🔥Вольны спартовец Сцяпан Шпак заваяваў срэбра на чэмпіянаце Украіны па водным лыжам!🔥

Чэмпіянат праходзіў 23-25 чэрвеня, Сцяпан узяў удзел у спаборніцтвах пад белым сцягам міжнароднай федэрацыі:

🗣У сувязі з ваенным становішчам і забаронай аб выхадзе на ваду, удзельнікаў было н вельмі шмат. Але вельмі годныя вынікі паказалі ўкраінскія спартоўцы. Што тычыцца мяне, гэта быў мой першы старт за 2 гады. Але нягледзячы на гэта, я паказаў вынікі вышэй сярэдняга, заняў другое месца, чым вельмі задаволены.

🗣Маёй мэтай было паказаць вынікі вышэй за спаборніцтвы паміж РБ і рф, і ў мяне гэта атрымалася. На гэтым "кубке садружнасці" я б заняў першыя месцы ва ўсіх відах.

🗣Я вельмі рады, што атрымалася правесці чэмпіянат Украіны ўпершыню за два гады. З моманту, калі пачалася вайна, гэта былі першыя спаборніцтвы, якія правялі ў нас у Дняпры. Выступаў я пад белым сцягам, бо для выступаў трэба змяніць федэрацыю. Зараз у мяне бан на два гады ад міжнароднай федэрацыі, але я магу выступаць пад белым сцягам на не-тытульных спаборніцтвах.

Віншуем сумленнага спартоўца з цудоўным вынікам і зычым новых перамог наперадзе!

Facebook | YouTube | Instagram | Twitter | Падтрымаць фонд

Беларускі валейбаліст Артур Удрыс распавёў пра стаўленне беларускіх чыноўнікаў да спартоўцаў і іх дакоры наконт грошай:

🗣Ад чыноўнікаў чуць пра "вялікія грошы", вядома, дзіўна — усё ж яны самі нядрэнна зарабляюць. Мне здаецца, так кажуць, таму што дзяржава сапраўды не ў стане забяспечыць спартоўцаў тымі ўмовамі, якія тыя маглі б атрымаць у іншых краінах, таму даводзіцца ім унушаць, што за грошы гуляць сорамна, каб атлеты нікуды не ўцяклі.

🗣У нацыянальнай зборнай у маю бытнасць не было цвёрдай ідэалогіі. Хаця амаль перад кожным сур'ёзным матчам праскоквала: "Трэба, трэба! Не падвядзіце". Ад чыноўнікаў і галоўнага трэнера. Усе спакойна рэагавалі. Успрымалі як звыклы фон. Верагодна, гэта быў проста працяг дзяржаўнай рыторыкі, а можа, вынік таго, што ў зборнай мала плацілі, а камусьці не плацілі зусім. Раней на стаўцы былі 7 чалавек з 14 (максімальная колькасць гульцоў у заяўцы на матч), якія атрымлівалі ў раёне двухсот долараў за месяц.

🗣Клубныя трэнеры ў Беларусі таксама часам "матывавалі". Як толькі мы пачыналі прайграваць, трэнеры прад'яўлялі: "Вы хоць ведаеце, колькі яны (іншая каманда) тамака зарабляюць?! Вы павінны выйграваць!"

🗣За мяжой ніколі не чуў, каб такое казалі адкрыта. Так, бывалі выпадкі, калі заяўлялі, што "мы вам далі ўмовы, плацім заробак своечасова — зараз час аддзячыць нас сваёй гульнёй". Вядома, дзіўна выстаўляць факт своечасовага заробку як жэст добрай волі (бо гэта ўмова кантракту), але да такіх размоваў ставіўся нармальна.

Крыніца: "Зеркало"

Facebook | YouTube | Instagram | Twitter | Падтрымаць фонд

⚡️Расею пазбавілі права правядзення жаночага чэмпіянату па гандболе ў 2026 годзе.

