זעמל
1.63K subscribers
4.92K photos
1.82K videos
1 file
380 links
אידישע נייעס וואס איר זעהט נישט אין ערגעץ

צו באקומען אויף סטאטוס:
https://wa.me/message/GI5J7Z6IZJB2E1

צו באקומען אויף די וואטסעפפ גרופעס:
https://chat.whatsapp.com/E740CMfMpCkDkaan83GuJO

פאר קאמענטארן אדער צו אדווערטייזן:
@ZemelVINAdmin
Download Telegram
Beautiful new development "Union Terrace" in Spring Vally NY

4 Bedroom Duplex / 2 Bedroom Walk-Ins Available

Open house: Tomorrow Sunday Apr. 27, 2:00 - 4:00

For more info
https://wa.me/message/GOF3LPP3YJ36L1

Location 👉 https://maps.app.goo.gl/XdGwoEfeU7qh4s8r5?g_st=com
סיריע - די קליינע אידישע געמיינדע אין דער שטאט דמשק אין סיריע איז אין טיפן שאק נאך וואס עס איז אנטדעקט געווארן אז וואנדאלן האבן וואנדאליזירט די ציון הק' פון הרה"ק רבי חיים וויטאל זצ"ל אין די ארטיגע אידישע בית החיים, די וואנדאלן האבן אויפגעבראכן דעם טויער פונעם בית החיים און די אוהל, און אויפגעגראבן א טיפע גרוב הארט נעבן מקום מנוחתו פון דעם הייליגן צדיק זצ"ל.

די שרעקליכע וואנדאליזם אקט האט פאסירט מיטוואך נאכט און ווען די ארטיגע אידן זענען אנגעקומען פרייטאג צום ציון צוליב די 405׳טע יארצייט פונעם צדיק וואס קומט אויס קומענדיגע מאנטאג ל׳ ניסן, האבן זיי אנדעקט די שרעקליכע סצענע, זיי האבן באלד אלאמירט די אינסטאנצן און די רעגירונג האט פארזיכערט אז זיי וועלן נאכיאגן די שולדיגע און זיי שטרענג באשטראפן.

די איחוד הרבנים פון די איסלאמישע לענדער האבן ארויסגעשטעלט א סטעיטמענט ווי זיי האבן ארויסגעברענגט זייער ווייטאג פון די וואנדליזם אקט און גערופן פאר די סירישע אוטעריטעטן צו צושטעלן מער שוץ ביי הייליגע אידישע ערטער אין לאנד.
This media is not supported in your browser
VIEW IN TELEGRAM
ירושלים - פוסק הדור הגאון רבי משה שטערנבוך שליט"א ביי ספירת העומר מוצאי שבת אין די איבערגעבויטע דירה פונעם רב אין די הר נוף געגנט.
ניו יארק - די פאליציי האט געמאלדן קלאגעס קעגן א 52 יעריגער פארברעכער ביים נאמען דעקאן וועיר וואס פארמאגט 60 פריערדיגע ארעסטן.

ער האט זיך מיט עטליכע וואכן צוריק איינגעבראכן ביי די ’האסעל וויג שאפ’ אויף דיען סטריט אין קראון הייטס און אפגעטראגן פון דארט מיט $30,000 ווערד פון שייטלען וואס טייל פון זיי זענען געווען גרייט פאר פאציענטן וואס ליידן ליידער פון די ביטערע מחלה ל”ע.
בני ברק - פון שטוב פון מרן הגאון רבי דוב לאנדא שליט"א ראש ישיבת סלאבאדקא איז ארויסגעשטעלט געווארן א רוף צו כלל ישראל צו מתפלל זיין פארן ראש ישיבה מרן רבי אפרים דוב בן דבורה לרפו"ש וואס געפונט זיך אין שפיטאל מיט שווערע יסורים.

דער ראש ישיבה וואס איז אין די עלטער פון 95 יאר בליעה”ר, איז פרייטאג אינדערפרי אריבער אן אפעראציע אין די מעייני הישועה שפיטאל אויף די היפן ביין נאכן אומפאלן מיטוואך שפעט אויפדערנאכט אינדערהיים.

