اللهم إنك عفو تحب العفو فاعف عنا

@ziyomadrasasi

Bu kechalar g’animatdir qaytib kelmas,
Musofirmiz bu dunyoga yo’lda turgan.
Bugun bormiz, ertagachi-hech kim bilmas,
Bu kunlarga kimlar yetib, kim yetmagan...

Ko’z yoshlarim tavba qilib daryo bo’lsin,
Duolarga ochilgan qo’l toliqmasin.
Robbim, Senga sajdalarda egilgan bosh,
O’zgalarga sajda qilib egilmasin!

Qalblar Sening qo’lingdadir, ey Allohim,
Sobit qilgin dinim uchun bu qalbimni.
Qul bo’layin dunyogamas, Senga Robbim,
Bandangamas Senga so’ylay bor dardimni!

Ming oydanda yaxshi deding bu kechani,
Rahmatingdan umid qilib turgan o’zim.
Ham jahannam, ham qabrning azobidan,
Panoh tilab ko’z yosh qilar ikki ko’zim.

Nur bo’lib kel, yorit qalbim, zulmat ketsin,
Jaxolatu gunohlarga qolmasin yo’l.
Ming oyga teng qadri ulug’ bir kechada,
Duolarim qabul aylab, mag’firat qil!

G’arib bo’lib ketay mayli bu dunyodan,
Boqiymasdir asli dunyo erur foniy.
Allohumma innaka a’vfun,
Tuhibbul avfa, fa’a fua’nniy!