Сәлам, милләттәшләр! 😊
7 февраль, белгәнебезчә - Татарстан туграсы (герб) көне. Һәм шул уңайдан без "Фикер" клубы кичәсен оештырабыз. Кичәнең темасы: "Алтын Урда дәүләтенең 750 еллыгы". Кунагыбыз бик дәрәҗәле кеше: Алтын Урданы һәм татар ханлыкларын өйрәнү үзәге җитәкчесе, тарих фәннәре кандидаты Илнур Мидхәт улы Миргалеев 😊
Шул уңайдан сезне дә ошбу чарага чакырабыз: дусларыгыз белән бергә килегез 😉
Бездә сез белемнәрегезне баетудан кала күп кызыклы кешеләр белән дә танышырсыз һәм чын татар мохитенә күмелерсез ☺️💚❤️
Кичә дустанә мөхиттә, чәйләр белән үтәчәк + пичинҗәләр 😍
Башлыйбыз 18:30да.
Урыны: Әхтәмов һәм Мәрҗани урамнары чатында. Килеп җиткәч миңа языгыз (89046778189) - чыгып каршы алырбыз яисә түбәтәйле малай каршылап торыр 😄

2019 елның 15 февралендә "Азатлык" Татар Яшьләре Берлеге Һади Атласины һәм атласичыларны искә алу чарасын оештырды.

1938 елның 15 февралендә атып үтерергә дигән хөкем карары тормышка ашырыла – "бәйсез төрки-татар дәүләте төзергә теләгән, чит ил шпионнары" булган дип 9 татар зыялысы атып үтерелә. Менә алар, динебез, телебез, бәйсез дәүләтебез өчен шәһит киткән каһарман татарлар: Һади Атласи (тарихчы), Гани Алтынбаев (укытучы), Касыйм Исхаков (имам), Фазыл Туйкин (язучы), Кәбир Туйкин (укытучы), Сабир Уразманов (укытучы), Барый Фәттахов (имам), Зәкәрия Фәттахов (хезмәткәр), Рәшит Яруллин (имам). Урыныгыз җәннәттә булсын, газиз кардәшләребез, без сезне онытмадык һәм догада калабыз… http://kazanutlary.ru/news/tarih/songy-turanchy-hadi-atlasinyn-tuuyna-140-el

Искә алу чарасы Казанның Ленин бакчасындагы сәяси репрессияләр корбаннарына багышланган һәйкәл янында узды. Баштан вафат булучыларны атап, дога кылынды. Аннан һәйкәлгә чәчәкләр куелды. Барлык килгән кешеләргә рәхмәтебезне белдерәбез.

Хөрмәтле милләттәшләр! Белгәнегезчә кардәшебез Батырханны кичә судтан соң 5 тәүлеккә сак астына алдылар. Ул хәзер Милицейская урамындагы изоляторда утыра. Билгеле булганча, анда шартлар рәхәттән түгел, шуңа дустыбызга ярдәм итәргә чакырам. Аңа иртәгә ризык сатып алып илтеп бирергә иде исәп: булдыра алганча акча җибәрсәгез иде. Сбербанк, Рафик Рафисович К.: 4276 6200 4334 9525.
Алдан ук рәхмәт 🙏

Дустыбыз Батырханны каршы алдык. 3 тәүлек утырып чыкты. Исән-сау, Аллаһыга шөкер 😊

Бүген, 8 март көнне "Азатлык" Татар Яшьләре Берлегенең рәис вазыйфаларын башкаручы Рафыйк Кәримуллин ялгыз пикетка чыкты. Пикет Казанның Бауман урамындагы Шаляпин һәйкәле янында узды.

Белгәнебезчә, 1944 елның 8 мартында Совет хакимияте балкар халкын уйдырма гаепләр тагып депортацияли. Аларны илгә хыянәт итүдә, фашистларга булышуда гаеплиләр, тик бу сәбәпләр чынбарлыкка туры килми.
Шул сәбәпле әлеге көн балкар халкында матәм көне булып тора.

Бу пикет белән "Азатлык" ТЯБе татар халкы исеменнән тугандаш, кардәш мөселман, төрки халык - балкарларга теләктәшлек белдерә һәм кайгыларын уртаклаша. Без аларга якты киләчәк телибез, мондый күңелсез вакыйгалар аларның тарихында башка кабатлана күрмәсен, Балкар халкы чәчәк атсын.

21 март – Татарстан мөстәкыйльлеге турында референдумның 27 еллыгы уңаеннан "Азатлык" татар яшьләре берлеге егетләре Казанда Татарстан һәм Алтын Урда байрагы төсендә ике мең байракчык таратты.

Бу атнада, төгәлрәк әйтсәк - өченче көнне, безнең Нәүрүзне үткәрүгә карата язган мөрәҗәгатебезгә җавап килде бит әле.
Киләсе Нәүрүзгә хәтле монда язганнар турында онытмасалар ярый...

Тукайның туган көне - туган телебез көне белән, милләттәшләр! 😊💚❤️
Милләтебез, туган татар телебез чәчәк атсын, якты киләчәк насыйп булсын. Шул якты киләчәкне булдыруга бергәләп көч куик 💪🏻

Барыгызны да бүгенге Бәйрәм уңаеннан уздырылачак чараларга чакырабыз - чыгыгыз урамга. Без шунда булабыз. Күрешербез 😉