صح جدًا ♥

ابنتي الغالية

كلما كبرتُ في العمر، أدركتُ أن النجاح ليس سرًّا خفيًا أو حيلة لا يعرفها أحد.
بل هو في الثبات على الأمور البسيطة المملّة التي يعرفها الجميع، لكن قلّة من يملكون الانضباط للقيام بها يومًا بعد يوم.

تعلّمي أن تُتقني المملّ… فهناك يكمن سرّ العظماء.

هنيئًا لها والله هنيئًا🤍
إنا لله وإنا إليه راجعون
سلمى الجميلة بقالها ٦ شهور بتحفظ معايا وبتحضر الحلقة ولا مرة غابت ولا مرة اتأخرت ولا مرة أخذت إعادة في الحفظ.. أتذكر تأخرها عن الحلقة أياما معدودة وكنت ببقى عارفة وقتها إن أكيد فيه أمر كبير أدى لتأخرها وكانت تيجي بعدها.. بكتير من الاعتذارات والأسف

سلمى كانت حامل وفي عز الحمل وهي تعبانة عمرها ما قالت أنا تعبانة مش هكمل.. بالعكس كانت دايما من أوائل الناس اللي بتحضر الحلقة وتيجي تسمع وتسأل هنسمع امتى وعاوزة تسمع.. دايما كانت عاوزة تسمع

كانت بتقولي متقلقيش يا مُعَلِّمَة أنا كل يوم براجع السورة من أولها مبعرفش أعدي يومي من غيرها.. كانت دايما بتحاول تجتهد عشانها وعشان تبقى قدوة حسنة لابنها... كانت بتقولي إن شاء الله احفظ ابني القرآن.. كانت متمسكة بالقرآن وتقولي أنا بسمع كل يوم قرآن وبراجع بصوت عالي عشان ابني يسمع القرآن وابدأ معاه من وهو لسه في بطني.. حبيبة قلبي الله يرحمها

قبل الولادة وهي منتظرة تولد في أي وقت كانت بتقعد تقولي: بالله يا مُعَلِّمَة عايزة أسرد السورة قبل ما أولد عشان مش ضامنة نفسي هرجع الحلقة ع طول ولا هبقى تعبانة..
اللهم بارك سردت سورة البقرة فعلا قبل ولادتها وكانت مبسوطة جدا ربنا يتقبل منها

بعد الولادة جت قالتلي وكانت مبسوطة الحمد لله وكان كل همها هترجع الحلقة امتى... كانت بتقول تعبانة لكن هتراجع مش هتسيب المراجعة.. ممكن بس تستنى على البدء في السورة الجديدة شوية عشان مش قادرة تركز..
حتى مش بتعتذر تقولي مش هقدر الاسبوع ده! .. لا سبحان الله

بعدها جت تسألني تعمل ايه عشان تمسك المصحف لأنها بتحب تقرأ من المصحف مش من الموبايل.. كانت بتتحرى كل حاجه بتعملها ربنا يتقبل
بعدها بكام يوم جالها نزيف في المخ من حيث لا تدري ربنا يجعل تعبها شفيع ليها

سلمى اللهم بارك ربنا كتب لها حفظ القرآن الكريم إن شاء الله زي ما كان نفسها وبتسعى لده

سلمى زي ما كنت بقول من قبل وفاتها إني بتعلم منها ف هي حقيقي علّمتني وبتعلم منها وهفضل أتعلم منها..

سلمى درس كبير لينا كلنا.. أهل القرآن مش بيُكتبوا عند ربنا من أهل القرآن بسهولة وهي اتكتبت من أهله بإذن الله لأنه كان أول أولوياتها ربنا يرحمها.. ربنا يرزقنا

الخبر كان شديد على الواحد مش عشان خايف عليها والله ربنا يتقبلها  من عباده الصالحين ويغفر لها
كان نفسها تشوفني وكان نفسي أشوفها بس ملناش نصيب في الدنيا أسأل الله أشوفها على خير وربنا يجمعني بييها في الفردوس الأعلى.. ربنا يصبر زوجها وأهلها وحبايبها ويبارك في ابنها ويحفظه

لا نقول إلا ما يُرضي ربنا إنا لله وإنا إليه راجعون
ادعولها.

-منقول