話說啱先17:55小編搭緊巴士，突然，係突然全車人部電話都震唔停咁款，大家你眼望我眼，震撼到不得了。嚇死寶寶喇！

有網民話，呢類警報喺外國，通常都係地震、海嘯、走難、恐怖襲擊等先會狂震同響。又有人以為打仗。原來呢個訊息係來自通訊局嘅「緊急警示系統」。2020年，通訊局耗資1.5億設立系統，當香港發生緊急情況，市民可以好快收到重要公告。

而今次個重要訊息係──伊利沙伯醫院於今天起轉為專門接收新冠病人嘅定點醫院。其他人士請勿前往。

#緊急警示 #警報 #震機 #世界末日 #地震 #海嘯 #走難 #恐怖襲擊 #俄羅斯入侵 #通訊局 #緊急情況 #緊急警示系統

Credit: 明周文化

😱嚇死人咩！以為俄仔打到嚟?!

話說政府喺前年（2020）年尾推出咗一個「緊急警示系統」嘅野，用以於緊急情況下向市民發佈信息，自推出以嚟都未有用過，但今日下晝5點55分嘅時候，政府突然發出緊急警示，宣佈🏥QE改為武漢肺炎專屬醫院，叫人唔好去QE咁喎。

🐘本象收到個信息嗰陣幾乎嚇到瀨尿，以為俄仔真係打到嚟呀～

查實政府呢個系統係類似宜家好多國家推出嘅手機版（EAS）系統，用嚟喺出現災難性天災人禍嘅時候，通知市民重要避險信息。

唔知今次政府係咪想順便試下個系統WORK唔WORK呢？但用武肺醫院呢個信息做緊急警示就真係太騎呢，究竟呢件事又有幾緊急呢？

唉～本象都要飲杯茶🍵，定下驚先。唔該政府下次諗清楚件事有幾緊急先發出警示啦～如果唔係最終只會變成「狼來了」系統㗎。

#嚇死人咩 #俄仔打到嚟 #緊急警示系統 #氣象巴打隨筆