⚡Вольга Саладуха абрана на пасаду першай віцэ-прэзідэнткі Федэрацыі лёгкай атлетыкі Украіны!

Вольга — украінская чэмпіёнка свету і Еўропы па лёгкай атлетыцы і народная дэпутатка Вярхоўнай рады Украіны. Беларускі фонд спартыўнай салідарнасці з гонарам супрацоўнічае з Вольгай у розных ініцыятывах і праектах, каб разам дапамагаць украінскім і вольным беларускім атлетам.

Учора, 9 чэрвеня, у Івана-Франкоўску на пасаду віцэ-прэзідэнткі ФЛАУ была абрана Вольга Саладуха. Таксама ёй даручылі выконваць абявязкі кіраўніка ФЛАУ да наступнай справаздачна-выбарчай канферэнцыі, дзе будзе абраны прэзідэнт арганізацыі. Вось як Вольга каментуе сваё дасягненне:

🗣Гэта вялікі гонар і вялікая адказнасць. Я буду вартая гэтага выбару. Мой вопыт спартоўкі і народнай дэпутаткі дапаможа мне працаваць максімальна якасна і вынікова.

Ад імя Беларускага фонду спартыўнай салідарнасці мы віншуем Вольгу з перамогай і зычым ёй выдатнай працы, вялізных вынікаў і новых дасягненняў!❤️

Facebook | YouTube | Instagram | Twitter | Падтрымаць фонд

🕯На вайне загінуў заслужаны трэнер Украіны Ігар Асьмак.

Пра гэта паведаміла Федэрацыя лёгкай атлетыкі Украіны:

🗣Ён абараняў нашу краіну з траўня, быў на Усходзе, на перадавой. Ігару Мікалаевічу было 57 гадоў, ён меў званне майстра спорту міжнароднага класа. Ігар Асьмак сябраваў з шматлікімі спартоўцамі і трэнерамі. Спачывай з мірам, герой.

Беларускі фонд спартыўнай салідарнасці выказвае шчырыя спачуванні родным і сябрам загінулага.

✊🏻"Беларусы могуць усё, што яны захочуць"

Вольны спартовец і трэнер па каратэ Віталь Рак распавёў "Белсату" пра свой клуб "Волат", падтрымку з боку BSSF і перспектывы вольнай Беларусі ў спорце:

🗣Пад чырвона-зялёным сцягам мы, зразумела, не хочам выступаць. Да таго ж Беларусь, як і расея, маюць дыскваліфікацыю на міжнароднай арэне. Мой клуб пакуль на стадыі рэгістрацыі. Таму выступаем за Беларускі фонд спартовай салідарнасці, а ён зарэгістраваны ў Эстоніі і мае дамову з федэрацыямі гэтай краіны. Хочацца зрабіць "Волат" такім жа моцным рухам, якім ён быў у Беларусі. І нават мацнейшым.

🗣У кожнай школы свой кодэкс. "Волат" таксама мае свае правілы. Але гэта не нейкі пісаны "кодэкс волатаўца" – гэта звод негалосных правілаў. Першае – нацыянальны грунт: мы беларускі клуб, і ўсведамляем сябе адзінкамі сваёй нацыі. Калі ты выходзіш на татамі, нават калі пад эстонскім сцягам, ты рэпрэзентуеш Беларусь і свой народ. І павінен гэта рабіць годна. Другая рэч – татальны здаровы лад жыцця. Пад забаронаю любыя стымулятары, тытунь, алкаголь і г. д. Далей – стаўленне да працы і ўвогуле да спорту. Калі штосьці робім, павінны рабіць гэта з павагаю да сваёй справы. Не на паўнагі. Калі трэнаванне – адпрацоўваем на 150 %.

🗣Ну, спорт – гэта палітыка. Спорту па-за палітыкай насамрэч няма. Гэта лукашысты кажуць, калі іх прышчучаць недзе, што спорт – па-за палітыкай. Беларусь мае перспектывы, калі яна стане вольнай і пройдуць працэсы дэмакратызацыі ва ўсіх галінах, у тым ліку ў спорце. Таму што беларус – ён нічым не горшы за італьянца, француза ці там японца. Беларусы могуць усё, што яны захочуць. Могуць быць алімпійскімі чэмпіёнамі ў любых відах спорту.

Крыніца: "Белсат"

Facebook | YouTube | Instagram | Twitter | Падтрымаць фонд

🕯На вайне супраць расейскіх акупантаў загінуў футбаліст Вячаслаў Савіцкі.

Пра гэта паведаміў афіцыйны Інстаграм-акаўнт ФК "Кудроўка", за які гуляў хлопец. Вячаславу было ўсяго 25 гадоў.

