#murojaat #qonuniy_chora_korish #Bolalar_ombudsmani

📌 Bolalar ombudsmaniga Jizzax viloyati Zomin tumanida yashovchi D.M. dan murojaat kelib tushdi.

📄 Murojaatda D.M. voyaga yetmagan farzandi O.T. (7-sinf o‘quvchisi, o‘g‘il bola) 2023-yilning 26-dekabr kuni farzandi tahsil oladigan maktab o‘qituvchisi S.M. bolaning yuz qismiga bir necha bor tarsaki urib, uni turli nomaqbul so‘zlar bilan haqorat qilganini bildirgan.

❕Bolalar ombudsmani so‘rovi asosida Maktabgacha va maktab ta’lim vaziri mazkur holatni atroflicha o‘rgandi.

Jizzax viloyati Zomin tumani MMT bo‘limining tegishli mutaxassislari tomonidan holat o‘rganilib, mazkur umumiy o‘rta ta’lim maktab direktorining buyrug‘iga asosan S.M. bilan tuzilgan mehnat shartnomasi bekor qilindi.

Shuningdek, joriy yilning 23-yanvardagi jinoyat ishlari bo‘yicha Zomin tuman sudida o‘qituvchining harakatlariga huquqiy baho berilib, S.M. ga nisbatan MJTKning 41-moddasi (Haqorat qilish) va 52-moddasini (Yengil tan jarohati yetkazish) sodir etgan deb topilib, unga nisbatan bazaviy hisoblash miqdorining 20 barovari miqdorida jarima jazosi belgilandi✅.

Yana bir bor ta’kidlaymiz, ta’lim muassasalarida bolalarga nisbatan nomaqbul muomala va zo‘ravonlik holatlari javobsiz qolishi mumkin emas.

Telegram|Facebook|Instagram|X

#murojaat #Bolalar_ombudsmani

📌 Bolalar ombudsmanining shaxsiy qabulida bo‘lgan fuqaro M.M. (ayol) o‘z murojaatida sobiq turmush o‘rtog‘i S.M. sport bo‘yicha milliy terma jamoada ishtirok etayotgan qizi Ya.M. (2011-yil) xalqaro musobaqaga tayyorgarlik va Osiyo o‘yinlarida ishtirok etishi uchun xorijga chiqish pasportini rasmiylashtirishda hamda qizini xorijga chiqishiga to‘sqinlik qilayotganligi yuzasidan murojaat qilgan.

Mazkur masalada Bolalar ombudsmani mutasaddi idoralar bilan birgalikda ko‘rgan choralari natijasida qizning istiqboli va kelgusi imkoniyatlari otaga tushuntirilib, S.M. farzandining xorijga sport musobaqalarida ishtirok etish uchun chiqishiga rasmiy ravishda ruxsat berdi☑️.

Telegram|Facebook|Instagram|X

⚡️ Ijtimoiy tarmoqlarda “defektolog” D.J. ga tegishli “Ovoz” markazi tashkil etilganligi haqida xabar tarqaldi.

Bolalar ombudsmani mutasaddi idoralar bilan birgalikda mazkur holatni o‘rgandi.

Namangan viloyati Maktabgacha va maktab ta’limi boshqarmasining ma’lumotlariga ko‘ra, Namangan shahar Yangi Namangan tumanida fuqaro D.J. ga tegishli “Ovoz” nomli hech qanday ta’lim muassasa qayd etilmagan bo‘lib, mazkur hududda so’nggi vaqt mobaynida ham bunday turdagi hech bir nodavlat ta’lim muassasa ochilmagan.

Аniqlanishicha, “Ovoz” MCHJga tegishli “Ovoz akademiyasi o‘quv markazi” Toshkent viloyatida ro‘yxatdan o‘tgan bo‘lib, ushbu markaz Namangan shahrining Yangi Namangan tumanida ijara shaklida o‘z faoliyatini boshlagan.
D.J. esa ushbu maskanni ochilish marosimida tashkilotchilar tomonidan reklama maqsadida taklif etilgan.

