تعرف أكتر عن مجالك القدمت فيهو؟🧐 وتعرف أكتر عن تخصصك؟

تلاقي مهنيين، طلاب وخريجين؟
من مختلف المساقات العلمية والأدبية ؟🥳🔥

نحن في منظمة قوم الخيرية، وإيماناً مننا بدورنا في المجتمع نعلن عن قيام المؤتمر الأول من نوعه في السودان.

أفكار جديدة، فقرات إضافية، مُتعة وفعاليات عديدة.
كلنا حنكون بإنتظاركم في مؤتمر " UNIGUIDE " بنسخته الثالثة.

البرنامج محتواهو شنو؟
نوع الفعاليات، وشايف في معارض؟

" أيوة نعم معارض"

بذلنا كل طاقتنا في أنو نوفر ونقيم برنامج يليق ويحقق الهدف الأسمى من التنظيم.

فإنتظرونا للمزيد😋🔥

ترقبوا مزيداً من التفاصيل في الساعات القادمة.

#قوم_امشي_أقرا
#مؤتمر_إختيار_التخصص_الجامعي
#UNIGUIDE_3