#ආගම හා මනෝවිද්‍යාව#
"බැතිමතෙකු පමණක් නොවී සතිමතෙකු වන්නට ."
මොකක්ද මේ ආගමයි මනෝවිද්‍යාවයි අතර තියෙන සම්බන්ධය..🤔🤔 වසර ගණනාවක් තිස්සෙ පර්යේෂකයින් මේ ගැන හොයනව. ඉතින් මේ සෙවීම් වලින් හොයාගෙන තියෙනව මනෝ සාමාජීය ප්‍රතිඵල ආගම නිසා ලැබෙන.මොනවද එහෙම් අපිට ලැබෙන්නෙ....🤔🤔
1. මානසික පීඩනය අවම වීම
2. ආතතිය අවම වීම
3. මානසික නිදහස පවත්වාගෙන යෑමට හැකි වීම
4. සියදිවි නසාගැනීමේ සිතුවිලි අවම වීම
5. මත්ද්‍රව්‍ය ඇබ්බැහිය අවම වීම
6. සහකම්පනයෙන් යුතු අයෙක් වීම
8. මනුෂ්‍යයින්ට පමණක් නොව පරිසරයටද සංවේදි පුද්ගලයෙක් වීම
9. අනෙකට ගරුත්වය කරුණාව , ආදරය දැක්වීම
10. අනෙකාගේ අනන්‍යතාවය පිළිගැනීම හා ගරු කිරීම
වැනි මානසිකව හා සාමාජීය වශයෙන් වැදගත් බොහෝ දෑ ලබාගන්න පුලුවන් .
එහෙනම් සමාජෙ, මිනිස්සු අතර මෙච්චර ප්‍රශ්න ඇයි. ඒ වගේම ඕනෙම ආගමකට බැතිමතුන් නම් ඕනෙ තරම් ඉන්නව. ඒත් ඉස්සරට වඩා හැමෝටම ගොඩාක් මානසික ප්‍රශ්න. කොතනද වැරැද්ද එතකොට ..🙄🙄🤔 අපි ආගම අදහනවද..? නැත්නම් ආගම අවබෝධයෙන් පිළිපදිනවද....?🤔
මොකක්ද මේ සතිමතෙක් වෙනව කියන්නෙ..?
සතිමත් බාවය කියන්නෙ සිහියෙන් ඉන්නවා කියන එක. ඉතින් තමන් සිහියෙන් ඉන්නව නම්,සිහියෙන් ආගම හා දහම වෙන් කර ගන්නව නම් මෙච්චර ගැටලු කොහොමද එන්නෙ. ආගමක කියන හරයාත්මක දේ තමයි අපි ගන්න ඕනෙ. බුදුන් වහන්සේ දේශනාවකදී පවසන්නෙ
"පරම්පරාවෙන් ,ගුරුවරුන්ගෙන්,දෙමාපියන්ගෙන්, හෝ ආගමික නායකයෙක් පැවසූ දෙයක් හෝ පැවත ආ දෙයක් ඒ අයුරින් පිළිනොගෙන තාර්කිකව සිතා බලා නුවණින් විමසා බලා පිළිගන්නා ලෙසය."
ඒ වගේම අනෙක් ආගම්වලත් කියල තියෙන්නෙ තමන්ට වගේම අනෙක් අයටත් හානියක් නොවන විදිහට ජීවත් වෙන්නෙ කොහොමද . මිනිස්සුන්ට විතරක් නෙවෙයි පරිසරයට ආදරේ කරන්නෙ කොහොමද වගේ මනෝ සාමාජීය යහ පැවැත්මට අදාළ දේවල්.ඉතින් සතිමත් නොවී ආගමික වහලෙක් උනොත් මේ දේවල් මග ඇරෙනව.තමනුත් පිරිහිලා සමාජයත් පිරිහෙනව.
