مثل هيج يوم كال مولاي السجاد

خافن گلبي هوه شوية..عايز
ضيعو زينب أبين الجنايز💔
والتغسلها گالت ياهو إلها؟
أخذه وروح ماغسل عجايز!!

المثل زينب هيچ تتلاگه عجيب!
كون هسه مترسه.... الدنية ثغيب

كلشي يبچي عله زينب حته زينب
وخيط صار خيالهـه من البچي
وين ما تدري وتروح انوووووب وين
الشيلة عرگت من كثر ذب الحچي

نسألكم الدعاء والشفاء العاجل بحق غربة عقيلة بني هاشم

غير مبرء الذمة لاي شخص يتلاعب بالقصائد بكيفة
وشكو رادود او غيره قرء قصيدة كاتبها مال عزاء بمولد

غير مبرء الذمة

( فطيمة البكاء )

متعوبة رقيه وبيها شضال
تحاچيمن وابوها برمح نشال
ليلية حدر ڤي راسه تنام
فطرتها سليبة وكل شي مال

جايبتلة الماي بيديها واجت
طاحت من الخوف يم راسه عثرت

زغيره : ماتحمل اي عذاب
لب گلب الفطره شاب
عشگت عشگ الرباب... رقية

رقية… فطيمة البكاء

**

تتلوع لبوها وتبچي دموم
ما نامت ولا شافته النوم
ما الها ذنب چا وين تروح؟
يم راسه وتكله شوكت تكوم

يدير راسه حسين ويعوره الرمح
يريد يحچي ويشرگ بدم الذبح

وتكله : بعدك چاوين اروح؟
اريد ابچيلك ونوح
وتطلع وي روحي روح… رقيه
رقية… فطيمة البكاء

**

يطگوها وتضم الحسره ب اه
مو گدهم وترد بيا ويلاه
ماعدها احد تركض عل راس
وتگله خذاني الشيب احاه

تموت يوميه رقيه عل هزل
تطيح ويجروها جر من الحبل

تميل : بكثر ما مالت النوك
علبوها الكلب مفتوك
و وراها القصر والسوك… رقية

رقية… فطيمة البكاء

**

يالوعة وبعد تحمل ياليل
لبسنها المصايب حذوه بخيل
ماذنب الزغار تشوف الضيم
بل سوط الضربها خلها تميل

ورده ست سنين ماتعرف سبي
ما طاگها والدها ويطگها اجنبي

عجيبه : زغيره وشابت بلاء
الطف جرح مالها وداء
شكبرها يا كربلاء... رقية

رقية... فطيمة البكاء

0000000000000000
زين العابدين الحلفي

بسم الله الرحمن الرحیم

مِنَ الْمُؤْمِنِینَ رِجالٌ صَدَقُوا ما عاهَدُوا اللّهَ عَلَیْهِ فَمِنْهُمْ مَنْ قَضى نَحْبَهُ وَ مِنْهُمْ مَنْ یَنْتَظِرُ وَ ما بَدَّلُوا تَبْدِیلاً

بحضة وبخته كلمن يگطع سبيل المعروف
حساب حاطه حته اخدم بي ما افتحه بس انشر بي القصايد مال الخدام
حطو وطيرو
الحمد لله والشكر فدوه

(الفتح المبين)

جاء نصر الله والفتح أتا
فوگ فوگ الفوگ والدنية.. حدر
شنهو سبعين وعلي يصيح أنا
أنه معنى الخوف.. والدم والخطر

فوگ كل بيرغ يرف... يگحم وما ينگحم
الله بي حط قدرته... وَ لهاذا طگته سم

**

نشف دمة كلمن يسمو بطل!
وبس گمر هاشم بطل والكل خنث
يشلع من الگاع بعيونه خزر
چنه ملك الموت بالحومة... نبعث!

