CMO Maharashtra Tweets:

बीडीडी चाळ, पत्राचाळ व वसाहतींच्या पुनर्विकासाला गती; म्हाडाच्या सुधारणांचा नवा आराखडा

मुख्यमंत्री देवेंद्र फडणवीस यांच्या अध्यक्षतेखाली सह्याद्री अतिथिगृह येथे आज म्हाडाच्या विविध प्रकल्पांच्या आणि अधिनियमांतील सुधारणांचा सविस्तर आढावा घेण्यात आला. यामध्ये बीडीडी चाळ पुनर्विकास योजनेसह मुंबईतील विविध वसाहती व प्रकल्पांचा प्रगतीचा समावेश होता. म्हाडाच्या अधिनियमांतर्गत सुधारणा करताना बांधकाम परवानगीसाठी आकारण्यात येणाऱ्या विकास शुल्कावरील दंडनीय व्याजाचा दर कमी करण्याचा तसेच अतिरिक्त क्षेत्रफळाचा वापर संक्रमण शिबिरासाठी किंवा सोडतीद्वारे विक्रीसाठी करण्याच्या प्रस्तावावर चर्चा झाली. विनिमय 33(4), 33(5), 33(7), 33(9) आणि 33(24) अंतर्गत सुचवलेल्या सुधारणांवर सकारात्मक विचारविनिमय करण्यात आला.

वरळी बीडीडी चाळीत 9869 पुनर्वसन सदनिकांपैकी 3888 सदनिकांचे काम प्रगतीपथावर असून त्यापैकी 556 सदनिकांचे हस्तांतरण येत्या दोन आठवड्यांत होणार आहे. 1419 सदनिका सप्टेंबर 2025 पर्यंत आणि 1642 सदनिका ऑगस्ट 2027 पर्यंत हस्तांतरित होणार आहेत. नायगाव बीडीडी प्रकल्पात 3344 पैकी 1938 सदनिकांचे काम सुरू असून त्यातील 864 सदनिका सप्टेंबर 2025 मध्ये देण्यात येणार आहेत. ना. म. जोशी मार्ग बीडीडी चाळीत 1241 सदनिकांचे काम सुरु असून त्यातील 342 सदनिका डिसेंबर 2025 पर्यंत हस्तांतरीत होणार आहेत. गोरेगाव येथील सिद्धार्थ नगर पत्राचाळ प्रकल्पातील मूळ 672 सभासदांना सदनिकांचे हस्तांतरण पूर्ण झाले असून 1243 नवीन सदनिकांसाठी कार्यादेश जारी करण्यात आले आहेत.

तसेच, सुरभी गृहनिर्माण संस्था, पोलीस वसाहती, आराम नगर, मोतीलाल नगर, अभुदय नगर, वांद्रे रिक्लेमेशन, आदर्शनगर, जीटीबी नगर सायन कोळीवाडा, पीएमजीपी वसाहत, पूनम नगर आणि मुंबई महानगर ग्रोथ हब या प्रकल्पांचाही आढावा घेण्यात आला. यावेळी मुख्यमंत्री यांनी म्हाडाने अधिक परिणामकारक आणि नागरिकांना परवडणाऱ्या गृहनिर्माण संधी निर्माण करण्यासाठी त्वरित व योग्य सुधारणा करण्याचे निर्देश दिले.
या बैठकीस उपमुख्यमंत्री एकनाथ शिंदे, राज्यमंत्री डॉ. पंकज भोयर, मुख्य सचिव तसेच वरिष्ठ अधिकारी उपस्थित होते.

#Maharashtra #DevendraFadnavis #MHADA

CMO Maharashtra Tweets:

डोंगरावरील झोपडपट्ट्यांच्या पुनर्वसनासाठी धोरण तयार करावे - मुख्यमंत्री देवेंद्र फडणवीस

मुख्यमंत्री देवेंद्र फडणवीस यांच्या अध्यक्षतेखाली सह्याद्री अतिथीगृह, मुंबई येथे झोपडपट्टी पुनर्वसन प्राधिकरण बैठक पार पडली. यावेळी मुंबईसह मोठ्या शहरांमध्ये डोंगरावर बऱ्याच झोपडपट्ट्या आहेत. अशा झोपडपट्ट्या पावसाळ्याच्या दिवसात भूस्खलन तसेच दरड कोसळल्याने धोकादायक ठरतात. डोंगरांवरील झोपडपट्ट्यांच्या पुनर्वसनासाठी स्वतंत्र धोरण तयार करण्याचे व पात्र झोपडपट्टी धारकांचे त्यांच्या सध्याच्या निवासाच्या नजीकच पुनर्वसन करण्याचे निर्देश मुख्यमंत्री देवेंद्र फडणवीस यांनी दिले.

