Namaz qılmaq və qurban kəsmək insanı Allaha yaxınlaşdırır, eləcə də təvazökarlığı, itaətkarlığı, xeyirxahlığı tərbiyə edir və yəqinliyi, ümidi gücləndirir. Həmçinin, ayədəki “Rəbbin üçün” buyruğu bu iki ən böyük ibadəti və digər ibadətləri yalnız Uca Allahın rizası üçün icra etməyin vacib olduğunu göstərir. Rəbb sözü Yaradan, Sahib olan və İdarə edən deməkdir. Allah bütün aləmlərin Rəbbidir. Rəbbimiz bizə yalnız Ona ibadət etməyi, yalnız Onun qarşısında boyun əyməyi əmr edir. Allah buyurur: “Mən cinləri və insanları ancaq Mənə ibadət etmək üçün yaratdım” (əz-Zəriyət, 56). Yəni, ibadətdə Məni təkləşdirmək üçün yaratdım. İbadətdə Allahı təkləşdirməyə, Tək Allaha ibadət etməyə tövhid deyilir. İslam tövhid dinidir. İslam bütün peyğəmbərlərin dinidir. Ərəb dilində İslam sözü təslim olmaq, boyun əymək, tabe olmaq mənalarını ifadə edir. İslam Allaha tövhid ilə boyun əymək, Allaha şərik qoşmaqdan və şərik qoşanlardan uzaq olmaqdır. Dua, qorxu, ümid, təvəkkül, sığınmaq, qurban kəsmək, nəzir demək kimi ibadətin bütün növləri yalnız Allaha həsr edilməlidir. İnsanlara göndərilən elçilərin hamısı öz xalqlarına Tək Allaha ibadət etməyi əmr etmişlər. Allah buyurur: “Biz hər ümmətə: "Allaha ibadət edin və Allaha şərik qoşmaqdan uzaq olun"– deyə, elçi göndərdik” (ən-Nəhl, 36). Beləliklə, Allahın ən əzəmətli buyruğu tövhid, ən böyük qadağası isə şirkdir. Uca Allah surənin sonunu:
Doğrusu, sənə ədavət bəsləyənin özü sonsuzdur
- sözləri ilə bitirir. Quranı təfsir edən alimlərin əksəriyyəti bu ayənin əl-As ibn Vail əs-Səhmi haqqında nazil edildiyini söyləyirlər. Bu adam Allahın elçisi haqqında söz gəzdirərək Muhəmmədin sonsuz olduğunu, onun adını daşıyacaq və onun işini davam edəcək bir kəsin olmayacağını, o öldükdən sonra adının yox olacağını, ondan canlarını qurtaracaqlarını deyirdi. Bu hadisə Peyğəmbərin Xədicədən olan Abdullah adlı oğlunun vəfat etdiyi günlərə təsadüf edirdi. Bu ayə Quranın möcüzələrindən hesab edilir və onun ilahi mənbəyini sübut edir: Uca Allahın izni ilə Peyğəmbərə ədavət bəsləyən adamın nəsli və onun adının xoş xatirəsi silindi, əksinə, Peyğəmbərin adının xoş xatirəsi isə yüksəklərə ucaldı. Onun adı hər bir azanın sədasından gəlir və hər bir namazın içində deyilir. Dünyada yaşayan bütün müsəlmanlar onun adı çəkiləndə ona salavat göndərirlər. İndi dünyada onun çoxlu sayda ardıcılları vardır, onun gətirdiyi dini isə yer kürəsinin əksəriyyəti təmsil edir. Vaxt gələcək bütün insanlar onun dininə iman gətirəcək, çünki, bu – haqq dindir.

Link:
http://zikr.az/node/26

Facebok:
facebook.com/www.zikr.az

Sual-cavab:
http://zikr.az/node/add/sual-cavab?

Telegram:
https://telegram.me/zikr_az

İnstagram:
https://instagram.com/zikr.az

Qurbanlıq

Tərifi:

Qurbanlıq, qurban bayramı və təşriq (zülhiccənin 11, 12 və 13-cü) günlərində Allaha ibadət olaraq kəsilən ev heyvanlarıdır.

Hökmü:

İmkanı olan insanın qurban kəsməsi vacibdir. Demək Peyğəmbər (S.A.V.) demişdir: «Kimin imkanı ola-ola qurban kəsməzsə, bizim namazgaha gəlməsin»[1].
Hədisin məsələyə dəlaləti belədir ki, Peyğəmbər (S.A.V.) imkanı olub qurban kəsməyən insanın namazgaha yaxınlaşmasını qadağan etmişdir. Bu isə o deməkdir ki, həmin adam vacib bir əməli tərk etmişdir. Sanki imkanı ola-ola belə bir vacib əməli tərk edib, bayram namazı qılmağa gəlməyin heç bir faydası yoxdur.

Muxəffif ibn Suleym deyir ki, biz Ərəfada Peyğəmbərlə (S.A.V.) birlikdə dayanmışdıq. O, belə dedi: «Ey insanlar, hər il hər bir ailənin boynuna bir qurban və bir ətirə düşür». Sonra dedi: Bilirsinizmi ətirə nədir? Ətirə, insanların "Rəcəbiyyə" adlandırdıqları (rəcəb ayında kəsdikləri) qurbandır[2].
Sonra Peyğəmbərin (S.A.V.) bu sözləri ilə rəcəb ayında kəsilən qurbanın (Ətirənin) hökmü ləğv (nəsx) olunmuşdur: «Heyvanın ilk qarında doğduğu balanı (Fər`, ərəb.) mütləq qurban deyib, həmçinin rəcəb ayında (Ətirə) qurban deyib[3] kəsmək olmaz»[4].
Rəcəb ayında kəsilən qurbanın (Ətirənin) hökmünün ləğv edilməsi, qurban bayramında kəsilən qurbanın hökmünün ləğv edilməsi demək deyil.
Cundub ibn Sufyan əl-Bəcəli deyir ki, mən qurban bayramı günü Peyğəmbərin (S.A.V.) belə dediyini eşitmişəm: «Kim qurbanını bayram namazından öncə kəsibsə, onun yerinə yenidən birini kəssin. Kim qurbanını kəsməyibsə indi kəssin»[5].
Bu hədis açıq-aşkar qurbanın vacib olmasına dəlalət edir. Ələlxüsus vaxtsız kəsilən qurbanın əvəzinə yenidən başqasını kəsməyin əmr olunması.[6]

[1] Hədis həsəndir. Səhih Sünən İbn Macə: № 2532. İbn Macə: 2/ 1044/ № 3123.
[2] Hədis həsəndir. Səhih Sünən İbn Macə: № 2533. Tirmizi: 3/ 37/ № 1555. Əbu Davud: 7/ 481/ № 2771. İbn Macə: 2/ 1045/ № 3125. Nəsai: 7/ 167.
[3] Cahiliyyət vaxtında insanlar heyvanın birinci balasını, həmçinin rəcəb ayında ailənin adından bir qoyunu bütləri üçün qurban kəsərdilər. Sonra Peyğəmbər (Ona və ailəsinə Allahın salavatı və salamı olsun) bunları qadağan etdi. Hətta bu vaxtları məxsus edərək bunu Allah üçün də etmək olmaz. (tərc.)
[4] Buxari: 9/ 596/ № 5473. Müslim: 3/ 1564/ № 1976. Əbu Davud: 8/ 32/ № 2814. Tirmizi: 3/ 34/ № 1548. Nəsai: 7/ 167.
[5] Buxari: 10/ 20/ № 5562. Müslim: 3/ 1551/ № 1960. İbn Macə: 2/ 1053/ № 3152. Nəsai: 7/ 224.
[6] Seylul Cərrar: 4/ 74 - 75. İxtisar edilmişdir.