Пра гэта паведаміла Еўрапейская федэрацыя гандболу:

🗣У цэнтры ўвагі была сітуацыя з жаночым Еўра-2026, які ў лістападзе 2021 года атрымала расея. Пасля пасяджэння выканкама былі праведзены кансультацыі з Федэрацыяй гандбола расеіі і прынята рашэнне аб пошуку альтэрнатыўнага месца правядзення турніру.

Крыніца: EHF

Facebook | YouTube | Instagram | Twitter | Падтрымаць фонд

🔥Украінскія маладыя атлеты Вінніцы і Львова атрымалі новую экіпіроўку ад НАК Эстоніі🔥

Беларускі фонд спартыўнай салідарнасці разам з дабрачынным фондам Вольгі Саладухі пры падтрымцы Нацыянальнага алімпійскага камітэту Эстоніі перадалі юным спартоўцам Вінніцы і Львова новую экіпіроўку ад Nike.

Экіпіроўка была перададзена прадстаўнікам Фонду ў траўні ў Таліне, падчас міжнароднай спартыўнай канферэнцыі "Athletes for Peace and Freedom".

Сустрэчы з маладымі атлетамі Львова і Вінніцы прайшлі 5 і 6 ліпеня ва ўкраінскіх гарадах. Вось як каментуе падзею народная дэпутатка Украіны, славутая лёгкаатлетка Вольга Саладуха:

🗣Упэўнена, што сярод тых, з кім я сёння размаўляла, ёсць будучыя чэмпіёны і рэкардсмены. У гэты цяжкі час важна быць салідарнымі з нашымі дзецьмі і юнымі спартоўцамі. Разам мы пераадолеем усе цяжкасці, разам пераможам, разам адбудуем украінскі спорт.

Беларускі фонд спартыўнай салідарнасці выказвае шчырую падзяку НАК Эстоніі, прэзідэнту камітэта Урмасу Сыырумаа, генсакратару Сіму Суклесу, кампаніі Nike, фонду "Дабрачынныя ініцыятывы Вольгі Саладухі", а таксама ўсім сябрам і партнёрам.

Facebook | YouTube | Instagram | Twitter | Падтрымаць фонд

✊🏻Пратэстанцкі пастар адправіўся ў велапрабег даўжынёй 1000 км уздоўж мяжы Беларусі ў падтрымку палітвязняў.

Сёння раніцай, 9 ліпеня, Тарас Целькоўскі пачаў велазаезд у падтрымку беларускіх палітвязняў. Ён плануе праехаць 1000 кіламетраў праз Латвію, Літву і Польшчу ўздоўж граніцы Беларусі.

🗣Шмат у чым гэта абсалютна ірацыянальнае рашэнне. Я разумею, што калі з аднаго боку людзі ваююць, а з другога боку сілавым спосабам прыгнятаюць сваё ўласнае насельніцтва, наўрад ці хлопец, які едзе на ровары, зменіць лёс людзей, якія зараз сядзяць у турмах. Тым не менш, мяне рухае па жыцці вера, а не прагматызм. Я лічу, што трэба рабіць нейкія правільныя рэчы, нават калі ты бачыш, што ў моманце ніякага адчувальнага выніку не можаш дасягнуць. Для мяне правільна зараз праяўляць салідарнасць і спагаду да сваякоў палітвязняў і да саміх палітвязняў. Магчыма, гэта ўмацуе іх.

Таксама Тарас плануе сабраць сродкі для падтрымкі сям'і аднаго з палітзняволеных — яго жонка была вымушана бегчы ў Польшчу з 2 маленькімі дзецьмі.

Сачыць за велапрабегам Тараса можна праз яго акаўнт у Instagram⬅️

Facebook | YouTube | Instagram | Twitter | Падтрымаць фонд

🔥Беларуская лёгкаатлетка Крысціна Ціманоўская ўстанавіла асабісты рэкорд на турніры ў Варшаве!

Дыстанцыю 200 метраў Крысціна пераадолела за 22,75 секунды — гэта ўсяго на 0,07 секунд меньш за нацыянальны рэкорд Беларусі, які ўстанавіла Наталля Сафроннікава ў 2001 годзе.

