בני ברק - די ערשטע רונדע פון פון פריש געבאקענע חמץ ווערט צוכאפט מוצאי פסח אין דער באקאנטע 'מאפיית וויזניץ' בעקעריי.

מי כעמך ישראל: פלארידע - א איד אין ארלענדא האט אונטערגענומען א פראיעקט צו צוזאמנעמען די איבעריגע עסן פון פסח פון פארשידענע פראגראמען און פאמיליעס אין די געגנט און עס וועט ווערן פארטיילט דורך תומכי שבת און אנדערע הילף ארגאניזאציעס.

מאסקווע - אויפן איינלאדונג פון דער רוסישער הויפט רב הרב בערל לאזאר שליט"א איז די טראפאנאוו פאמיליע וואס פארמאגט רוסישע בירגערשאפט געקומען קיין רוסלאנד צו פראווען דעם יום טוב פסח אלס געסט פון די קהילה, מרת טראפאנאוו די מוטער פון דער באפרייער פארכאפטער משכון אלכסנדר טראפאנאוו, האט געגעבן א צאל אויפטריטן פאר די פרויען פון די אידישע קהילה און האט פארציילט די גרויסע ניסים און איר שטארקע דערנענטערנוג צו אידישקייט אין די לעצטע יאר אהאלב.

מיטוואך חול המועד איז די פאמיליע אריבערגערופן געווארן צום קרעמלין אויף א ספעציעלע אודיענץ מיט פרעזידענט ווילאדימיר פוטין, אינאיינעם מיט די פאמיליע איז מיטגעקומען דער הויפט רב פון לאנד הרב בערל לאזאר שליט"א און דער פארזיצער פון די אידישע געמיינדע הרב אלכסנדר בארדא שליט"א, וואס איז געווען די ערשטע מאל וואס פוטין האט אויף גענומען משכונות וואס זענען באפרייט געווארן פון עזה געפענגעניש.

ביים זיצונג האט פרוי טראפאנאוו זיך באדאנקט פאר פוטין פארן נוצן זיין דיפלאמאטישע מאכט און נאנטע פארבינדונגען מיט איסלאמישע לענדער צו לייגן דרוק אויף די כאמאס טעראר גרופע זיי צו באפרייען און אים געבעטן צו ווייטער ארבעטן צו פירן צו דער באפרייאונג פון די איבעריגע 59 משכונות וואס געפונען זיך אונטער שרעקליכע אומשטענדן אין עזה שוין גאר א לאנגע צייט.

ביים ענדע האט פרוי טראפאנאוו פארציילט פאר פוטין אז פיר דורות פון איר פאמיליע זענען פארכאפט געווארן, זי מיט איר מוטער און זוהן דורך כאמאס אום אקטאבאר זיבן און איר באבע דורך די נאציס ימ"ש ביים צווייטן וועלט קריג.

נעילת החג ביי מרן אדמו"ר מוויזניץ אינעם בית האכסניה אין לאס אנדזשעלעס.

🚨Post-Yom Tov Digestive Relief alert!

Introducing Super Colin Clens💥

Break down heavy foods, soothe digestion, and lose weight much easier

📞Message Maple Pharmacy now and get free delivery all over plus a special gift 🎁

https://wa.link/lmwwr5

גבעתיים - א דראמא איז אנטשטאנען ביי די רבנים פון דער שטאט גבעתיים ערב שביעי של פסח ווען זיי האבן זיך פראבירט צו פארבינדן צום גוי וואס האט אפגעקויפט די חמץ פון די לאקאלע איינוואוינער, ווען אנגעפרעגט וויפיל אזייגער ער וועט זיין גרייט צו אריבערקומען מוצאי יום טוב צו קענען צוריק אפקויפן די חמץ פון אים האט ער ערשטוינט די רבנים און געענטפערט אז ער געפונט זיך נישט אין לאנד נאר ער איז איז אין אויסלאנד.

די געשיכטע האט זיך אנגעהויבן אזויווי אומעטום ווי די רבני העיר טוען בעפאר פסח פארקויפן די חמץ פון די איינוואוינער, גבעתיים איז נישט געווען אנדערש און די רבנים הרב אשר וויזל און הרב חן סיידה האבן זיך געזעצט ערב יום טוב מיט א לאקאלע גוי און אים פארקויפט אלע חמץ כדת וכדין, ווי יעדן יאר.

נאכן באקומען דעם ענטפער פונעם גוי אז ער איז אין אויסלאנד האבן די רבנים אדורכגעטוהן די סיטואציע מיט עטליכע גדולי ישראל וואס האבן גע׳פסק׳נט אז די מערסטע אויסגעהאלטן איז אויב מען קויפט צוריק די חמץ אבער די לשון השטר איז אויסגעארבעט אז די חמץ זאל צוריקקומען אויך אויב די גוי ווערט פארשוואונדן, אין ענדע האט מען באוויזן אים ארויפצוברענגען אויף א ווירטואלע זיצונג מוצאי יום טוב און די חמץ איז געהעריג געווארן צוריק אפגעקויפט לויט די הלכה.