לויט ווי די שטוב מענטשן געבן איבער איז די אפעראציע אריבער מיט גרויס הצלחה און דער ראש ישיבה וועט דארפן פארבלייבן אין שפיטאל אויף אבזערוואציעס פאר נאך עטליכע טעג און די פולקאמע ערהוילונג קען נעמען נאך געציילטע וואכן, אויף שבת איז אריבער געברענגט געווארן א ספר תורה צום שפיטאל צימער און א מנין תלמידים האבן דארט אפגעראכטן די תפילות.

מארגן זונטאג וועט פארגעקומען נאך א זיצונג דורך די דאקטוירים צו אבזערווירן ווען דער ראש ישיבה וועט קענען גענצליך באפרייט ווערן פון שפיטאל.
בני ברק - הגאון רבי דוב לאנדא שליט"א ראש ישיבת סלאבאדקא האט זיך היינט אומגעקערט אהיים נאכן וויילן 3 טעג אין שפיטאל צוליב אן אפעראציע אויף די פיס נאכן אומפאלן, דער ראש ישיבה האט זיך באלד געזעצט צום גמרא און וועט אין די נאנטע טעג צוריק אנהייבן אויפנעמען דעם ציבור ווי געווענליך.
לעיקוואוד - נאך עטליכע יאר פון פלענער און איבער צוויי יאר פון העפטיגע בוי ארבעט זענען די צוויי הערליכע נייע חתונה תקנות זאלן אויף אועק סטריט פארענדיגט געווארן און לויטן פלאן וועט עס געעפנט ווערן הארט נאך יום טוב שבועות פאר די זומער חתונה סעזאן, די זאלן וועלן שטארק ארויסהעלפן מחותנים שטייענדיג בעת שמחתם צו שניידן פון די הויכע קאסטן ביים חתונה מאכן.

די זאלן וואס ווערן אנגעפירט דורך א גרופע עסקנים איז אויפגעבויט געווארן מיט די פינאנציעלע הילף פון די פילאנטראפישע שרון פאמיליע און איינס וועט הייסן עטרת אסתר און די צווייטע עטרת בלומא, די פרייז פון א חתונה נאכט מיט אלעס אריינגערעכנט וועט זיין 13 טויזנט דאלאר און וועט שניידן טויזנטער דאלארן פון די אומגעהויערע חתונה נאכט קאסטן.

די לאקאלע איינוואוינער האבן מיט פרייד אויפגענומען דער בשורה פון די נייע זאלן וואס וועלן זיין די ניינטע און צענטע חתונה זאלן אין שטאט, און עס איז שוין פארנומען כמעט פאר אלע נעכט דורכאויס דער קומענדיגע זומער חתונה סעזאן.
רוים - פארלאפענע וואך אין די טעג צווישן די טויט און די באגרעבעניש צערעמאניע פון דער פארשטארבענער פויפסט פראנציס האבן קאנספיראציע טעאריקער וואס גלייבן אז אידן פירן די וועלט זיך אויך גענומען צו זיינע ביינער, זיי האבן אים באשולדיגט אז ער איז געווען אונטערגעווארפן אונטער אידישע ביליאנערן און פאליטיקאנטן און אלס וואס ער האט געטוהן איז געווען אין זייער נאמען.

איינע פון די קאנספיראציע טעאריקער איז געגאנגען ווייטער און ארויסגעשטעלט א רעקארדירונג ווי דער פויפסט קושט די הענט פון דריי פערזאנען מיט קאפלעך אויפן קאפ און געשריבן אז דאס זענען דער אידישער ביליאנער אינוועסטירער דעיוויד ראקעפעלער, דער אידישער סעקרעטארי אוו סטעיט הענרי קיסינדזשער, און א געוויסער מאן מיטן נאמען דזשאן ראטשילד, די פאוסט וואס איבער א מיליאן באנוצער האבן געזען האט זיך באצויגן צו די רעקארידרונג זאגנדיג אז די דריי זענען די שטערקסטע מענטשן אויפן וועלט און דער פויפסט קושט זייערע הענט אנשטאט דינען זיינע פארגלייבטע.