Link:
http://zikr.az/node/5658

Facebok:
facebook.com/www.zikr.az

Sual-cavab:
http://zikr.az/node/add/sual-cavab?

Telegram:
https://telegram.me/zikr_az

İnstagram:
https://instagram.com/zikr.az

Qurban bayramında deyilən təkbirlərin vaxtı, Ərəfa günü sübhdən, sonuncu təşriq günü əsrə qədər davam edir

Bu haqda rəvayət Əli, İbn Abbas və İbn Məsudan səhih rəvayətlərlə nəql olunmuşdur. Allah onlardan razı olsun![2]

Təkbirin deyiliş qaydasına gəlincə, bu barədə bir neçə seçim vardır. Demək, İbn Məsuddan rəvayət olunur ki, o, təkbiri cüt-cüt edər və təşriq günləri belə deyərdi: Allahu əkbər, Allahu əkbər, lə iləhə illəllah, Allahu əkbər, Allahu əkbər və lilləhil həmd.
Bu rəvayəti İbn Əbu Şeybə (2/ 165) rəvayət etmişdir və sənədi səhihdir. Lakin o eyni hədisi başqa yerdə həmin sənədlə rəvayət etmiş və təkbirin üç dəfə deyildiyini qeyd etmişdir. Təkbirin üç-üç deyilməsi haqqında digər bir rəvayəti Beyhəqi (3/ 315) səhih sənədlə, Yəhya ibn Səiddən, o da Əbu Bəkkar Həkəm ibn Fərruhdan, o da İkrimədən o isə İbn Abbasdan rəvayət etmişdir.[3]

[1] Təşriq günləri, Zül-Hiccə ayının 11, 12 və 13-cü günləri sayılır.
[2] Əlidən rəvayət olunan hədisi İbn Əbu Şeybə iki sənədlə nəql etmişdir: 2/ 165. Onlardan biri yaxşı rəvayət sayılır. Elə bu rəvayəti Beyhəqi (3/ 314) də rəvayət etmişdir. Sonra elə bir rəvayəti İbn Abbasdan da rəvayət etmişdir və onun sənədi də səhihdir. Hakim (1/ 300) də İbn Abbasdan və İbn Məsuddan belə bir rəvayət etmişdir. Bax, əl-İrva: 3/ 125.
[3] əl-İrva: 3/ 125.

Link:
http://zikr.az/node/5882

Facebok:
facebook.com/www.zikr.az

Sual-cavab:
http://zikr.az/node/add/sual-cavab?

Telegram:
https://telegram.me/zikr_az

İnstagram:
https://instagram.com/zikr.az

🐏 Bayram günü edilən müstəhəb əməllər

1.Qüsl etmək: Əlidən (A.R.O.) qüsl etmək haqqında soruşurlar və o, belə cavab verir: «Qüsl, cümə, ərəfa, fitrə və qurban günləri edilir».Beyhəqi, Sünənul Kubra: 3/ 278.

2.Ən gözəl paltar geyinmək: İbn Abbas deyir ki, «Peyğəmbər (S.A.V.) bayram günü qırmızı əbasını geyinərdi».Hədisin sənədi yaxşıdır. Silsilətus Səhihə: № 1279. Heysəmi “Məcməuz Zəvaid” adlı kitabında (2/ 201) deyir ki, bu hədisi Təbərani əl-Avsat əsərində rəvayət etmişdir və sənəd rəvayətçiləri etibarlıdırlar.

3.Fitrə bayramı günü namaza getmədən öncə yemək yemək: Ənəs deyir ki, «Peyğəmbər (S.A.V.) fitrə bayramı günü bir neçə ədəd xurma yeməmiş evindən çıxmazdı».Hədis səhihdir. Səhih Sünən ət-Tirmizi: № 448. Buxari: 2/ 446/ № 953. Tirmizi: 2/ 27/ № 541.

4.Qurban bayramı günü, öz qurbanından yemək üçün, səhər yeməyini gecikdirmək: Əbu Bureydə deyir ki, «Peyğəmbər (S.A.V.) fitrə bayramı günü yemək yeməmiş evindən çıxmazdı. Qurban bayramı günü isə, qurban kəsməmiş yemək yeməzdi».Hədis səhihdir. Səhih Sünən ət-Tirmizi: № 447. İbn Xuzeymə: 2/ 341/ № 1426. Tirmizi: 2/ 27/ № 540. Onun rəvayətində, “Namaz qılmamış...” – sözləri qeyd olunur.

5.Getdiyin yolu dəyişib başqa yolla qayıtmaq: Cabir deyir ki, «Peyğəmbər (S.A.V.) bayram günləri getdiyi yolu dəyişib başqası ilə qayıdardı».Hədis səhihdir. əl-Mişkat: № 1434. Buxari: 2/ 472/ № 986.

6.Hər iki bayram günü təkbir etmək:
Uca Allah buyurur: «... fövtə gedən günlərin orucunu tamamlayasınız və sizi düz yola yönəltməsinə görə Ona (“Allahu əkbər” deməklə) təzim və şükür edəsiniz». əl-Bəqərə: 185.Bu, fitrə bayramına aiddir.
Qurban bayramı haqqında isə, Uca Allah belə buyurur: «Sayı bəlli olan günlərdə Allahı yada salın (təkbirlə zikr edin)».
əl-Bəqərə: 203.Həmçinin buyurmuşdur: «...Allah sizi doğru yola yönəltdiyi üçün Onu (layiqincə) uca tutasınız deyə, bunları sizə belə ram etdi».əl-Həcc: 37.


Link:
http://zikr.az/node/5880

Facebok:
facebook.com/www.zikr.az

Sual-cavab:
http://zikr.az/node/add/sual-cavab?

Telegram:
https://telegram.me/zikr_az

İnstagram:
https://instagram.com/zikr.az

Sual:
Bayram namazi nece qilinir?

Cavab:
Müsəlmanların iki bayramı vardır: Ramazan və Qurban bayramı. Bayram namazı camaatla qılınan iki rükətli namazdır. Birinci rükətdə ihram təkbirindən (namazda ilk açılış təkbirindən) sonra qiraətdən əvvəl 7- dəfə təkbir edilir ("Allahu Əkbər" deyilir). İkinci rükətdə isə 5-dəfə təkbir edilir və beləcə iki rükətli namaz kimi adi qaydada səsli qılınır. Namazdan sonra məscidin imamı camaata xütbə verir.

Link:
http://zikr.az/node/2181

Facebok:
facebook.com/www.zikr.az

Sual-cavab:
http://zikr.az/node/add/sual-cavab?

Telegram:
https://telegram.me/zikr_az

İnstagram:
https://instagram.com/zikr.az

*Salam aleykum va rahmətullahi va barakatu*

*Bayramınız mübarək olsun!*

*Təqabbəl Allahu minnə va minkum salihələməl*

*Allah bizdən və sizdən saleh əməllərimizi qəbul etsin.*

🔹Bağışlanma diləmək və tövbə etmək

✔[Rabbi inni zaləmtu nəfsi fəğfir li]
“Ey Rəbbim! Mən özüm-özümə zülm etdim, məni bağışla!” (əl-Qasəs, 16).