Eslatib o‘tamiz, joriy yilning 27-fevral kuni D.J. ga nisbatan Jinoyat kodeksining 168-moddasi 1-qismi (Firibgarlik) bilan jinoyat ishi qo‘zg‘atilgan❕

Hozirda jinoyat ishi tergovi davomida D.J.ning bolalar duduqlanishi muammosiga oid har qanday faoliyat bilan shug‘ullanishi to‘xtatilgan bo‘lib, u bunday xizmat ko‘rsatishni davom ettirmaslik yuzasidan tegishli tartibda ogohlantirilgan. Hozirda tergov harakatlari olib borilmoqda.

Bolalar ombudsmani bola manfaatlari nuqtai nazaridan mazkur ish bo‘yicha o‘z kuzatuvini davom ettiradi.
Holat yuzasidan qo‘shimcha ma’lumot beriladi.

Telegram|Facebook|Instagram|X

⚡️ Ijtimoiy tarmoqlarda “Qashqadaryoda maktab o‘quvchisining unashtiruv marosimi o‘tkazilmoqda” sarlavhasi ostida xabar tarqaldi.

Mazkur holat Bolalar ombudsmani tomonidan Ichki ishlar organlari bilan birgalikda o‘rganildi❕

Aniqlanishicha, bu unashtiruv marosimi Qashqadaryo viloyati Ko‘kdala tumani Tuxmor qishlog‘ida yashovchi, 2003-yilda tug‘ilgan (voyaga yetgan) B.G. ga tegishli bo‘lib, qizning o‘zi tushuntirish berishicha, marosim uning xohishiga zid bo‘lmagan holda o‘tkazilgan.

Shu bilan birga, Bolalar ombudsmani respublikamizning mazkur hududida qizlarni erta turmushga uzatish urf-odati hali ham saqlanib qolayotganiga urg‘u berib, qizlarning maktabdan keyin ta’lim olishi uchun imkoniyatlarni yanada manzilli ravishda kengaytirishga alohida e’tibor qaratilishi va bu borada mutassadilar tizimli choralar ko‘rib borishi zarurligini ta’kidlaydi.

Telegram|Facebook|Instagram|X

⚡️Bolalar ombudsmani kotibiyatiga joriy yilning 19-fevral kuni Namangan viloyatida yashovchi X.X. (ayol) dan murojaat kelib tushgan edi.

📃 Murojaatda X.X. Rossiya Federatsiyasining Qozon shahrida o‘zining 2012-yilda tug‘ilgan qizi N.U., 2015-yilda tug‘ilgan o‘g‘li J.N. hamda turmush o‘rtog‘i K.G. bilan birga yashaganligini ma’lum qilgan. X.X. 2024-yilning 12-fevral kuni K.G. o‘g‘li J.N. ni urganligi sababli bola politsiya tomonidan kasalxonaga joylashtirilganligini, xorijda yashashga oid tegishli hujjatlar taqdim etsa, politsiya bolani onaga qaytarishini ma’lum qilganligini, hujjatlardagi kamchiliklarni bartaraf etish uchun Qozog‘iston Respublikasi hududiga o‘tganligini hamda taqiq tufayli RFga qayta kira olmasdan O‘zbekistonga qaytib kelganligini bildirgan. X.X. RFning Qozon shahrida qarovsiz qolib ketgan bolalarini O‘zbekistonga qaytarishda amaliy yordam so‘ragan.

❕Mazkur holat Bolalar ombudsmani so‘rovi asosida Tashqi ishlar vazirligi, Ijtimoiy himoya milliy agentligi va Ichki ishlar vazirligi tomonidan o‘rganildi.

