🔥Эстонія разам з Украінай🔥

31 траўня прайшло ўручэнне спартыўнай экіпіроўкі, якую перадаў НАК Эстоніі для падтрымкі ўкраінскіх маладых атлетаў, выхаванцам Алімпійскага каледжу імя Івана Паддубнага ў г. Кіеў. Таксама пазней экіпіроўку атрымаюць сотні юных атлетаў у розных куточках Украіны.

Урмас Сыырумаа, прэзідэнт Нацыянальнага алімпійскага камітэту Эстоніі, пракаментаваў гэты жэст:

🗣Мы павінны дапамагаць Украіне ў сітуацыі, калі яны сапраўды цаной уласнага жыцця даюць нам [Эстоніі] адчуванне бяспекі. Усё, што мы можам зрабіць, каб ім дапамагчы, нам трэба зрабіць!

BSSF выказвае асаблівую падзяку НАК Эстоніі, прэзідэнту камітэта Урмасу Сыырумаа, генеральнаму сакратару камітэта Сііму Суклесу, кампаніі Nike, фонду "Дабрачынныя ініцыятывы Вольгі Саладухі", а таксама ўсім сябрам і партнёрам.

Facebook | YouTube | Instagram | Twitter | Падтрымаць фонд

🥉Беларуская лёгкаатлетка Крысціна Ціманоўская заваявала бронзу на турніры Continental Tour Silver!

Зараз Крысціна выступае за зборную Польшчы, стомятроўку яна прабегла з вынікам 11.20. Па словах Крысціны, гэта найлепшы яе вынік за апошнія 4 гады🔥

Гэта шосты медаль Крысціны з пачатку спартыўных выступаў у Польшчы. Агулам у спартоўкі ўжо 3 золата, 2 срэбра, а зараз яшчэ і 1 бронза.

Віншуем атлетку з выдатным вынікам і новым дасягненнем і зычым поспехаў на наступных спаборніцтвах!

Facebook | YouTube | Instagram | Twitter | Падтрымаць фонд

⚡️Французскае выданне "20 Minutes", якое цалкам асвятляе тэнісны чэмпіянат Ролан Гарос-2023, апублікавала вялікі матэрыял пра сувязь Арыны Сабаленкі з лукашэнкам, падтрымку дыктатуры і яе адносіны да вайны ва Украіне, а таксама ўзгадала рух вольных спартоўцаў.

"Як можа патэнцыйны нумар 1 у свеце тэніса падтрымліваць дыктатара?" — пытае журналіст выдання ў Сабаленкі, на што атрымлівае "няёмкае маўчанне".

"20 Minutes" таксама звярнуліся да кіраўніка міжнароднага дэпартаменту BSSF Анатоля Котава за каментаром наконт Сабаленкі і яе адносін да крывавага дыктатара:

🗣Ведаючы аб тым, што ў руках лукашэнкі другая ракетка свету, ён не прапускае магчымасці выдзеліць "сваю любімую цацку". Усе яе перамогі выкарыстоўваюцца лукашэнкам, які дасылае ёй лісты з віншаваннем і распавядае пра яе падчас публічных выступаў. Калі б гэта на самой справе хвалявала яе, яна б магла адказаць "спыніцесь, калі ласка". Яна нічым не рызыкавала б, яна вельмі вядомая, каб за яе хвалявацца. Але яна нічога не кажа, а гэта даказвае, што яна на баку лукашэнкі.

🗣Мы бачым, што яна намагаецца прыкрыцца абстрактнымі словамі: усе спартоўцы супраць вайны, я не магу ўплываць на сітуацыю і гэтак далей. Яна не адказвае на прамыя пытанні. Сабаленка нават не залежыць ад Беларусі, увесь год за мяжой, жыве ў Маямі. Чаго яна баіцца ў такім выпадку? Што ў яе канфіскуюць маёмасць ў краіне? Гэта не дастатковая прычына, гэта асабістае. Яна гаворыць, што згодна гуляць у нейтральным статусе, але яна зусім не нейтральна.

Прачытаць матэрыял "20 Minutes" пра Сабаленку і яе паводзіны з прэсай падчас чэмпіянату можна па спасылцы⬅️

Facebook | YouTube | Instagram | Twitter | Падтрымаць фонд

Вольны спартовец, 12-разовы чэмпіён свету па тайскім боксе Віталь Гуркоў распавёў пра грамадскае аб'яднанне "Пагоня", яе структуру і далейшыя накірункі:

🗣Тыя дзеячы, якія пачыналі стварэнне так званага палка "Пагоня", даўно ўжо не ўдзельнічаюць у жыцці і працэсах, якія адбываюцца ўнутры, і ніяк на іх не ўплываюць. Проста ёсць нашы беларусы, якія нясуць службу, ахвяруюць сваім жыццём, рызыкуюць з гонарам і годнасцю.