✔[Rabbi inni əuzu bikə ən əsələkə mə leysə li bihi ilmun və illə təğfir li və tərhəmni əkun minəl-xasirin]
“Ey Rəbbim! Bilmədiyim bir şeyi Səndən istəməkdən Sənə sığınıram. Əgər məni bağışlamasan, rəhm etməsən, ziyana uğrayanlardan olaram” (Hud, 47)

✔[Lə iləhə illə əntə subhanəkə inni kuntu minəzzalimin]
Səndən başqa heç bir (ibadətə layiq olan) ilahi yoxdur. Mən isə həqiqətən zalimlərdən olmuşam” (əl-Ənbiya, 87)

✔[Rabbənə-ğfir lənə zunubənə və israfənə fi əmrinə və səbbit əqdamənə vənsurnə aləl-qaumil-kəfirin]
“Ey Rəbbimiz! Günahlarımıza və işlərimizdə həddimizi aşdığımıza görə bizi bağışla, qədəmlərimizi möhkəmləndir və kafirlərə qələbə çalmaqda bizə kömək et!” (Ali-İmran, 147)

✔[Rabbiğfir vərhəm və Əntə xayrur-rahimin]
“Ey Rəbbim! Bağışla və rəhm et! Sən rəhm edənlərin ən yaxşısısan” (əl-Muminun, 118)

✔[Rabbənə lə tuəxiznə in nəsiynə əu əxtanə, Rabbənə və lə təhmil aleynə isran kəmə haməltəhu aləlləzinə min qablinə, Rabbənə və lə tuhəmmilnə mə lə taqətə lənə bihi, vafu annə vəğfir lənə vərhəmnə, Əntə məulənə fənsurnə aləl-qaumil-kəfirin]
“Ey Rəbbimiz, unutduqda və ya yanıldıqda bizi cəzalandırma! Ey Rəbbimiz, bizdən əvvəlkiləri yüklədiyin kimi bizi ağır yükləmə! Ey Rəbbimiz, gücümüz çatmayan şeyi bizə yükləyib daşıtdırma! Bizi əvf edib bağışla, bizə rəhm et! Sən bizim ixtiyar Sahibimizsən. Kafirlərə qələbə çalmaqda bizə kömək et!” (əl-Bəqərə, 286)

✔[Rabbənəğ-fir lənə və li ixvaninəl-ləzinə səbəqunə bilimən və lə təc'al fi qulubinə ğıllən lil-ləzinə amənu. Rabbənə innəkə Raufur-Rahim]
“Ey Rəbbimiz! Bizi və bizdən əvvəl iman gətirmiş qardaşlarımızı bağışla. Bizim qəlblərimizdə iman gətirənlərə qarşı kinə, həsədə yer vermə. Ey Rəbbimiz, Sən, həqiqətən, Şəfqətli və Mərhəmətlisən” (əl-Həşr, 10)

✔[Rabbənə ətmim lənə nuranə vəğfir lənə innəkə alə kulli şeyin qadir]
“Ey Rəbbimiz! Bizim nurumuzu tamam-kamal elə və bizi bağışla. Həqiqətən, Sən hər şeyə Qadirsən” (ət-Təhrim, 8)

✔[Rabbiğ-firli xətiəti və cəhli və israfi fi əmri kullihi və mə Əntə ələmu bihi minni. Allahumməğfirli həzli və ciddi və xətaya və əmdi və kullu zalikə indi. Allahumməğ-firli mə qaddəmtu və mə əxxərtu və mə əsrərtu və mə ələntu, Əntəl-Muqəddimu və Əntəl-Muəxxiru və Əntə alə kulli şeyin qədir]
“Ya Rəbbim! Günahımı, cahilliyimi, etdiyim israfı və bilməyib etdiklərimi - yalnız Sən hər şeyi bilənsən - bağışla. Allahım, zarafatla, ciddi, bilməyərək və bilərəkdən etdiyim səhvlərə görə məni bağışla! Bunların hamısının məndə olması mümkündür!” (əl-Buxari, 6399).

✔[Allahummə innəkə afuvvun kərimun tuhibbul-afva fə'fu anni]
“Allahım, Sən Bağışlayan, kərəm Sahibisən, bağışlamağı sevirsən, məni bağışla” (Səhih ət-Tirmizi, 3/ 184)
[Rabbi-ğfirli və livalideyyə və limən dəxalə beytiyə muminən və lil-mumininə vəl-muminət və lə təzidiz-zaliminə illə təbara]
“Ey Rəbbim! Məni, ata-anamı, mənim evimə mömin kimi daxil olan kimsəni və (Qiyamət gününə qədər olacaq) bütün mömin kişiləri və qadınları bağışla. Zalimlərin isə ancaq həlakını artır” (Nuh, 28)
✔[Rabbənə-ğfirli və livalideyyə və lil-mumininə yəumə yəqumul-hisəb]
“Ey Rəbbimiz! Haqq-hesab çəkilən gün məni, ata-anamı və möminləri bağışla” (İbrahim, 41)

✔[Rabbənə təqabbəl minnə, innəkə Əntəs-Səmiyul-Alim]
“Ey Rəbbimiz! (Bu xeyirli işi) məndən qəbul et, Sən doğrudan da, (hər şeyi) Eşidən və Bilənsən” (əl-Bəqərə, 127)

✔[Və tub aleynə, innəkə Əntət-Təvvabu-Rahim]
“Tövbəmizi qəbul et! Həqiqətən, Sən tövbələri qəbul Edən və Mərhəmətlisən” (əl-Bəqərə,128)

✔[Rabbənə aleykə təvəkkəlnə və ileykə ənəbnə va ileykəl-masir]
“Ey Rəbbimiz! Biz ancaq Sənə təvəkkül etdik, tövbə edib ancaq Sənə qayıtdıq. Axır dönüş də ancaq Sənin hüzurunadır” (əl-Mumtəhinə, 4)

Link:
http://zikr.az/node/9214

Facebok:
facebook.com/www.zikr.az

Sual-cavab:
http://zikr.az/node/add/sual-cavab?

Telegram:
https://telegram.me/zikr_az

İnstagram:
https://instagram.com/zikr.az

Ruzi duası

[Allahummə inni əuzu bikə minəl-aczi vəl-kəsəli vəl-cubni vəl-buxli vəl-hərəmi vəl-qəsvəti vəlğəfləti vəl-ayləti vəz-zilləti vəl-məskənəti və əuzu bikə minəl-fəqri vəl-kufri vəl-fusuqi vəş-şiqaqi vən-nifaqi vəs-sum-əti vər-riyai və əuzu bikə minəs-saməmi vəl-bəkəmi vəl-cununi vəl-cuzəmi vəl-bərasi və seyyi-il-əsqami]
“Allahım, acizlikdən, tənbəllikdən, qorxaqlıqdan, paxıllıqdan, qocalıqdan, sərtlikdən, qəflətdən, ehtiyacdan, rüsvayçılıqdan, miskinlikdən, kasıbçılıqdan, küfrdən, fasiqlikdən (asilikdən), ixtilafdan, nifaqdan, lovğalıqdan (təkəbbürlükdən), riyakarlıqdan, karlıqdan, lallıqdan, divanəlikdən, cüzamdan, albinosluqdan və pis xəstəliklərdən Sənə sığınıram!” (Səhih əl-Cəmi, 1/ 407)

[Allahummə inni əuzu bikə minəl-fəqri vəl-qilləti vəz-zilləti və əuzu bikə min ən əzlimə əu uzləmə]
“Allahım, kasıbçılıqdan, qıtlıqdan, rüsvayçılıqdan, zülm etməkdən va ya mənə zülm edilməsindən Sənə sığınıram!” (Səhih ən-Nəsəi, 3/ 1111).