मुख्यमंत्री देवेंद्र फडणवीस म्हणाले की, पात्र झोपडीधारकास प्रशस्त घर मिळून देत, त्यांच्या आयुष्यात सकारात्मक ऊर्जा देण्यासाठी कार्य करावे. प्राधिकरणाने आपल्या संकेतस्थळावर नागरिकांना आवश्यक असलेली माहिती उपलब्ध करून द्यावी. माहितीच्या अधिकारात कुणालाही माहिती मागण्याचे काम पडू नये, अशी व्यवस्था करावी.

अहमदाबाद येथील भास्कराचार्य अंतराळ अनुप्रयोग आणि भू - सूचना संस्थेच्या माध्यमातून विकसित केलेल्या संगणकीय प्रणालीद्वारे महाराष्ट्र रिमोट सेन्सिंग ऍप्लिकेशन केंद्र (एमआरसॅक) च्या सहकार्याने
अतिक्रमणाबाबत अलर्ट देणारी यंत्रणा निर्माण करावी. ही कार्यप्रणाली कांदळवन अतिक्रमणबाबत पण लागू करावी. अशी यंत्रणा कृत्रिम बुद्धिमत्तेवर आधारित असावी. अशा यंत्रणेमुळे अतिक्रमण करण्यास अटकाव करता येणे शक्य होईल. ही संगणकीय प्रणाली पीएम गतिशक्ती पोर्टलशी संलग्न असावी. तसेच संपूर्ण मुंबई महानगर प्रदेश क्षेत्रासाठी कार्यान्वीत करण्यात यावी, अशा सूचनाही मुख्यमंत्री फडणवीस यांनी यावेळी दिल्या.

बायोमेट्रिक पद्धतीवर आधारित घरोघरी सर्वेक्षणाचे काम डिसेंबर पर्यंत संपवावे. बंद असलेल्या झोपड्या 'रेकॉर्ड'वर आणाव्यात. नियोजन करताना अशा बंद झोपड्यांचा समावेश त्यामुळे करता येईल, पुनर्वसनाची योजना राबवताना संयुक्त भागीदारीतून विकासाला प्राधान्य द्यावे. यामध्ये यंत्रणांनी प्राधान्याने काम करावे. जर यंत्रणा काम करत नसेल, तर त्यांच्याकडून ते काढून नियमित तत्त्वावर पुनर्वसन योजना राबवावी. समूह पुनर्विकास योजनेमध्ये सर्व सुविधा देण्यात याव्यात. यासाठी चांगल्या सल्लागाराची नियुक्ती करावी. चटई निर्देशांक हा समूह विकासामध्ये वापरण्यासाठी देण्यात यावा. मुंबई महापालिकेच्या सेवानिवृत्त अधिकाऱ्यांचा सेल तयार करून या सेलच्या माध्यमातून समूह विकास (क्लस्टर) योजनेला गती द्यावी. रमाबाई आंबेडकर नगरातील झोपडपट्ट्यांचे पुनर्वसन लवकर पूर्ण करा, असे निर्देशही मुख्यमंत्री फडणवीस यांनी दिले.

समुद्राकडील जागेचा पुनर्वसनासाठी उपयोग करताना त्यातील अडथळे दूर करावे. पुणे शहरामध्ये प्रकल्पग्रस्त नागरिकांचे कायमस्वरूपी पुनर्वसन करावे. त्यांना भाडे पद्धतीने किंवा अन्य पर्यायांचा अवलंब करून घरे देण्यात यावीत. पुणे शहरातील नदी काठावरील नागरिकांना पुराच्या पाण्याचा नेहमी सामना करावा लागतो. अशा नागरिकांचे योजनेद्वारे पुनर्वसन करावे. असेही मुख्यमंत्री फडणवीस म्हणाले.