🗣На гэты момант наша грамадская арганізацыя пашырылася. У нас ёсць чальцы, якія ўжо скончылі свой кантракт, як вайскоўцы. І яны займаюцца валантэрскай дзейнасцю. І абсалютна розныя хлопцы з розных беларускіх падраздзяленняў. Не толькі хлопцы, якія былі ў "Пагоні" і з’яўляюцца вайскоўцамі на гэты момант.

🗣Грамадская арганізацыя ў хуткім часе будзе рухацца асобна – так яно і адбываецца зараз, што грамадская арганізацыя рухаецца асобна ад нейкіх там вайсковых структураў і займаецца падтрымкай нашых хлопцаў. "Нашых" – я маю на ўвазе беларусаў. Не важна хто гэта: "Пагоня", альбо не "Пагоня". У нас ёсць у арганізацыі хлопцы, якія "каліноўцы", ёсць былыя "каліноўцы".

🗣У нас ёсць узаемадзеянне з падраздзяленнямі, дзе нашыя хлопцы праходзяць вайсковую службу. І на запыт вайсковай часткі, альбо на запыт нашых хлопцаў мы афіцыйна можам зрабіць збор на свае рахункі, альбо з дапамогай таго ж Байсолу і будзем надалей працаваць па гэтым. Таксама мы аказваем юрыдычную дапамогу, некаторым хлопцам будзем рабіць віды на жыхарства.

Даведацца падрабязней пра аб'яднанне "Пагоня" і паслухаць поўную размову з Віталём на Радыё Ўнэт можна па спасылцы◀️

Facebook | YouTube | Instagram | Twitter | Падтрымаць фонд

❗️Міжнародная федэрацыя вяслярнага спорту дапусціла спартоўцаў з Беларусі і рф да міжнародных спаборніцтваў у нейтральным статусе.

Гэтае рашэнне прыняў выканаўчы камітэт федэрацыі. Расейцы і беларусы змогуць выступіць на будучым ЧС-2023 у абмежаванай колькасці відаў.

🗣World Rowing верыць у важнасць спорту як унікальнага механізма навядзення мастоў паміж людзьмі нават там, дзе канфліктуюць урады. Выканаўчы камітэт будзе працягваць рашучую падтрымку народа і вяслярнай супольнасці Украіны. Арганізацыя асуджае ўварванне расеі ва Украіну пры падтрымцы Беларусі.

Для допуску будзе праводзіцца праверка даных, каб пераканацца, што спартоўцы не падтрымліваюць вайну ва Украіне публічна ў якой-небудзь форме. Таксама яны пройдуць узмоцнены працэс антыдопінгавага кантролю.

🔥Падапечныя вольнага спартоўца Віталя Рака заваявалі медалі на турніры "Berlin Open 2023" у Нямеччыне🔥

Праз дапамогу Беларускага фонду спартыўнай салідарнасці 3 чэрвеня каманда "Волат" узяла ўдзел у турніры па каратэ "Berlin Open 2023", які сабраў больш за 1000 удзельнікаў з 77 клубаў і 15 краін.

Вось якія вынікі паказала каманда пад кіраўніцтвам Віталя Рака:

🥇Зміцер Каморнік заваяваў золата ў індывідуальным кумітэ сярод хлопцаў 12-13 гадоў у вазе +49 кг.

🥉Арцём Азаркевіч заваяваў бронзу ў індывідуальным кумітэ сярод мужчын 18-20 гадоў у вазе да 67 кг.

Вось што распавядае трэнер Віталь Рак пра турнір:

🗣Узровень турніру быў досыць высокі і канкурэнцыя моцнай, таму мы туды і прыехалі. У афіцыйных ўзроставых групах было даволі шмат прадстаўнікоў нацыянальных сборных, прызёраў топ-турніраў. Усе нашыя спартоўцы правялі шмат паедынкаў з моцнымі і матываванымі сапернікамі, атрымалі жыццёвы і спартовы досвед, сталі мацней як атлеты і як асобы.