[Allahummə, inni əs-əlukə ilmən nafiən və rizqan tayyibən və amələn mutəqabbələn]
“Allahım, Səndən faydalı elm, təmiz ruzi və qəbul olan əməl istəyirəm!” (Səhih İbn Macə, 1/ 152)

[Allahummə-ğfir li zənbi və vassi' li fi dəri və bərik li fima rəzaqtəni]
“Allahım, günahımı bağışla, yaşadığım yeri genişlət və ruzimi bərəkətləndir!” (İmam Əhməd, 4/ 63)

[Rabbi inni limə ənzəltə ileyyə min xayrin fəqiyr]
“Ey Rəbbim! Mən Sənin mənə nazil edəcəyin xeyrə möhtacam” (əl-Qasəs, 24)

Link:
http://zikr.az/node/9900

Facebok:
facebook.com/www.zikr.az

Sual-cavab:
http://zikr.az/node/add/sual-cavab?

Telegram:
https://telegram.me/zikr_az

İnstagram:
https://instagram.com/zikr.az

Övlad duası

[Rabbi həb li minəs-salihin]
“Ey Rəbbim! Mənə salehlərdən olan bir övlad bəxş et!” (əs-Saffat, 100)

[Rabbi həb li min lədunkə zurriyyətən tayyibə, innəkə səmiud-dua]
“Ey Rəbbim! Mənə də Öz tərəfindən bir övlad bəxş et! Sən həqiqətən, duaları Eşidənsən!” (Ali-İmran, 38)

[Rabbənə həb lənə min əzvacinə və zurriyyətinə qurratə əayunin vəc-alnə lil-muttəqinə imamə]
“Ey Rəbbimiz! Bizə zövcələrimizdən və uşaqlarımızdan gözümüzün işığı olacaq övladlar ehsan buyur və bizi müttəqilərə imam (rəhbər) et!” (əl-Furqan, 74)

[Rabbic'al həzəl-bələdə əminən vəcnubni və bəniyyə ən nəbudəl-əsnam]
“Ey Rəbbim, bu diyarı (Məkkəni) əmin-amanlıq yurdu et! Məni və oğullarımı bütlərə tapınmaqdan uzaq et!” (İbrahim, 35)

[Rabbi lə təzərni fərdən və əntə xayrul-varisin]
“Ey Rəbbim! Məni tək (kimsəsiz, varissiz) buraxma. Sən varislərin ən yaxşısısan” (əl-Ənbiya, 89)

Link:
http://zikr.az/node/9901

Facebok:
facebook.com/www.zikr.az

Sual-cavab:
http://zikr.az/node/add/sual-cavab?

Telegram:
https://telegram.me/zikr_az

İnstagram:
https://instagram.com/zikr.az

Sual:
Aya baxıb salavat çəkmək doğrudurmu?

Cavab:
Peyğəmbər "hilal"-ı (təzə ayın əlamətini) gördükdə bu duanı oxumağı tövsiyə etmişdir: "Allahu əkbər, Allahummə əhilləhu aleynə bil əmni va iməni va-s-sələməti va-l-isləmi va tovfiqi limə tuhibbu rabbənə va tərda rabbunə va rabbukə-llah". (Allah hər şeydən üstündür və böyükdür. Allahım sevdiyin və razı qaldığın şeylər xatirinə onun başımız üzərində olması ilə bizə təhlükəsizlik, iman, salamatlıq, islam və müvəffəqiyyət ver. Bizim də Rəbbimiz Allahdır, sənin də)". (ət-Tirmizi, 5/504).
Aya baxıb salavat çəkmək isə İslamda olmayan əməllərdəndir. Bu, dində bidət (islamda sonradan meydana gəlmiş yenilik) sayılır. Peyğəmbərin (Ona və ailəsinə Allahın salamı və salavatı olsun) zamanında belə bir şey olmamış, o nə özü bunu etmiş, nə də başqalarına bunu əmr etmişdir. Peyğəmbər (salləllahu aleyhi və səlləm) buyurmuşdur: "Hər bir bidət (dində yenilik) zəlalətdir, hər bir zəlalət isə cəhənnəm odundadır". Başqa bir hədisdə Peyğəmbər (salləllahu aleyhi və səlləm) belə demişdir: "Kim bizim bu işimizə ondan olmayan bir şeyi əlavə edərsə, etdiyi rədd olunar". (əl-Buxari; Muslim).
O ki, qaldı ayın burnu, ağzı və ya gözü olmasına, bu, haqda heç bir səhih məlumat yoxdur. Həmçinin, ayı müqəddəsləşdirmək olmaz. Ay, günəş, ulduzlar və planetlər Allahın yaratdığı məxluqlardır. Uca Allah buyurur: "Gecə və gündüz, günəş və ay Onun dəlillərindəndir. Əgər siz Ona ibadət edirsinizsə, onda günəşə və aya səcdə etməyin, onları yaradan Allaha səcdə edin". (Fussilət, 37).

Link:
http://zikr.az/node/779

Facebok:
facebook.com/www.zikr.az

Sual-cavab:
http://zikr.az/node/add/sual-cavab?

Telegram:
https://telegram.me/zikr_az

İnstagram:
https://instagram.com/zikr.az

Şükr etmək haqqında

[Rabbi əvzini ən əşkura nimətəkəl-ləti ənamtə aleyyə və alə valideyyə və ən əmələ salihən tərdah və ədxilni birahmətikə fi ibadikəs-salihin]
“Ey Rəbbim! Mənə, mənim özümə və ata-anama ehsan buyurduğun nemətə şükr etmək, Sənin razı qalacağın yaxşı iş görmək üçün ilham (qüvvət) ver! Məni öz mərhəmətinlə saleh bəndələrinin sırasına daxil et!” (ən-Nəml, 19)

[Allahummə əınni alə zikrikə, və şukrikə, və husni ibadətikə]
“Allahım, Səni zikr etməyə, Sənə şükr və ibadət etməkdə mənə yardım et!” (əl-Hakim, 1/ 499)

Link:
http://zikr.az/node/9902

Facebok:
facebook.com/www.zikr.az

Sual-cavab:
http://zikr.az/node/add/sual-cavab?

Telegram:
https://telegram.me/zikr_az

İnstagram:
https://instagram.com/zikr.az

Sual:
Neçə dəfə və hansı əl ilə salavat çəkilməlidir?

