#memorandum #hamkorlik #Istiqbolli_avlod #Bolalar_ombudsmani

📑 Bugun Respublika "Istiqbolli avlod" ijtimoiy axborot markazi bilan o‘zaro hamkorlik to‘g‘risida memorandum imzoladik.

🖇️ Aytish kerakki, 2001-yilda tashkil etilgan mazkur tashkilot bugungi kunda O‘zbekistondagi odam savdosi va zo‘ravonlikning boshqa turlariga qarshi kurashish sohasida yetakchi nodavlat notijorat tashkilotlardan biri hisoblanadi.

✏️ Memorandum doirasida:

1️⃣ alohida ijtimoiy zaif guruhga mansub va e’tiborga muhtoj oilalarda bolalarga nisbatan odam savdosi, majburiy mehnat, noqonuniy migratsiya, zo‘ravonlik, tazyiq ostida sodir etiladigan jinoyatlar profilaktikasiga qaratilgan chora-tadbirlarni amalga oshirishda ijtimoiy hamkorlikni kuchaytirish;

2️⃣ odam savdosi, majburiy mehnat, noqonuniy migratsiya va zo‘ravonlikning boshqa shakllari bilan to‘qnash kelgan bolalarni aniqlash va ularga kechiktirib bo‘lmaydigan ijtimoiy-huquqiy yordamni tashkillashtirish;

3️⃣ bolalarga nisbatan sodir etilgan bu kabi jinoyatlar oqibatlarini minimallashtirish, jabrlanuvchilarni himoyalash borasida hamkorlikni amalga oshirish ko‘zda tutilgan.

📌 Aytish kerakki, Bolalar ombudsmani hozida ham «Istiqbolli avlod» NNT bilan murakkab vaziyatlarga duch kelgan bolalarga turli shakldagi ko‘mak ko‘rsatish yo‘nalishida amaliy hamkorlik olib bormoqda.

Ishonch bilan aytish mumkinki, bola huquqlari va qonuniy manfaatlarini himoya qilish borasida fuqarolik jamiyati institutlari bilan olib borilayotgan bu hamkorlik o‘zining samarasi va ijobiy natijasini beradi🤝.

Telegram|Facebook|Instagram|X

#hamkorlik #MICS #odil_sudlov #bolalar_manfaatlari

🖇 Bugun UNICEFning O‘zbekistondagi vakolatxonasiga yangi tayinlangan rahbari Rehina Mariya Kastidjio bilan amaliy uchrashuv o‘tkazdik.

🇺🇿🇺🇳Aytish kerakki, keyingi yillarda O‘zbekistonning UNICEF bilan hamkorligi faollashdi, bolaning sifatli ta’lim-tarbiya olishi, malakali tibbiy xizmatdan foydalanilishi, kuchli ijtimoiy himoyasi uchun yaratilayotgan shart-sharoitlar samarasini ta’minlash sohasida yirik qo‘shma loyihalar amalga oshirilmoqda.

📣 Muloqot davomida:

🔹davlat maktabgacha ta’lim va maktab muassasalarida bolalarning huquqiy savodxonligini shakllantirishda;

🔸odil sudlovda bolalar imkoniyatlarini ta’minlash sohasida mutaxassis tayyorlash va ularni malakasini oshirishda tizimli tashkiliy ko‘mak berish borasida kelishib olindi.

✅ Qonun bilan ziddiyatdagi voyaga yetmaganlarni odil sudlov tizimidan chiqarish va ularga nisbatan tiklovchi huquqiy-ijtimoiy choralarni qo‘llash mexanizmini ishlab chiqish,

🗣 o‘quv muassasalarida tarbiyachi va pedagoglarning bolalar bilan do‘stona muloqoti, xususan tazyiq va zo‘ravonlik holatlariga yo‘l qo‘ymaslik bo‘yicha maxsus treninglar tashkil qilish kabi masalalar ham muhokama qilindi.

📌 Shuningdek, Rehina Kastidjio xonim bolalar saqlanayotgan yopiq muassasalarga Bolalar ombudsmani monitoring tashriflarida birgalikda ishtirok etib, voyaga yetmaganlar uchun yaratilgan shart-sharoitlarni o‘zi ham ko‘zdan kechirishi istagida ekanligini ta’kidladi.

☑️ Muloqot e’tibor markazida yana bir muhim masala - bu O‘zbekistonda Multiindikator klaster kuzatuvi (MICS) bo‘ldi.
📈 Mazkur tahlil bolalar huquqlarini amalga oshirishga oid vaziyatni tanqidiy ko‘rib chiqish, ularning hayotida mavjud zaif nuqtalarni aniqlashga oid keng qamrovli izlanish bo‘lib, mazkur yo‘nalishda ham UNICEF bilan izchil hamkorlik zarurligiga to‘xtalib o‘tildi.

Telegram|Facebook|Instagram|X

#hamkorlik #bolalar #AQSH #Bolalar_ombudsmani

🇺🇸 Bugun Amerika Qo‘shma Shtatlarining O‘zbekistondagi Favqulodda va muxtor elchisi Jonatan Henik va diplomatik vakolatxona xodimlari bilan uchrashdik.

📣 Muloqot davomida diplomatik missiya vakillariga Bolalar ombudsmanining asosiy funksiyalari va bugungi kundagi faoliyati yuzasidan ma’lumot berildi.

☑️ Xususan, janob Henik Bolalar ombudsmanining murojaatlar bilan ishlash mexanizmi, fuqarolik jamiyati institutlari va media vakillari bilan hamkorligi hamda voyaga yetmaganlar saqlanayotgan yopiq muassasalaridagi monitoringlar masalalariga alohida qiziqish bildirdi.

🤝Shuningdek, uchrashuv davomida AQSH elchixonasi o‘rtasida o‘zaro hamkorlik yo‘nalishlariga e’tibor qaratildi.
Xususan, bola huquqlarini ta’minlash borasida AQSH samarali tajribaga egaligidan kelib chiqib:

1️⃣ kibermakonda bolalarga nisbatan onlayn-tazyiq va zo‘ravonlikni oldini olish yuzasidan ekspertlik ko‘magi;

2️⃣ bolalarga nisbatan oiladagi zo‘ravonlik holatlarini bartaraf etish bo'yicha mutaxassislar uchun maxsus kurslar tashkil etish;

3️⃣ o‘quv muassasalarida bullingni oldini olishga oid pedagoglarda maxsus ko‘nikmalarni shakllantirish hamda bullingga qarshi targ'ibot preventiv mexanizmlarini yo‘lga qo‘yish;

4️⃣OAV vakillari uchun bola manfaatlariga oid ma’lumotlar bilan ishlash va ularni yoritish yuzasidan maxsus treninglar tashkil etish kabi masalalarda o‘zaro hamkorlik istiqbollari muhokama qilindi.

Telegram|Facebook|Instagram|X