Трагедыя сталася 8 чэрвеня на Луганшчыне. Вячаслаў абараняў родную краіну з 19 чэрвеня 2022 года ў складзе аэрамабільнага батальёну.

🗣Вячаслаў быў лідарам у спорце, адным з лепшых абаронцаў футбольнага чэмпіянату апошніх гадоў, нязменным абаронцам ФК «Кудраўка». У жыцці ён надзейны, сціплы, спакойны, сапраўдны патрыёт Украіны. Ён быў прыкладам для маладых футбалістаў, як трэба любіць гульню. Ён таксама быў прыкладам у служэнні свайму народу і нашай краіне.

Беларускі фонд спартыўнай салідарнасці выказвае шчырыя спачуванні блізкім і родным загінулага.

Героі не паміраюць!🇺🇦

Facebook | YouTube | Instagram | Twitter | Падтрымаць фонд

⚡️Зборная Украіны па пляжным футболе адмовілася ад удзелу ў адборы да ЧС з-за допуску зборнай Беларусі.

Асацыяцыя пляжнага футболу Украіны зрабіла афіцыйную заяву ў сувязі з допускам Беларусі да ўдзелу ў адборы да чэмпіянату свету:

🗣Перад працэдурай лёсавання Міжнародная федэрацыя пляжнага футбола (нягледзячы на афіцыйныя лісты з гэтай нагоды ад АПФУ і УАФ) вярнула ў спіс каманд-удзельніц Беларусь, якая патрапіла ў групу D. Асацыяцыя пляжнага футбола Украіны і Украінская асацыяцыя футбола ў чарговы раз адправілі афіцыйныя лісты ў FIFA і BSWW, у якіх падкрэсліваецца, што зараз ёсць загад Міністэрства моладзі і спорту Украіны, у якім забараняецца нашым нацыянальным зборным прымаць удзел у спаборніцтвах, калі да іх дапушчаныя каманды з расеі ці Беларусі.

🗣Таму зборная Украіны па пляжным футболе адмаўляецца прымаць удзел у еўрапейскім адборы ў ЧС-2023 у Баку. Цяпер ёсць некалькі дружалюбных краін, якія падтрымліваюць імкненне Украіны па адхіленні Беларусі ад гэтага турніру.

Крыніца: Асацыяцыя пляжнага футбола Украіны

Facebook | YouTube | Instagram | Twitter | Падтрымаць фонд

🔥"Кельцэ" беларускага гандбаліста Арцёма Каралька перамог ПСЖ з лікам 25:24 і выйшаў у фінал Лігі чэмпіёнаў🔥

Беларус прынёс клубу 5 мячоў і паставіў блокшот на апошніх секундах матчу, нягледзячы на тое, што яго ўдзел быў пад пытаннем праз траўму. Вось як ён каментуе выхад клубу ў фінал Лігі чэмпіёнаў:

🗣Калі ты гуляеш у паўфінале Лігі чэмпіёнаў, на арэне з дваццаццю тысячамі балельшчыкаў, калі ты ведаеш, колькі заўзятараў прыехала з намі з Кельцэ, і ты бачыш, колькі людзей у жоўтых футболках, болю няма, ты не адчуваеш яго.

🗣Вы проста змагаецеся і робіце ўсё магчымае, каб перамагчы. У кожным "фінале чатырох" бываюць сюрпрызы, таму перад матчам з "Магдэбургам" трэба захоўваць спакой.

Арцём Каралёк яшчэ ў 2020 годзе падтрымаў беларускі народ, а ў 2022 — выказваўся супраць вайны ў падтрымку Украіны. Віншуем сумленнага спартоўца і яго клуб з перамогай і зычым поспехаў у фінале!✊

Facebook | YouTube | Instagram | Twitter | Падтрымаць фонд

🕯На вайне з расейскімі захопнікамі загінуў чэмпіён Украіны па кікбоксінгу Максім Бордусь.

Пра гэта паведаміў сайт Спартыўнага камітэту Украіны "Анёлы спорту", на якім пішуць пра загінуўшых падчас вайны спартоўцаў.

Максім быў чэмпіёнам Украіны па кікбоксінгу WAKO, а таксама пераможцай і прызёрам дзясяткаў турніраў.

11 чэрвеня, абараняючы Радзіму ад акупантаў, Максім аддаў сваё жыццё на Запарожскім напрамку.