עס האט נישט לאנג גענומען ביז עס האט זיך ארויסגעשטעלט אז די גאנצע געשיכטע איז אויסגעזויגן פון פינגער, די רעקארדירונג איז פון א באזוך אין יאר 2014 אין מדינת ישראל ווי דער פויפסט האט זיך באטייליגט ביי א צערעמאניע צום האלאקאוסט געדענק טאג אין די יד ושם האלאקאוסט מאזעאום און דארט געקושט די הענט פון זעקס קריגס איבערלעבער.
ארץ ישראל - מארגן מאנטאג גרייטן זיך די בני ישוב הישן און די פלג הירושלמי קרייזן צו ארויסגיין אויף מאסן פראטעסטן אין 3 לאקאציעס איבערן לאנד וואו טויזנטער בחורי הישובת זענען גערופן געווארן זיך צו שטעלן אין מיליטער, די פראטעסטן גייען פארקומען ביי די לשכת הגיוס אין ירושלים, באר שבע, און ביי די צענטראלע לשכת הגיוס אין תל השומר.
קעטסקילס - חסד של אמת האט ארויסגעשטעלט א ביטע צו רופן דעם ציבור זיך צו באטייליגן ביי א לוויה פון א מת מצווה היינט פארנאכטס.

די לוויה פון האשה אהבה לאה בת משה דוב וואס איז אפגעראטעוועט געווארן דורך חסד של אמת פון פארברענט ווערן וועט פארקומען אין די בית החיים פון חסד של אמת אין וואודרידזש 7:00 אזייגער פארנאכטס.
Media is too big
VIEW IN TELEGRAM
ניו יארק - נאך גרויס דרוק פון די פאבליק און א שטארקע ווינט קעגן אים אויף סאציאלע מידיע האט ראבערט דזשאסמאן געמאלדן זיין רעזיגנאציע אלס דער פרעזידענט פון די געמיינדע קאונסיל פון די 24׳סטע ניו יארק סיטי פאליציי פריסינקט אין די אופפער וועסט סייד געגנט אין מאנהעטן.

די שטורעם האט זיך אנגעהויבן דערנאך וואס עס האט צירקולירט א רעקארדירונג ווי דזשאסמאן ווערט געזען אראפרייסן פלאקאטן מיט אינפארמאציע פון פארכאפטע משכונות וואס געפונען זיך נאך ליידער אין עזה געפענגעניש, ווען ער איז געווארן אנגעפרעגט דורך פארבייגער פארוואס ער טוהט דאס, האט ער געענטפערט א לעכערליכע ענטפער אז עס איז אומלעגאל צו קלעבן צעטלעך אויף עלעקטריק שטאנגען וואס געהערט פאר די סיטי און געזאגט אז ער האט אנגעפרעגט ביי די פאליציי איבער די לעגאליטעט דערפון.

דזשאסמאן איז געווען א לאנגיעריגער וואלונטיר אין די פאליציי געמיינדע קאונסיל וואס איז געווידמעט צו ברענגען זיכערהייט ביי די לאקאלע געמיינדעס אין ניו יארק סיטי, אידישע גרופעס וואס האבן פארפירט קעגן אים האבן אנגעצייגט אז מיט זיין שריט האט ער געטוהן פונקט דאס פארקערטע פון וואס ער איז געשטעלט געווארן דורך די סיטי איינוואינער.
ניו יארק - יעדעס יאר געבט די אלגעמיינע אמעריקאנער וועכענטליכע צייטשריפט די 'טיים' מאגאזין ארויס א ליסטע פון הונדערט מענטשן איבער וועלט וואס האבן געהאט די גרעסטע איינפלוס איבער אלוועלטליכע אנגעלעגנהייטן דורכאויס דעם יאר, אין די היי יאריגע ליסטע פון 2025 זענען גאנצע פופצן דערפון אידן וואס איז ווארשיינליך די מערסטע אידן אויף די ליסטע זינט די מאגאזין האט אנגעהויבן ערשיינען מיטן ליסטע אין יאר 1999.

