🚀 @ziyomadrasasi

Вақт ғаниматдир.! ⌛️

🌐 Telegram 🌐 Instagram

#eslatma

Бугун рaмазоннинг 23-кечаси бўлади, сустлашманг! Саноқли кунлар, кундузи дамингизни олиб кечки ибодатга тайёргарлик қилиб қўйинг. Ифторлик, меҳмондўстликни камайтиринг, магарам кечани бирга ўтказишга келишиш яхши.

✅@ziyomadrasasi

Рамазоннинг 22- куни тугаб 23- кечага, ЛАЙЛАТУЛ ҚАДРлиги умид қилинадигар кечага етишдик, алҳамдулиллаҳ.

Бугун имкон қадар тоат ибодат қилишга интиласиз, бугунги тунни бой бермаслик учун қаттиқ тиришинг, ҳимматингизги олий қилинг.
Эй Аллоҳнинг бандалари, Рамазон ойида ҳам, кейин ҳам тоат-ибодатда бардавом бўлинг. То ажалингиз келгунича тоат-ибодатдан тўхтаманг. Зеро, тоат- ибодат рамазон ойига ё бошқа бирон мавсумга боғланган эмас. 📖Аллоҳ таоло айтади: «То сизга аниқ нарса келгунича Парвардигорингизга ибодат қилинг!» (Ҳижр, 99). «Аниқ нарса» ўлимдир. Яъни, то ўлимингиз келгунча Роббингизга тоат-ибодат қилишда бардавом бўлинг.
📖Росулуллоҳ соллаллоҳу алайҳи васаллам ўлим тўшагида ётган пайтларида бундай деганлар: «Намозга маҳкам бўлинглар, намозга маҳкам бўлинглар. Қўл остингиздагиларга яхши муомалада бўлинглар». Ўзлари қаттиқ касал бўлишларига қарамай, жамоат билан намоз ўқиш учун икки кишига  — Аббос ва Алига суяниб, судралган ҳолларида масжидга чиққанлар.

🌷Сиз ҳам тоат-ибодатда бардавом бўлинг. Қилган амалларингизни йўққа чиқарманг. Аллоҳга ҳамдлар бўлсинки, тоат-ибодат қилиб, савобга эришдингиз. Энди Аллоҳга осий бўлиб, гуноҳ ишга қўл урманг. Акс ҳолда, тутган рўзаларингиз, ўқиган намозларингиз, Қуръон тиловатингиз ва берган садақа-
ларингиз савобини йўққа чиқарасиз.
Қуръони каримда мисол қилиб келтирилган эсипаст аёл сингари бўлманг. 📖Аллоҳ таоло айтади: «Ўзи йигирган ипини пишиқ-пухта бўлганидан сўнг чуваб ташлаган
хотинга ўхшаб қолмангиз!» (Наҳл, 92).
📖Маккада эси оғган, ақли заиф бир аёл бор эди. Арқон қилиб сотиш мақсадида кун бўйи ип йигирар, кеч кириши билан йигирган ипларини чуваб ташлаб, шунча қилган меҳнатини кўкка совурарди. Тоат-ибодатдан сўнг гуноҳга қўл урган инсон ҳам худди шу аёлга ўхшайди. У рўза, намоз, Қуръон тиловати ва бошқа тоат-ибодатларни бажариб, яхши амаллар тарозисини оғирлаштиради. Сўнг гуноҳ ишлар қилиб, мазкур ибодатлари ажр-савобини йўққа чиқаради. Шундай экан, тоат-ибодатда мустаҳкам бўлинг, қилган амалларингизни йўққа чиқарманг. Пайғамбаримиз соллаллоҳу алайҳи васаллам дуо қилиб сўраганларидек сиз ҳам Аллоҳдан собитқадамлик сўранг: 🌷«Эй қалбларни ўзгартириб турувчи Зот, қалбимни динингда собит қилгин. Эй қалбларни буриб турувчи Зот, қалбимни тоатингга бургин».
🤲Қуръонда зикр қилинган мўминлар каби бундай дуо қилинг: «Парвардигоро, бизни ҳидоят қилганингдан кейин дилларимизни ҳақ йўлдан оғдирма ва бизга Ўз ҳузурингдан раҳмат ато эт! Сенгина барча яхшиликларни ато этувчисан!» (Оли Имрон, 8).
⭕️Амалингизни кўкка совурманг. Аллоҳ таоло айтади:
«Амалларингизни йўққа чиқариб қўйманглар!» (Муҳаммад, 33
⭕️Амалингизни йўққа чиқарманг! Тоат-ибодатни ташлаб, ёмон дўстлар даврасига қайтиб кетманг.
⭕️Рамазонда баъзи гуноҳлардан тийилган бўлсангиз, шунда бардавом бўлинг.
Масалан, рамазонда ғийбатни ташлаган ёки таҳажжуд намозини ўқишга одатланган бўлсангиз, кейин ҳам шунда давом этинг.
Аллоҳ солиҳ амалда бардавом бўлишимизга тавфиқ берсин, омин.

✅@ziyomadrasasi