ירושלים - א שילד איז געווארן ארויסגעשטעלט אויף די תכלת מרדכי גאס נאך די גרויסע ניסים ביי די טעראר אטאקע פארזוך ערב פסח פארלאפענע יאר.

ראשון לציון - אין די טעג איז פארענדיגט געווארן די טייערסטע ארון הקודש אין די וועלט וואס איז פלאצירט אין ישיבת עטרת שלמה אין שטאט אין שפיץ פון דער ראש ישיבה הגאון רבי שלום בער סאראצקין, עס פארמאגט איבער צוויי טאן זילבער וואס האט אפגעקאסט איבער צוויי מיליאן דאלאר און ריזיגע קוואנטומען פון גאלד.

אין די צייט וואס טויזנטער אידן קערן זיך צוריק פון פלארידע נאכן וויילן דארט אויף יום טוב פסח איז א דעלטא פליגער אין די ארלענדא לופטפעלד היינט אינדערפרי ארויף אין פלאמען, אלע פאסאזשירן זענען ב”ה עוועקואירט געווארן זיכערערהייט.

די אויסערן מיניסטעריום פון קאטאר האט ארויסגעשטעלט א שארפע סטעיטמענט צו פארדאמען א ווידעא וואס איז פאבריצירט געווארן דורך 'עי-איי' דורך א רעכטע אקטיוויסטן גרופע אין מדינת ישראל צו שטופן די מיינונג צו ארויפגיין אויף די הר הבית.

אין די דאזיגע ווידעא זעהט מען ווי די על-אקצא מעטשעט ווערט פארברענט און די בית המקדש השלישי קומט ארויף אנשטאט דעם.

ירושלים - אסרו חג איז ערשינען א בריוו אונטערגעשריבן דורך 26 שדכנים און שדכניות פון חצר הקודש גור פון אלע שטעט לענגאויס ארץ ישראל ווי זיי טוען מעלדן אז נאך א צאל זיצונגען מיט פראפעסיאנאלן און שדכנים האט מען באשלאסן צו ארויפרוקן די פרייז וואס וועט ווערן באצאלט פאר א שדכן נאכן אויספירן א שידוך פון 5,000 שקל איין זייט צו גאנצע 10,000 שקל, לויט ווי די שדכנים ערווענען איז פאר צוואנציג יאר צוריק שוין געווארן איינגעפירט אז יעדע זייט זאל באצאלן טויזנט דאלאר פאר א שדכן און די יעצטיגע ציפער פון צען טויזנט שקל איז די זעלבע ווערד לויט די יעצטיגע עקענאמיע.

די שדכנים שרייבן אז די לעצטע שידוכים סעזאן איז געווען גאר שוואך צוליב די צאל אקטיווע שדכנים וואס איז געווארן ווייניגער און די צאל אויסגעפירטע שידוכים וואס איז געווען גאר נידריג, מיט די נייע פרייז האפט מען צו אריינגעבן מער ענערגיע אין די שדכנים צו קענען אי"ה אויספירן פילע שידוכים און ברענגען פרישע שדכנים צום טיש.

די נייע פרייז וועט אריינגיין אין קראפט אנגעהויבן פון קומענדיגע ראש השנה תשפ"ו הבעל"ט און עס איז בלויז פאר בחורים און מיידלעך וואס זענען העכער די יארגאנג פון צוואנציג יאר, דערביי בעטן די שדכנים אז דער וואס קען זאל באצאלן דעם פרייז אויך פאר שידוכים פון יונגערע בחורים און מיידלעך צו מחזק זיין די שדכנים און אזוי אויך זאל מען פראבירן צו אנהייבן באצאלן די נייע געהעכערטע פרייז שוין פון איצט.

פענסעלוועניע - פארלאפענע ערב שביעי של פסח האט זיך די טעלעפאן אין די הויפטקווארטירן פון חברים פון אראנדזש קאונטי צוקלינגען ווען אויף די אנדערע זייט טרייבל איז געווען א פרוי וואס איז געווען היסטעריש און איבערגעגעבן אז זי האט פארלוירן א גאר טייערע צירונג שטיק אין די מיסט און געבעטן פאר הילף.

זי האט פארציילט אז איר פאמיליע געפונט זיך אין די ׳חי׳ לייפליין׳ קעמפ אין פענסילוועניע אויף חול המועד און ווייסט נישט וואס צו טוהן, זי האט דערביי געבעטן חברים וואס געפונט זיך איבער א שעה אוועק איר ארויסצוהעלפן, נאכן אנפרעגן אויב זי האט פראבירט זיך צו פארבינדן מיט די לאקאלע הילף ארגאניזאציעס און אנדערע אפציעס און נאכן זעהן אז עס איז נישט דא קיין אנדערע הילף אפציע האבן זיך א גרופע וואלונטירן ארויסגעלאזט אין וועג צו העלפן דעם פארלוירענע פרוי, טראץ די פארנומענע חול המועד און ערב יום טוב אומשטענדן.

