​​YOZUVCHI NAPOLEON

Napoleon “Klisson va Yevgeniya” nomli qissa yozgan. Asar prototipi uning oʻzi boʻlib, “Dezire” (fr. Orzu) laqabli Yevgeniya Klari degan ayol bilan munosabatlari haqida hikoya qiladi.

Fransuz inqilobi ishtirokchisi boʻlgan harbiy urushdan qaytadi va jamoat hammomida Yevgeniyani uchratib yoqtirib qoladi. Klisson iste’foga chiqib, Yevgeniya bilan turmush quradi, oʻrtada farzand tugʻiladi.

Biroz oʻtib ularning tinch hayotiga urush soya soladi. Klisson ona yurt himoyasiga otlanishni oʻz burchi deb biladi. Janglarning birida Klisson jarohat oladi va Yevgeniyaga doʻstidan xat berib yuboradi. Doʻsti esa unga xiyonat qilib Yevgeniyani oʻziga moyil qilib oladi va u eriga xat yozishni toʻxtatadi.

Gʻam-qaygʻu iskanjasida qolgan Klisson bevafo yoriga soʻnggi maktubini yozib, oʻzini otib oʻldiradi.

Haqiqiy hayotda Dezire kitobdagi personajlardan omadliroq ekan. U Shvetsiya taxti vorisi boʻlgan generalga turmushga chiqadi va Norvegiya va Shvetsiyaning qirolichasiga aylanadi.

Hayoti afsona va rivoyatlarga burkangan Napoleon Bonapart haqida yanada koʻproq ma’lumotga ega boʻlish uchun ushbu kitobni oʻqishni tavsiya etamiz.


📚 @akademnashr │#bilarmidingiz