Ziyo madrasasi kanali

✿°•┈┈┈••ৡ❀ৡ•┈┈┈•°✿

ЎЗЛАРИДАН ДАЪВОЛАРИ
              БУЮКЛАРИМ

Ҳақларига дуодаман
                                 мазлумларни,
Зулм ўқидан жисм-и, жони
                                мажрухларни,
Қор-у, ёмғир, бўрон уриб
                                    баҳорларин,
Гулғунча-ю, ниҳолидан
                                 маҳрумларни.
Яратганнинг ҳузурида
                                      суюкларим,
Ўзларидан даъволари
                                      буюкларим.

Ёв ҳаддидан ошиб кетди
                                         улуғ ойда,
Ҳақсизликка тоат айлаб
                                       Ҳақ уйида,
Сабрнинг тоғлари нураб,
                                     оқиб кетди,
Мўминларнинг кўз-ёшларин
                                      дўл, селида.
Маҳшаргоҳда нур юзлари
                                    ойдекларим,
Ўзларидан даъволари
                                      буюкларим.

Бу дунёга кўплар ошиқ
                                   бўлиб кетди,
Ёлғонни деб ростини бой
                                   бериб кетди,
Тож-у, тахт-у подшоҳликка
                                     тўймай яна,
Худоман деб фиръавн ҳам
                                      ўлиб кетди.
Фиръавнлар эзиб қилган
                                  лойдекларим,
Ўзларидан даъволари
                                      буюкларим.

Бул даъвоки, Росулуллоҳнинг
                                             даъвоси,
Мўмин ғариб бўлган ҳар юрт,
                                    ҳар маъвоси,
Бул даъвоки, ислом аҳли
                                       оламининг,
Қадамжоли, ул масжидул
                                        Ал-Ақсоси.
Ал-Ақсо деб юрак бағри
                                      куюкларим,
Ўзларидан даъволари
                                      буюкларим.

Бу маскандан ўтган қанча
                                пайғамбарлар,
Ҳам ётибдур асл инсон,
                               дур, гавҳарлар,
Ал-Ақсонинг чироқларин
                                     ёқиб кетган,
Ҳақ васлига бўлиб интизор
                                        маҳталлар.
Ал-Ақсодек масжидларга
                                    лойиқларим,
Ўзларидан даъволари
                                      буюкларим.

Синовлари дил суғорган
                                        синов дунё,
Ҳақиқатни сўзлолмаган
                                         соқов дунё,
Бағри кул ва куюк ҳидга
                                    тўлиб кетган,
Мўминларга оташ, дўзах,
                                           олов дунё.
Оловлардан қўрқмас арслон,
                                   шердекларим,
Ўзларидан даъволари
                                      буюкларим.

Оғушига қучиб, сийлар
                                     қирғоғингиз,
Тўлқинлар шод ўпиб кетар
                                            оёғингиз,
Тўфон тошган, довул йўллар
                                    олиб борган,
Қутлуғ бўлсин! Жаннатдаги
                                     маконингиз.
Ўлим билмас, боқий ҳаёт,
                                    тирикларим,
Ўзларидан даъволари
                                      буюкларим.

Ҳақларига дуодаман
                                 мазлумларни,
Зулм ўқидан жисм-и, жони
                                мажрухларни,
Қор-у, ёмғир, бўрон уриб
                                    баҳорларин,
Гулғунча-ю, ниҳолидан
                                 маҳрумларни.
Яратганнинг ҳузурида
                                      суюкларим,
Ўзларидан даъволари
                                      буюкларим.

   ✍️Бибинисо Моҳим
         Муҳиддин қизи
             19. 05. 21 й.

    @bibiniso_mohim
✿°•┈┈┈••ৡ❀ৡ•┈┈┈•°✿

👍4😢4

947 views06:21