Сто метраў Крысціна прабегла за 11,16 секунд.

Пра новае дасягненне спартоўка паведаміла ў сваім Instagram:

🗣І хто там у Беларусі на мне крыж ставіў і пагражаў канцом кар'еры?) Зараз пагаворым?

Віншуем Крысціну з выдатным вынікам і зачым дасягнення новых вышынь!

Facebook | YouTube | Instagram | Twitter | Падтрымаць фонд

✊🏻Беларуская лёгкаатлетка Крысціна Ціманоўская звярнулася да рэжымных прапагандыстаў, якія абражалі яе і прадракалі закат кар'еры.

Пакуль рэжымныя аўтары намагаюцца паставіць крыж на кар'еры сумленнай спартоўкі, Крысціна паспяхова выступае на турнірах і нават паставіла асабісты рэкорд на дыстанцыі 200 метраў. Вось што яна адказала прапагандыстам:

🗣А гэта я называю не ўрыла, а закапала! Так, усялякія там азаронкі ды анучы вусатага? Нешта крыж, які вы ставіце на мне вось ужо другі год, ніяк не працуе. Цікава, што ў гэты раз напішаце? Мабыць, "рэзультаты былі намаляваныя"? Вось і тэму вам прыдумала, таму ваш бедны мозг не давядзецца напружваць. Падзяк не трэба.

🗣У мяне шмат падпісчыкаў з іншых краін і я ведаю, што вам гэта можа падацца дзікасцю! Так і ёсць: у Беларусі ўсё яшчэ пануе дыктатура і хлусня, як бачыце на маім прыкладзе (не трэба далёка хадзіць)! Усюды на мне паставілі крыж, пішуць незразумела што, па тэлебачанні кажуць (не могуць забыць). А можа, проста локці кусаюць, што страцілі. З усяго гэтага крынжа мне шкада толькі тых людзей, якія гэта чытаюць і дэградуюць. Я проста разумею, што на такіх людзях будучыню Беларусі не пабудаваць, таму што яны ні на што не здольныя. Гэтыя людзі іншага свету не бачылі. Шчыра шкада іх.

Таксама Крысціна звярнулася да тых, хто піша ёй абразлівыя каментары:

🗣Калі ёсць яйкі, я вызываю аўтара ў эфір. Абмяркуем мой закат кар'еры.

А мы зычым сумленнай атлетке больш выдатных вынікаў і поспехаў на яе спартовым шляху!

Facebook | YouTube | Instagram | Twitter | Падтрымаць фонд

🔥Майстар-клас па тайскім боксе ад Віталя Гуркова ў Кіеве🔥

15 ліпеня шматразовы чэмпіён па тайскім боксе і кікбоксінгу, вольны спартовец Віталь Гуркоў правядзе майстар-клас у сценах клубу SPARTABOX сумесна з клубам Slavia-Skif.

Семінар пройдзе на дабрачыннай аснове, дзе 50% ад продажу квіткоў пойдзе на зборы для Узброеных сіл Украіны. Кошт удзелу — 500 грн.

🗓 15 ліпеня
⏰ 12:00
📍Вул. Олександра Довженка, 3

❗️Колькасць квіткоў абмежаваная.

Набыць іх можна па тэлефоне + 38 (093) 170 06 61
Альбо праз direct-паведамленні па спасылцы ⬅️

Facebook | YouTube | Instagram | Twitter | Падтрымаць фонд

⚡️Алімпійскі камітэт Чэхіі ўхваліў рэкамендацыі для допуску спартоўцаў з Беларусі і рф да спаборніцтваў. Асноўны крытэрый — антываенная дэкларацыя.

НАК Чэхіі выступіў супраць удзелу расейскіх і беларускіх спартоўцаў на Алімпійскіх гульнях. Аднак асобныя спартоўцы могуць стартаваць пад нейтральным сцягам, калі падпішуць антываенную дэкларацыю. Яе распрацавала экспертная група Алімпійскага камітэта Чэхіі на чале з Міхаэлем Жантоўскім.