🗣 Пасля двухмесячнай падрыхтоўкі ён разам са сваім падраздзяленнем накіраваўся на Запарожскі напрамак з задачай наступальных дзеянняў. Але... на жаль, гэта быў апошні напрамак у яго жыцці. Пры выкананні баявога задання Максім загінуў ад варожага снарада.

Беларускі фонд спартыўнай салідарнасці выказвае шчырыя спачуванні блізкім загінулага.

🇺🇦Героі не паміраюць!

Facebook | YouTube | Instagram | Twitter | Падтрымаць фонд

❗️Камітэт па этыцы МАК праверыць Ісінбаеву, Тарпішчава і іншых на датычнасць да падтрымкі вайны ва Украіне.

Прэс-сакратар Міжнароднага алімпійскага камітэта Марк Адамс паведаміў аб праверцы расейскіх членаў МАК Алены Ісінбаевай і Шаміля Тарпішчава на датычнасць да ўзброеных сіл рф.

Гэта адбылося пасля пытання журналіста Tribuna.com Канстанціна Варварыка адносна членаў МАК з рф.

🗣Каб пазбегнуць прымянення розных падыходаў да спартсменаў і афіцыйных асоб з Расіі і членаў МАК з гэтай краіны, камісія па этыцы МАК паведаміла, што дзве ўмовы з рэкамендацый МАК могуць прымяняцца да членаў арганізацыі.

🗣Першы — актыўная падтрымка вайны, другі — кантрактныя абавязкі з вайсковымі структурамі ці службамі дзяржаховы. Сітуацыя з адпаведнымі членамі МАК будзе разглядацца толькі з моманту ўварвання 24 лютага 2022 года.

🗣Не ўлічваецца становішча спартсменаў перад пачаткам вайны. Гэта кіруючыя прынцыпы, якія будуць прымяняцца да цяперашніх і ганаровых членаў МАК. У цяперашні час праводзіцца ўся неабходная работа, якую ацэніць камісія па этыцы.

Крыніца: IOC Media

Facebook | YouTube | Instagram | Twitter | Падтрымаць фонд

✊🏻Беларускі фонд спартыўнай салідарнасці віншуе з Міжнародным алімпійскім днём!

Гэты дзень нагадвае нам пра сапраўдныя алімпійскія каштоўнасці — справядлівасць, павагу, сумленнасць і мір.

🇺🇦 У гэты дзень мы яшчэ раз хочам выказаць сваю падтрымку Украіне. Украінскія атлеты працягваюць увасабляць ідэалы алімпізму, ваюючы не толькі на арэне, але і абараняючы сваю краіну ад захопнікаў. Іх упартасць і адданасць натхняюць нас усіх і мы верым у сілу і здольнасць украінскага народу пераадолець усе перашкоды.

✊ Мы не можам не ўзгадаць пра беларускіх вольных спартоўцаў, якія знайшлі ў сабе сілы выйсці супраць дыктатуры і падтрымаць свой народ, нягледзячы на ўсе цяжкасці і жахі. Мы захапляемся іх мужнасцю і працягваем падтрымліваць іх у барацьбе за свабоду і справядлівасць.

Давайце памятаць пра тое, што спорт — гэта не толькі пра фізічную моц, але і пра моц духу, пра свабоду і салідарнасць. І калі кожны будзе імкнуцца да сапраўдных алімпійскіх прынцыпаў, мы разам зможам змяніць сусветны спорт у лепшы бок!

Facebook | YouTube | Instagram | Twitter | Падтрымаць фонд

"Быць Алімпійцам для мяне — гэта штосьці большае, чым быць проста спартоўцам"

Вольная спартоўка Кацярына Сныціна з нагоды Міжнароднага алімпійскага дня звярнулася да спартоўцаў, якія прамаўчалі ў 2020-м і падтрымалі дыктатуру:

🗣Еўрабаскеты, Чэмпіянаты свету, кваліфікацыі змешваюцца ў адно, а эмоцыі ад удзелу ў Алімпійскіх гульнях заўсёды стаяць асобна, дзесьці вышэй за ўсё астатняе.

🗣Ты адзін з самых лепшых атлетаў у свеце, стаіш на адкрыцці Алімпіяды ўнутры 80.000 арэны, выступаеш, ведаючы, што краіна прачнулася па сярэдзіне ночы, каб глядзець гульні нацыянальнай каманды з Пекіна і Рыа, выкладваешся на 110% — незабыўныя эмоцыі, якія даюць энергію для далейшай кар'еры.

🗣Алімпіяда ў Парыжы не за гарамі, кваліфікацыі ў баскетболе ўжо пачаліся, гэтымі днямі праходзіць Чэмпіянат Еўропы, дзе каманды з другога па шостае месца маюць правы адбірацца на АГ.

