#Jarayon
#olimpiada

⏺ Bugun shahrimizdagi 15-ixtisoslashtirilgan umumta’lim maktabida matematika fani bo‘yicha Xalqaro “Kangaroo” olimpiadasi bo‘lib o‘tdi. Xalqaro “Kangaroo” olimpiadasi dunyodagi matematika fani bo‘yicha maktab o‘quvchilarining eng mashhur tanlovlaridan biri bo‘lib, O‘zbekistonda 2018-yildan buyon o‘tkazib kelinmoqda. Har bir o‘quvchi matematika fani bo‘yicha bilim darajasidan qat’iy nazar olimpiadada ishtirok etishi mumkin.

📎 Xalqaro “Kangaroo” olimpiadasi bir yilda bir marta 25-mart sanasida o‘tkaziladi. Xalqaro “Kangaroo” olimpiadasini o‘tkazishdan maqsad  har bir o‘quvchida o‘ziga ishonch, kelajakda matematika fanini chuqur o‘rganishga intilishni paydo qilishdan iborat.

❗️ Bugungi “Kangaroo” olimpiadasida Bo‘stonliq tumani va Chirchiq shahridagi maktablardan 455 nafar 1-11- sinf  o‘quvchilari ishtirok etishdi. O‘quvchilar tantanali ravishda kutib olinib, saflanish tadbiri o‘tkazildi. Tadbirda “Kangaroo” assosiatsiya vakili Saidolim Rustamiy va Chirchiq shahar xalq ta’limi bo‘limi xodimlari ishtirok etishdi. Test natijalari “Kangaroo”  Xalqaro olimpiadasida saytida  ishtirok etgan har bir o‘quvchiga QR kod orqali yetkaziladi. Bugungi olimpiadada ishtirok etgan har bir o‘quvchiga “Kangaroo” assosiatsiya tomonidan sertifikat va sovg‘alar topshirildi.
 
Chirchiq shahar hokimligining Axborot xizmati

💬 Telegram 🌐 Facebook
🌐 Instagram