💬У адпаведнасці з мэтай садзейнічання мірнаму грамадству, як гэта вызначана ў другім фундаментальным прынцыпе алімпізму Алімпійскай хартыі, я ўрачыста заяўляю, што не ўдзельнічаю, не падтрымліваю, не апраўдваю і не ўхваляю любыя акты агрэсіі супраць суверэнітэту і тэрытарыяльнай цэласнасці дзяржавы-члена ААН іншай краінай.

Вось што заяўляе НАК Чэхіі:

🔺Удзел рф і Беларусі ў Алімпіядзе-2024 у Парыжы недапушчальны падчас агрэсіі супраць Украіны.

🔺Удзел камандаў, якія прадстаўляюць рф і Беларусь, у Алімпіядзе-2024 у Парыжы недапушчальны падчас агрэсіі супраць Украіны.

🔺Удзел у Алімпіядзе-2024 у Парыжы спартоўцаў і афіцыйных асобаў рф і Беларусі, якія знаходзяцца ў дагаворных адносінах з ваеннымі або сілавымі структурамі абедзвюх краін, недапушчальны падчас агрэсіі супраць Украіны.

🔺Удзел асобных спартоўцаў з пашпартам рф або Беларусі, якія не ахоплены пунктам 3 на Алімпіядзе 2024 г. у Парыжы пад нейтральным сцягам і без спасылкі на краіну іх паходжання дапускаецца толькі пры ўмове падпісання статутнай дэкларацыі аб адназначным непрыняцці агрэсіі супраць суверэнітэту і тэрытарыяльнай цэласнасці дзяржавы-члена ААН.

Нагадаем, што Беларускі фонд спартыўнай салідарнасці яшчэ ў траўні 2023 года распрацаваў прапановы крытэрыяў допуску атлетаў з рф і Беларусі, якія былі накіраваны МАК, Нацянальным алімпійскім камітэтам і спартыўным федэрацыям.

Мы вітаем рашэнне Алімпійскага камітэта Чэхіі і працягваем нашу працу, каб сучасны спорт цалкам адпавядаў сапраўдным агульначалавечым каштоўнасцям.

❗️"Калі хтосьці з расейцаў паспрабуе абысці ўмовы допуску, МАК можа цалкам забраць магчымасць іх удзелу ў Алімпіядзе"

Украінская лёгкаатлетка і падпісантка Антываеннай дэкларацыі спартоўцаў Ганна Рыжыкова сустрэлася з Томасам Бахам і паразмаўляла наконт удзелу спартоўцаў з рф і Беларусі у Алімпіядзе-2024:

🗣Томас Бах сказаў, што ведае нашу пазіцыю, а потым агучыў, што рашэнне наконт допуску расейцаў і беларусаў яшчэ не прынята. Яны распрацоўваюць розныя варыянты і механізмы, як дапусціць некалькі нейтральных атлетаў і цалкам выключыць магчымасць дэманстраваць сцяг, гімн і прыналежнасць да іх краіны.

🗣Ён не выключае магчымасці цалкам адхіліць іх, але ўсё будзе залежыць ад дзеянняў расейцаў. Але зараз яны настроены ўстанавіць умовы допуску. Калі хтосьці паспрабуе абысці іх, МАК можа цалкам забраць магчымасць іх удзелу ў Алімпіядзе"

🗣Гледачам таксама забаронена мець сімволіку рф і Беларусі. Камандам удзел забаронен, толькі індывідуальныя атлеты могуць прэтэндаваць на статус нейтральных. Наша задача — працягваць размаўляць з іншымі атлетамі, журналістамі, хапляцца за магчымасць распавесці пра ўплыў вайны на жыццё атлетаў і наш спорт.

Крыніца: Федерація легкої атлетики України

Facebook | YouTube | Instagram | Twitter | Падтрымаць фонд