यावेळी उपमुख्यमंत्री एकनाथ शिंदे, राज्यमंत्री डॉ. पंकज भोयर, मुख्य सचिव, गृहनिर्माण विभागाचे अपर मुख्य सचिव, झोपडपट्टी पुनर्वसन प्राधिकरणाचे मुख्य कार्यकारी अधिकारी उपस्थित होते.

#Maharashtra #DevendraFadnavis #Mumbai

CMO Maharashtra Tweets:

🔸CM Devendra Fadnavis chaired a meeting regarding the demands of Matang Community
🔸मुख्यमंत्री देवेंद्र फडणवीस यांच्या अध्यक्षतेखाली मातंग समाजाच्या मागण्यांसंदर्भात बैठक
🔸मुख्यमंत्री देवेंद्र फडणवीस इनकी अध्यक्षता में मातंग समाज की मांगों को लेकर बैठक

मातंग समाजाच्या कल्याणासाठी शासनाचे सर्वतोपरी प्रयत्न
बार्टीच्या धर्तीवर 'आर्टी' संस्थेचे सक्षमीकरण

मुख्यमंत्री देवेंद्र फडणवीस यांच्या अध्यक्षतेखाली सह्याद्री अतिथीगृह, मुंबई येथे मातंग समाजाच्या मागण्यांसंदर्भात बैठक पार पडली. मातंग समाजाच्या सर्वांगीण विकासासाठी शासन विविध योजनांची अंमलबजावणी करीत आहे. या समाजाच्या सामाजिक, शैक्षणिक आणि आर्थिक प्रगतीसाठी शासन सर्वतोपरी प्रयत्न करीत असून बार्टीच्या धर्तीवर ‘आर्टी’ (Annabhau Sathe Research and Training Institute) संस्थेचे सक्षमीकरण करण्याचे निर्देश मुख्यमंत्री फडणवीस यांनी दिले.

अनुसूचित जातींच्या आरक्षणात उपवर्गीकरणासाठी निवृत्त न्यायमूर्ती अनंत बदर यांच्या अध्यक्षतेखाली समिती स्थापन करण्यात आली आहे. या समितीला लवकरात लवकर अहवाल सादर करण्याची विनंती करण्यात येणार असून, मातंग समाजाच्या संघटनांनी आपल्या मागण्या लेखी स्वरूपात बदर समितीकडे सादर कराव्यात. या समितीच्या अहवालात आपल्या मागण्या समाविष्ट करता येतील. सन 2027 मध्ये होणाऱ्या जातनिहाय जनगणनेमध्ये लोकसंख्येच्या आधारे वर्गीकरणात आवश्यकतेनुसार बदल करण्यात येईल, असेही मुख्यमंत्री फडणवीस यावेळी म्हणाले.

साहित्यरत्न लोकशाहीर अण्णा भाऊ साठे विकास महामंडळाच्या कर्ज योजनेत जामीनदाराच्या अटी शिथिल करण्याबाबतचा प्रस्ताव मंत्रिमंडळ बैठकीत सादर करण्याचे निर्देश त्यांनी यावेळी दिले. 'आर्टी' संस्थेसाठी वेगळे लेखाशीर्ष तयार करण्यात आले असून यासाठी पुरेसा निधी देण्यात येईल, तसेच आर्टी संस्थेचे मुख्यालय पुणे येथे करण्याबाबत निर्णय घेण्यात येईल, असेही मुख्यमंत्री फडणवीस यावेळी म्हणाले.

यावेळी मंत्री गिरीश महाजन, आ. सुनील कांबळे, आ. नामदेव ससाने, आ. अमित गोरखे व मातंग समाजाच्या विविध संघटनांचे प्रतिनिधी उपस्थित होते.

🕓 3.50pm | 12-6-2025📍Sahyadri Guest House, Mumbai | दु. ३.५० वा. | १२-६-२०२५📍सह्याद्री अतिथीगृह, मुंबई.