Cavab:
Uca Allah möminlərə Peyğəmbərə (Ona və ailəsinə Allahın salavatı və salamı olsun) salavat və salam gətirməyi buyurur: "Doğrudan da, Allah və Onun mələkləri Peyğəmbərə xeyir-dua verirlər. Ey iman gətirənlər! Siz də ona xeyir-dua verib kamil ədəb-ərkanla salamlayın". (əl-Əhzəb, 56). Peyğəmbərə (Ona və ailəsinə Allahın salavatı və salamı olsun) salavat dilədikdə ona Uca Allahdan xüsusi rəhmət diləmiş oluruq. Salam sözü isə salamatlıq deməkdir. Peyğəmbərə (Ona və ailəsinə Allahın salavatı və salamı olsun) salavat gətirərkən əli üzə çəkərək salavat gətirmək olmaz. Çünki bu, sonradan dinə gətirilən yenilikdir (bidətdir). Peyğəmbərimizin (Ona və ailəsinə Allahın salavatı və salamı olsun) adı çəkildikdə əli üzə sürtmədən "salləllahu aleyhi va alə əlihi va səlləm - Ona və ailəsinə Allahın salavatı və salamı olsun" demək kifayətdir. Salavat sadəcə dillə tələffüz olunur. Həmçinin, onu da qeyd etmək istəyirik ki, salavatın deyiliş formaları çoxdur. Say məsələsinə gəldikdə isə hədisdə belə deyilir: "Kim səhər on dəfə, axşam da on dəfə mənə salavat gətirsə, (Allahummə salli va səllim alə nəbiyyinə Muhəmməd) "Allahım! Peyğəmbərimiz Muhəmmədə salavat və salam yetir!), Qiyamət günü şəfaətim ona çatar". (Sahihu-t-Tərğib və-t-Tərhib, 1/273).
Ümumiyyətlə gün ərzində istənilən sayda Peyğəmbərə salavat göndərmək olar. Abdullah ibn Əbu Talhə atasından (Allah onlardan razı olsun) rəvayət edir: "Bir gün Allah Elçisi (salləllahu aleyhi və səlləm) sevinərək yanımıza gəldi. Biz dedik: "Biz sənin üzündə sevinc görürük". O buyurdu: "Həqiqətən, mələk yanıma gəlib dedi: "Ey Muhəmməd! Rəbbin buyurur: "Sənə bir salavat göndərənə Mənim on salavat göndərəcəyim və sənə bir salam göndərənə də Mənim on salam göndərəcəyim səni məmnun edərmi?!" (ən-Nəsəi, 1266).
Cümə günü isə çoxlu salavat demək daha yaxşıdır. Allah Elçisi (salləllahu aleyhi və səlləm) demişdir: "Hər Cümə günü mənə çox salavat deyin! Həqiqətən, hər Cümə günü ümmətimin salavatı mənə bildirilir. Kimin mənə dediyi salavatı daha çox olarsa, (Qiyamət günü) o, mənə daha yaxın mərtəbədə olacaq". (əl-Beyhəqi: "Sunənu-l-Kubra", 5791).
Həmçinin, dua etdikdə salavat demək duanın qəbul olunmasına səbəbdir. İbn Məsud (Allah ondan razı olsun) deyir: "Namaz qılırdım. Əbu Bəkr və Ömər (Allah onlardan razı olsun) də Peyğəmbərlə (salləllahu aleyhi və səlləm) birlikdə idilər. Mən oturduqda Uca Allaha həmd-səna etməyə başladım, sonra Peyğəmbərə (salləllahu aleyhi və səlləm) salavat gətirdim və sonra özüm üçün dua etdim. Peyğəmbər (salləllahu aleyhi və səlləm) buyurdu: "İstədiyini dilə, sənə veriləcək". (ət-Tirmizi, 593).

http://zikr.az/node/1824

Sual:
Namazda fikrin yayınmaması üçün nə etmək lazımdır?

Cavab:
Namazda fikrin qarışmasının səbəbi. Peyğəmbərimiz (salləllahu aleyhi va səlləm) demişdir: "Namaz üçün azan veriləndə şeytan bərkdən yel buraxaraq qaçır ki, bu çağırışı eşitməsin, azan qurtardıqda isə geri qayıdır. İqamə veriləndə yenə dönüb qaçır, iqamə bitdikdə isə geri qayıdır və nəhayət, insanla onun qəlbi arasında dayanıb ona:n"Filan şeyi və filan şeyi yadına sal" - deyərək (namazı qurtarana qədər) onun yadına düşmədiyi şeyləri ona təlqin edir. Axırda o adam neçə (rükət) qıldığını (yadına sala) bilmir". (əl-Buxari, 608).
Bu və digər hədislərdən aydın olur ki, namazda fikrin yayınması şeytandan irəli gəlir. Bundan xilas olmaq üçün namaz üçün isə aşağıdakıları etmək faydalıdır:
Namaz qılarkən Şeytan vəsvəsə edərsə... Osman ibn Əbu əl-Asdan (Allah ondan razı olsun) rəvayət olunur ki, o, Peyğəmbərin (Ona və ailəsinə Allahın salamı və salavatı olsun) yanına gələrək belə dedi: "Ey Allahın Rəsulu! Şeytan qiraətimi və namazımı xuşu (Mütilik, Allahdan qorxaraq qəlbin Ona yönəlməsinə "xuşu" deyilir) ilə oxuyub qılmağıma mane olaraq məni çaşdırdı və şəkkə saldı. Peyğəmbər (salləllahu aleyhi və səlləm) isə ona belə cavab verdi: "O, Xinzəb adlı Şeytandır. Əgər onu hiss edərsənsə, "əuzu billəhi minəş-şeytanir-racim" deyərək ondan Uca Allaha sığın və üç dəfə sol tərəfinə yüngülcə tüpür (nəfəs ver!)". Səhabə deyir: "Belə etdim və Uca Allah da onu məndən uzaqlaşdırdı". (əl-Buxari, 3282; Muslim, 2610).
Namaza hazırlaşmaq və namaz üçün xüsusi vaxt ayırmaq. Buraya daxildir:
Namaz vaxtı girdikdə dünya işlərini kənara qoymaq, tələsmədən namaz qılıb, namazdan sonrakı zikrləri edəcəyi düşüncəsində olmaq.
Azan eşidərkən sözlərini təkrarlamaq. Peyğəmbərimiz (salləllahu aleyhi və səlləm) demişdir: "Azanı eşidərkən müəzzinin dediklərini siz də deyin".
Tələsmədən dəstəmaz almaq və dəstəmazdan sonrakı zikrləri etmək.
Namazda tələsməmək. Peyğəmbər (salləllahu aleyhi və səlləm) demişdir: "Oğurluğun ən pisi namazdan edilən oğurluqdur" deyildi ki: "Ya Rəsulullah, bir insan namazdan necə oğurluq edir?" - "Rüküsünü və səcdəsini tam olaraq yerinə yetirməyərək" deyə cavab verdi (İmam Əhməd: "əl-Musnəd" əsəri).
Allahın cavab verdiyini düşünmək. Peyğəmbər (salləllahu aleyhi və səlləm) demişdir ki, Uca Allah buyurur: "Mən namazı Özümlə qulum arasında iki qismə böldüm. Yarısı Mənim, yarısı da qulum üçündür. Qulum da dilədiyini alacaqdır". Qul: "əl-Həmdu lilləəhi Rabbi-l-A'ələmiin!" - (Həmd olsun aləmlərin Rəbbi Allaha!) - dedikdə, Allah: "Qulum Məni həmd-səna ilə təqdis etdi" - deyir. O: "ər-Rah'məəni-r-Rahiim" - (Mərhəmətli və Rəhmliyə) - dedikdə, Allah: "Qulum Məni təriflədi" - deyir. O: "Məəliki Youvmi-d-Diin" - (Haqq-hesab gününün Hökmdarına!) - dedikdə, Allah: "Qulum Məni mədh etdi" və ya "Mənə arxayın oldu" - deyir. O: "İyyəəkə Nə'budu Va İyyəəkə Nəstəi'in" - (Biz yalnız Sənə ibadət edir və yalnız Səndən kömək diləyirik) - dedikdə, Uca Allah buyurur: "Bu, Mənimlə qulumun arasında iki hissəyə bölünəcək və o, dilədiyini alacaq". O: "İhdinə-s-Siraata-l-Mustəqiim, Siraata-l-Ləziinə Ən A'mtə Aleyhim, Ğayri-l-Məğdubi Aleyhim Valə-d-Daaaalliin!" - (Bizi doğru yola, nemət bəxş etdiyin şəxslərin yoluna yönəlt, qəzəbə uğramışların və azmışların yoluna yox) - dedikdə, Uca Allah buyurur: "Bu, quluma məxsusdur və o, dilədiyini alacaqdır!" (Muslim; Əhməd; İbn Hibbən; ət-Tirmizi; Əbu Dəvud).
Ölümü xatırlamaq. Əbu Əyyub əl-Ənsari (Allah ondan razı olsun) Peyğəmbərdən (salləllahu aleyhi və səlləm) rəvayət edir ki, o demişdir: "Namazı son dəfə namaz qılan kimi qıl".
Quran ayələrinin və namazdakı digər sözlərin mənasını düşünmək. Uca Allah buyurur: "Sənə nazil etdiyimiz mübarək bir kitabdır ki, insanlar onun ayələrini düşünüb dərk etsinlər və ağıl sahibləri də ondan ibrət alsınlar!" (Sad, 29).
Quranı ağır-ağır və gözəl avazla oxumaq. Allah Rəsulu (salləllahu aleyhi və səlləm) demişdir: "Həqiqətən Allah Təala Quranı nazil etdiyi kimi oxunmasını sevər". (əl-Buxari və Muslim).
Ummu Sələmə (Allah ondan razı olsun) Peyğəmbərin qiraəti (oxumağı) barədə soruşulduqda belə demişdir: "Onun qiraəti hərf-hərf idi".

