و ابد ماراح تشوفون نتيجة إذا ماكو نظام غذائي زين ، أما الحديد فجاي أكل كلشي ما أحبة بس يفيدني مثل الدبس و الراشي و التمر و السمسم و الكبدة مرتين بالأسبوع كلش مفيدة، وكثرو لحوم حمرة

و الأهم انُ بالبداية تأخذون تحليل D3 ومخزون الحديد وعلى اساسة تروحون تأخذون نتائج التحليل للصيدلي وهو يوصفلكم العلاج ولمدة معينة

هسة اني خطة علاجي لخمس اشهر بس بعد 3 اشهر لازم هم اسوي تحليل بس داشوف فرق عليهم من هسة من ناحية البشرة و الطاقة و المزاج

- الرساله ؛ زنوبه بالاضافه للابر او الحبوب او التعرض للشمس يوميه الصبح نص ساعه
انطيج وصفة تخبل للحديد والدي ثري
اول شي تمر سمسم دبس وراشي ويا بذور اليقطين تموت هاي
وعندج الصبح يوميه خاشوكه سمسم ع ريك بس كون مامطبوخ
وعندج البربينه تجنن للدي ثري دزي للحبايب خل يستفادن

عن تجربة هل كلام صحيح .. اني سنوات ما احب اقرب هل شغلات لحلكي ابداً ، بس وي الوقت اكتشفت شكد هي مهمة وتساعد الجسم.

- الرساله ؛ مسى الخير
حبيبتى هاي أظافرك كيف تنظفيهم هيج صالون لو انت بالبيت

اني ماعرف اعتني بأظافري ابدا بالبيت
سويتهم اليوم بنفس المكان الي سويت بي شعري لأن صار مكاني المفضل

اسمة ريام بيوتي بالاعظمية.

مع احترامي للجميع، بس برأيي البنية ما يصير تركض بنص الشارع وكل الناس دتشوفها، خصوصاً إذا ماكو ظرف فعلاً يستدعي الركض، التأخير والاستعجال مو دائماً يكون سبب.. أني مرات هواي جنت متأخرة على الدوام أو الشغل أو حتى مقابلات مهمة، وجنت اتسرع بالمشي بس ما أوصل لمرحلة الركض.

قبل شوية مرت من يمي بنت دتركض، وصراحة ما جان يبين أكو سبب ضروري لهلشي هي بس رادت تفوت للمحل ، فكان منظرها ملفت بشكل غريب ونظرات الناس كلها راحت عليها، الموضوع مو لأن لازم نعيش على رأي الناس أو نحسب حسابهم لكن أكو تصرفات تليق بالشخص أكثر من غيرها، وأكو فرق بين واحد مستعجل وبين واحد فقد هدوءه وهيبته بنظر الموجودين
بالنهاية كل شخص حر بتصرفاته، لكن برأيي أكو أمور بسيطة تحافظ على صورة الإنسان ووقاره، ومن ضمنها إن الواحد إذا مستعجل فيسرع بالمشي بدل ما يركض إذا ماكو داعي حقيقي للركض.

- الرساله ؛ بس لو نعوف البنات شوي
كل يوم واحد طالع يحجي ميصير هيج وميصير هيج اني احترم رأيج
بس إذ على نظرات ناس والولد بالذات ما تخلص وسواء تركض او لا
اني من اتاخر على امتحان شي طبعا اركض وهذا الطبيعي احسن لا يفوتني الامتحان بسبب لان أفقد هيبتي !! ترا الابنيه انسان مو روبوت وتتصرف عادي تركض إذ استعجلت أو وراها شي بدال ما تكعد تفكر بالناس وشنو مسموح وشنو ممنوع عليها

ما فهمت ليش بمجرد ما ينطرح رأي يخص البنات يصير الموضوع حساس أو وكأنه هجوم عليهن، مو كل ملاحظة تخص سلوك معين معناها تقليل من المرأة أو محاولة فرض قيود عليها، إذا أكو تصرف أشوفة ما يليق أو ما ينطي انطباع زين ، فمن حقي أعلق عليه مثلما أعلق على أي تصرف آخر، سواء صدر من بنت أو ولد. المشكلة مو لأن الفاعل بنت، ولا الموضوع صراع بين الجنسين حتى نكول "لو نعوف البنات"

+ أني أصلًا ذكرت بالنص: "إذا ما كان أكو سبب حقيقي يستدعي الركض"، يعني ما جنت أحجي عن وحدة متأخرة على امتحان أو وراها ظرف ضروري، لأن هاي حالة طبيعية وكل الناس ممكن تركض بيها، وأني شخصياً ركضت بممرات الجامعة أكثر من مرة حتى ألحك ع المحاضرة أو الامتحان، اعتراضي كان على الركض بلا داعي، مو على الركض كفعل بحد ذاته. لذلك من ذكرتي مثال الامتحان، فأنتِ بالحقيقة دا تعيدين نفس الاستثناء الي أني ذكرته من البداية.

- الرساله ؛ مو بس بعض البنات اشوف اي فئه أو بعضهم يشوفون اكو هجوم عليهم باستمرار فمباشره يدافعون بقتال مجرد أن يشعرون أن هذا الفعل أو الكلام هو هجوم لهذا سبب البنت دافعت حتى دون أن تنتبه للتوضيح أنتِ كاتبته

هو تحجين ع سلوك طالع من الولد يكولون عليج نسوية
تحجين ع سلوك طالع من بنية يكولون عليج ذكورية

وبين حانا ومانا ضاعت لحانة (اقصد الفكرة)

ختاماً للموضوع اكو ناس راح تختلف واكو ناس راح تتفق، لكن النتيجة وحدة من كتبت هيج، ومن نوهت ع هلشي لأن ما حابة اشوف بنية بهل مشهد ولا احب تتوجه لأي بنية نظرات لجسدها الي برز جزء منة نتيجة الركض الي فعلاً ما جان الة داعي
(نستثني هل كلام من الحالات الاجبارية)
اني لا احب اشوف ولا اتمنى اشوف اي بنت بهل مشهد الي شفتة اليوم وهذا رأيي و وجهة نظري الي ماكو داعي نتناقش بيها لأن تعتبر من البديهيات، وياريت ما تطلعون الموضوع من فكرته الاساسية و لا تخلون الة تصنيفات جندرية

اكو امور هواي اهم تستدعي النقاش وناخذ وننطي بيها، او نختلف و نتفق عليها، اكثر من مشهد يومي قررت وحدة محد يعرفها تطرح رأيها بي.

صباح الخير
على بلاد التناقضات
بلد النفط بلا كهرباء
وادي الرافدين بلا ماء
نحرق الغاز ونستورده من ايران بمليارات الدولارات.
حكم ديمقراطي يآتي بحكام لم يدخلوا الانتخابات
امواله تأتي عبر الفيدرالي الاميركي شهريا لتوزع رواتب على مقاومة تضرب الاميركي.
صديقة لايران واميركا ولا يثق الطرفان بها.
الميليشيا الام تقبل بتسليم سلاحها للدولة والتي خرجت من تحت عباءتها ترفض.
طلابها ينفقون الاف الدولارات بالجامعات الاهلية وهم يعرفون ليس هناك فرصة عمل بعد تخرجهم.
أكبر بلد بعدد الزيارات الدينية
ومن اعلى الدول في مؤشرات الفساد.

علي الكاظمي

من بعد تقريب سنة من عدم قراءة اي شيء (خارج مصادر وكتب الدراسة) قررت ابدي بهاي المجموعة الشعرية ، اشتريتة قبل سنتين من بسطية من باب معظم

متخافش من الدنيا وانا معاك 🤍