▌因為低收視而被砍走5集嘅《#雙生陌生人》終於播完，不過接棒嘅《#十八年後的終極告白 2.0》同樣低收，首週收視14.7點（約95.5萬觀眾），相信係TVB劇集史上，首週收視第三低嘅劇集[1]。

▌《終極告白》第一輯喺2020年錄得26.5點 #七天跨平台收視，所以喺第二輯開播前，曾被寄予挽救收視、對撼ViuTV等厚望，但好遺憾，《2.0》較第一輯跌咗差唔多12點收視，而且僅僅係比《雙生陌生人》高1.2點收視，不過，《2.0》都仲高過ViuTV《#冥冥之中》嘅3.3點收視，如果咁講可以令TVB高層比較開心嘅話...

《終極告白2.0》冠名贊助為 #moraz，植入式贊助商又係 #海馬牌。moraz呢隻護膚牌子其實好勵志，以前佢只係出沒喺《宣傳易》時段，但之後慢慢有能力冠名贊助深宵重播劇集，而家仲可以出現喺黃金時段，相信絕對係落TVB廣告令moraz多咗人幫襯，而唔係贊助TVB劇集嘅門檻越嚟越低。

【 moraz HK 】
https://www.facebook.com/moraz.hk
https://pili.app/pg/18QTy9yy5

▌至於綜藝時段，梁芷珮主持嘅《#東南歐潮甚麼》緊急取代咗《#日日媽媽聲》，將之前8.9點嘅收視救返上11.1點，避免咗另一宗悲劇。《東南歐》係由經常被消委會點名嘅 #億世家 贊助。

▌《#聲生不息》收視繼續企穩於17點左右水平，可見呢套「#湖南版流行經典五十年」確實有啲市場，不過AfterClass喺三缺一下已經唔知去咗邊。

▌收視點並不完全反映節目質素，TVB觀眾質素是高是低、識唔識欣賞好嘅節目，大家心照，不過見TVB高層咁鍾意揸住點數嚟自high，小編咪拎嚟講吓，今日寫住咁多先，無咩事我返去睇Netflix同Disney+。

———————————
[1] 首週收視最低嘅係2021年劇集《智能愛人》(12.3點)，但當時收視受東京奧運影響，第二低嘅係《雙生陌生人》(13.5點)。

▌#大家樂 高調贊助嘅《#聲夢傳奇2》其實近日已經「低調」播出，但頭兩個禮拜收視僅有12.1及11.1點收視，成績不堪入目。為咗令冇睇 #TVB 嘅讀者有少少概念，我哋試吓換個講法：

— 禮拜六 20:00 播緊《愛回家》嗰陣仲有17.5點收視，到20:30就得返11.1點 (-6.4點)，即係有41萬觀眾轉台或者熄電視；
— 第一季《#聲夢傳奇》最差嗰集都有16.1收視，用上第二季最好成績嗰集嚟相比，都爭成4點收視；
— 前排禮拜六 20:30 係用電影嚟填充Time Slot，收視有約13-15點。

不過，《聲夢傳奇》係一個幫助年青人追夢嘅平台，絕對唔可以用收視點嚟衡量嘅，只要培養到良好人才，#鄰住買 又可以多個臉孔幫手「帶貨」(直播營銷)。

再者，《聲1》收視雖然較好，但差唔多埋尾先多返少少贊助，今季唔同喎！一開始就有大家樂、#KEF 音響 同埋 #怡寶 飲用水 三個贊助咁多，個頭開得唔錯，繼續努力！💪🏻 KEF以「英國老牌音響」為賣點，但其實已經被藍色企業 #金山工業 💙收購咗30年，或者大家會認識佢旗下隻 #GP超霸 電池多啲。

【KEF（金山工業）】
https://www.facebook.com/KEF.HK
https://pili.app/pg/1PWRQWuXK

▌平日劇集時段收視繼續喺20點內穩步上揚，外購中国劇集《#尚食》及自家劇集《#十八年後的終極告白2.0》收視分別為19.3及16.1點，但如果《告白2.0》想跳出「TVB十大低收視劇集」，保守估計今個禮拜要有30點收視先得，如果唔係就只能得到「叫好唔叫座」呢種委婉嘅評語。呢兩套劇集嘅贊助為 #海天堂、#moraz 及 #海馬牌。

▌因為收視極差而被「發配邊疆」，由平日綜藝時段調至週日嘅《#日日媽媽聲》收視再創新低，上兩個禮拜收視分別為8.3及7.4點，成績同《#馬時亨名人堂》相約，睇嚟大家對師奶圍爐嘅興趣，不下於香港富豪、匯豐主席、前警務處長等「社會賢達」嘅訪談。

▌《#東張西望》、《#愛回家》繼續做「收視擔當」，喺20-21點上下徘徊，不過啲贊助商有啲悶，唔係養身就係食藥，《愛》就不斷hard sell #士多 (#Ztore) 送貨有幾方便，同埋close up部 #OTO 按摩椅。