(Yəni, hərf-hərf sayıla biləcək qədər aydın idi)". (Muslim).
Yeni surələr və ayələr əzbərləyərək namazlarda oxumaq. Quranda hər dəfə eyni ayələri təkrar-təkrar oxumaq insan üçün adiləşə bilər. Yeni ayələr əzbərləmək isə həm savab baxımından, həm də namazda diqqətin artması baxımından çox vacibdir. Həmçinin Quran oxumaq ən fəzilətli əməllərdəndir: "Quranı əzbər bilib oxuyan kimsənin misalı, vəhy daşıyan şərəfli və itaətkar mələklərin misalı kimidir. Çətinlik çəkərək Quran oxumağa davam edən kimsə üçün iki savab vardır". (əl-Buxari, Muslim).
Peyğəmbər (salləllahu aleyhi və səlləm) demişdir: "Quran oxuyan insana deyiləcəkdir: Dünyada etdiyin kimi aramla oxu və yüksəl. Həqiqətən sənin məqamın oxuduğun son ayə məqamında olacaqdır". (ət-Tirmizi). Daha ətraflı: Quran oxuyarkən səhvə yol vermək günahdırmı?
Təşəhüddə barmağı Peyğəmbərin tutduğu kimi tutmaq. "Rəsulullah (salləllahu aleyhi və səlləm) sol əlini sol dizi üzərinə qoyardı, sağ əlinin barmaqlarini büküb, işarə barmağını qiblə istiqametində yönəldib həmin barmağa baxardı. (Muslim).
Başqa bir səhih rəvayətə görə isə Peyğəmbər (salləllahu aleyhi və səlləm) işarə barmağını qaldırandan sonra onu hərəkət etdirib dua edərdi.
Rəsulullah (salləllahu aleyhi və səlləm) deyərdi: "Bu, həqiqətən də şeytana qarşı dəmirdən də ağırdır, bununla O, işarə barmağını nəzərdə tutardı". (İmam Əhməd).
Bu hədisdə Allah Rəsulu (salləllahu aleyhi və səlləm) bunun şeytanın vəsvəsəsinə qarşı güclü vasitə olduğunu bildirmişdir.
Camaat namazlarında iştirak etmək. Peyğəmbər (salləllahu aleyhi və səlləm) demişdir: "Camaatla qılınan namaz tək qılınan namazdan iyirmi yeddi dərəcə daha fəzilətlidir". (Muslim, 1509).

Link:
http://zikr.az/node/1265

Facebok:
facebook.com/www.zikr.az

Sual-cavab:
http://zikr.az/node/add/sual-cavab?

Telegram:
https://telegram.me/zikr_az

İnstagram:
https://instagram.com/zikr.az

Sual:
Uşağa Namaz adını qoymaq olarmı?

Cavab:
Bəli, uşağa Namaz adını qoymaq olar. Ümumiyyətlə, uşaqlara gözəl və manaca yaxşı, həmçinin cəmiyyətdə qəribə qarşılanmayan ad qoymaq övladın valideyn üzərində olan haqqıdır. Peyğəmbər (salləllahu aleyhi və səlləm) demişdir: "Uşağa gözəl ad vermək, dinini öyrətmək və vaxtı gələndə evləndirmək, övladın atası üzərindəki haqlarındandır". (Əbu Nuaym).
Dinin qadağan etdiyi bir məna daşıyan adların uşaqlara verilməsi düzgün deyil. O dönəmdə peyğəmbərimiz (Allahın ona salavatı və salamı olsun) islama yeni daxil olanların cahiliyyə dövründəki adlarını dəyişdirməzdi. Ancaq bu adlar arasında mənası çirkin və ya Allahdan başqasına bəndəliyi (qulluğu) ifadə edənlər varsa, məsələ müşriklərin ibadət etdiyi bütlərdən biri olan Uzzanın qulu anlamındakı Abduluzza, Kəbənin qulu anlamındakı Abdulkəbə və ona oxşarr adları xüsusən də Allahın qulu mənasındakı Abdullah və ya Rəhmanın qulu mənasında Abdurrahmən kimi adlarla dəyişdirdi. Kəsmək anlamına gələn Sarim ismindəki bir səhabənin adını da, xoşbəxt mənasına gələn Said, Bərra olan bir qadının adını isə Zeynəb olaraq əvəz etmişdir. (əl-Buxari: "Ədəb", 108; Əbu Dəvud: "Ədəb", 62).
Həmçinin Firon və Qarun kimi zülm və küfür simvolları olan adların da verilməsi islamda qadağandır. Övladlarımıza verəcəyimiz adlar, Allaha qulluq ifadə edən, dini hədəflərə və insan heysiyyatına uyğun, ətrafımızdakı insanların xüsusi ilə də qulağa xoş gələn, islam böyüklərindən xatirə qalan mənası gözəl olan adlardan hər hansı biri ola bilər. Daha öncədən heç eşidilməmiş, mənasız ifadələr daşıyan, islam cəmiyyətində heç istifadə olunmayan uydurma və müsəlman olmayanlara aid adların uşaqlarımıza ad olaraq qoyulması doğru deyildir. Çünki peyğəmbərimiz belə demişdir: "Qiyamət günündə atalarınızın adı ilə çağırılacaqsınız. Bu baxımdan uşaqlarınıza gözəl adlar qoymağınız məsləhətdir". (Əbu Dəvud: "Ədəb", 61; Əhməd: "Musnəd", 7/194).
Allah qatında adların ən gözəli Abdullah və Abdurrahməndır. (əl-Buxari: "Ədəb", 105-106; Muslim: "Ədəb", 2; İbn Məcəh: "Ədəb", 2).

Link:
http://zikr.az/node/4070

Facebok:
facebook.com/www.zikr.az

Sual-cavab:
http://zikr.az/node/add/sual-cavab?

Telegram:
https://telegram.me/zikr_az

İnstagram:
https://instagram.com/zikr.az

Sual:
Uşağa Knyaz adını qoymaq olarmı?

Cavab:
Doğulan uşaqlara yaxşı ad qoymaq övladın valideyn üzərində olan haqqıdır. Sözsüz ki, ən yaxşı adlar Uca Allahın adları və Onun peyğəmbərlərinin (Allahın onlara salamı olsun), həmçinin səhabələrin (Allah onlardan razı olsun) və keçmiş əməlisalehlərin (Allah onlara rəhmət etsin) adlarıdır. Amma dini ad qoymaq vacib buyurulmamışdır. Əsas şərt odur ki, qoyulan adların mənası gözəl olsun. Knyaz adı da rus mənşəli olub mənası qədim Rusiyada tayfa başçısı, qoşun başçısı, feodallar sinfinin yüksək nümayəndəsi və s. deməkdir. Adın mənası yaxşı olduğuna baxmayaraq dilimizə yad söz olduğu üçün gələcəkdə uşağın öz həmyaşıdları arasında ada görə sıxıntı çəkməməsinə də fikir vermək lazımdır.