אנקומענדיג דארט האבן די וואלונטירן אנגעהויבן אויסליידיגן די גרויסע מיסט קאסטן וואס איז געווען אנגעפילט מיט מיסט פון איבער גאנץ יום טוב, נאך עטליכע שעה פון שווערע ארבעט און דורכנישטערן זעקל ביי זעקל איז די טייערע צירונג שטיק אפגעפונען געווארן און צוריקגעקערט געווארן מיט גרויס פאר פרייד פאר די אייגענטומער.

נעפאל - שביעי של פסח שפעט ביינאכט האט דער חב"ד שליח אין קאטמאנדו ר׳ חזקי ליפשיץ מיט זיין פאמיליע זיך אויפגעוועקט פון יארמעליכע קולות, דערנאך וואס די ארבעטער אין די חב"ד הויז וואס האבן קוים מיט צוויי שעה בעפאר געענדיגט סערווירן די סעדות יום טוב פאר די הונדערטער געסט זענען געקומען צו לויפן מיט שרעק און דערציילט אז א פארשוין טאנצט אויפן דאך.

אריינגעקומענדיג אין די בית חב"ד האבן זיי געפונען א פארשוין אין די דרייסיגער יארן פון נארוועגיע וואס האט מיט א ווילדקייט וואנדאליזירט און צובראכן אלס וואס איז אים געווען פארנט פון די אויגן.

די פאליציי איז זאפארט אנקומען צום סצענע נאכן אלאמירט ווערן דורך די נישט אידישע ארבעטער און אריינגענומען דעם פארשוין אין ארעסט, זיי פארשן אויס אויב זיינע מאטיוון זענען געווען אנטיסעמיטיש פארבינדן און האבן דעריבער פארשטערקערט די וואך ארום די בית חב"ד, לויט ווי דער חב"ד שליח זאגט האט ער דורכאויס זיין 25 יאר וויילן אין נעפאל נאכנישט בייגעוואוינט אזא אינצידענט.

קראון הייטס - אידישע איינוואוינער אויף ברוקלין עוועניו און אויף קראון סטריט זענען פריער אריין אין פאניק ווען עס האט זיך געהערט קולות פון א רונדע קוילן וואס זענען געשאסן געווארן עטליכע מינוט פאר 9:00 אזייגער ביינאכט.

לויט די פאליציי האט דער שיסער געשאסן 4 אדער 5 קוילן אין ריכטונג פון א הויז אויפן גאס וואס לויט באריכטן וואוינט דארט איינע פון גרויסע פארברעכערישע באנדעס, זיי האבן באלד פארשלאסן די גאס און געפענט אן אויספארשונג.

לאנדאן - אן אייגנארטיגע קאמפיין לויפט דורך 'ערבים יו. קעי.',
ווי זיי רופן פאר נייע רעגיסטראציעס אויף א שארפע וועג, מיט פאשקעווילן נוסח ירושלים צו פארמיידן פון דארפן באהענגען די שטאט מיט געלט קאמפיינס אין פאל פון א טראגעדיע רח"ל.
די מארקעטינג איז דורך די בארימטע טאקטיק פירמע.

קאנאדע - דריי אידישע ביזנעסער אין דער שטאט טארנהיל אין די אונטעריא פראווינץ זענען דורכאויס פארלאפענע שבת שביעי של פסח איינגעבראכן געווארן, טראץ דעם וואס די פאליציי אויספארשער זאגן אז די אינצידענטן איז געווען פינאנציעל מאטיווירט זאגן אידישע געמיינדע פירער אז דאס זיך איינברעכן אין אידישע ביזנעסער טוהט אנזייען שרעק און כאאס ביי די לאקאלע אידישע געמיינדע.

איינע פון די געשעפטן וואס זענען איינגעבראכן געווארן איז די ׳מיי זיידי׳ס פיצא׳ געשעפט וואס איז אויפגעשטעלט געווארן מיט צענדליגע יארן צוריק און די געשעפט איז באקאנט צו זיין א נאסטאלגישע טייל פון די אידישע היסטאריע אין די געגנט, די אייניקל פון די גרינדער פרוי לאנטסמאן וואס איז די דעפיוטי פירער פון די קאנסערוואטיווע פארטיי אין קאנאדע, האט אנגערופן דער אינצידענט א שריט צו אפשרעקן די אידישע געמיינדע, זי זאגט אז די לאנד איז נישט צום דערקענען מיט די גרויסע אויפשטייג פון אנטיסעמיטישע אינצידענטן אין די לעצטע צייט און האט פארשפראכן אז אויב וועלן די קאנסערוואטיוון זיגן ביי די בעפארשטייענדע וואלן קומענדיגע וואך וועט דאס קומען צו אן אפשטעל.