#Maharashtra #DevendraFadnavis #Mumbai

CMO Maharashtra Tweets:

MP Dr. Shrikant Shinde called on CM Devendra Fadnavis at his official residence in Mumbai today. As part of the delegation that visited the United Arab Emirates, Congo, Sierra Leone, and Liberia, Dr. Shinde shared key insights from their diplomatic efforts to expose Pakistan’s role in terrorism following ‘Operation Sindoor’. CM Fadnavis congratulated Dr. Shinde and the entire delegation for effectively representing India’s anti-terrorism stance and fostering stronger ties with international partners.

मुख्यमंत्री देवेंद्र फडणवीस यांची आज मुंबई येथील शासकीय निवासस्थानी खा. डॉ. श्रीकांत शिंदे यांनी सदिच्छा भेट घेतली. 'ऑपरेशन सिंदूर'नंतर संयुक्त अरब अमिराती, कांगो, सिएरा लिओन आणि लायबेरिया या देशांना भेट देणाऱ्या शिष्टमंडळाचा भाग असलेल्या खा. डॉ. शिंदे यांनी पाकिस्तानचा दहशतवादी चेहरा उघडा पाडण्यासाठी केलेल्या प्रयत्नांचा तपशील मुख्यमंत्री फडणवीस यांना यावेळी दिला. भारताची दहशतवादविरोधी भूमिका जगासमोर मांडल्याबद्दल मुख्यमंत्री देवेंद्र फडणवीस यांनी यावेळी या शिष्टमंडळासह खा. डॉ. श्रीकांत शिंदे यांचे अभिनंदन केले.

#Maharashtra #DevendraFadnavis #Mumbai

CMO Maharashtra Tweets:

राज्यातील सिंचन प्रकल्पांसह उदंचन जलविद्युत प्रकल्पांची कामे कालबद्ध पद्धतीने पूर्ण करा

मुख्यमंत्री देवेंद्र फडणवीस यांच्या अध्यक्षतेखाली आज सह्याद्री अतिथीगृह, मुंबई येथे जलसंपदा विभागातील विविध प्रकल्पांना दिलेल्या प्रशासकीय मान्यता आणि सुधारित प्रशासकीय मान्यता तसेच पंप स्टोरेज धोरणासंदर्भात सामंजस्य करारांच्या प्रगतीची आढावा बैठक संपन्न झाली. यावेळी मुख्यमंत्री फडणवीस यांनी संबंधित अधिकाऱ्यांना महत्त्वाचे निर्देश दिले.

मुख्यमंत्री देवेंद्र फडणवीस म्हणाले की, राज्याची सिंचन क्षमता वाढवण्यासाठी 381 सिंचन प्रकल्पांना प्रशासकीय मान्यता देण्यात आली आहे. या प्रकल्पांच्या माध्यमातून 30 लाख 68 हजार 673 हेक्टर सिंचन क्षेत्र निर्माण होणार आहे. तर ऊर्जा स्वावलंबनाच्या दृष्टीने महत्त्वाच्या असलेल्या पंप स्टोरेज धोरणांतर्गत खासगी आणि सार्वजनिक क्षेत्रातील 15 कंपन्यांसोबत 3 लाख 41 हजार 721 कोटींचे 24 सामंजस्य करार करण्यात आले आहेत. यानुसार 45 उदंचन प्रकल्पांच्या माध्यमातून 62 हजार 125 मेगावॅट वीज निर्मिती, तर 96 हजार 190 रोजगार निर्मिती होणार आहे. राज्याचे विकासचक्र वेगवान करण्यासाठी सिंचन प्रकल्प आणि उदंचन जलविद्युत प्रकल्पांची कामे कालबद्धरित्या गतीने पूर्ण करावीत, असे निर्देश मुख्यमंत्री फडणवीस यांनी दिले.

