یه دوسی دیرم مدوم هاویرم
ارا چئملی شیت واسیرم

خدایا وژت بارته پیشوازم
مِ بومه فدای هرچن گه دویرم
#خانمرادی
@Doroodfaraman

یه دوسی دیرم مجنون نامسی
شراو زندگی پر ئی جامسی

فره رنگینه ها ئی لکستان
چئملمه فدای نقره خامسی
#خانمرادی
@Doroodfaraman

شوه قدره دلم گیره خدایا
ریل بسیا فره دیره خدایا

شو رحمت هتوچئمَری عفوم
خمینم دل وزنجیره خدایا

#خانمرادی
@Doroodfaraman

ژهری هرروژَ منوشم وناچاری
خوکردی دلم و خملِ تکراری

هر سات وچئملت وژمه مبازم
مِ عاشق بیمه وقصدِ وژ آزاری

#خانمرادی
#لیلی_لک
@Doroodfaraman

شوئم روژا کردیَ، وه بی جایی
دلمرا دیدارت، بیه هاوایی

کردمَ در ئی دل، هرکی غیراژتو
بیمه دلداده ،یه عشق خدایی

وتِمه هی دل ،بی تاوی شوئل
شیرین تره ژهر، درد وجیایی

چئمته مکیشی دلم وه هرجای
م دی مِردمه ،ای زور بی نایی

درگیر جنگِ ناز هردک چئمتم
نظرم کته تو ،دل بی فدایی

#خانمرادی
@Doroodfaraman

هساره بختم ،ها وه شیرین خاو
خئرا نماوتی ودنگ رّاوه رّاو

منم دتِ خانِ سیمره نیشن
دلم بی ستوین،بالام چوی پرآو


#خانمرادی
@Doroodfaraman

‍ مه کوردنیم، مه لکِ لکسانم
مه داخِ بی کسی هار بَن گیانم
مه سنگاوِ دلِ سانم بزانن
خم و پژاره هار گیانم بزانن
مه آوِ کئنیِ عشق فرهادم
مه نیشانیِ خیرت ها نژادم
وه نام دونیای خم بی دسلات نیم
مه روله ی سیمرَم بی دسلات نیم
ولاتم روشنِ هرچی گلاره
مه آسمانِ عشقم پر هساره
مه طاق طاقوسانم نخش ماده
دلِ بیستوینیم زئم فراده
هزار اشکفت وه بن و بیخ بیمه
مه اسطوره دل تاریخ بیمه
زره ی بی کسی نمه چوه یادم
بزانن ژه اوستایه نژادم
مه گلونی وه سرِ لک زوانم
مه مانگ بی خئش نام آسمانم
تنیا دوسی ارا خاکم خلاته
دل و دینم وه نذر ئی ولاته
خِرّه ئی بزم و باوان عزیزه
وه نذر ئی لکسانِ عزیزه
ئی ساعتله بزمم دیر موشی
شوئلم شعیر گرمسیر موشی
ارا یار بیقرارم دی بزانن
مه هساره شاوارم دی بزانن
دسم ژه بی کسی پِره خدایا
چنی زمانه کافره خدایا
فکری وه حالِ ئی داخه بکن دی
وه حال کزه ئی باخه بکن دی
نه پرچین مَن نه گول وه شاخساران
نه دنگ بلبلی مای ئی ورنساران
نه دس وه قصدِ یاری پیشه مکن
نه مردم مردمداری پیشه مکن
بان دس وه دس یک تاشاد کیمن
#لکستان وه خمل آزاد کیمن
ئی دونیا دارلِ دونیا بزانن
ئی خم وه بارلِ دونیا بزانن
نوگولل باخمانه شاید لک بو
ئی مانگِ آسِمانه شایدلک بو
بان تادس وه دس یک بیم یهو
ئی خاکِمانه آباد کیم یهو
نه کوردم و نه لری هار کمینم
مه لیلِ لک زوانِ لک نشینم
وه نام ئی سال و ئی آده پیابیم
سرم برزه گه لک زاده پیابیم
هزار گاماسیاو وه گیان دیرم
مه چنه سیمره باوان دیرم
چنه برزی خیالِ آسمانم
مئم دونیا بزانی #لک زوانم
شراوِ انگیورآ بادَم بزانن
مه لک زادَم مه لک زادَم بزانن
فره شیه فره شیه گپلم
درو وَش نیم گزاف نیه گپلم
گپی ژه سینەی پاکم دیری یاران
مه شعیرم عشقِ خاکم دیری یاران
کسی نمه گری زره خیرت و جام
دونیالم بو وه نذر مِلک و مأوام
ئی بزم خیرت تک بوم تاگه ممرم
قسم معرم گه لک بوم تاگه ممرم