O‘zbekiston Respublikasining Qozon shahridagi Bosh konsulxonasi xodimlari tomonidan olib borilgan o‘rganish natijasida RFning Qozon shahridagi IIV organlari bilan aloqa o‘rnatilib, aniqlanishicha, voyaga yetmagan J.N. va N.U. lar Qozon shahridagi 41-sonli o‘rta maktabda ta’lim olganligi va maktab hududida otasi G.K. tomonidan o‘g‘liga nisbatan jismoniy kuch ishlatilganligi sababli, ular 18-sonli bolalar shifoxonasida tibbiy ko‘rikdan o‘tkazilgan va davolanishga ehtiyoj mavjud emasligi aniqlangan.

Shu bilan birga, Bosh konsulxona tomonidan Qozon shahri Vaxitov va Privoljsk tumani vasiylik organi bilan muzokoralar olib borilib, vasiylik organi ota-onasi Rossiyaga kirishga imkoniyati yo'qligini inobatga olgan holda bolalarni O'zbekistonga yuborishga ruxsat bergan.

Idoralarning izchil va o‘zaro tezkor choralari natijasida, IIV tomonidan 15-aprel kuni voyaga yetmagan N.U. va J.N. lar O‘zbekistonga qaytarib olib kelindi va onasi qaramog‘iga topshirildi☑️.

Telegram|Facebook|Instagram|X

🧠 Bugun, Ijtimoiy himoya milliy agentligi, Tashqi ishlar vazirligi va Ichki ishlar vazirligi bilan hamkorlikda Rossiya Federatsiyasida ota-ona qaramog'isiz qolgan voyaga yetmagan 17 nafar bolalarni mamlakatimizga qaytarish ishlari amalga oshirildi.

🧠 Ijtimoiy himoya milliy agentligining Voyaga yetmaganlar uchun ijtimoiy xizmatlarni rivojlantirish va monitoring qilish departamenti tomonidan bolalarning hujjatlarini O‘zbekiston Respublikasining Rossiya Federatsiyasidagi diplomatik vakolatxonalariga o‘tkazish bo‘yicha amaliy ishlar tashkil etildi. Ota-onalari deportatsiya qilinganligi hamda Rossiya Federatsiyasi hududiga kirish taqiqlanganligini tasdiqlovchi hujjatlar to‘plandi.

👫 Ayni vaqtda bolalar "Voyaga yetmaganlarga ijtimoiy huquqiy yordam ko’rsatish markazi"ga joylashtirilib, yaqinlari qaramog'iga qaytariladi. Shuningdek ular, doimiy ravishda "Inson" ijtimoiy xizmatlar markazlari tomonidan nazoratga olinadi.

📝 telegram 💻 instagram
📝 facebook 🐧 xcom
🎞 youtube 🎖 ihma.uz

⚡️Ijtimoiy tarmoqlarda "Toshkentdagi maktabda o‘qituvchi o‘quvchilar qo‘liga igna va “samorez” sanchib jazolab kelgani ma’lum bo‘ldi" nomli xabar tarqaldi.

Holat Bolalar ombudsmani tomonidan nazoratga olindi❕

Ma’lum bo‘lishicha, joriy yilning 16-aprel kuni Toshkent shahri Sergeli tumani, 277-o‘rta maktab 1-“E” sinf o‘quvchilarining 15 nafar ota-onalari mazkur maktab direktorining huzuriga kelib, 1-“E” sinf rahbari S.R. (ayol) ning ustidan shikoyat qilgan.

Murojaatda ota-onalar sinf rahbari S.R. o‘quvchilar qo‘lining kaft qismini ustiga samorez va ignalar bilan sanchib turli jarohatlar yetkazganligi, go‘yoki shunday usulda bolalarni tarbiyalashga uringanini bildirishgan.

1-“E” sinf rahbari S.R. bolalarga nisbatan shunday nomaqbul harakatlarni sodir qilganligi yuzasidan o‘qituvchi bilan tuzilgan mehnat shartnomasi bekor qilinib, u ishdan bo'shatildi.

Hozirda holat yuzasidan Sergeli tumani IIB tomonidan tergovga qadar tekshiruv olib borilmoqda.
Bu bo‘yicha qo‘shimcha ma’lumot beriladi.

Telegram|Facebook|Instagram|X