E’tikof sunnatdir va Ramazonda qilish afzal. Hatto masjidda qisqa vaqt qolish ham e’tikof hisoblanadi.
Abdulrazzoq va boshqalar sohib sahih isnod bilan Ya’lo ibn Umayya (roziyallohu anhu)dan rivoyat qiladilar:
*«

Men ba’zan masjidga faqat bir soat e’tikof qilish niyatida kiraman»*

dedi.
Al-Usaymi
@ziyomadrasasi

Ramazon kechasi yoki kunduzi qaysi biri afzal?

Naslarda Ramazonning butun oyi – kechasi ham, kunduzi ham – shar’iy jihatdan ulug‘ oylardan ekanligi ko‘rsatilgan. Ramazon kechasi yoki kunduzi qaysi biri afzalroq ekanligi haqidagi bahs, afzalliklar o‘rtasidagi taqqoslash hisoblanadi.

Bu masalada olimlar ixtilof qilganlar:

1. Bir qavm aytgan: *Ramazon kechasi kunduzidan afzaldir.*
Buning sababi, Ramazon oyining ulug‘lanishi unga Qur’oning nozil bo‘lishi bilan bog‘liq. Alloh taolo:
*«Ramazon oyi – unda insonlar uchun hidoyat, haqqni botildan ajratuvchi dalillar bo‘lgan Qur’on nozil qilingan»* (Al-Baqara, 185) deb buyuradi.
Ibn Kasir: *«Alloh taolo Ramazon oyini boshqa oylardan ustun qilib, unda ulug‘ Qur’on nozil qilinganini zikr qiladi»*, deb tafsir qilgan.

Ibn Abbos (roziyallohu anhuma)dan rivoyat qilinadigan hadisda: *«Jabroil (alayhissalom) Ramazonning har kechasida Payg‘ambarimiz (sollallohu alayhi vasallam) bilan uchrashar, u esa Unga Qur’onni arz qilar edi»*, deyilgan.
Hofiz Ibn Hajar: *«Bu hadis Ramazon kechasining kunduzidan afzal ekanligini ko‘rsatadi. Chunki kechada tilaovatni tushunish va diqqat bilan o‘qish osonroq, kunduz esa dunyoviy ishlar bilan bandlik ko‘proq bo‘ladi»*, deb yozgan (Fath al-Boriy, 9/45).

Ibn Taymiya: *«Zul-hijja oyining birinchi o‘n kuni Ramazonning birinchi o‘n kunidan afzal, lekin Ramazonning oxirgi o‘n kechasi Zul-hijjaning o‘n kechasidan afzaldir»*, deb aytgan. Bu ham Ramazon kechasining afzalligini ko‘rsatadi.

2. Boshqa bir qavm aytgan: *Ramazon kunduzi kechasidan afzaldir.*
Buning sababi, Ramazonning ulug‘lanishi asosan ro‘za tutish bilan bog‘liq, ro‘za esa kunduz tutiladi. Alloh taolo: *«Sizdan kim bu oyga (Ramazonga) yetib olgan bo‘lsa, ro‘za tutsin»* (Al-Baqara, 185), deb buyuradi.

E’tibor: Bu fikr qadimgi olimlarda uchramaydi, balki ba’zi zamonaviy ulamolar bildirgan.

Xulosa:
Eng to‘g‘ri fikr shuki, Ramazon kechasi kunduzidan afzaldir. Chunki Payg‘ambarimiz (sollallohu alayhi vasallam) Ramazon kechalarida ibodatni (namoz, Qur’on tilovati, Jabroil bilan Qur’on muzokarasi) ko‘paytirganlar. Bu ham uning afzalligini ko‘rsatadi.

*(Dr. Ahmad bin Muhammad al-Xalil ilmiy kanali)*

---
https://t.me/ziyomadrasasi

Қадр кечаси фазилати.

@ziyomadrasasi

Муоз розияллоҳу анҳу таҳажжут ўқиганларида шундай деб дуо қилар эканлар:
“Аллоҳим, Кўзлар ухламоқда, юлдузлар шуъла сочмоқда, Сен Ҳайй, Қоййумдирсан. Эй Аллоҳим, менинг жаннат сари бўлган ҳаракатим жуда секин, дўзахдан қочишим эса жуда заиф...”

Роббим менинг ҳам ҳолатим ҳудди шундай.
Жаннат сари имиллаб одим отяпман, дунё сари эса илдам, гўё қанот қоқяпман.

Сен қалблар қўлида бўлган буюк Зотсан, қалбимни динингда собит қил, эътиқодимни мустақийм қил!

Иймонимга барака бер, ҳидоятингдан айирма, амалимга иҳлос ато эт!

Рамазон ойидан ҳорликда, гуноҳлари афв этилмай, бурни ерга ишқалган ҳолда чиққанлардан бўлиб қолмоғимдан омонлик бер!

Роббим, раҳматингдан умидворман, хаётимнинг охирини бошидан хайрли айла, ҳузуринга салийм қалб, саломат иймон, ёруғ юз ила қайтишимни насиб эт!

Амийн!

@ziyomadrasasi