#خانمرادی #شعر_حماسی #لکی #لکستان #هلیلان #ایلام #کرمانشان #گلونی #چوپی #وهارانه #باوان #هناسه #دوبیتی #مثنوی

مه هیورد وخاپیورا نکه


داخی عشقم هرتونین،گیانم وه تنویرا نکه
نافه برانه تو منم،هله پله ،سویرا نکه

توسوزترین وه هرچیگه دارل سرسوز وهار
بو جو بنای ارگ بم ،مه هیورد وخاپیورا نکه

تومانگ وهساره منی ،وه نام آسمان دل
بو آسمان ئی دله،دواره بی نویرا نکه

دف دف وه دف دامه دفی،وه تال زلف تو کفی
بو تال تال زلف وژ ،وه تار سمتیورا نکه

بیجگای عزیزی نام تو ،نیرم وه لیوم نامی تر
ئی نام غزل دلبریم،هجای مه تزویرا نکه

مه چمه ری آ هتنت،چواردر ریانی نیشتمه
چئم همتزاری کوشتمه،ای عاشقه دویرا نکه

شاید گه بوینمت ئی دله ،ئی خم خوسه دی ساگری
رئمی بکه تو لابگر،غرور مه تصغیرا نکه


#خانمرادی #شعرلکی #هلیلان #لکستان
@Doroodfaraman

بِرا وبَش

بوری تا دواره برا و بش بکیم
ارا یکترکی گِری غش بکیم

هنی وختِ خرماپزان دله
بوری شاد که ای آو و گِله

بوری زئم دلتنگیل کم بکه
بساط خم و خصه دل جم بکه

بهی بغض تعریکِ شو بش منه
سیاتی شو ئِه چاره روی رَش منه

بهی تنیایی سرجیازی منه
بِهی خم کروتن ، یه بازی منه

بهی گام سردِ زُخَه باوشم
پژاره خمه یه گه ها کاوشم

نمم هرویرو کوسرِم ئور گِرم
ریلم بسیانه وه کو دور گِرم

دواره ریم نایجه پشتِ ریل
دخیلتم ویراویر کوئی سیئل

تو بوری مه نکه وه پیته خنه
ولا کل ولاتم نکه شرمنه

بوری ریش وقیچی مه دامه دَسِت
وه هر جور بوشی مه مومه کسِت

علی که ئو نام خدا بار بنیش
چه ماو ار بنیشی تو ار لا منیش

علی که که جا عذر وبونه نیه
علی که گه جا چک و چونه نیه

بوری تا دواره براوبش بکیم
ارا یکترکی گِری غش بکیم

#خانمرادی#شعرلکی#
هلیلان-لکستان

دروصف امام رضا ع

مه زاوار خریوی کم اماما
مه شوگار تعریکی کم اماما

بگر دسم تو ،ای مانگ هشتم
گه ئی مهرت غریقی کم اماما

#خانمرادی #شعر لکی #هلیلان #لکستان
@Doroodfaraman

‍ میئت بمارک باوه و باوانم
وهار خوش هتین وه لکستانم
وهار خوش هتین وه ولاته وه
عطر گل داته وه خلاته وه
هتا وه چمن وه مانگ وسالان
وهار وهاره وهار وه مالان
وهار وهاره وهار وه مالان
دنگ بلبل و زله خزالان
دنگی شنفتم شیوه ی دیمه وه
دوس وه وهار مای وه پیریمه وه
مایه پیریما یه یار دمکول
پرزه ی وارانو شونِم وه روی گل
شمال هیورده خال خزالان وه پا
پای سفره وهار مکن تماشا
بچیم وه پیری دشا و دره وه
شان بیم و وهار گول،وه سره وه
وعدمان وهار گول وه دمه وه
بشوری توژِ هزار خمه وه

#خانمرادی

دالکه

گوما بیمنه ایمه ارشون دالکه
ژه ئه سلته ژه ئه زبون دالکه

قسم معریم چنیکه ئی دیاره
وه واژه واژل زوون دالکه

#خانمرادی#هلیلان#لکستان#