צווישן די אידן וואס זענען היי יאר אויף די ליסטע ציילט זיך די באפרייטע משכון פון עזה, נועה ארגמני וואס איז ארומגעפארן די וועלט און געקעמפט פאר די איבעריגע פארכאפטע משכונות, זי איז באשריבן געווארן אין די אויסגאבע דורך דאג עמהאפף דער אידישע מאן פון דער געוועזענע וויצע פרעזידענט העריס.

נאך אידן וואס ציילן זיך אויף די ליסטע איז דער פארזיצער פון די ’עי.די.על’, דזשאנאטאן גרינבלאט, דער אמעריקאנער קאמערס סעקרעטאר האווארד לאטניק, דער מעקסיקאנער פרעזידענט פרוי שיינבוים, מעטא פארזיצער מארק צוקערבערג, דער ביליאנער אלעקס קארפ, ביליאנער לארי פינק, און נאך א צאל באקאנטע אידישע פיגורן.
This media is not supported in your browser
VIEW IN TELEGRAM
קערעסטיר - אין בעפארברייטונג צו די טויזנטער פון איבער די וועלט וועלכע קומען אין די טעג צו פארן קיין קערעסטיר צום יארצייט פון הרה"ק רבי ישעי׳ מקרעסטיר זי"ע, איז אוועקגעשטעלט געווארן א סעלפאון טורעם דורך די שטאטראט צוליב די גאר שוואכע טעלעפאן סערוויס וואס איז דארט געווען ביז היינט.
לינדען - די היימישע איינוואינער אין שטאט באגריסן אין די יעצטיגע טעג די נייע גר צדק ר׳ אברהם נח בן אברהם וואס אסאך קענען אים מיט זיין געוועזענע נאמען אנדרעי, וואס פלעגט טוהן קאנסטרוקציע ארבעט פאר עטליכע קהילה מיטגלידער אין די פארגאנגענהייט און אזוי ארום זיך באקאנט געמאכט מיט די אידישע לעבנסשטייגער.

די פרישע גר צדק איז געווען א שטענדיגע מתפלל אין ביהמ"ד אהל הינדא זידיטשוב אין שטאט בנשיאות הרה"צ רבי יושע פרץ שנעבאלג שליט״א פאר די פארלאפענע צוויי יאר, און דער רב הרב שנעבאלג שליט"א און אלע מתפללים און ביהמ"ד האבן אים שטארק מקרב געווען די גאנצע צייט וואס ער האט זיך געדרייט אין ביהמ"ד וואו ער האט באקומען א געוואלדיגע נאנטשאפט צו תורה ומצוות.

א גאר רירענדע מאמענט איז געווען פארלאפענע דאנערשטאג ביי קריאת התורה ווען דער גבאי אין די זידיטשוב׳ע ביהמ"ד האט אויסגערופן יעמוד ר׳ אברהם נח בן אברהם צו די עלייה פון שלישי, אים אויפרופנדיג לתורה נאכן פארענדיגן די גיור פראצעדור א טאג בעפאר אום מיטוואך ביי בי"ד קו הישר אין בארא פארק, מיט א התלהבות דקדושה האט ער געמאכט די ברכה אשר בחר בנו מכל העמים און עולה געווען לתורה, דאנקנדיג דעם אויבערשטן אז ער האט זוכה געווען צו ווערן א חלק פון זיין באליבטע פאלק.
בעלארוס - אין די טעג קומען פאר די לעצטע ביסל ארבעט צו פארענדיגן א ריזן מאנומעט אויפן שטח פון די אלטע אידישע בית החיים אין דער שטאט בריסק, די מאנומענט וועט צוזאמענשטעלן די 1,200 מציבות וואס זענען געפונען געווארן די לעצטע 20 יאר איבערן שטאט נאכן גענוצט ווערן אלס בוי מאטריאל פאר גאסן, געביידעס און צוימען, די פראיעקט צו בויען דעם מאנומענט ווערט אנגעפירט דורך א צאל אידישע ארגאניזאציעס פון אמעריקע, ענגלאנד, און בעלארוס וואס זענען ארויס אין א קאמפיין צו שאפן די לעצטע 40 טויזנט פונט צו פארענדיגן דעם געוואלדיגע פראיעקט.