Link:
http://zikr.az/node/13255

Facebok:
facebook.com/www.zikr.az

Sual-cavab:
http://zikr.az/node/add/sual-cavab?

Telegram:
https://telegram.me/zikr_az

İnstagram:
https://instagram.com/zikr.az

Sual:
Cariyələrlə evlənmək haqqında ayələri izah edə bilərsinizmi?

Cavab:
"Cariyə" sözü ərəbcə, "Kəniz" sözü isə onun azərbaycan dilində tərcüməsidir. Qul isə qədim dövrlərdə kölə kimi bazarlarda satılan adama deyilir. Uca Allah buyurur: "Sahib olduğunuz cariyələr istisna olmaqla ərli qadınları almaq da sizə haram edildi". (ən-Nisə, 24). Cihad vaxtı əsir düşən qadınlar cariyə hesab olunurdu. Lakin, bu cariyələr arasında əri olanlar var idi. Onlar əsir düşdükdə müsəlmanlara məxsus idilər. Bu bir tərəfdən də İslamı qəbul etməyənlərin zövcələrinin əsir düşərək başqasına qismət olmasına və hələ bu dünyada onun alçaldıcı bir vəziyyətə düşməsinə xatırlatmadır. Uca Allah buyurur: "Sizdən hər kəs maddi imkanı olmadığına görə azad mömin qadınlarla evlənə bilmirsə, onda sahib olduğu mömin kənizlərdən alsın". (ən-Nisə, 25). Yəni, evlənməyə imkanı çatmırsa, cihad vaxtı ona qismət olan cariyələrin içindən iman etmişləri ilə evlənə bilər. (İbn Kəsir "ən-Nisə" surəsinin təfsiri).

Link:
http://zikr.az/node/11109

Facebok:
facebook.com/www.zikr.az

Sual-cavab:
http://zikr.az/node/add/sual-cavab?

Telegram:
https://telegram.me/zikr_az

İnstagram:
https://instagram.com/zikr.az

Fitnə və zülmə qarşı

[Rabbinsurni aləl-qaumil-mufsidin]
“Ey Rəbbim! Fitnə-fəsad törədən qövmə qarşı mənə yardım et!“ (əl-Ənkəbut, 30)

[Rabbənə lə təc'alnə fitnətən lilqaumiz-zalimin və nəccinə birahmətikə minəl-qaumil-kafirin]
“Ey Rəbbimiz! Bizi zalim tayfanın fitnəsinə uğratma! Zalim tayfanın əlində sınağa çəkmə, və bizi Öz mərhəmətinlə kafirlərin əlindən qurtar!” (Yunus, 85-86)

[Rabbənə atinə min lədunkə rahmətən və həyyi lənə min əmrinə raşədə]
“Ey Rəbbimiz! Bizə Öz dərgahından mərhəmət bəxş et və işimizə fərəc ver!” (əl-Kəhf, 10)

Link:
http://zikr.az/node/9904

Facebok:
facebook.com/www.zikr.az

Sual-cavab:
http://zikr.az/node/add/sual-cavab?

Telegram:
https://telegram.me/zikr_az

İnstagram:
https://instagram.com/zikr.az

Sual:
Quran oxumağın savabı haqqında

Cavab:
Əvvəla onu qeyd edək ki, Quran Uca Allahın kəlamıdır. Onun digər kəlamlara nisbətən üstünlüyü Uca Allahın məxluqatı üzərindəki üstünlüyü kimidir. Dilin oxuduğu ən gözəl kəlam da odur. Həmçinin Uca Allahın kəlamı olan Qurani Kərimi oxumaq savab baxımından ən yüksək olan ibadətlərdən biridir. Uca Allah buyurur: "Allahın Kitabını oxuyanlar, namaz qılanlar və özlərinə verdiyimiz ruzilərdən gizli və aşkar xərcləyənlər səmərəsiz olmayacaq bir ticarətə ümid edirlər ki, (Allah) onlara mükafatlarını tam olaraq versin, üstəlik də onlara Öz lütfünü artırsın. Həqiqətən, O, Bağışlayandır, şükürün əvəzini verəndir". (Fatir, 29-30).
Həmçinin buyurmuşdur: "Kitab verdiyimiz kəslər onu layiqincə oxuyurlar...". (əl-Bəqərə, 121).

Quran öyrətməyin savabı:
Peyğəmbər (salləllahu aleyhi və səlləm) demişdir: "Sizin ən xeyirliniz Quranı öyrənib, sonra da onu insanlara öyrədəndir". (əl-Buxari, №: 4739).
Təbii ki, birdən-birə Quranı səhvsiz oxumaq mümkün deyil. Ona görə də, ruhdan düşməyərək oxumağa davam edin. Aişədən (Allah ondan razı olsun) rəvayət oldunduğuna görə Peyğəmbər (Ona və ailəsinə Allahın salavatı və salamı olsun) buyurmuşdur: "Qurani Kərimi oxuyub məharət sahibi olan, hörmətli və itaətkar mələklərlə bərabərdir. Qurani Kərimi oxuyan və oxunmasında çətinlik çəkərək kəkələyən kimsəyə isə iki mükafat (savab) vardır". (əl-Buxari: "Tövhid", 52).
Ümumiyyətlə, Quran oxuyarkən insan çalışmalıdır ki, sözləri bacardığı qədər düzgün tələffüz etsin ki, səhv tələffüz nəticəsində sözlərin mənası dəyişməsin. Xətalarınızı düzəltmək üçün isə Quran oxuyan qarilərdən birini seçin və diqqətlə onu dinləməklə özünüzdə olan səhvləri düzəldin. Həmçinin təcvid elminin əsaslarına da yiyələnsəniz daha böyük savab qazanmış olarsınız. Bu barədə internetdə çoxlu video dərslər (həmçinin azərbaycanca) var.
Ummu Sələmə (Allah ondan razı olsun) Peyğəmbərin (salləllahu aleyhi və səlləm) qiraəti (oxumağı) barədə soruşulduqda belə demişdir: "Onun qiraəti hərf-hərf idi". (Yəni, hərf-hərf sayıla biləcək qədər aydın idi)". (Əbu Dəvud, №: 4001).
Quranı oxumağın, öyrənməyin, əzbərləməyin və öyrənmək üçün toplaşanların savabına aid bəzi hədislər: Peyğəmbər (salləllahu aleyhi və səlləm) Əbu Zərrə (radıyəllahu anhu) xitabən belə demişdir: "Ey Əbu Zərr, Allahın kitabından bir ayə öyrənmək üçün səhər evindən çıxman, sənin üçün yüz rükət namaz qılmandan daha xeyirlidir". (İbn Məcəh, 1/79).
Peyğəmbər (salləllahu aleyhi və səlləm) dedi: "Quran elə bir kitabdır ki, Onda sizdən əvvəlki (xalqarın vəziyyəti ilə) əlaqədar xəbər, sizdən sonra (qiyamətə qədər) zühur edəcək fitnələr və qiyamət əlamətləri haqda xəbərlər, həmçinin sizin aranızda (iman-küfr, itaət-üsyan, haram-halal və s. kimi) baş verəcək hadisələrlə bağlı hökmlər var. O, haqq ilə batili bir-birindən ayıran yeganə meyardır və Onda mövcud olan hər şey ciddidir...". (ət-Tirmizi: "Fədailul-Quran", 14).
Əlidən (Allah ondan razı olsun) rəvayət olunan hədisdə Allah Rəsulu (salləllahu aleyhi və səlləm) buyurmuşdur: "Kim Quranı oxuyar və onu gözəlcə əzbərləyər, halalını halal, haramını da haram qəbul edərsə, bunun sayəsində Uca Allah o kimsəni cənnətinə qoyar və ailəsindən cəhənnəmə girməyə layiq olan on nəfər üçün şəfaət etmə haqqı verər". (ət-Tirmizi: "Fədailul-Quran", 13; İbn Məcəh, 1/78).
Peyğəmbər (Allahın ona və ailəsinə salavatı və salamı olsun) dedi: "Allahın evlərindən birində toplaşıb, Onun kitabını oxuyan və öyrənən topluma mütləq sükunət çökər, mərhəmət onları bürüyər, Mələklər onları əhatəyə alar və Uca Allah onları hüzurundakılara xatırladar". (Muslim: "Zikr", 38).
Peyğəmbər (Allahın ona və ailəsinə salavatı və salamı olsun) buyurdu: "Hər zaman Quran oxuyana belə deyiləcəkdir: oxu və ucal, dünyada aramla oxuduğun kimi burada (axirətdə) da aram ilə oxu və yüksəl! Həqiqətən sənin mərtəbən (məqamın) oxuduğun son ayə məqamında olacaqdır". (Əbu Dəvud: "Vitr", 20).
əl-Xattabi (Allah ona rəhmət etsin) nəql edir: "Rəvayətdə deyilir ki, Quran ayələrinin sayı cənnətin pillələri sayındadır. Quran oxuyana deyiləcəkdir: Quran ayələrini oxuduğun qədər pillələrlə yüksəl. Kim Quranı tam