සෑම ස්ථානයකම ආගමික ස්ථාන ඉදිකිරීමෙන් හෝ නිතිපතා ආගමික වතාවත් කිරීමෙන් පමණක් මෙම මානසික සහන ගන්න බෑ. හුස්ම ගැනීමේ ව්‍යායාම යනු භාවනාව සම්බන්ධ දෙයකි.සහෝදරත්වය, අනෙකා කෙරෙහි ඇති දයානුකම්පාව කෙනෙකුට ජීවිතය එපා කරවීම වළක්වයි, එසේම අනෙකා පිලිගැනීම තුළින් අනන්‍යතා ගරුත්වය ආදී මානුෂිය ගුණ ධර්ම ඇතිවේ.
සතිමත් බාවයෙන් තොරව ආගම ඇදහුවොත් වෛරය, ක්‍රෝධය ,ඊර්ෂ්‍යාව ,සහකම්පයෙන් තොර වීම,දරාගැනීමේ හැකියාව නැති වීම,මානසික අසහනය වර්ධනය වීම, එකිනෙකා කෙරෙහි ඇතිවෙන නුරුස්නා බව ආදී මානසික වශයෙන් වගේම සමාජීය වශයෙන් බලපාන නරක දේවල් ජීවිතේට එකතු වෙනව.
අද වෙනකොට බැතිමතුන් රාශියක් දැකගන්න පුලුවන් හැබැයි සතිමතුන් නම් ඉතා අල්ප බව සමාජ ජාලා තුල සංසරණය වෙන දේවල් වගේම වෛරීය ප්‍රකාශ තුළින් දැකගන්න පුලුවන් .ඉතින් සැබවින්ම ආගමානුකූලව ජීවත් වීමට අවශ්‍ය නම් කෙනෙකු කල යුත්තේ එම ආගමේ ඇති හරය පමණක් ගැනීම පමණි . ඒ වටා බැදුණු වෙනත් ඇදහිලි හා ඵලක් නැති ඒව වටා එක්වී අන්ධ බැතිමතෙකු නොවී මානසික සුවය ලැබීමට සතිමතෙකු විය යුතුය.
#තක්ෂිලා රණසිංහ
මනෝවිද්‍යා උපදේශිකා
"බැතිමතෙකු පමණක් නොවී සතිමතෙකු වන්නට ."
මොකක්ද මේ ආගමයි මනෝවිද්‍යාවයි අතර තියෙන සම්බන්ධය..🤔🤔 වසර ගණනාවක් තිස්සෙ පර්යේෂකයින් මේ ගැන හොයනව. ඉතින් මේ සෙවීම් වලින් හොයාගෙන තියෙනව මනෝ සාමාජීය ප්‍රතිඵල ආගම නිසා ලැබෙන.මොනවද එහෙම් අපිට ලැබෙන්නෙ....🤔🤔
1. මානසික පීඩනය අවම වීම
2. ආතතිය අවම වීම
3. මානසික නිදහස පවත්වාගෙන යෑමට හැකි වීම
4. සියදිවි නසාගැනීමේ සිතුවිලි අවම වීම
5. මත්ද්‍රව්‍ය ඇබ්බැහිය අවම වීම
6. සහකම්පනයෙන් යුතු අයෙක් වීම
8. මනුෂ්‍යයින්ට පමණක් නොව පරිසරයටද සංවේදි පුද්ගලයෙක් වීම
9. අනෙකට ගරුත්වය කරුණාව , ආදරය දැක්වීම
10. අනෙකාගේ අනන්‍යතාවය පිළිගැනීම හා ගරු කිරීම
වැනි මානසිකව හා සාමාජීය වශයෙන් වැදගත් බොහෝ දෑ ලබාගන්න පුලුවන් .
එහෙනම් සමාජෙ, මිනිස්සු අතර මෙච්චර ප්‍රශ්න ඇයි. ඒ වගේම ඕනෙම ආගමකට බැතිමතුන් නම් ඕනෙ තරම් ඉන්නව. ඒත් ඉස්සරට වඩා හැමෝටම ගොඩාක් මානසික ප්‍රශ්න. කොතනද වැරැද්ද එතකොට ..🙄🙄🤔 අපි ආගම අදහනවද..? නැත්නම් ආගම අවබෝධයෙන් පිළිපදිනවද....?🤔
මොකක්ද මේ සතිමතෙක් වෙනව කියන්නෙ..?