मुख्यमंत्री देवेंद्र फडणवीस म्हणाले की, राज्यातील सिंचन प्रकल्पांच्या माध्यमातून अधिकचे सिंचन क्षेत्र निर्माण होणार असल्याने राज्यातील शेतकऱ्यांचे जीवन अधिक सुसह्य होईल. उदंचन जलविद्युत प्रकल्पांद्वारे पर्यावरणपूरक ऊर्जा निर्मिती होणार असल्याने या प्रकल्पांच्या पूर्णत्वाला विलंब होऊ नये. शासनाने गत 2 वर्षापासून विविध सिंचन प्रकल्पांच्या 185 कामांना प्रशासकीय मान्यता आणि सुधारित प्रशासकीय मान्यता दिली आहे. या सिंचन प्रकल्पांच्या माध्यमातून 26 लाख 65 हजार 909 हेक्टर सिंचन क्षेत्र निर्माण होणार आहे. तर विशेष दुरुस्तीसाठी 196 कामांना प्रशासकीय मान्यता दिली आहे. विशेष दुरुस्तीच्या माध्यमातून 4 लाख 2 हजार 764 हेक्टर क्षेत्र सिंचनाखाली येणार आहे.

मुख्यमंत्री देवेंद्र फडणवीस यांच्या समक्ष यावेळी जलसंपदा विभागाचे अप्पर मुख्य सचिव यांनी सादरीकरणातून प्रशासकीय व सुधारित प्रशासकीय मान्यता देण्यात आलेल्या सिंचन प्रकल्पांची झालेले कामे व निर्माण झालेले सिंचन क्षेत्र याची माहिती दिली.

या बैठकीला मंत्री राधाकृष्ण विखे-पाटील, मंत्री गिरीष महाजन, अप्पर मुख्य सचिव, जलसंपदा विभागाचे अप्पर मुख्य सचिव, विदर्भ, तापी, कोकण, गोदावरी, कृष्णा खोरे विकास महामंडळाचे कार्यकारी संचालक व इतर वरिष्ठ अधिकारी उपस्थित होते.

#Maharashtra #DevendraFadnavis #WaterResources

CMO Maharashtra Tweets:

🔸CM Devendra Fadnavis chaired a meeting with the 'Shri Guru Tegh Bahadur Sahib Ji 350th Martyrdom Anniversary Committee and the Shri Guru Gobind Singh Ji 350th Guru ta Gaddi Anniversary Committee, Maharashtra State'
🔸मुख्यमंत्री देवेंद्र फडणवीस यांच्या अध्यक्षतेखाली 'श्री गुरू तेग बहादूर साहिब जी 350 वी शहीदी तसेच गुरू गोविंदसिंहजी 350 वी गुरू ता गद्दी समागम समिती, महाराष्ट्र राज्य'ची बैठक
🔸मुख्यमंत्री देवेंद्र फडणवीस इनकी अध्यक्षता में 'श्री गुरु तेग बहादुर साहिब जी 350वीं शहीदी तथा गुरु गोबिंदसिंग जी 350वीं गुरु ता गद्दी समागम समिति, महाराष्ट्र राज्य' के साथ बैठक

🕦 11.20am | 13-6-2025📍Varsha Bungalow, Mumbai | स. ११.२० वा. | १३-६-२०२५📍वर्षा निवासस्थान, मुंबई.

#Maharashtra #DevendraFadnavis #Mumbai

CMO Maharashtra Tweets:

मुख्यमंत्री देवेंद्र फडणवीस यांनी आज मुंबई येथे रामरत्न एजुकेशन फाऊंडेशन, इस्लामपूर अंतर्गत असलेल्या एस. के. इंटरनॅशनल सैनिक स्कूलच्या माहितीपुस्तिकेचे प्रकाशन केले.

#Maharashtra #DevendraFadnavis #Mumbai

CMO Maharashtra Tweets:

🔸 CM Devendra Fadnavis chaired a review meeting regarding various schemes and initiatives of the Energy Department
🔸 मुख्यमंत्री देवेंद्र फडणवीस यांच्या अध्यक्षतेखाली ऊर्जा विभागाच्या विविध योजना व उपक्रमांची आढावा बैठक
🔸 मुख्यमंत्री देवेंद्र फडणवीस इनकी अध्यक्षता में ऊर्जा विभाग की विभिन्न योजनाओं व उपक्रमों के संदर्भ में समीक्षा बैठक

🕧12.20pm | 13-6-2025 📍Sahyadri Guest House, Mumbai | दु. १२.२० वा. | १३-६-२०२५ 📍सह्याद्री अतिथीगृह, मुंबई.

