ЗУЛҲИЖЖА ОЙИНИНГ БИРИНЧИ ЎН КУНИ – УЛУҒ ФУРСАТ, БЕҚИЁС ФАЗИЛАТ


Йил ойларининг сони Аллоҳнинг ҳукмида ва Аллоҳ осмонлару ерни яратган кунда Лавҳул-Маҳфузда битилганига кўра, ўн икки ойдир. Улардан тўрттаси ҳаром ойлар бўлиб, Аллоҳ уларда урушни ҳаром қилган. Улар Зулқаъда, Зулҳижжа, Муҳаррам ва Ражаб ойларидир. Мана шундай бўлиши энг тўғри диндир. Ушбу ойларда зулм қилиш қаттиқроқ ҳаром бўлгани учун ҳам сизлар бу ойларда ўз жонингизга зулм қилманглар! …
🌟(Тавба, 36-оят)

Бу ойларнинг ичида Зулҳижжа ойининг биринчи ўн куни мусулмонлар учун энг фазилатли кунлардандир. Бу кунлар Аллоҳ таолонинг фазлу раҳмати ёғиладиган, савоблар кўпаядиган, дуолар ижобат қилинадиган улуғ мавсумдир.
Аллоҳ бу кунлар билан қасам ичган:
"Фажр (тонг)га қасам, ва ўн кечага қасам."
🌟(Фажр, 1-2 оятлар)

Муфассир уламоларнинг аксарияти бу оятдаги “ўн кеча”дан мурод – Зулҳижжа ойининг биринчи ўн кунлиги эканини таъкидлайдилар. Бу, Аллоҳ таоло бу кунларнинг қадрини Ўз каломида қасам билан баён қилганидир.

▫️Пайғамбаримиз соллаллоҳу алайҳи васаллам дедилар:
"Ҳеч бир кун йўқки, унда қилинадиган солиҳ амал, Зулҳижжанинг бу ўн кунлигида қилинадиган амалдан Аллоҳга суюкли бўлса."
🌟(Имом Бухорий ривояти)

⏩Бу ҳадисда кўриниб турибдики, бу кунлардаги ҳар қандай савобли амал – рўза, намоз, садақа, зикр, Қуръон тиловати, ота-онани рози қилиш ва бошқа барча яхши амаллар Аллоҳга жуда суюкли бўлади.

🧡Арафа куни – энг афзал кун
Зулҳижжанинг тўққизинчи куни Арафа куни бўлиб, у ҳаж ибодатининг энг асосий рукни ҳисобланади. Бу кунда дуолар ижобат қилинади.

▫️ Пайғамбар алайҳиссалом айтдилар:
"Энг афзал дуо – Арафа кунидаги дуодир."
🌟(Имом Термизий ривояти, ҳасан ҳадис)

Шунингдек, бу кунда рўза тутиш суннат ҳисобланади. Арафа куни рўза тутган кишининг икки йиллик гуноҳи каффорот қилинади – ўтган ва келаси йил учун.

"Арафа кунида рўза тутиш – ўтган ва келаси йилдаги гуноҳлар учун каффорот бўлади."
🌟(Имом Муслим ривояти)

🧡Бу кунларда қуйидаги амалларни қилиш мустаҳабдир:
1️⃣Чин дилдан тавба қилиш
2️⃣Намозни кўпайтириш – Суннат, нафл намозларини адо этиш.
3️⃣Рўза тутиш – Айниқса, 9-куни, Арафа куни рўзаси катта фазилатга эга.
4️⃣Зикрларни кўпайтириш –
◦ "Аллоҳу Акбар, Аллоҳу Акбар, Ла илаҳа иллаллоҳу Валлоҳу Акбар, Аллоҳу Акбар ва лиллаҳил ҳамд."
◦ "Ла илаҳа иллаАллоҳу ваҳдаҳу ла шарика лаҳ, лаҳул мулку ва лаҳул ҳамду ва ҳува ‘ала кулли шайъин қодир."
5️⃣Қуръон тиловатини кўпайтириш
6️⃣Садақа бериш
7️⃣Қурбонлик қилиш
8️⃣Ҳаж ва умра – Имкон топганлар учун энг олий амал.
9️⃣Ота-она, қариндошлар, қўшнилар билан алоқани мустаҳкамлаш

🧡Ташриқ кунлари – зикр кунлари
Зулҳижжанинг 11, 12, 13-кунлари Ташриқ кунлари деб аталади. Бу кунлар зикр ва шукр кунларидир. Қуръонда шундай дейилган:
“Саноқли кунларда Аллоҳни тасбеҳ ва такбирлар билан зикр қилинглар.”
🌟(Бақара, 203-оят)

▫️ Пайғамбаримиз соллаллоҳу алайҳи васаллам айтдилар:
"Бу кунларда таҳлил (Ла илаҳа иллаллоҳ), такбир (Аллоҳу Акбар) ва таҳмид (Алҳамдулиллаҳ)ни кўпайтиринглар."
🌟(Имом Аҳмад ривояти)

✈️@Sahih_zikrlar

⬆️ТАКБИР ВАҚТИ БОШЛАНГАН

27 чи май шом намози азонидан кейин “Такбири мутлақ – умумий такбир” вақти бошланди ва бу Зулҳижжа ойининг ўн учинчи куни, шом намозига қадар давом этади.

