#Xiinxallaan_dubbisi(Qara'i)
📖    📖    📖    📖    📖

▶ Barataan Imaamu Ahmad binu Hanbal tokko qur'aana halkan takka keessatti akka xumuru imaamaatti himame.

Imaamu Ahmad barataa isaa kana akkaataa qur'aana xiinxalaan itti dubbisan barsiisuu fedhee akkana jedheen.
Ati qur'aana halkan takka keessatti qaraatee akka xumurtu natti himame jedheen.
Mee edana akka waan qur'aana Ana irratti qara'aa jirtuutti qara'ii jedheen.
Ganamaan bartaan Imaama bira dhufee yaa imaam juuza kudhan caala qara'uu hin dandeenne jedheen.

Mee edanas akka waan rasuula irratti (saw) qara'aa jirtuutti qara'i jedheen.
Barataanis ganama akka bariisifateen Imaama bira dhufee yaa imaama juuza takkaa qara'uu hin dandeenne jedheen.

Ammas imaamni ittuma deebi'ee gorse.
Mee edanas akka waan rabbiin irratti qara'aa jirtuuttii rabbii kee waliin haasahaa jirtuutti qara'i jedheen.

Barataan imaamaa rifatee dubbiin tuni akkaan itti jabaatte.
Innis akkuma imaamni gorseen dalaguuf halkan fuula rabbii dhaabate qaraatii isaa eegale bohichaafii sodaa irraa kan ka'e Suuraa Faatiha fixuu hin dandeenne.
Ganama akkuma bariisifateen imaama bira dhufee haala qalbiin isaa cabduu taateen ijji isaas imimmaaniin guuttamtuu taateen imaamaatti dhufee
waan halkan edaa tahe itti himuu eegale akka suuraa faatihaatuu qara'uu hin dandahin itti hime.

Imaamnis deebisanii akkana jedhaniin Yeroo Qur'aana qaraatu isa keessa xiinxalli xiyyeeffannoon dubbisi akka rabbiin si waliin haasahaa jiruutti.

Subhaanallaah wanti ani seenaa armaan olii kana isinii odeesseef baatiin keessa jirru ji'a kabajamaa Qur'aanni keessa bu'ee dha yeroo qur'aana dubbisnutti xinxallan haa dubbisnuu isiniin jechuu barbaadeeti.

By✍🏽 Fares Muhammed

Chaaynaalii keenna Telegramaa liinkii armaan gadii kana fayyadamuun nu waliin hirmaadhaa.

🔘 أَفَلَا يَتَدَبَّرُونَ ٱلْقُرْءَانَ أَمْ عَلَىٰ قُلُوبٍ أَقْفَالُهَآ 🔘

@Fursaan_Media
https://t.me/Alrisala1