📦 GeoSpy AI xizmati yigitga yo’qolgan buyurtmasini topishga yordam berdi. Uni noto‘g‘ri manzilga yetkazishgan edi, ammo neyron tarmoq uni darhol topib berdi.

Kuryer birovning kirish eshigini tushirgan birgina surati yetarli bo’ldi. Eng qizig’i, suratda hatto geolokatsiya metama'lumotlari ham yo’q edi.

Ham hayratlanarli, ham qo’rqinchli.

📟 DigiTech

🧠 Olimlar neyronlarga ultratovush yordamida ta'sir ko‘rsatish orqali har qanday hidni «yoqishni» o‘rganishdi — o’sha hid manbasisiz.

Buning uchun miyaning turli qismlariga ta'sir ko’rsatuvchi maxsus qurilma ishlab chiqildi. Bu qurilma yordamida odamlar toza havo, gulxan va hatto axlat hidini ham seza olishdi.

Umid qilamizki, texnologiya VR ko’zoynaklargacha yetib boradi. Odamlar sevimli filmlaridagi hidlarni his qila olishadi.

📟 DigiTech

⚡️Olimlar 1-toifa qandli diabetni yengishdi — bu so’nggi 100 yil ichidagi ilk ulkan yutuq hisoblanadi.

Vertex Pharmaceuticals tadqiqotchilari VX-880 nomli hujayraviy davolash usulini ishlab chiqishdi. Bu terapiya tananing insulin ishlab chiqarish qobiliyatini to’liq tiklaydi. Yillar davomida har kuni kasallik bilan kurashib yashagan bemorlar endi o‘zlarini erkin his qilishlari mumkin bo’ladi.

Ushbu terapiyani olgan dastlabki bemorlar ikki yildan ortiq vaqtdan beri insulin olishga muhtoj bo’lmay kelmoqda. Bu usul 14 holatdan 10 tasida samarali natija bergan.

📟 DigiTech

👨‍💻 Arzon MacBook'ning texnik xususiyatlari ma’lum bo’ldi. Bu talabalar va maktab o’quvchilari uchun ideal qurilma bo’ladi.

Noutbuk 13 dyuymli LCD ekran, iPhone 16 Pro‘dagi kabi A18 Pro chipi bilan jihozlanishi va to’rt xil rangda — kumush, ko’k, sariq va pushti ranglarda sotuvga chiqarilishi kutilmoqda.

Taxminiy narxi — 599 dollardan boshlanadi va 2026-yilning boshlarida sotuvga chiqadi.

📟 DigiTech

🏎️ F1 muxlislari chiptalarni sotib olmay, yaqinda Las-Vegasda o’tkazilgan gran-pri'ni ko’cha kameralari orqali tomosha qilishdi.

Trassaning deyarli har qanday qismini real vaqt rejimida kuzatish imkoni bor edi. Shu bilan birga, oddiy tomoshabinlar tribunalarga kirish uchun kamida 300 dollardan to’lashgan.

Layfxakni eslab qoling: hozirgi kunda ko’pchilik yirik shaharlardagi ko’cha kameralariga, masalan, mana bu sayt orqali ulanish mumkin.

📟 DigiTech

📲 X (Twitter) ijtimoiy tarmog’ining so’nggi yangilanishida, rasmiy Xiaomi akkaunti iPhone orqali AQSh'dan turib ochilgani ma'lum bo’ldi :)

Kompaniyadagi kimlardir aniq ishdan haydaladigan bo’ldi.

📟 DigiTech

📲 Fokuschi erkak o‘z qo‘lining parolini unutib qo‘ydi. Uzoq vaqtdan beri fokuschi bo’lib ishlab kelayotgan Szi Ten Van qo‘liga boshqalarning smartfonlarini ochish imkonini beruvchi RFID chipini o’rnatishga qaror qilgan edi.

Ammo biroz vaqtdan so’ng chip faqatgina ayrim smartfonlarning parollarini topa olishi ma'lum bo’ldi. Shunda u bitkoin manzilini saqlash uchun chipni qayta dasturladi, keyin yana nimalardir o‘ylab topishga urindi, lekin... shunchaki chip parolini unutib qo’ydi.