සතිමත් බාවය කියන්නෙ සිහියෙන් ඉන්නවා කියන එක. ඉතින් තමන් සිහියෙන් ඉන්නව නම්,සිහියෙන් ආගම හා දහම වෙන් කර ගන්නව නම් මෙච්චර ගැටලු කොහොමද එන්නෙ. ආගමක කියන හරයාත්මක දේ තමයි අපි ගන්න ඕනෙ. බුදුන් වහන්සේ දේශනාවකදී පවසන්නෙ
"පරම්පරාවෙන් ,ගුරුවරුන්ගෙන්,දෙමාපියන්ගෙන්, හෝ ආගමික නායකයෙක් පැවසූ දෙයක් හෝ පැවත ආ දෙයක් ඒ අයුරින් පිළිනොගෙන තාර්කිකව සිතා බලා නුවණින් විමසා බලා පිළිගන්නා ලෙසය."
ඒ වගේම අනෙක් ආගම්වලත් කියල තියෙන්නෙ තමන්ට වගේම අනෙක් අයටත් හානියක් නොවන විදිහට ජීවත් වෙන්නෙ කොහොමද . මිනිස්සුන්ට විතරක් නෙවෙයි පරිසරයට ආදරේ කරන්නෙ කොහොමද වගේ මනෝ සාමාජීය යහ පැවැත්මට අදාළ දේවල්.ඉතින් සතිමත් නොවී ආගමික වහලෙක් උනොත් මේ දේවල් මග ඇරෙනව.තමනුත් පිරිහිලා සමාජයත් පිරිහෙනව.
සෑම ස්ථානයකම ආගමික ස්ථාන ඉදිකිරීමෙන් හෝ නිතිපතා ආගමික වතාවත් කිරීමෙන් පමණක් මෙම මානසික සහන ගන්න බෑ. හුස්ම ගැනීමේ ව්‍යායාම යනු භාවනාව සම්බන්ධ දෙයකි.සහෝදරත්වය, අනෙකා කෙරෙහි ඇති දයානුකම්පාව කෙනෙකුට ජීවිතය එපා කරවීම වළක්වයි, එසේම අනෙකා පිලිගැනීම තුළින් අනන්‍යතා ගරුත්වය ආදී මානුෂිය ගුණ ධර්ම ඇතිවේ.
සතිමත් බාවයෙන් තොරව ආගම ඇදහුවොත් වෛරය, ක්‍රෝධය ,ඊර්ෂ්‍යාව ,සහකම්පයෙන් තොර වීම,දරාගැනීමේ හැකියාව නැති වීම,මානසික අසහනය වර්ධනය වීම, එකිනෙකා කෙරෙහි ඇතිවෙන නුරුස්නා බව ආදී මානසික වශයෙන් වගේම සමාජීය වශයෙන් බලපාන නරක දේවල් ජීවිතේට එකතු වෙනව.
අද වෙනකොට බැතිමතුන් රාශියක් දැකගන්න පුලුවන් හැබැයි සතිමතුන් නම් ඉතා අල්ප බව සමාජ ජාලා තුල සංසරණය වෙන දේවල් වගේම වෛරීය ප්‍රකාශ තුළින් දැකගන්න පුලුවන් .ඉතින් සැබවින්ම ආගමානුකූලව ජීවත් වීමට අවශ්‍ය නම් කෙනෙකු කල යුත්තේ එම ආගමේ ඇති හරය පමණක් ගැනීම පමණි . ඒ වටා බැදුණු වෙනත් ඇදහිලි හා ඵලක් නැති ඒව වටා එක්වී අන්ධ බැතිමතෙකු නොවී මානසික සුවය ලැබීමට සතිමතෙකු විය යුතුය.
#තක්ෂිලා රණසිංහ
මනෝවිද්‍යා උපදේශිකා