😱嚇死人咩！以為俄仔打到嚟?!

話說政府喺前年（2020）年尾推出咗一個「緊急警示系統」嘅野，用以於緊急情況下向市民發佈信息，自推出以嚟都未有用過，但今日下晝5點55分嘅時候，政府突然發出緊急警示，宣佈🏥QE改為武漢肺炎專屬醫院，叫人唔好去QE咁喎。

🐘本象收到個信息嗰陣幾乎嚇到瀨尿，以為俄仔真係打到嚟呀～

查實政府呢個系統係類似宜家好多國家推出嘅手機版（EAS）系統，用嚟喺出現災難性天災人禍嘅時候，通知市民重要避險信息。

唔知今次政府係咪想順便試下個系統WORK唔WORK呢？但用武肺醫院呢個信息做緊急警示就真係太騎呢，究竟呢件事又有幾緊急呢？

唉～本象都要飲杯茶🍵，定下驚先。唔該政府下次諗清楚件事有幾緊急先發出警示啦～如果唔係最終只會變成「狼來了」系統㗎。

#嚇死人咩 #俄仔打到嚟 #緊急警示系統 #氣象巴打隨筆