#Maharashtra #DevendraFadnavis #EnergyDepartment

CMO Maharashtra Tweets:

🔸CM Devendra Fadnavis chaired a review meeting regarding development projects in the Murbad Assembly Constituency
🔸मुख्यमंत्री देवेंद्र फडणवीस यांच्या अध्यक्षतेखाली मुरबाड विधानसभा मतदारसंघातील विकास प्रकल्पांसंदर्भात आढावा बैठक
🔸मुख्यमंत्री देवेंद्र फडणवीस इनकी अध्यक्षता में मुरबाड विधानसभा निर्वाचन क्षेत्र के विकास प्रकल्पों के संदर्भ में समीक्षा बैठक

🕑 2.05pm | 13-6-2025📍Sahyadri Guest House, Mumbai | दु. २.०५ वा. | १३-६-२०२५📍सह्याद्री अतिथीगृह, मुंबई.

#Maharashtra #DevendraFadnavis #Murbad

CMO Maharashtra Tweets:

शहीद शताब्दी व गुरु ता गद्दी समागमच्या यशस्वी आयोजनासाठी राज्य शासनाचे संपूर्ण सहकार्य

मुख्यमंत्री देवेंद्र फडणवीस यांच्या अध्यक्षतेखाली आज त्यांच्या वर्षा या शासकीय निवासस्थानी ‘श्री गुरु तेग बहादुर साहिब जी 350 वी शहीदी तसेच गुरु गोविंदसिंह जी 350 वी गुरू ता गद्दी समागम समिती, महाराष्ट्र राज्य’ची बैठक पार पडली. यावेळी त्यांनी उपस्थित संत-महंतांसमवेत संवाद साधला.

यावेळी श्री गुरु तेग बहादुर साहेब जी यांचा 350 वा शहिद समागम आणि गुरुगोविंद सिंग जी यांचा 350 वा गुरु ता गद्दी समागम कार्यक्रमाचे आयोजन राज्यात तीन ठिकाणी करण्याबाबत चर्चा करण्यात आली. समागमाचे आयोजन नांदेड येथे 15 व 16 नोव्हेंबर, नागपूर येथे 6 डिसेंबर, नवी मुंबई येथे 21 व 22 डिसेंबर 2025 दरम्यान करण्याचे नियोजन आहे.

मुख्यमंत्री देवेंद्र फडणवीस यावेळी म्हणाले की, संघर्षाच्या काळात समाजाचे शोषण होत असताना गुरु तेग बहादूर यांनी समाजासाठी समर्पण केले. औरंगजेबाच्या जुलमी राजवटीत होत असलेला अन्याय दूर करण्यासाठी त्यांनी लढा दिला. समाजासाठी ते शहीद झाले, हा इतिहास पुढील पिढीला कळणे अत्यंत आवश्यक आहे. या कार्यक्रमाच्या यशस्वी आयोजनासाठी राज्य शासन संपूर्ण सहकार्य करेल, अशी ग्वाही मुख्यमंत्री देवेंद्र फडणवीस यांनी देत या कार्यक्रमांमधून श्री गुरु तेग बहादुर साहेबजी व गुरुगोविंद सिंगजी यांचा इतिहास निश्चितच पुढील पिढ्यांपर्यंत पोहोचविता येईल, असा विश्वास देखील त्यांनी व्यक्त केला.

मुख्यमंत्री देवेंद्र फडणवीस यावेळी म्हणाले की, संस्कृती आणि देशाच्या मजबुतीकरणासाठी लढणाऱ्या लोकांचा हा कार्यक्रम असणार आहे. वेगवेगळे समाज एकत्र येऊन हा समागम कार्यक्रम होणार आहे. या सर्वांच्या एकजुटीतून देश घडविण्याची आणि आपला इतिहास समागमाच्या माध्यमातून नवीन पिढीपर्यंत पोहोचविण्याची ही एक संधी असल्याचे देखील त्यांनी यावेळी नमूद केले.

यावेळी राज्यस्तरीय समितीचे मार्गदर्शक संत ज्ञानी हरनाम सिंहजी खालसा, धर्मगुरू संत श्री बाबूसिंह महाराज, संत रघुमुनीजी महाराज, गोपाल चैतन्य जी महाराज तसेच संबंधित अधिकारी उपस्थित होते.

#Maharashtra #DevendraFadnavis #Mumbai