«Яхши ният – ярим давлат», деган нақл бежиз айтилмаган. Афсуски, орамизда ҳамма нарсанинг энг аввал ёмон томонини кўрадиган, яъни эзгу ният қилмасдан, шумланадиган одамлар жуда кўп. Бошланаётган хайрли ишларнинг тўхтаб қолишига баъзан ана шундай бадгумон кимсалар сабабчи бўлиб қолаётгани бор гап. Шунинг учун ҳам Пайғамбаримиз алайҳиссалом ҳамиша яхши ният қилишга, шумланмасликка тарғиб қилганлар. Фақат ёмонликни ўйлаш, яхши гумон қилмаслик катта-катта фитналарга сабаб бўлиб қолиши мумкин.

«Гўзал ўрнак» китобидан

@BintuSodiq

Табриклаймиз!

Ҳамкоримиз Умида Ғаффорова «Олтин қалам» мукофотининг совриндори бўлдилар.

14 май куни «Ўзбекистон» халқаро анжуманлар саройида журналистика соҳасидаги «Олтин қалам» XVIII миллий мукофоти учун ғолиб ва совриндорларни тақдирлаш маросими ўтказилди.

Хабарингиз бор, «Олтин қалам» миллий мукофоти совриндорлари турли йўналишлар бўйича тақдирландилар. Мана шундай йўналишлардан бири – радио йўналиши бўйича ғолиблар бўлиб, биринчи ўринга «Mahalla» радиоканали «Маънавий-маърифий, кўнгилочар ва мусиқий дастурлар» муҳарририятининг бўлим мудири Ғаффорова Умида Абдусалом қизи муносиб кўрилиб, тақдирландилар.

Маълумот ўрнида айтиб ўтамиз, "Маҳалла" радиосида 2021 йил 3 январдан буён "Маърифат чироқлари" эшиттиришида журналист Умида Ғаффорова устоз Одинахон Муҳаммад Содиқ билан "Қуръони каримда аёллар мавзусида келган оят ва ҳукмлар" мавзусидаги суҳбатлари 2024 йилга қадар бериб борилди.
Айни пайтда ҳамкорликлар турли мавзуларда давом этиб келмоқда.

Жамоамиз номидан ҳамкоримиз Умида Ғаффоровани муваффақияти билан чин дилдан табриклаймиз. Аллоҳ таоло бошлаган барча хайрли ишларига барака берсин. Олиб бораётган барча ишларини элимизга, юртимизга манфаатли ишлар қаторидан қилсин!

"Бинту Содиқ" канали жамоаси

@BintuSodiq

Оиша розияллоҳу анҳодан ривоят қилинади: «Набий соллаллоҳу алайҳи васаллам: «...Агар ёмғир ёғса:
اللَّهمَّ صَيِّبًا نافِعًا
«Аллоҳим! Фойдали ва нафли қилгин», дер эдилар».
Бухорий ривояти.

@BintuSodiq

Менга жинлар ёпишади

Савол: Ассалому алайкум, Одинахон! Алҳамдулиллаҳ, намоз ўқийман, Қуръон ўқишни ҳам биламан ва ўқиб тураман. Лекин негадир менга тез-тез жинлар ёпишади деб ўйлайман. Айниқса ухлаб ётганимда улар келиб, кўрпамни кўтаришади, қўлларим ва оғзимни ўйнашади. Ҳар хил товуш чиқаришади. Мен бу ҳолатни сезиб ётаман, қўрқаман. Нима қилсам бўлади? Жавоб учун олдиндан раҳмат. Аллоҳ сиздан рози бўлсин!

Жавоб:
Ва алайкум ассалом. Қуръон тиловатини кўпайтиринг, ўзингиз ўқинг, ўзгадан эшитинг ва ўзингизга кўп дам солинг. Оятул курси ва чорқул (Кафирун, Ихлос, Фалақ ва Нас суралари)ни ўқиб, дам солинг. Ёлғиз ётманг. Валлоҳу аълам.

Одинахон Муҳаммад Содиқ.
«Билимсизликнинг шифоси – савол» китоби, 1-жуз.

#Савол_жавоб
Савол бериш учун: savollar.muslimaat.uz

t.me/bintusodiq