🗣На вялікі жаль частка нашай каманды не мела мажлівасці ўзяць удзел у мерапрыемствы праз траўмы і праблемы з дакументамі, але ўмовы ніколі не будуць ідэальнымі і задача кожнага атлета і кожнай каманды — заўжды рабіць ўсё магчымае для перамогі ў тых умовах, якія склаліся, а не чакаць ідэальных. Гэта і ёсць дух, гэта і ёсць наш прынцып!

Віншуем каманду "Волат" з выдатнымі вынікамі і зычым дасягнення новых вышынь!

⚡Вольга Саладуха абрана на пасаду першай віцэ-прэзідэнткі Федэрацыі лёгкай атлетыкі Украіны!

Вольга — украінская чэмпіёнка свету і Еўропы па лёгкай атлетыцы і народная дэпутатка Вярхоўнай рады Украіны. Беларускі фонд спартыўнай салідарнасці з гонарам супрацоўнічае з Вольгай у розных ініцыятывах і праектах, каб разам дапамагаць украінскім і вольным беларускім атлетам.

Учора, 9 чэрвеня, у Івана-Франкоўску на пасаду віцэ-прэзідэнткі ФЛАУ была абрана Вольга Саладуха. Таксама ёй даручылі выконваць абявязкі кіраўніка ФЛАУ да наступнай справаздачна-выбарчай канферэнцыі, дзе будзе абраны прэзідэнт арганізацыі. Вось як Вольга каментуе сваё дасягненне:

🗣Гэта вялікі гонар і вялікая адказнасць. Я буду вартая гэтага выбару. Мой вопыт спартоўкі і народнай дэпутаткі дапаможа мне працаваць максімальна якасна і вынікова.

Ад імя Беларускага фонду спартыўнай салідарнасці мы віншуем Вольгу з перамогай і зычым ёй выдатнай працы, вялізных вынікаў і новых дасягненняў!❤️

Facebook | YouTube | Instagram | Twitter | Падтрымаць фонд

🕯На вайне загінуў заслужаны трэнер Украіны Ігар Асьмак.

Пра гэта паведаміла Федэрацыя лёгкай атлетыкі Украіны:

🗣Ён абараняў нашу краіну з траўня, быў на Усходзе, на перадавой. Ігару Мікалаевічу было 57 гадоў, ён меў званне майстра спорту міжнароднага класа. Ігар Асьмак сябраваў з шматлікімі спартоўцамі і трэнерамі. Спачывай з мірам, герой.

Беларускі фонд спартыўнай салідарнасці выказвае шчырыя спачуванні родным і сябрам загінулага.

✊🏻"Беларусы могуць усё, што яны захочуць"

Вольны спартовец і трэнер па каратэ Віталь Рак распавёў "Белсату" пра свой клуб "Волат", падтрымку з боку BSSF і перспектывы вольнай Беларусі ў спорце:

🗣Пад чырвона-зялёным сцягам мы, зразумела, не хочам выступаць. Да таго ж Беларусь, як і расея, маюць дыскваліфікацыю на міжнароднай арэне. Мой клуб пакуль на стадыі рэгістрацыі. Таму выступаем за Беларускі фонд спартовай салідарнасці, а ён зарэгістраваны ў Эстоніі і мае дамову з федэрацыямі гэтай краіны. Хочацца зрабіць "Волат" такім жа моцным рухам, якім ён быў у Беларусі. І нават мацнейшым.

🗣У кожнай школы свой кодэкс. "Волат" таксама мае свае правілы. Але гэта не нейкі пісаны "кодэкс волатаўца" – гэта звод негалосных правілаў. Першае – нацыянальны грунт: мы беларускі клуб, і ўсведамляем сябе адзінкамі сваёй нацыі. Калі ты выходзіш на татамі, нават калі пад эстонскім сцягам, ты рэпрэзентуеш Беларусь і свой народ. І павінен гэта рабіць годна. Другая рэч – татальны здаровы лад жыцця. Пад забаронаю любыя стымулятары, тытунь, алкаголь і г. д. Далей – стаўленне да працы і ўвогуле да спорту. Калі штосьці робім, павінны рабіць гэта з павагаю да сваёй справы. Не на паўнагі. Калі трэнаванне – адпрацоўваем на 150 %.