Такбир икки қисмга бўлинади:

1. Мутлақ такбир – вақти чекланмаган: намоздан кейин ҳам, олдин ҳам, эрталаб ҳам, кеч кирганда ҳам, умумий шаклда ҳар қандай вақтда айтиш суннатдир.

2. Муқайяд такбир – чекланган: яъни фақат фарз намозидан кейин айтиладиган такбир.

1️⃣ Мутлақ такбирни Зулҳижжа ойининг аввалги ўн кунида ҳамда ҳайит куни ва ундан кейинги ташриқ кунларида ҳам айтиш суннатдир. Мутлақ такбир Зулқаъда ойининг охирги кунида қуёш ботиши, яъни Зулҳижжа ойи кирган вақтдан тортиб, бу ойнинг ўн учинчи куни – ташриқ кунларининг қуёши ботгунга қадар айтилади.

2️⃣ Муқайяд такбир эса Арафа кунининг бомдод намозидан бошлаб то ташриқ кунларининг қуёши ботгунига қадар фарз намозларидан кейин айтилади.

🕋 Ҳажга бормаган кишилар фарз намозига салом бергач уч маротаба истиғфор айтиб,

اللَّهُمَّ أَنْتَ السَّلَامُ وَمِنْكَ السَّلَامُ، تَبَارَكْتَ يَا ذَا الجَلَالِ وَالإِكْرَامِ

деб, сўнгра қуйида келтириладиган такбирлардан бирини айтадилар.

Аммо ҳожилар улардан фарқли ўлароқ Муқайяд такбирни ҳайит кунининг пешин намозидан бошлаб айтадилар.

⭕️ Хулоса қилиб айтганда такбири мутлақ билан такбири муқайяд – уламоларнинг саҳиҳ сўзларига кўра – Арафот куни, ҳайит куни ва учта ташриқ кунлари бўлиб беш кунда жамланади. Қолган кунлари мутлақ такбир билан чекланилади.

🔺 Такбир айтишнинг кўринишлари:

" الله أكبر .. الله أكبر .. لا إله إلا الله ، الله أكبر .. الله أكبر .. ولله الحمد "

Аллоҳу акбар, Аллоҳу акбар, лаа илааҳа иллаллоҳ, Аллоҳу акбар, Аллоҳу акбар ва лиллаҳил ҳамд (бу энг афзал сийғадаги такбир саналади).

" الله أكبر .. الله أكبر .. الله أكبر .. لا إله إلا الله ، الله أكبر .. الله أكبر .. الله أكبر .. ولله الحمد "

Аллоҳу акбар, Аллоҳу акбар, Аллоҳу акбар, лаа илааҳа иллаллоҳ, Аллоҳу акбар, Аллоҳу акбар, Аллоҳу акбар ва лиллаҳил ҳамд.

•┈•┈•┈•┈•❁✿❁•┈•┈•┈•┈•


@ziyomadrasasi

хайрли тонг🌹

Зулҳижжанинг 10 куни — имтиҳон кунлари, бу улуғ кунлар.

• Рамазонда рўза тутганлар, энди бу кунларда ҳам ибодат қилишлари керак.
• Ҳар бир киши алоҳида ибодат қилишга ҳаракат қилиши лозим.
• Аллоҳ бу кунларни шарафлаган ва уларда қилинган амаллар афзал.
• Ҳадисларга кўра, бу 10 кунда қилинган солиҳ амаллар бошқа ойлардагидан кўра афзалдир.
• Тавба қилиш, ҳаромлардан қочиш — бу кунларда жуда катта аҳамиятга эга.
• Ғафлатдан уйғониш ва ибодатларга эътибор бериш зарур.
• Бу кунларда қилинган гуноҳларни тарк этиш ва Аллоҳга қайтиш муҳим.
• Такбир айтиш, Аллоҳни зикр қилишни кўпайтириш керак.
• Арафа куни рўза тутиш — фазилатли амал.
• Фарзандларга бу кунларнинг аҳамиятини ўргатиш лозим.
• Бу кунларда ҳар ким солиҳ амаллар қилишга интилиши керак.