oxuyarsa, Axirətdə cənnətin ən yüksək pilləsinə yüksələr. Kim Qurandan bir parça oxuyarsa, onun yüksəlişi oxuduğunun mislində olar. Onun mükafatı qiraəti bitən yerə qədər olar".
Allah Rəsulu (salləllahu aleyhi və səlləm) dedi: "Quran oxunan evdə xeyir (bərəkət) artır. Belə evlərə mələklər yığışır, şeytanlar oradan uzaqlaşır. Quran oxunmayan evlərin xeyir və bərəkəti az olur". (əd-Dərimi: "Sunən", 2/429-430).
Peyğəmbər (Ona və ailəsinə Allahın salavatı və salamı olsun) buyurdu: "Kim Allahın kitabından 1 hərf oxuyarsa ona 1həsənə (savab, yaxşılıq) vardır. Hər yaxşılıq 10 qatı ilə dəyərləndirilir. Mən demirəm ki, "Əlif, Ləm, Mim" bir hərfdir! "Əlif" 1 hərf, "Ləm" 1 hərf, "Mim" də 1 hərfdir". (ət-Tirmizi: "Səvabul-Quran", 16).
Allah Rəsulu (salləllahu aleyhi və səlləm) demişdir: "Quran Allahın (insanlara ərməğan etdiyi ilahi) süfrəsidir. Gücünüz çatdıqca ondan bəhrələnməyə çalışın. Şübhəsiz ki, içində (əzbərində) Allahın kitabından bir şey olmayan evdən daha kiçik (cansıxıcı) ev yoxdur. İçində Allahın kitabından heç nə olmayan qəlb də kimsəsiz xaraba ev kimidir". (ət-Tirmizi: "Fədailul-Quran", 18).
Allah Elçisi (salləllahu aleyhi və səlləm) dedi: "Qəlbiniz Quran üzərində birləşdiyi müddətcə onu oxuyun, onunla ixtilaf edəndə isə qalxın". (əl-Buxari: "Fədailul-Quran", 27).
Peyğəmbər (salləllahu aleyhi və səlləm) buyurdu: "Allah bu Qurana (əməl edən) qövmləri (dünya və axirətdə) ucaldıb əziz edir, Ona (əməl etməyən) qövmləri isə (dünya və axirətdə) alçaldır, zəlil edir". (Muslim: "Salətul-Musəfirin", 269).
Peyğəmbər (salləllahu aleyhi və səlləm) buyurdu: "Bu iki cür kimsədən başqasına qibtə edilməz. Bunlardan biri odur ki, Uca Allah ona nemət olaraq Quranı öyrətmiş, o da gecə və gündüz saatlarında onu oxuyur, onunla məşğul olur. Qonşusu da eşidir və belə deyir: "Kaş filankəsə verilən Quran neməti mənə də veriləydi, onun oxuyub əməl etdiyi kimi mən də oxuyub əməl edəydim". Digərinə isə Allah çoxlu mal-dövlət vermiş, o da malını gecə-gündüz Allah yolunda xərcləyib sədəqə verir. Bunu eşidən bir nəfər: "Kaş bu filankəsə verilən maldan mənə də veriləydi və mən də onun kimi əməl edərdim" deyə qibtə edir". (əl-Buxari "Tövhid" 45).
Peyğəmbər (salləllahu aleyhi və səlləm) buyurdu: "Quran oxuyan mömin, qoxusu və dadı gözəl olan portağal kimidir. Quran oxumayan mömin, dadı gözəl fəqət qoxusu olmayan xurma kimidir. Quran oxuyan münafiq (ikiüzlü) və ya facir (günahkar) qoxusu gözəl, amma dadı acı olan reyhan (nanə) kimidir. Quran oxumayan münafiq isə qoxusu olmayan acı Əbu Cəhl qarpızı (dadı və qoxusu olmayan acı bir meyvə) kimidir". (əl-Buxari: "Fədailul-Quran", 17, 26, "Tövhid", 36, 6/107).

Qiyamət günü Quranın öz sahibinə şəfaət etməsi:
Peyğəmbər (salləllahu aleyhi və səlləm) buyurdu: "Quran oxuyun! Çünki Quran qiyamət günü onu oxuyanlara şəfaətçi olaraq gələcəkdir!" (Muslim: "Salətul-Musəfirin", 252).
Digər hədisdə deyilir: "Qiyamət günü oruc və Quran öz sahibi üçün şəfaətçi olacaqlar". (əl-Hakim, 1/554; Əbu Nueym, "əl-Hilyə", 8/161).

Quran oxumağın ədəb-ərkanı:
İbn Kəsir (Allah ona rəhmət etsin) bəzi ədəb qaydalarını qeyd etmiş və belə demişdir: "Quran oxuyarkən dəstəmazlı olmaq, misvaklanmaq, gözəl geyimini geyinmək, qibləyə tərəf yönəlmək, əsnəyərkən oxumağı dayandırmaq, zərurət olmadan söhbət edərək qiraəti kəsməmək, fikrini oxuduğuna cəmləmək, müjdə verən ayələrdə dayanıb dua etmək, əzab ayələrində dayanıb Uca Allaha sığınmaq, Quranı açıq saxlamamaq, üzərinə bir şey qoymamaq, digər oxuyanlara baxıb bəhsə girərək səsini yüksəltməmək, bazar və lağ-lağı olan yerlərdə oxumamaq".

Övladı Quran öyrənən kimsənin savabı: Peyğəmbər (salləllahu aleyhi və səlləm) demişdir: "Kim Quran oxuyar, öyrənər və ona əməl edərsə, Qiyamət günü onun valideynlərinə günəş kimi parıldayan nurlu tac taxılar. Həmçinin onlara dünyada misli olmayan ipəkdən paltar geyindirilər. Onlar təəccüblə soruşarlar: Bunlar bizə nə üçün verilmişdir? Onlara deyilər: Bu, sizin övladlarınız Quran öyrəndikləri üçündür". (əl-Hakim).

Link:
http://zikr.az/node/3696

Facebok:
facebook.com/www.zikr.az

Sual-cavab:
http://zikr.az/node/add/sual-cavab?