📟 DigiTech

📱Birinchi buklanadigan iPhone narxi 2400 dollardan boshlanishi mumkin. Bu uni Apple tarixidagi eng qimmat smartfonga aylantiradi.

Ushbu mablag' evaziga to‘rtta kamerali kitob shaklidagi smartfonni olasiz. Touch ID qaytadi va faqat ikkita rang — qora va oq ranglarda mavjud bo’ladi.

Buklanadigan iPhone 2026-yil sentyabr oyida namoyish etilishi kutilmoqda.

📟 DigiTech

⚡️Amazon eng tezkor Leo sun'iy yo’ldosh internetini ishga tushirdi — uning tezligi Starlink'nikidan ikki baravar yuqori.

Agar Ilon Maskning antennalari 400 Mbit/s gacha tezlikni ta'minlasa, Amazon 1 Gbit/s (sifatli optik tolali internet kabi) tezlikni taklif qilmoqda. Hozircha xizmat faqat ayrim biznes-mijozlar uchun sinov rejimida ishlamoqda, tijorat versiyasini esa 2026-yilda chiqarish rejalashtirilgan.

Yangi avlod sun’iy yo‘ldoshlari uchirilganidan so‘ng, Starlink ham shunday yuqori tezlikni ta'minlashni va'da qilmoqda: ular orbitaga kelasi yili chiqarilishi kerak.

📟 DigiTech

🧠 Tadqiqot: O‘smirlik davri 32 yoshda tugaydi. Olimlar miyaning 5 ta rivojlanish bosqichi mavjudligini aniqlashdi.

Mutaxassislar miyaning 4000 dan ortiq MRT tahlillarini o’rganib chiqishdi va inson miyasi umrning yarmidan ko’p qismida rivojlanishda davom etishini aniqlashdi:

0-9 yosh — bolalar
9-32 yosh — o’smirlar, miya sozlanadi va maksimal darajada ishlay boshlaydi.
32-66 yosh — miya barqaror, yetuklik davri.
66 yoshdan — miya qariy boshlaydi, neyron aloqalari esa alohida «hududlar»ga ajralib ketadi.

📟 DigiTech

⚡️Xitoyda dunyodagi birinchi uchar avtomobillar zavodi ishga tushirildi — ular oddiy mashinalar kabi seriyali yig’ilmoqda.

U yerda yigi’layotgan birinchi avtomobil — XPeng Land Aircraft Carrier yo’ltanlamasi. Undan 5 daqiqada uchar dronolyot ajraladi: «istagan vaqtda «dron»ni chiqarib, o’z ishlaringiz bo’yicha uchib ketaverasiz».

Narxi 138 000 dan 276 000 dollargacha, biroq eng muhimi: uchar avtomobillar endi shunchaki chiroyli xayol emas, balki ommaviy ishlab chiqarish yo’lga qo’yilgan mahsulotdir.

📟 DigiTech

🤖 Odamsimon robotlar ishlab chiqaruvchi Figure kompaniyasi xavfsizlik bo‘limi rahbarini uning hisobotidan so’ng ishdan bo‘shatdi.

Sinovlar paytida robot muzlatgich eshigini teshib qo’ygan va muhandisning baholashicha, robot «odamning bosh suyagini sindirish» uchun yetarlicha kuchga ega.

Shundan so’ng yigit sudga murojaat qilgan. Kompaniya bu ayblovni inkor etib, uni «yomon ishlagani sabab» ishdan bo’shatganini ta’kidlamoqda.

📟 DigiTech

🎥 «G'alati ishlar» (Stranger Things) serialining beshinchi mavsumi chiqdi — Netflix'da uning dastlabki to’rtta qismini tomosha qilish mumkin.

Davomi 25-dekabrda chiqadi, hikoyaning yakuni esa 31-dekabrda ko’rsatiladi. Mualliflar ushbu mavsum serial tarixidagi eng qayg'uli va shafqatsiz bo’lishini va'da qilishmoqda.

Jami 8 ta qism bo’ladi, bu mavsum byudjeti aql bovar qilmas darajadagi 400 million dollarni tashkil etadi.

Muxlislar relizni shunchalik intiqlik bilan kutishganidan, qismlar chiqqan vaqtda Netflix serverlari kuchaytirilgan bo’lsa ham, bardosh bera olishmadi.

📟 DigiTech