🗣Ну, спорт – гэта палітыка. Спорту па-за палітыкай насамрэч няма. Гэта лукашысты кажуць, калі іх прышчучаць недзе, што спорт – па-за палітыкай. Беларусь мае перспектывы, калі яна стане вольнай і пройдуць працэсы дэмакратызацыі ва ўсіх галінах, у тым ліку ў спорце. Таму што беларус – ён нічым не горшы за італьянца, француза ці там японца. Беларусы могуць усё, што яны захочуць. Могуць быць алімпійскімі чэмпіёнамі ў любых відах спорту.

Крыніца: "Белсат"

Facebook | YouTube | Instagram | Twitter | Падтрымаць фонд

🕯На вайне супраць расейскіх акупантаў загінуў футбаліст Вячаслаў Савіцкі.

Пра гэта паведаміў афіцыйны Інстаграм-акаўнт ФК "Кудроўка", за які гуляў хлопец. Вячаславу было ўсяго 25 гадоў.

Трагедыя сталася 8 чэрвеня на Луганшчыне. Вячаслаў абараняў родную краіну з 19 чэрвеня 2022 года ў складзе аэрамабільнага батальёну.

🗣Вячаслаў быў лідарам у спорце, адным з лепшых абаронцаў футбольнага чэмпіянату апошніх гадоў, нязменным абаронцам ФК «Кудраўка». У жыцці ён надзейны, сціплы, спакойны, сапраўдны патрыёт Украіны. Ён быў прыкладам для маладых футбалістаў, як трэба любіць гульню. Ён таксама быў прыкладам у служэнні свайму народу і нашай краіне.

Беларускі фонд спартыўнай салідарнасці выказвае шчырыя спачуванні блізкім і родным загінулага.

Героі не паміраюць!🇺🇦

Facebook | YouTube | Instagram | Twitter | Падтрымаць фонд

⚡️Зборная Украіны па пляжным футболе адмовілася ад удзелу ў адборы да ЧС з-за допуску зборнай Беларусі.

Асацыяцыя пляжнага футболу Украіны зрабіла афіцыйную заяву ў сувязі з допускам Беларусі да ўдзелу ў адборы да чэмпіянату свету:

🗣Перад працэдурай лёсавання Міжнародная федэрацыя пляжнага футбола (нягледзячы на афіцыйныя лісты з гэтай нагоды ад АПФУ і УАФ) вярнула ў спіс каманд-удзельніц Беларусь, якая патрапіла ў групу D. Асацыяцыя пляжнага футбола Украіны і Украінская асацыяцыя футбола ў чарговы раз адправілі афіцыйныя лісты ў FIFA і BSWW, у якіх падкрэсліваецца, што зараз ёсць загад Міністэрства моладзі і спорту Украіны, у якім забараняецца нашым нацыянальным зборным прымаць удзел у спаборніцтвах, калі да іх дапушчаныя каманды з расеі ці Беларусі.

🗣Таму зборная Украіны па пляжным футболе адмаўляецца прымаць удзел у еўрапейскім адборы ў ЧС-2023 у Баку. Цяпер ёсць некалькі дружалюбных краін, якія падтрымліваюць імкненне Украіны па адхіленні Беларусі ад гэтага турніру.

Крыніца: Асацыяцыя пляжнага футбола Украіны

Facebook | YouTube | Instagram | Twitter | Падтрымаць фонд

🔥"Кельцэ" беларускага гандбаліста Арцёма Каралька перамог ПСЖ з лікам 25:24 і выйшаў у фінал Лігі чэмпіёнаў🔥

Беларус прынёс клубу 5 мячоў і паставіў блокшот на апошніх секундах матчу, нягледзячы на тое, што яго ўдзел быў пад пытаннем праз траўму. Вось як ён каментуе выхад клубу ў фінал Лігі чэмпіёнаў:

🗣Калі ты гуляеш у паўфінале Лігі чэмпіёнаў, на арэне з дваццаццю тысячамі балельшчыкаў, калі ты ведаеш, колькі заўзятараў прыехала з намі з Кельцэ, і ты бачыш, колькі людзей у жоўтых футболках, болю няма, ты не адчуваеш яго.

🗣Вы проста змагаецеся і робіце ўсё магчымае, каб перамагчы. У кожным "фінале чатырох" бываюць сюрпрызы, таму перад матчам з "Магдэбургам" трэба захоўваць спакой.

Арцём Каралёк яшчэ ў 2020 годзе падтрымаў беларускі народ, а ў 2022 — выказваўся супраць вайны ў падтрымку Украіны. Віншуем сумленнага спартоўца і яго клуб з перамогай і зычым поспехаў у фінале!✊

Facebook | YouTube | Instagram | Twitter | Падтрымаць фонд