«21 траўня мы ўсе скажам аб гэтым гучна. На вуліцах гарадоў, у інтэрнэце, сярод сваіх блізкіх»

Кіраўніца і прадстаўнікі Аб’яднанага Пераходнага Кабінета распавядаюць, як іх асабіста датычыць праблема палітзняволеных, і заклікаюць беларусаў далучыцца да інфармацыйнай кампаніі «Дзень палітзняволеных у Беларусі».

#свабодупалітвязням

@CabinetBelarus

Што мы можам зрабіць да Дня палітзняволеных у Беларусі

Прадстаўніца па сацыяльных пытаннях Кабінета Вольга Гарбунова распавядае, як беларусы могуць падтрымаць зняволеных па палітычных матывах, і заклікае далучыцца да мерапрыемстваў да Дня палітзняволеных у Беларусі 21 траўня

«21 траўня два гады таму ў шклоўскай калоніі №17 пры няясных абставінах памёр палітвязень – актывіст з Бярозаўкі Вітольд Ашурак. У гэты дзень, аб’яўлены Днём палітзняволеных у Беларусі, «Вясна» нагадвае ўсім нам аб ушанаванні памяці Вітольда, аб салідарнасці з палітзняволенымі Беларусі. Давайце падтрымаем ініцыятыву «вясноўцаў» актыўным удзелам – і гучна запатрабуем ад рэжыму вызвалення нашых аднадумцаў, што трапілі за краты.

Наша з вамі місія – даць ведаць палітзняволеным, што мы пра іх памятаем. Даць ведаць рэжыму, што мы не дазволім забыцца на яго злачынствы. Даць ведаць міжнароднай супольнасці – што беларусы не здаліся.

Што мы можам? Многае. Удзельнічаць у зборы ахвяраванняў для палітзняволеных і іх блізкіх. Адпраўляць у турмы лісты і паштоўкі. Расказваць аб лёсах палітвязняў і палітвязынак сваім сябрам, сваякам, падпісчыкам у сацсетках. Посціць іх фота з тэматычнымі хэштэгамі. Падтрымліваць працу праваабарончых арганізацый і фондаў. Не маўчаць.

Мы абавязаныя захоўваць праблему беларускіх палітзняволеных у міжнародным парадку дня, зноў і зноў паказваць маштабы палітычнага пераследу ў Беларусі, каб, нарэшце, спыніць турэмныя катаванні.

Таму асабліва прашу ў першую чаргу прадстаўнікоў і прадстаўніц беларускіх дыяспар выйсці ў нядзелю, 21 траўня, на вуліцы сваіх гарадоў з плакатамі і партрэтамі вязняў у руках, жоўтымі «экстрэмісцкімі» біркамі на грудзях, зладзіць флэшмобы і мітынгі.

Так мы пакажам, што нам не ўсё адно. І няхай яны пра гэта даведаюцца»

#свабодупалітвязням #свободуполитзаключенным #freepoliticalprisoners

@Cabinet_Belarus

Акцыі да Дня палітзняволеных у Беларусі распачаліся. Яны запланаваныя ў 39 гарадах з 19 краін свету

Прадстаўніца па сацыяльных пытаннях Аб’яднанага Пераходнага Кабінета Вольга Гарбунова прыняла ўдзел у акцыі, арганізаванай ПЦ «Вясна» ў Вільні.

Насупраць пасольства Беларусі, на фоне мурала з партрэтам беларускага палітвязня, праваабаронцы Алеся Бяляцкага ўдзельнікі акцыі, сярод якіх былі замежныя дыпламаты, зачытвалі імёны палітзняволеных.

#свабодупалітвязням #свободуполитзаключенным #freepoliticalprisoners

@CabinetBelarus