🗣Чытаць выказванні чыноўнікаў аб тым, што з нядопускам расейскіх і беларускіх спартоўцаў у выніку губляе толькі міжнародны спартыўны свет, смешна. Людзі, якія вінавацяць усіх вакол у сваіх праблемах акрамя сябе, — слабыя людзі.

🗣Спартоўцы, якія абралі маўчаць альбо падтрымліваць дыктатара, не забывайце, адкуль РЭАЛЬНА ўсе вашыя цяперашнія праблемы. Гэта не выдуманы вораг з-за мяжы. Людзі, якія загубілі вашыя надзеі на Алімпіяду, знаходзяцца ўнутры краіны, побач з вамі, дзякуючы вам.

Facebook | YouTube | Instagram | Twitter | Падтрымаць фонд

"Тым, хто крытыкуе беларусаў, трэба пагугліць, каб зразумець, што адбываецца ў Беларусі"

Украінская хакеістка на траве Яўгенія Керноз, якая гуляла шесць гадоў у Беларусі і была капітанам каманды "Мінск", выказала сваё меркаванне наконт прастэстаў у Беларусі:

🗣Я думала, што ў Беларусі прыслухаюцца да народа, а як інакш? Ва Украіне меркаванне людзей важнае, да яго прыслухоўваюцца. І я не разумею, як можна па-іншаму. Прэзідэнт — гэта ж чалавек, якога калісьці выбіралі людзі, і ён павінен лічыцца з меркаваннем народа. Таму мы былі ўпэўненыя, што ў беларусаў усё атрымаецца. Але тое, чым у выніку ўсё абярнулася, гэтым кровапраліццем, усё гэта вельмі страшна. І мы не чакалі, што лукашэнка будзе абыходзіцца з народам настолькі жорстка. Але сваю ўладу ён гатовы ўтрымліваць любой цаной.

🗣Мне падаецца, украінцам атрымалася змяніць уладу, таму што мы вельмі нецярплівыя да несправядлівасці. І калі да нас прымяніць сілу, то ў адказ народ Украіны таксама адкажа сілай. Яшчэ можна сказаць, што ў лукашэнкі больш моцная падтрымка з боку расеі, чым было ў свой час у Віктара Януковіча. Януковіч убачыў, што не зможа пайсці супраць народа, што расея яго не падтрымлівае так, як ён хоча, таму проста зліняў і недзе жыве зараз. А лукашэнка замацаваўся максімальна на сваёй пасадзе, бо адчувае за сваёй спіной расею. Думаю, праз гэта беларусы і не змаглі перамагчы. Хаця, паўтаруся, я бачу, які гэта выдатны народ, як ён умее аб'ядноўвацца і ісці да сваёй мэты. Спадзяюся, у беларусаў усё атрымаецца.

Інтэрв'ю Яўгеніі цалкам можна прачытаць на "Трыбуне" па спасылцы ⬅️

Facebook | YouTube | Instagram | Twitter | Падтрымаць фонд

🔥Вольны спартовец Сцяпан Шпак заваяваў срэбра на чэмпіянаце Украіны па водным лыжам!🔥

Чэмпіянат праходзіў 23-25 чэрвеня, Сцяпан узяў удзел у спаборніцтвах пад белым сцягам міжнароднай федэрацыі:

🗣У сувязі з ваенным становішчам і забаронай аб выхадзе на ваду, удзельнікаў было н вельмі шмат. Але вельмі годныя вынікі паказалі ўкраінскія спартоўцы. Што тычыцца мяне, гэта быў мой першы старт за 2 гады. Але нягледзячы на гэта, я паказаў вынікі вышэй сярэдняга, заняў другое месца, чым вельмі задаволены.

🗣Маёй мэтай было паказаць вынікі вышэй за спаборніцтвы паміж РБ і рф, і ў мяне гэта атрымалася. На гэтым "кубке садружнасці" я б заняў першыя месцы ва ўсіх відах.

🗣Я вельмі рады, што атрымалася правесці чэмпіянат Украіны ўпершыню за два гады. З моманту, калі пачалася вайна, гэта былі першыя спаборніцтвы, якія правялі ў нас у Дняпры. Выступаў я пад белым сцягам, бо для выступаў трэба змяніць федэрацыю. Зараз у мяне бан на два гады ад міжнароднай федэрацыі, але я магу выступаць пад белым сцягам на не-тытульных спаборніцтвах.

Віншуем сумленнага спартоўца з цудоўным вынікам і зычым новых перамог наперадзе!

Facebook | YouTube | Instagram | Twitter | Падтрымаць фонд