⚡️Xitoyda bir kishi ishlaydigan kompaniyalar trendga chiqdi — qolgan barcha ishlarni sun’iy intellekt agentlari bajarishmoqda.

Alibaba ma’lumotlariga ko‘ra, platformadagi sotuvchilarning 30-40 foizini bitta xodimdan iborat kompaniyalar tashkil etadi. Mahsulot kartochkalarini yaratish, mijozlar bilan muloqot, ijtimoiy tarmoqlarda reklama qilish kabi vazifalarni sun’iy intellekt bajaradi.

Bunday startaplar soni kundan-kunga ortib bormoqda, tadbirkorlar ta'kidlashlaricha bu ancha foydali bo’lyapti — maosh to‘lagandan ko‘ra obuna uchun to‘lash ancha arzonroq tushadi.

Bunday kompaniyalarda korporativlar qanday bo’larkin :)

📟 DigiTech

📲 Gmail'dagi pochta manzilini endi almashtirish mumkin — Google bu imkoniyatni AQSh'dagi foydalanuvchilar uchun rasman ishga tushirdi.

Barcha eski xatlaringiz avtomatik tarzda yangi pochtaga o‘tkaziladi. Agar kimdir eski manzilga yozsa, xatlar baribir yangi pochtaga kelib tushadi. Manzilni jami 3 marta o‘zgartirish mumkin, lekin yiliga bir martadan ko‘p emas. Keyinchalik bu funksiya boshqa mamlakatlarda ham joriy etilishi kutilmoqda.

📟 DigiTech

📲 Telegram navbatdagi yirik yangilanishni chiqardi — ilova 12.6-versiyagacha yangilandi. Eng asosiysi, bepul foydalanuvchilar ham sinab ko‘rishi mumkin bo‘lgan sun’iy intellektga asoslangan xabar tahrirlash funksiyasi paydo bo‘ldi.

Bundan tashqari:

› Telegramning norasmiy (Telega kabi) ilovalari foydalanuvchilari haqida ogohlantirish paydo bo‘ldi;
› So‘rovnomalar uchun 10 dan ortiq yangi funksiya qo‘shildi;
› Live va Motion formatidagi fotosuratlar nativ tarzda qo‘llab-quvvatlanadigan bo‘ldi;
› Endi iPhone'da o‘rnatilgan hujjatlar skaneri mavjud;
› Telegram Bot API yangilandi.

📟 DigiTech

⚡️«Microsoft» hatto koinotda ham ishdan chiqyapti. Artemis II Oy missiyasi jamoasi parvozdan bir necha soat o‘tib, Outlook pochtasi buzilib qolganini ma’lum qildi.

Hozirda servisni tiklashga harakat qilishmoqda. Bundan oldin esa, kosmik kema uchishi bilanoq parvozning barcha 10 kuniga mo‘ljallangan yagona hojatxona buzilib qolgan edi. Yaxshiyamki, NASA uni tuzatilgani haqida allaqachon hisobot bergan.

Ko‘rinishidan, insoniyat og‘ir kosmik kunlarga hali to‘liq tayyor emas.

📟 DigiTech

⚡️ChatGPT nafaqat dasturchilar, balki fermerlar, uchuvchilar, shifokorlar va barcha «haqiqiy» kasb egalarining o‘rnini egallashga tayyorlanmoqda.

OpenAI Handshake AI startapi orqali turli sohalardan 4000 nafar frilanserni ishga yolladi. Ular sun’iy intellektga o‘z sohalarida qanday to‘g‘ri ishlash kerakligini tushuntirishmoqda: hujjatlar, ssenariylar berib, real ish vazifalarini bajarishga o‘rgatishyapti.

Noyob tajriba uchun mo‘may haq to‘lanmoqda: to’lov soatiga 50 dollardan boshlanadi, eng malakali mutaxassislarga esa soatiga 500 dollargacha to‘lashyapti.

📟 DigiTech

🧠 Fotografik xotirani mashq qilamiz: rangni eslab qolib, qayta takrorlash kerak bo‘lgan bepul brauzer o‘yini chiqdi.

Jahon reytingi, bir nechta o‘yin rejimi va kun rangi bor. Shuningdek, oddiy yoki professionallar uchun murakkablik darajasini tanlash mumkin.

👉 Sinab ko’rish uchun havola.

