#ТАКБИР

«Аллоҳу акбар, Аллоҳу акбар, Аллоҳу акбар, Лаа илаҳа иллаллоҳу, Аллоҳу акбар, Аллоҳу акбар ва лиллаҳил-ҳамд».

Аллоҳ таоло айтади:

«..Бу (рӯза тутадиган) ҳисобни тўлдиришингиз ҳамда ҳидоятга бошлагани учун Аллоҳга такбир (ҳамду сано) айтишларингиз ва шукр қилишларингиз учундир».
("Бақара" сураси,185-оят)

Изоҳ: Рамазоннинг охириги куни кун ботганидан бошлаб то ҳайит намозига қадар такбир айтиш мустаҳаб амал ҳисобланади.
Валлоҳу аълам

✿°•┈┈┈••ৡ❀ৡ•┈┈┈•°✿

ҲАЙИТ МУБОРАК
БЎЛСИН!

Ассалому алайкум,
Аҳли иймонли мардум,
Келди айёмли мавсум,
Ҳайит муборак бўлсин!

Аввал ота онамга,
Катта, кичик опамга,
Сингилларим, холамга,
Ҳайит муборак бўлсин!

Устоз, муъаллималар,
Толиблар, толибалар,
Сабрли, собиралар,
Ҳайит муборак бўлсин!

Олим ва олималар,
Қори ва қориялар,
Солиҳ ва солиҳалар,
Ҳайит муборак бўлсин!

Рўзаларни тутганлар,
Хатми қуръон қилганлар,
Тунлар бедор бўлганлар,
Ҳайит муборак бўлсин!

Жоним укажонларим,
Томирда бир қонларим,
Эй яқин инсонларим,
Ҳайит муборак бўлсин!

Қалби пок ўғилларим,
Меҳрибон ғамхўрларим,
Инсофи энг зўрларим,
Ҳайит муборак бўлсин!

Менинг гўзал қизларим,
Оппоқ сулув юзларим,
Қараб қувнар кўзларим,
Ҳайит муборак бўлсин!

Қариндош уруғларим,
Амма, амакиларим,
Юрагимдагиларим,
Ҳайит муборак бўлсин!

Омонмисиз бўлалар,
Келин, оя, янгалар,
Куёвлар ва поччалар,
Ҳайит муборак бўлсин!

Дугоналар, тенгхўрлар,
Таниш опа, сингиллар,
Кўнгли яқин кўнгиллар,
Ҳайит муборак бўлсин!

Ака, ука, жиянлар,
Ҳеч кўрмангиз зиёнлар,
Қутлай сизни шу онлар,
Ҳайит муборак бўлсин!

Қутлаш эди қарорим,
Энди чоғдир димоғим,
Дер Бибинисо Моҳим,
Ҳайит муборак бўлсин!

Бибинисо Моҳим
Муҳиддин қизи 2020й.

t.me/bibiniso_mohim
🌾🌷🌾🌷🌾🌷🌾🌷