صاح حيهم يابه حي... كلها كاتلها الرجيف
ماتقدم له احد... وهوه طبهم بالنضيف

**

موت وغف حدر ريگان الزلم
محد گباله گدر ياخذ نفس
روج عالي وهبد وهبد.... ودب
گادر ومحد گدر ياخذ نفس

خنگة محد جر نفس... وگف مو بس الهوى
وگفت گلوب الزلم... واليرف بس اللوه

**

نار يلسع ياجهنم بالطبگ.
وكف يمه الموت يتصارخ أااحو
انخبط صافي وصفه المخبوط أله
وتلطم الجيمان ما تعرف شكو

تملست وجوه الزلم... وشاربه بس اليرف
نشف گدامه الحچي... هيه لو عالدم نشف


00000000000000000000
زين العابدين الحلفي

لمولاي الامام الصادق عليه السلام يرى بحرق داره مصيبة وآلم عمته الغريبة


شهل مصيبة :: انه من دون اليالي موجر ومتعوب گلبي
انوب اشوف النار تاكل بيتي كله
شهل مصيبة :: اذكرت عماتي بلطف الطم وتيهت دربي
العنده بلطف عمه ترگض موته عله

متعوب والنار العلت خليتهه
الركَضت عمتي ولا طفيتهه
شلون ما جان ارد اموت اليلة
ماكو فكره براسي ماخليتهه

صواب گلبي موجر وياذيني
تريد ارتاح بنعي بچيني

**

شضال بيه :: عوفو بيتي يحترك ماريدة اموت
وعلي مايصفالي بال ولاكو حل
شضال بيه :: منكبة السادة وتباوع بس ثغيب
وناعي ينعة شلون جروهـه بحبل

هاي زينب بلحبل جروهـه
أباب ساعات الضهر وكفوهـه
الشام ذبحة ولاتكله اسم علي
واخ ياكسرتها من عرفوهـه

بشتايم والحچي الماينحمل
زينب تكوم ويطيحها الحبل

**

خل يروح :: الماي ماريدة أبد لا شلي بي
كون اموت من العطش ماريده
خل يروح :: اليگعد يكلي تهون اهيه شتهون
حگه مادري ويهز بأيده

الفاتحة التگضي فلا نگضيهـه
ياهو عمته نسبت ويحس بيهـه
هيه هاي النايبة المطلوبة حك
وعيني من الدمع ماضل بيهـه

ياهو ملچوم ويهوا بيه حاس
الف موته ولا يطيح العباس

**

تعبي بان... الشام ما خلاني ارتاح واهيد
وعلي كلساع واكوم ادرعلي زيج
تعبي بان... عيوني حمره من البچي ماتستراح
ومن اشوف النار كوه ابلع الريج

لحد يكلي عله عمتي شلونهـه
شافت الما شافته بعيونهـه
محدبه امن تطيح ماتكدر تكوم
شلون فوك الناكة ويصعدونهـه؟


تميل من كد التعب لومرها ريح
زينب يكومونها وترجع تطيح


000000000000000
زين العابدين الحلفي

بما أنو أحنه على أبواب محرم
السيدة زينب العضيمة عليها السلام

( العالمة غير المعلمة ) بس لاتنسون هاي
وبس

( شاخ الگلب )

يافي هلي الچانو ألي سد من العيون
شبحة الوجه من اللطم مابيهَ ضل لون
من الجفن كضني التعب وتربع ربوع!
مر التعب حدر الجفن مر ..اليموتون

مر بيه موتي..لحگو عليه
مو حلوه وحدي..أمشي لمنيه

عله زينب واويلاه
عله زينب واويلاه

**

أيموت بالشام وعلي الماعندة أخو ويا
لو گلبي يتفصل شعر...... چا صحتو...الله
لو موت باچر حسرتي ياهوه إلها!!
وياهو اليشيل جنازتي ويصيح أحاااااه

ياهوه!! ألها..باچر حسرتي
لوحته أموتن..ماتگضي علتي

عله زينب واويلاه
عله زينب واويلاه

**

حن الگلب كلش وزة وهاذ أخر ...وداع
لامن نعي ردكم ألي لاردكم صواع
حزن الحزن شيبته گدما سولف.... هّم
ليش الوكت يمكم گضه من ساعه لبساع