📟 DigiTech

🔋 Xitoy powerbank'lar uchun yagona xavfsizlik standartlarini joriy etadi. Bu narxlarning taxminan 30 foizga oshishiga olib kelishi mumkin.

2027-yil 1-apreldan boshlab barcha yangi powerbank’lar igna bilan teshib ko‘rilganda yonmasligi, bir soat davomida 135°C haroratga bardosh berish, shuningdek, tushib ketish va boshqa mexanik shikastlanishlarga chidamlilik bo‘yicha sinovdan o‘tkazilishi shart bo‘ladi.

Bundan tashqari, ishlab chiqaruvchilarga qayta tiklangan batareyalardan foydalanish taqiqlanadi.

📟 DigiTech

📲 Koinotda iPhone'da videolar suratga olindi.

Artemis 2 missiyasi ekipaji Oyga nafaqat ilmiy uskunalar, balki yangi iPhone 17 Pro Max bilan ham birga uchib ketgan.

Missiya allaqachon muhim marrani zabt etdi: NASA 1972-yildan beri odamlar ilk bor sayyoramiz orbitasini rasman tark etganini tasdiqladi. «Orion» kosmik kemasi asosiy manyovrni muvaffaqiyatli amalga oshirib, xavfsiz qaytish trayektoriyasiga o‘tdi.

📟 DigiTech

⚡️Google o’z neyron tarmog‘ini mahsulotlarni reklama qiladigan videolar yaratishga o‘rgatdi, unga raqamli avatarlar qo’shildi.

Neyroblogerlarning yuzlari va mahsulot joylashuvi kadrlar almashsa ham, o‘zgarishsiz qoladi.

📟 DigiTech

🚢 Yaponlar foydalanishdan chiqarilgan kemalarda sun’iy intellekt uchun mo‘ljallangan ma’lumotlar markazlarini joylashtirishni boshlaydi.

Bunday kemalarni qayta jihozlash quruqlikda bino qurishdan arzonroq va tezroq bo’ladi, qo’shimchasiga esa sovutish uchun suvdan oson hamda «cheksiz» foydalanish imkoniyati mavjud.

Agar hammasi rejaga muvofiq ketsa, ilk bunday ma’lumotlar markazi 2027-yildayoq ishga tushiriladi.

📟 DigiTech

⚡️Koinotdagi internet tezligi o‘nlab barobar oshirildi: NASA «Artemis II» missiyasida lazerli aloqa tizimiga o‘tdi.

Endi ma’lumotlar an’anaviy radioto‘lqinlar o‘rniga lazer nuri yordamida uzatilmoqda. Ma’lumot uzatish tezligi soniyasiga 260 Mbitgacha yetdi.

Bu usulda allaqachon 100 GB dan ortiq ma’lumot, jumladan, yuqori sifatli fotosuratlar ham yuborilgan. Barcha suratlarni havola orqali ko‘rishingiz mumkin.

📟 DigiTech

⚡️Google Chrome’da saytlar yuklanishini tezlashtiradigan va tarmoq trafigini tejaydigan funksiya paydo bo‘ladi.

Yaqin orada Google Chrome va Chromium asosidagi boshqa brauzerlar, jumladan, Edge va Vivaldi, video va audio uchun kechiktirilgan yoki «sust yuklanish» (lazy loading) texnologiyasini qo‘llab-quvvatlay boshlaydi. Bu foydalanuvchilarga o‘z tarmoq trafigini tejash hamda eng ko‘p resurs talab qiladigan veb-sahifalarni ham tezda ochish imkonini beradi.

📟 DigiTech

📲 Bu YouTube tarixidagi eng kulgili mualliflik huquqi shikoyati bo‘lsa kerak.

Italiyaning La7 telekanali Nvidia'ning DLSS 5 taqdimoti aks etgan rasmiy videoni YouTube’da bloklashga muvaffaq bo‘ldi. Telekanal uddaburonlik bilan Nvidia'ning rasmiy kadrlarini «o‘zlashtirib» oldi.

Avvaliga La7 Nvidia taqdimotidagi kontentni olib, o‘z materiallarida foydalangan, shundan so‘ng YouTube’ning avtomatik tizimi asl manba aynan La7 telekanaliga tegishli degan qarorga kelgan. Shu sababli Nvidia'ning rasmiy videosi bloklandi.

📟 DigiTech