Аллоҳ таоло ҳаммамизни гуноҳлардан поклаб, жаҳаннамдан озод этсин. 🤎

🔵@ziyomadrasasi

💚ТАКБИР - ‏تكبير💚

⭐️⭐️⭐️🌟🌟⭐️⭐️⭐️
ЗУЛҲИЖЖА ОЙИДА БАЖАРИЛАДИГАН АМАЛИ СОЛИҲЛАРДАН БИРИ:
⭐️⭐️⭐️⭐️⭐️⭐️⭐️⭐️

АЛЛОҲУ АКБАР, ⭐️
АЛЛОҲУ АКБАР, ⭐️
АЛЛОҲУ АКБАР,
⭐️
ЛА ИЛАҲА ИЛЛАЛЛОҲУ
АЛЛОҲ АКБАР, ⭐️
АЛЛОҲУ АКБАР ВА ЛИЛЛАҲИЛ ҲАМД.
⭐️АЛЛОҲУ АКБАР
КАБИРО ⭐️
ВАЛҲАМДУЛИЛЛАҲИ КАСИРО, ⭐️
ВА СУБҲАНАЛЛОҲИ
БУКРАТАВ ВА АСИЙЛА,
⭐️
деб кўп-кўп такбир айтишдир.⭐️



🔵@ziyomadrasasi

Зулҳижжа ойининг аввалги ўн кунида Аллоҳ Мусо алайҳиссалом билан гаплашди, Ислом дини комил бўлди ва бу кунлар билан Аллоҳ қасам ичди. Қолаверса, бу кунлардаги ибодатлар бошқа кунлардаги ибодатлардан афзалдир. Хусусан, такбир ва рўза. Арафа куни эса йилнинг энг афзал кунидир.

✍🏻 Шайх Абдулазиз Тарифий

Эй, замонамиз оналари, сиз тарихнинг ҳеч бир даврида кўрилмаган, медиа ва техника фитналари урчиган бир замонда фарзанд ўстиряпсиз.

Асло унутманг, бу фитналар уйингизнинг ичигача кириб, сизни, жуфтингизни ва болаларингизни ўз домига олаёган улкан  таҳликадир. Бу фитналардан огоҳ бўлинг.

Замонамиз фитналаридан омонда бўлиш учун:

1.  Болангизни Youtubeнинг офатидан қўринг, уларни доимий телефон домига ташламанг.
Хархашасидан қутулиш, бемалол сериал кўриш, қўшнилар билан тинчгина гаплашиш  ва уй ишларида ҳалақит бермаслиги учун болани  қўлига телефон ёки планшетни тутқазиб қўйманг.
Дунёдаги миллионларча оналар ноқобил фарзанд  доғида қовурилар экан, сиз учун Аллоҳнинг омонати ва неъмати бўлган болангизга Youtubeнинг “оналик” қилишига йўл қўйманг.

Фарзандларини Youtubeнинг ихтиёрига ташлаган ҳар бир она билсинки, боласини енгилтаклик, шармсизлик  ва аҳлоқсизликнинг чангалида қолдирибди...

2.  Болаларингизни компьютер ўйинларидан сақланг.

Бугун болаларимизга таҳдид солаётган энг асосий фитналардан бири компьютер ўйинлари ва “Playstation”лардир.
Болани реал ҳаёдан узоқлаширадиган, эртадан-кечгача компьютер ёки телефонга “ёпиштириб” қўядиган, уларни зомбига айлантирадиган (Аллоҳ сақласину,  ўз жонига қасд қилишгача олиб келаётган) компьютер ўйинларига нисбатан эҳтиёт чораларини кўриш, тадбирли бўлиш ҳар бир онанинг бурчи.

3.  Болаларингизни чексиз интернетнинг чексиз фитналаридан сақланг.

Қабул қилаётган маълумотининг меъёри ва вақтининг чегараси бўлмаган, оила текширувидан ўтмаган интернет – болангизни ўз балоси билан маҳв этадиган буюк бир офат.

Боладаги интернет эҳтиёжини аниқ муддат ва меъёрлар билан белгиланг. Болангизни ёпиқ эшиклар ортида интернет билан ҳоли қолдирманг. Уларнинг интернетда нималарни ўқиётгани ёки кўраётганини узлуксиз назорат қилинг.
Назорат қилинмайдиган, чегара-тўсиқ қўйилмаган интернетдан фойдаланувчи фарзандлар – ота-оналар ўз қўллари билан ҳалокатга ташлаган бир авлод демакдир.

4.  Болаларингизни ҳар турли сериалларнинг фитнасидан сақланг.

Фазандингизни қўлига пультни тутқазиб, дунёнинг бутун аҳлоқсизликларини уйингизга олиб кираётган TV дунёсига ташламанг.

Нимани ва қайси пайтда кўришларига доир аниқ бир назорат механизми яратинг. Уларни енгил-елпи кўрсатувлар, аҳлоқсиз фильмлар ва беҳаё рекламаларнинг таҳликаларидан сақланг.

Бу борада маълумотлар ўқинг, билим олинг, тадқиқот қилинг, мутахассис билан маслаҳатлашинг.

🌸🌸🌸Хотиржам бўл, Аллоҳ ризқингга кафил бўлган! Лекин жаннатга киришингга кафил бўлмаган, ғурурланма!
Билиб қўй, нажот топувчилар оздир.
Дунёнинг зеб-зийнати ўткинчидир.
Жаннатдан бошқа барча неъмат фонийдир.
Дўзахдан бошқа ҳар қандай бало аслида офиятдир.
Фурсатни бой бермай туриб нафсингни сарҳисоб қилиб тур.