مو بس نحيلة..مگضية زينب
ياهي مثلي..گضتها تنحب

عله زينب واويلاه
عله زينب واويلاه

**

شاخ الگلب من البچي وضل ينعه مشتاگ
ليمت هلي يردون ألي ونتعوذه الفراگ
خنگة أعله رجفة أعله عتب.. متحمل هواي💔
لو گلبي طگ هاذا تره من الهضم طاگ

ماحيله يحمل..هچي نوايب
گلبي أعله گدي..وشاف العجاب

عله زينب واويلاه
عله زينب واويلاه

0000000000000000
زين العابدين الحلفي

أعتذر لكل شخص وصلته أي رسائل أو منشورات غير لائقة من حسابي.
الكل تعرف التلكرام هل فترة هواي جاي ينسرق، تم اختراق الحساب أو استُخدم دون علمي، وما نُشر لا يمثلني إطلاقًا. أرجو من الجميع تجاهل أي محتوى سابق قد سبب إساءة أو إزعاجًا،
وأشكركم على تفهمكم.

بعثرة الأنتضار.
(أنتو عيوني)


تانيتكم.
ملگة متاناكم تعبتني
غوش.... درب الما بي جيتو
حدما شوفي صار رماد

تانيتكم.
بلكت من فرگاكم ملگة
عادك ما أايس من... عدكم!
ويفرفح گلبي الماهاد.

أنتو عيوني، وهاي عيوني.
يبچن. يومية على الباب
شچم.. غصة أتخيلكم بيههاا
يل تٌرّستو الدرب تراب

هاي عيوني، تبچي وتنحب
ما عودتوها أعله فراگ
البي حنية وبيك يجاافي.
راح يكتلك. من تشتاگ

**

تانيتكم.
بس متاناكم يستاهل
لو بيدي أصلب روحي متانه.
وكتب چا يمته تحنوون

تانيتكم.
وتأخرتو وگلبي يسولف
چا هيج تجازون... الحبكم؟
لوصاير شي وتگطعون.

أا ياگلبي، الحبك عافك
ومگطوعة أخبااار الي تحبهم.
من تشتاگ تحسر بلكت
..طيف يمروك.. وعـاتبهم

اي ياگلبي، هس تعود
عالفرگة وضيم الما يخلص.
لو تذكر منك راحو
أصفن وتذكرهم وانغص

**

تانيتكم.
وأنتم تدرون متاناكم
ماخذ عگلي وروحي وفكري.
بس عايف گلبي لملچوم

تانيتكم.
چم حسبة توديني ولوعه
كلما أذكر.. جافيني
...گلبي يگلي أنتضري اليوم.

هاي الفرگة، وهاي الدنية
بيك تودي... وبيك. تجيب
من تذكر راحو وتحن
أهناا راح أيوازيك الشيب.

تبقه البلكت، بيك تورث
وأنت بلا بلكت تعبان.
عايش عل يا الله ويمته
وتالي تموت من الحرمان

**

تانيتكم.
ومتاناكم حيل يتعب
لو هين چا هان.. وخفف
من النوح ومن الهم.

تانيتكم.
كل نسمه تمر تفززني!
من. عدكم... أتخيل هبت
واگعد بيها شگد أشتم

چا غير أنه، اليتحبوني
ما. معقولة أبقى. بلا حل
تعبانه بگد لوعة روحي
التنشد يومية وتسأل.

ها مرولج، ها مامرو؟
ياروحي وچا بيدچ شي
الما ترضة عيوني تفارگهم
أفطن يوميه وابجي.


0000000000000000
وين العابدين الحلفي



لن يموت الأنتضار في داخلي،
حتى وإن طال الغياب،
سأبقى أُحدّق في الطريق كأن العودة ممكنة،
وأخفي وجعي عن عيني،
فبعض الغياب لا يُبكي القلب لأنه طال،
بل لأنه جعل الانتظار آخر ما تبقّى لنا.