די אלטע בית החיים אין בריסק איז געווען אין באנוץ פאר איבער הונדערט יאר ביזן אויסברוך פון די צווייטע וועלט קריג און עס ווערט געשאצט אז איבער 35 טויזנט אידן ליגן דארט באערדיגט, די בית החיים איז חרוב געווארן ביים קריג און די מציבות זענען ליידער ארום געשלעפט געווארן איבערן שטאט אלס בוי מאטריאל פאר פריי פון אפצאל, אויך איז אויף א טייל פונעם שטח פון די בית החיים ליידער אויפגעבויעט געווארן א סטאדיום און איר עקזיסטענץ איז כמעט פארגעסן געווארן ווען נישט די יעצטיגע פראיעקט.

די ארגאניזאציעס מיט די הילף פון לאקאלע איינוואוינער האבן צונויפגעזאמלט איבער 1,200 מציבות וואס וועלן אויפגעשטעלט ווערן אינמיטן די שטח און ווערן ארומגענומען מיט א הויכע שטיינערנע צוים וואס וועט פארזיכערן אז די ארט ווערט נישט פארגעסן און אידן קענען דארט קומען דאווענען, די עפענונג צערעמאניע איז געפלאנט אויף דריי חדשים ארום יולי דעם 28׳סטע ווען עס ווערט אפגעצייכנט 80 יאר פון ווען די שטאט איז באפרייט געווארן פון די נאציס ימ"ש.
ירושלים - אין איינע פון די אלטעס היימען אין דער שטאט ירושלים וואו עס וואוינט א עלטערע איד מיטן נאמען ר׳ משה האבן די אנדערע שכנים געעפנט א פאר אויגן ווען ר׳ אברהם חיים זילבער האט אריין שפאצירט מיט א קוכן מיט דריי ליכט דערויף וואס האט געצייגט די נומער הונדערט, ווייניג פון זיי האבן געוואוסט אז דער עלטערער איד פייערט יענעם טאג זיין הונדערט׳סטער געבורטסטאג.

ר׳ אברהם חיים האט דאס געוואוסט וויבאלד ר׳ משה פלעגט מיט עטליכע יאר צוריק וואוינען אין די מרום כנען געגנט נעבן צפת וואו ער איז האט זיך באזעצט נאכן ווערן באפרייט פון אוישוויץ, און ער דינט אלס דער חב"ד שליח אין די ארטיגע שטעטלעך ווי ער איז געווען שטארק באפריינדעט מיט ר׳ משה.

מיט צען יאר צוריק ווען ר׳ משה האט נאך געוואוינט אין מרום כנען פארן זיך אריבער ציען צום אלטעס היים האט ער געמאכט א סעודה צו אפצייכענען זיין ניינציגסטע געבורטסטאג און ר׳ אברהם חיים האט אים געוואונטשן אז מען זאל זיך ווידערזעהן אויף שמחות ביי די הונדערט׳סטע געבורטסטאג, ער האט נישט פארפעלט זיין צוזאג און אנגעקומען קיין ירושלים ברענגען א קוכן און פארברענגן מיט דעם איד אין די אלטער היים.
קראון הייטס - פרא פאלעסטינער גרופעס האבן ארויסגעשטעלט מעלדונגען איבער א געפלאנטע פראטעסט פאר די פרייהייט פון עזה וואס וועט אפגעהאלטן ווערן מארגן מאנטאג אין די קראון הייטס אומגעגנט.

אין בעפארברייטונג צו די פראטעסטן האבן די וועד הקהל, די קראון הייטס אידישע קאונסיל, און די לאקאלע שומרים, ארויסגעשטעלט אנווייזונגען פארן ציבור ווי אזוי זיך צו באגיין אין די צייט פון די פראטעסטן.